Ka Nupepa Kuokoa, Volume XLIII, Number 10, 10 March 1905 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, MARAKI 10, 1905.                              5

 

NUHOU KULOKO

Ua hookomo ae nei o Mr. Kahukula @@@ ka@a hoohiki ma ke ano he loio @@ @@ aha apana.

 

Na olelo ia ae i ka manawa e pau @@@a hana o ka Ahaolelo e holo ai ke K@@ana no Amerika no ka hoomaha ana no kekahi manawa loihi.

 

I ka Poakahi nei i hoolohe hou ai ka kumukanawai Federala Dole i ka hihia @@@ i ka hoohalahala a C. P. Iaukea @@ ke koho balota o ka Elele Lahui.

 

E noho ana ka Ahahui Euanelio o @@hu ma Kawaiahao ma ka hapamua @ ka malama o Aperila ae nei.  E hoomanao na hoa o ia aha no ia manawa e like me ka hoolaha a ke kakauolelo.

 

Ma ka auwina ia o ka Poalua i ma@@@@ ae ai ke Kiaaina he hui kuka ana me ka poe kuai waiona no ka noonoo @@@ i bila kanawai kupono no ia mea @@ he ia no ka waiho aku iloko o ka Ahaolelo.

 

Ma ka hooholo ana o ka Hale o na kanamakaainana e komite ka Hale no @@ noonoo ana i ka bila kanawai kala@@ ua noho ia Hale Komite i ka hora @@ o ke ahiahi o ka Poalua nei, a hookuu na hana i kauwahi o ke au@@@.

 

Ma na lono i loaa mai ua kaa ka ikaika o ka pauahi malalo o ka ikaika K@aaiahi o Kona poe a aole no e nele ka hua o ka hooikaika ana oiai eia ka bila o ke Kiaaina i hookomo aku nei @@ko o ka Ahaolelo a puka mai me na hoohalahala ole.

 

Ua loaa hou ae he he mano nui no ka Home o na Iʻa Ola ma Kapiolani Paka i ka Poalua nei a he kaaka pakeia ai aku keia mamua o ka mano mua.  Ua lohe aku oia nei mawaho ae o kahi o John Ena Waikiki a me ka upena ka hooheiia ana.

 

Ua konoia na makuahine mea keiki o hookahi makahiki a hiki e ka eha e hui @@ me na bebe alii, Keikialii Kalakaua ame ke Kaikamahinealii Kapiolani ma ka home o ke Kupunawahine Kuihelani ma Alanui Emma ma ka aha hoohauoli.  Hele pu ae na makua ame na kamaiki i ka la apopo.

 

Ua hooholo ae na kauka ame na mea @@@ akeakamai kamikala i ka make io o Mrs. Jane L. Stanford i ka laau-make, a ua pau loa ka pohihihi no ia ninau  me he la i ka wa kupono e komo mai ai ka mana oihana makai no ka huli a noii ana i ka mea nana ka hanai laau-make.

 

He leka ka i loaa mai kekahi mea i noho i Honolulu nei mamua a e noho nei i Arizona.  i hele makaikai hoi i Mekiko, e hoike mai ana i ka ike o J. R. Lewis ia W. H. Wright, puuku holo mahuka o ka Teritori, a ua ikeia oia ma ka inoa o J. K. Bruce.  Eia pu me ia kana wahine a he hana maikai hoi kana iloko o ka hui eli lua keleawe.  Ianei mua iho nei o J. R. Lewis ka mea i ike ia Wright kahi i noho hana ai iloko o ka hui alahao o Kilinihama.

 

Ua hoohalahala nui ae ka Lunamaakaainana Fernandez no ke paʻi ole ia o na bila olelo Hawaii oiai o na bila olelo Beritania wale no ka i hanaia pela a wahi a ke komite paʻi he hooemi lilo ke kumu o ka hanaia ana pela aka i ka uu ana mai o Lunamakaainana Harris o ka Apana Eha ua puehu liilii ae la ka lehu o kapuahi a o ke ko no hoi ia o ka hooikaika a ka hoa o Hamakua.

 

Iloko o ka hooikaika nui o ka Senatoa Hayselden o Lahaina no ka puka pono o kana bila waiu eia nae aole i nana ia aku a haule ana ka manaolana hooikaika o ka Senatoa.

 

HOONOHO PERESIDENA O AMERIKA.

WASINETONA, D.C., Maraki 5. - O ke aha hulahula hoonoho Peresidena oia ka oi o ka nani iloko o ka moolelo o Wasinetona.  Ua heleia aku e na lu@@ aupuni o na Mokuaina apau.  Ua kaawelu ae na hae ma ke kulanakauhale a ua hoowehiwehia na alanui.  Ua malamaia ae he paikau nui ana o na @@ Kumau ame na koa kuikawa.  Ua hoike ae na ahahui kiaiaina ame ua @@@ Kaulio i ko lakou hiehie nui.   I @@@@@@ iho ua malamaia ae ka aha hulahula ame ka hoolele @ahikao.  O kona iho ka papahana oia la:

 

11a.m. - Haalele o Peresidena Rusawela i ka Hale Keokeo, a ukaliia ana e ke komite Ahaolelo maluna o na Ha@@, a e alakaiia ana e ke Keena o Po@@@@ake, G.A.R..  ame kekahi mahele o na koa o ke Kaua o na Mokuaina @@@ Sepania.

 

11 a.m. - Hemo na puka o ke keena o ka Senata i na luna aupuni kiekie, na hopunapule ame na emebasoda no na Mokuaina Huliia.  Weheia ka hana o ke keena Senate no na makaikai i loaa na palapala kono.

 

11:@3 a.m. - Komo o Peresidena Rusawela iloko o Keena Senate a noho mamua iho o ke pakaukau o ka lunahoomalu.

 

12 awakea. - Kukaia ka Peresidena o ka manawa i ka hoppanee o ka Senate no ka wa mau loa, a hoohiki aku i ka Hope-Peresidena i kohoia.  Haawi o Mr. Fairbanks i kana haiolelo.

 

12:30 - Hele ke anaina hoolookoa no ka awai ma ke alo o ka aoao hikina, kahi hoi a Peresidena Rusawela e lawe ai i ka hoohiki a waiho mai i kana haiolelo.

 

2 p.m. - Hoi ka Peresidena no ka Hale Keokeo, a alakaiia ana e ka Pualikoa Kaulio ame ka mahele   A o ke kulanakauhale o Nu Ioka.  Mahope aku o keia ka paikau hookahakaha nui.

 

@:30 - Ka hoomalamalama ana i ke kulanakauhale ame na hana hoolele a@@kao ma ka Hale Keokeo.

 

5 p.m. - Hamama na puka o ka Hale Pension no ka hookipa ana i ka poe i ko@eia no ka aha hulahula hoonoho Peresidena.

 

9 p.m. - Weheia ka hulahula e Peresidena Rusawela.

 

Ma ke kuluaumoe e pau ai na hana

 

NA HANA O KA TERITORI MA WASINETONA.

@ keia malalo iho nei kekahi mau lono telegarapa i loaa mai ma Honolulu nei e pili ana no Hawaii nei.  O na lono mua malalo.  O ia na lono i loaa mai ka meakakau mai o ka nupepa Advertiser.

 

WASINETONA, D.C., Maraki 1 - IA KIAAINA GEORGE R. CARTER, Honolulu - Ua holo ka Bila Awa Kumoku iloko o ka Ahaolelo.  He eha haneri kaukani dala no ke awa o Honolulu.  pela pu no hoi me ke ana ana i ke awa o Hilo.      KUHIO.

 

WASINETONA, D.C.  Ua pau iho nei ka hana a ka Ahaolelo i ke aumoe me ka hooholo ana i na bila haawina.  Ua ku-e aku o Elele Kalanianaole i ka hoolilo ana ia Hawaii i kahua maʻi lepera.

 

WASINETONA, D.C., Feb. 11. - Ua ninauia aku o Elele Kalanianaole i keia auwina ia e hoike mai i na mea i hanaia no Hawaii maanei mai ka manawa i paniia ai na eke leta he elua ia i hala ae nei.  O kona noi ana mai no ia mai ka Hale mai kahi hoi ana i hoolohe ai i na paio ana maluna o na hana no ke Alawai o Panama.

 

"He wahi nee liilii wale no ko na pono o Hawaii i keia pule."  wahi ana i pane mai ai.  "Ua hoikeia aku me ke apono ana i kaʻu bila e pili ana i ke kohaia o ka Papa Lunakiai mai ke Komite mai o na Teritori.  Eia ua bila la maloko o ka malama ana a Lunamakaainana Spalding, o Dakota Akau.  Ua haʻi mai oia iaʻu ua manao oia e laweia ae ana i keia Poakahi ae.  Ua hele aku wau ia Lunahoomalu Cannon e pili ana i keia bila i keia kakahiaka.  O kana wale no i haʻi mai ai iaʻu e pono no e komo ae ua bila la e like me ka mau."

 

Penei ka heluhelu ana o ua bila la e like me ia i hoololiia ai e ke Komite:

 

E hooholoia e ka Senate ame ka Hale o na Lunamakaainana o na Mokuaina Huiia o Amerika ma ka Ahaolelo e noho nei o ka pauku kanalima-kumamaono o ke Kanawai o ka Ahaolelo o na Mokuaina Huiia o Amerika i kapaia.  "He Kanawai e hoonoho ana i Aupuni no ka Teritori o Hawaii," i aponoia i Aperila kanakolu, umi-kumamaiwa haneri, oia a ma keia, e hoololi ana ma ka pakui ana i keia "a o na luna aupuni apau olaila e hookohuia aku ma ka balota, e like me ka mea e ala mai ana, a ma ke ano e like me ia a ke kiaaina e waiho aku ai ame ka ahaolelo o ka Teritori.

 

Pauku 2.  O ka pauku kanawalu o ke Kanawai i hoike mua ia ae nei ma keia ke hoololiia nei ma ka hoohui ana aku i keia:  "Aka nae hoi, Aole kekahi mea iloko o keia pauku e hanaia e ku-e ana i ka mana a mau i haawiia e ka pauku kanalima-kumamaono o keia Kanawai e like hoi me ia e hoololiia nei iloko nei.

 

Pauku 3.  E mana no keia Kanawai a e lawelawela aku hoi mai a mahope o kona hooholoia ana.

 

E hoololi ana i ke poo a e heluheluia penei:  "He bila e hoololi ana i na pauku kanalima-kumamaono ame kanawalu o ke "Kanawai e hoonoho ana i aupuni Teritori no Hawaii."  i aponoia ma ka la kanakolu o Aperila, umi-kumamaiwa haneri.

 

Lanakila Hou na Kepani ma Manukuria.

(Mai ka aoao 1 mai.)

Aole he mau koa kumau hou aku o na Kepani.

 

DEN.  Mar. 7. - Eia kekahi mokukaua Rukini ke kiai nei i ke Kai Ula.

 

ST. PETERSBURG.  Mar. 7. - He hapa o na limahana o keia kulanakauhale i hoomaka hou ae nei i ka olohani.

 

AOLE KEKAHI MAU LAAU HAMO

e hiki ke hooia koke i ka moku a i ole pepe paha e like aku me ka Chamberlainʻs Pain Balm.  Aole no hoi he mau kokua kokoke e ae e hoopau koke ae ai i na ehaeha rumatika.  Aole no hoi he mau laau e ae e hiki ke komo loa aku a hoomama koke ae i na aha kukonukonu e like me ke kua haneenee ame ka eha ma ka umauma.  E hoao ae oe i keia laau hamo a e hookamaaina koke ae iaia a ike pono i kana mau hana hoola kamahao a e hiki mai ana no ka manawa au e haalele ole ai iaia.  Ke kuaiia nei ma na halekuai laau lapaau apau.  BENSON, SMITH & CO., LTD., na Agena ma Hawaii nei.

 

Ke au Iki ame ke au Ka.

He hana paakiki no ka hoe ana oiai e ko ikaika ana keau.  Ina no he mama ka waapa a oolea no hoi ka mea e hoe ana.  I keia ame kela une ana i ka hoe.  e emi liilii aku ana ka ikaika.  Ke hana ikaika nei na akemama i ka hoopiha ana i ke koko me ka ea.  E ikeia aku no na mea o kula i ka nee ae me ka malie.  Pii mai ka eha o na lime ame ke kua.   a emi pu mai ma ka manaolana.  O ke kanaka maʻi me ke akepaa piha i na mea ino, koko ino ame ka opu hoowali ai ino.  ua like ia me kekahi mea e hoe ana i kona waapa i ka wa a ke au e ko mai ana mamua pono o ka iho o kona waapa.  He mea walohia ka ike ana aku i kona hooikaika ana e loaa ke ola iaia.  I kona nana ana aku i ke aniani.  e hoikeia mai no kona mau helehelena haikea a na waliwali.  me na papalina hooma ame na maka poopoo.  a ua pau hoi ka uwila o kona mau maka.   a ma na ano apau.   e hoike mai ana ua loaa ia oia i ka hokii.  He mea pono oia e haawiia i kekahi mau lawelawe lapaau maikai ana.  eia nae, aohe e lanakila kela manao ino no e mau no ka hilinai i na hana o ke au kahiko.  O no hoola hilinai a oiaio i puka mai ka lawe ana i ka

WAMPOLES PREPARATIONS

i hanaia mai loko mai o na mea hooia a hoonoono ai o ka Aila Cod Maemae.  i huiia me ke Compound Syrup of Hypophosphites ame ka Extracts of Malt ame Wild Cherry.  He momona ka hoopa ana iho, e like me ka hone a ka meli.  a he laau hoi i heluia ma ka papa ekahi o na laau no na ano maʻi emi pu wale mai o ke kino.  Nana e hoeueu na hana a na mikini like ole o ke kino.  hoomaemae i ke koko, hoonoono i ka ai.  a kukulu hou i ke kino holookoa.  He laau maikai loa keia no ka poe i loaa i ka Haalulu, La Garipa, na E@ o ka Opu.  Puu ame puupaa.  a pela wale aku, a ua nui na hooia maikai no keia mau mea.  Wahi a Kauka E. J. Foxes:"  No kekahi wa pokole i hai ae nei ua pii ae na paona o kekahi maʻi he iwakalua maluna o kona kaumaha mau a o keia kana laau i lawe ai."  Mai loko mai o ka nohona ehaeha o ka maʻi.  e loaa ana no ke ola maikai a oolea ke kino.  E lawe i hookahi omole, a e ikeia no ka pololei.  Loaa ka pono ma ka lawe ana i ke kulu mua.  E hoao a nana.  "Aohe oe e hoohokaia."

 

Ke kuaiia nei e na mea kuai laau lapaau a puni ke ao holookoa.

 

KA MOOLELO O KEKAHI KANAKA.

I HAIIA E KAKAHI O HONOLULU NEI NO KA LEHULEHU.

O ka mea ano nui e loaa ana ma keia moolelo, ua pili no ia i kekahi kupa o Honolulu nei.  Malia paha, emi mai kona waiwai nui ma ka ekolu hapaha ina o ka mea nona ka moolelo.  E hui pu ia me ko kekahi mau kamaaina o kahi mau kulanakauhale Kalamazoo, Mich., a i ole o Woomsocket, R. I.   E like me na hooiaio o na kamaaina, na kupa ame na oiwi ponoi o ka aina nei pela ka oiaio i puka mai ai mai ka laau lapaau Old Quaker, Doanʻs Backache Kidney Pills.  Aohe laau e liki me ia ma ka hoola i na eha.

 

Eia ka Mrs. Emma Vierra, (he kamaaina o keia kulanakauhale) pane:

 

He mau makahiki ekolu a eha i hala ae ua hoonawaliwali mau ia au no ka maopopo i kona ano ma ka wehewehe ana mamua o ka ike io i kana hoehaeha.

 

A he ano hiki ole iaʻu paakiki ke nana aku i kaʻu mau keiki a i elua.  O ka mea wale no oʻu i kanahai mai ai a oluolu loa mahope mai a hiki i keia manawa oia no kuu lawe ana i ka laau Doanʻs Backache Kidney Pills ma ka Halekuai Laau o Hollister Ma.  Ua nui ka pomaikai i loaa iaʻu a ke hooiaio aku nei au i ka poe i loohia i ke kuananeenee e lawe i keia laau Doanʻs Backache Kidney Pills. 

 

He 50 keneta wale no ke kumukuai no ka pahu hookahi a he eono pahu no $2.50.  a e loaa no ma ka halekuai o Hollister Ma, keia kulanakauhale a o lakou no hoi na agena no keia Paeaina Hawaii.

 

E hoomana i na huaale a Doans a e waiho i ka haʻi.

 

He Ili Nani Lima Aiaʻi

: :  ME KA : :

LAUOHO ULIULI.

KA HUA O KE

KOPA CUTIKURA

 

HE MILIONA A OI ka nui o na wahine e auau mau nei me keia KOPA CUTICURA no ka malama ana, e hoomaemae ana, a no ka hoonani ana i ko lakou ili.  i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoaʻiaʻi a me ka hoouʻiuʻi ana i ka ili o na wahi i hele a manoanoa i ka hooikaika i ka hana.  e like me na lima, a pela no hoi e hoopau ai i na eha.  ma ka holoi ana i na wahi eha me keia kopa, i ole oi e like i ka aai me ka welawela;  i ole no hoi e hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi.  a i na wahine no apau; a he kupuno loa no hoi keia kopa no na wahi auau a pau.  O ka poe i ikemaka i ka @@aikai o keia kopa, aole loa lakou e ae iki ana e hoao i kekahi kopa okoa aku ke koiia mai; ina no e oleloia ana.  he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPE CUTIKURA mailoko mai hoi o kela laau hoola ikaika loa i kapaia.  KUTICURA.  oia ka laau ikaika loa ma ka hoola ana i na popilikia a pau e pili ana i na mea i ka loa i ka pale ana i na mea ino.  a he loaa no hoi ke ala maikai o na puailoko o keia kopa.  Aole loa e hiki ke hoohali keia mai kekahi ano kopa e ae i hoohuihuiia e ke akamai o kanaka me keia kopa.  ma kana mau hana malama hoola a me ka houʻiuʻi ana i ka ili, a pela aku.  Pela hoi i ka ili o ke poo, ka lauoho a me na wahi e ae

 

Aole no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihola i lilo ai ka waiwai o no kopa a pai i HOOKAHI no ke KUMUKUAI hoo@@@ a he Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a puni ke ao nei.

 

NO KA HOOLA LOA ANA I NA ANO PEHU A POHAKA PALAHI MA NA WAHI A PUNI KE KONO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili.  a pela hoi ke poo.  i pau ai ke kepia a me ka papaa piele, alaila.  e hooma-u i kahi eha ma ka Alia Hamo CUTICURA i mama ae ai ka akiaki ana i ka huʻi a me ke ehaeha.   a pela hoi e hoohana ai ka laau i kana hana a oia ka eha.  alaila, e ini ka Laau Inu CUTIKURA i mea e maemae ai ke koko maloko.  Ke kualia no keia laau ma na wahi a pau o ka honua nei.  Ma Aukekulia:  o R. Town & Co. o Sydney, N.S.W. ko laila Agena: ma Aferika Hema Depot:  Leonoa, Ltd. Na "Hoakaaka no ka Hoola ana i na Bebe a me ko lakou mau ki naunau."  he loaa wale no me ke kuai ola.

 

Holo ka Bila Pauahilo Kona i ka Senate.

(Mai ka aoao 1 mai)

e hana ana i na hana Aupuni a i elima hora hana o ka Poaono, a heluheluia ma ka poo.

 

Ka Kaniho he bila no ka nana ana.  ka hoao ana ka hoahu ana ame ke kuai ana i ka aila petroleuma.

 

Na Harris he bila no ka hoonoho ana i hope puuku.  Nana no he bila e hooponopono ana i na hui mana haiki.

 

Ninau o Pulaa heaha ia ke kumu i paʻi ole ia ai no kanawai i hooholoia mai ka Ahaolelo mai o 1901 a hiki i 1903 ma ka olelo Hawaii a e waihoia aku ana keia mea i ke Kakauolelo.

 

Hooholoia ka olelo hooholo a Harris e pili ana i ka haawi ana i na kope o na Kanawai Hooponoponoia o Hawaii nei i na lala o ke Komisina hana kanawai.

 

Ua heluhelu ekolu ia ka Andrade bila e pili ana e na koina o na aha a hoihoi hou ia.

 

Me ke noi a Long ua noonoo hou ia ka bila i hoohoioia ma ka Poalima (La Hana 14) e pili ana i ka waiho bona ana o na poe e hoohalahala ana a e nolia aku ana ka Senate e hoihoi hou mai.  Hoopaneeia ka Hale a kekahi la hana ae.

 

KA SENATE.

 

La Hana 16, Maraki 6. - Ma ka manawa i wehe ae ai ka Aha a mahope o ka pau ana o na hana mau ua waiho mai ia o Dickey i kana hoike o ke komite kuikawa no ka bila senate 12 pili i ka hoomoe alahao apuni o Oahu.  e hooaiai ana ke komite e wahoia ka bila ma ka papa a ina kana noi no e waihoia ka hoike ma ka papa, a mamua o ke hooholoia ana o ke noi a Dickey ua hoohalahala loa mai o McCandless ka makuakane o ka bila e olelo ana e kiolaia ka hoike, aka ua puka no ka Dickey noi a waihoia ma ka papa.

 

Na Dowsett i hookomo mai i olelo hooholo e noi ana e haawi hou ia aku i ke komite hui kalana i umi ia no ka noonoo ana i ka bila kalana ame na bila e ae apau i pili ia kumuhana oiai ua pau na la he umi i haawiia no lakou e hana ai aole nae i pau ka hana.

 

I ka manawa i noho ae ai ka Aha ua hoole aku ka Senate i ka hoihoi hou ana i ka bila o ka Hale o na Lunamakaainana oia ka bila 74, oia hoi, ka bila i hooholoia no ka hapaiia no ka noonoo hou:  ana a i ka wa i noonooia ai e ka Senate ua hooholoia ma ka heluhelu ekahi ana ma ke poo.

 

Mahope o ka hoike komite hookolokolo a Achi pili i ka bila Parisa no ka hookohu ana o na lunakanawai aha apana, ua hapaiia mai na hana o ka la oia ka heluhlu ekolu ana o kekahi mau bila.

 

Noonooia ka bila Senate 73 pili i ka haawina o $2,000 no ka pauahi nui o Kona a hooholoia ma ka heluhelu ekolu ana me ka loaa ole o na hoohalahala:  a o ka bila hoi a Dickey pili i na paka ua waihoia ka hooholo ana a ka manawa kupono mamuli o ke noi a Woods.

 

O ka bila Senate 46 ua hooholoia ma ka heluhelu ekolu ana me ka hoohalahala ole a o ka bila Senate Helu 7 ua waihoia i ke komite hookolukolu ma kona heluhelu eluaia ana.  a pela no hoi ka bila Hale 28 ua hele aku ma ia alanui hookahi ma kona heluhelu elua ia ana.

 

O ka bila Hale 32 pili i ka hoeueu hanalima ua waihoia i ke komite aina aupuni a o ka bila Hale 74 ua waihoia i ke komite hooponopono ma kona heluhelu elua ana a o ka bila Hale 78 ua waihoia i ke komite hookolokolo.  A o ka bila Senate 58 pili i ka paʻi ana o na olelo hooholo o ka aha hookolokolo apana Federala ua hooholoia ma ka heluhelu elua ana.  a o ka bila Senate 67 no ka hookohu ana o ka papa komikina o na moolelo aupuni ua waihoia i ke komite hookolokolo ma kona heluhelu elua ana.

 

O ka bila senate 72 ua waihoia i ke komite hoonaauao ma kona heluhelu elua ana a pela no hoi ka bila 71 i waihoia ai i ke komite aina aupuni.  O ka bila senate 68 pili i ka hookohu komikina maʻi lepera ua waihoia i ke komite ola ma kona heluhelu elua ana a o ka bila senate 70 ua waihoia i ke komite o na loaa me na ala ma kona heluhelu elua ana a pela no hoi ka bila senate 69 i waihoia ai ia komite hookahi.  a o ka bila senate 64 i pili i ka aeahaukae ua heluheluia ma na pauku a hooholoia ma ka heluhelu elua ana.  a hoopanee no hoi ka Aha a noho hou i kahi la ae.

 

KA HALE.

La Hana 16. Maraki 6. - Ma ka noho ana ae o ka Hale a pau kona mau hana kumau ua waihoia mai la ka hoike komite kalana e noi ana i manawa hou a ma ka noonoo ana o ka Hale ua hooleia a kauohaia na pepa apau e waiho aku i ka Hale.

 

Na Mahelona he olelo hooholo pili i ka noii ana i na dala e loaa nei i na kakauolelo aha hookolokolo mawaho ae o ko lakou mau uku hana mau, oia hoi.  e waihoia ia hana iloko o ke komite waiwai, a na Andrade he hoohalahala no ia mea eia nae ua hooholoia no ka olelo hooholo.

 

Ma ka manawa i hoomaha ai ka Hale e noho hou i ka auwina la ua hookohuia aku o Harris, Pali ame Sheldon i komite no ke kumuhana i hooholo koke ia iho ai, a o ka bila a Smith pili i ka laikini o $5.00 no ka uhai holoholona.  ua kapaeia ma ka hooholo ana o 16 ia 14.

 

Ua hapai hou ia mai ka bila a Kaniho pili i ka punuku ana i na luna papa ola a waiho hou ia no kahi manawa e noonoo ai.  O ka bila Hale 73 pili i na palapala o na aha  hookolokolo, a ma ka noonoo ana ua hooholoia ma ka heluhelu ekolu ana, he 23 ku-e la 7 wale no.

 

A pela no ka bila Hale a Smith pili no i na aha hookolokolo ua hooholoia ma ka 26 ku-e ia 4 wale no:  a o ka bila a Smith pili i ka uhai holoholona me ka pu ua hapai hou ia mai no ka noonoo ana a haule no hoi ka bila ma ka 16 kue la 13.

 

O ka bila Hale a Long pili i ka hoohanohano mau ana i ka hae Amerika, oia hoi e hoolakoia na kula aupuni ame na aha hookolokolo me na hae o la ano a e kauia ma na wa e noho hana ai ia mau iaia o ke aupuni a hooholoia no hoi ka bila ma ka heluhelu ekolu ana:  a o ka bila senate pili i ka haawina o 1@,000 no ka pauahi o Kona ua heluhelu ekahiia ma ka hoea ana aku i ka Hale.

 

Na Coelho i waiho mai he mau noi ekolu p@@@ i ka uku o na @koionero maluna o kekahi mau hihia iloko o Molokai a aole i ukuia he mau hana hoi maluna o J. P. Miau i make ame kulamaunole (w) i make ame Kalepa ame ke noi a Coelho ua waihoia i ke komite makai.

 

A na Kaniho he palapala noi mai ko Honolulu poe ae pili i ka hoopololei ana i ke kanawai hookaawale maʻi lepera a waihoia ke noi i ke komite ola.

 

Na ke komite hoonaauao mai he hoike pili i ka hooaiai i haawina o @@@@ no ka pakui ana i ka halekula o Makapala.  a i $3,000 no ka halekuia o ekolu lumikula me ona halenoho o ke kumukuia no Papaa, Kauai, a na ia komite hookahi no he hoike @ooaiai i haawina o $@00 no ke kula o Milolii.

 

Na ke komite aina aupuni he hoike hooaiai e hoike ana i ka hookohu ana aku o ka Lunanui o na Hana Hou ia R. C. A. Peterson, Mrs. E. Nakuina ame R. H. Trent i mau komikina imi waiwaiio o ka wai o Kalihi.  a na la komite hookahi no he hoike lokahi maluna o ka haawina o $20,000 no ka hooloihi ana i ke alanui Kalihi a komo loa iloko o ke awawa a i $40,000 no ke alanui hou o Pauoa.

 

Na ka Loio Aupuni mai he hoike pili i na hoolilo o kona keena no eono mahina o 1904 nona ka huina o $@012,.88:  a a Lewis i hookomo bila pili i ka hoolilo i na aina o Makaoku ame Mokuola i wahi hoomaha a hooluolu.   a na Holstein he bila e pakui ana i na Kanawai Hooponoponoia pili i ka uhai holoholona.  a na Long he bila pili o ka ohi uku hoolimalima.  a a Andrade he bila pili i na kuleana lawaiʻa a he bila na Broad pili i ka auhau o - pa-keneia no ka makahiki maluna o na hana akami, kalepa a hanalima ame na mea like e loaa ana ka loaa komo mai i ka $2,000, a hoopanee no hoi ka Hale a noho hou i kahi la ae.

 

I NA MAKAAINANA MAI HAWAII O KEAWE A KAUAI O MANO E HALIU IKI MAI.

HE UIUI KEIA.  HE NINAU.

(1)  He makemake anei oukou i ke Kanawai Kalana, me na luna aupuni Kalana hou, a me na auhau hou mawaho ae o na auhau kumau e uku mau ia nei i mea e hiki ai ke uku ia ua mau luna aupuni kalana hou nei?  Oia ke Kanawai Kalana a ke Komisina hana Kanawai Kalana.

 

A i ole ia.

 

(2)  E na ana anei ke kolikoi a ko oukou mau puuwai aloha aina ina a hooholoia i kanawai e haawi ana i ka makaainana ka mana e koho i keia mau luna aupuni malalo iho nei:  Makai Nui na Hope Makai Nui, Lunakanawai, Luna Auhau ame na hope Luna Auhau, Luna Alanui Nui ame na Hope Luna Alanui ame kekahi mau luna aupuni e ae.   A e mau no ko lakou mau uku e like me ia i na wa i hala ae nei.  A aole e auhau hou ia na makaainana?  Oia ke Kanawai a Senatoa Achi.

 

Ua kupee ia ko oukou mau wahaolelo maloko o ka Ahaolelo malalo o ke kahua kalaiaina.  no ke Kanawai Kalana.  a ina e hookoia aku ana pela e kau aku ana ia i ka haawe kaumaha o ka auhau maluna o na makaainana.

 

E hoouna mai i ka oukou mau palapala hoopii i kakauinoa ia.  ina no ka ninau elua paha, pela e paa ai na wahaolelo o ka lahui malalo o ke kupee a i ole.  hookuu ia ae paha mai ke kupee ia ana.

            MOSES K. NAKUINA, Lunamakaainana o ka Apana Koho Ekolu, Mokupuni o Molokai.

 

I ka Poalua nei i hoahewaia ai o Frank Turk no ka hewa piliwaiwai lotare a hoopaʻila e ka Lunakanawai Whitney i ka uku hoopaʻi o umi a-ia me na koina.

 

NANA ANA AOHE AUHAU

Na Kauka Huki Niho Noeau.

He hanaia ka hana me na Auhau haahaa loa.

            F. L. FERGUSON, Lunahoohana.

Helu 215 Alanui Hotele, mamua iho o Young Building.

 

. O  KE.

Koko Ino ka mea e loaa ai na Pilikia ma ke Kino.

E Heluhelu i keia mau Manao.

O KA LAAU AYERʻS SARSPARILLA - ka laau nana e hookawale na maʻi ino mai kou koko aku.  He laau hoonoonoo ai, a he laau e hooikaika ana i kou mau lala apau.  O ka Laau Ayerʻs Sarsparilla ka laau kaulana loa a puni ke ao holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae.  hoi hou mai ka ula o kou mai lehelehe.  puʻipuʻi maikai kou mau papalina.  a loaa ke kuiana oia kino maikai.

 

He loaa na puʻu paa o ke kino i ka laau Ayerʻs Sarsparilla.  e hoopakele ana mai ka maʻi puu paa (Brights Disease ame na maʻi oia ano.  Ke ko ikaika aku nei makou e lawe ia keia ano laau ma kahi i ike ia na maʻi Pu paa apau.

 

Hoomakaikau ia e Kauka J. C. Ayers & Company, Lowell, Mass., U.S.A.

E loaa no keia mau Huaale ma na hale kuai laau apau.

 

Na Aalolo Nawaliwali.

NA HOOPILIKIA EHAEHA NUI WALE I WAIHOIA IHO E KE GRIPA.

UA HHOLAIA MAI KA WAHINE I NOHO MAʻI MAU NO KEKAHI MAU MAKAHIKI ME KA NAWALIWALI NUI.

I ka wa e umi-kumamaha ana o kona mau makahiki i loaa ai ia Mrs. Ida L. Brown ka maʻi nawaliwali.  Mahope mai ua loaa iaia ka maha mai ka nawaliwali ae aku o ka mau nana i hoomailo mau aku i kona kino ola ke ano haalulu mau iloko o kona kino.  a o keia malalo iho nei kana mau hoakaka no ia mau mea.

 

ʻO kekahi lima oʻu ame kekahi hapa o kuu helehelena nei ame kekahi hapa o kuu alelo e loaa mau ana i ke ano ame ka manene ike ole i ka eha.  O keia mau ano ke loaa mai iaʻu aia ma kahi o umi minute e hana ai i kana hapa mamua o kona haalele ana mai ala he mau manawa no hoi ke hiki mai iloko o ka ia hookahi.  Mawaho ae o keia ola no ke kapalili mau o kuu puuwai o ka ikaika kino keia e emi mai ana e hiki pono ole ai iaʻu ke hanu pono.  A i ka manawa e hiki mai ai keia mau maʻi maluna oʻu e emi mau aku ana no hoi ka ikaika o kuu kino a o ka manene ike ole i ka eha ka halii loa la a aneane e holopuni iloko o kekahi hapa o kuu kino."

 

"A pehea i pau ai keia mau maʻi mai ia oe aku."  wahi a ka ninau i uila aku ai.

 

"I koʻu nana iho me he la aole e ola ana no ka nui loa o na makahiki i hoohalaia iloko o keia maʻi.  Aole no hoi i oi aku maluna o ka eono makahiki i loaa ai iaʻu o ka laau i loaa ai iaʻu ka maha a loaa ia iaʻu ka pono no kuu ola.  a oia no hoi na huaale akala a Kauka Williams no ka Pu@ H@ik@a.  ua huaale i hooia mai ai iaʻu mau keia pilikia nui oʻu."

 

"He loihi anei kau ai ana ka laau a loaa ai ke ola ia oe."  wahi hou a @@ ninau.

 

"Aole.  Aole i pau loa ke poho huaale mua aʻu i ai ai a o koʻu ike koke mai la no ia i ka maikai mai oʻu.  A o ko@@ hoomau aku la no hoi ia i ka ai @@@ a pii mau ae la no hoi koʻu maikai a hiki i ka pau ana o ewalu poho laau @ u a ike maopopo loa iho la wau i koʻu ola maoli.  a oia au e noho ola maikai la a hiki wale i keia manawa a koe n@@ hookahi mea."

 

"A heaha la?"  wahi hou a ka ninau.

 

"O. oia ka wa aʻu i loaa ai i ke gripa.  I kuu wa i maʻi ai ma kahi moe kahi i waiho ai au malalo o ka lapaau ana o ke kauka no elua pula.  I ka wa oʻu i ala mai ai mai kahi moe mai he m@a e koʻu loaa ikaika i ka poniuniu.  He mea pono iaʻu e pua aku ma kekahi wahi a ina aole e kulana aku no wau a nina ilalo.  Ua hele mai ia wau e uluhua no ka nui nawaliwali a hiki i koʻu ike ana i ka loaa ole iaʻu o na kokua mai na kanaka mai alaila hoomaka iho ia wau e lawe i na huaale akala a Kauka Williams no na Poe Haikea.  a iloko o ka wa pokole ua loaa mai ia iaʻu ka maha a mai ia manawa mai koʻu loaa ole hou ana i ka poniuniu."

 

O Mrs. Brown aia i ka Helu @@@ o ke alanui DeWitt, Mattoon, Illinois.  Aohe mea like me na huaale akala a Kauka Williams no ka Poe Haikea ma ka hoola hikiwawe a hoola loa i na maʻi haalulu a nawaliwali.  He mana ko keia mau huaale e kipaku ai a hoopau i ke ano nawaliwali koena mahope iho o ke ola ana mai ke maʻi gripa mai ola hoi ka fiva haʻihaʻi iwi.

 

E loaa no keia ano huaale iloko o na halekuai laau lapaau apau.

 

Hoi Hou ka Nani o Lahainaluna i Hala.

(Mai ka aoao 1 mai.)

E hapai i ahaaina nui komohale, a hoio mai no Lahainaluna pilikia ole.  e ke hou ia Lahainaluna Nani, i ike hou i ka nani o o na apana aina mahikalo a kakou i ai ai i ka poi momona a @po i haalele loa la no 20 makahiki i hala.  aka, i keia la ua hoala hou i kona mau kupuna.  a kolili mua nei ka wai iloko o na loi he @@ i kanuia, alaila,

 

Pau ke kula ka hoike.

Pau ka luhi o makou,

Hoi aku no kekahi.

Ma ka aina ma ke kai.

Moku mahu, moku maoli.

Moku holo a mama.

Iubirata, Iubirata.

Iubirata no kakou.

Iubirata, Iubirata

Iubirata no kakou.

 

            Na Rev. L. @@lana i haku -

Ua lawa keia me na makamaka heluhelu ke aloha ame na keiki o kou papapaʻi.

            HAUMANA LAHAINALUNA.

Lahaina, Maui.

 

HOOLAHA KOMISINA.

HOOLAHA A KE KOMISINA O NA PALENA AINA, APANA KAAPUNI ELIMA, TERITORI O HAWAII

Oiai ua waihoia mai ke noi e A. S. Wilcox no ka hoohoio ina a@@ ame ka hooiaia ana i na palena o ke Ahupuaa o Kalihi-kai ame Kalihi-wai, Apana o Halelea, Mokupuni o Kauai.  e ke Komisina i oleloia:

 

Ke haawiia aku nei ka hoolaha i na poe kuleana o na aina e pili kokoke ana ame ka poe apau i kuleana iloko olaila, o ka Poalima, ka la umi-kumamaha o Aperila, 1906.  ma ka hora 10 a.m. ma ka Hale Hookolokolo o ka Aha Hookolokolo Kaapuni, ma Lihue, Kauai, e hooloheia ai ke nui i oleloia.

 

Ke kauohaia nei o ka hoolaha maluna ae e hoolahaia ma ka olelo Beritania iloko o ka "Hawaiian Gazette" a ma ka olelo Hawaii, iloko o ka "Nupepa Kuokoa" no na pule neepapa ekolu.

            J. HARDY.

Komisina o na Palena Aina, Apana Kaapuni Elima, T. H.

Lihue, Februari 25, 1905.

M37 - Mch. 3 10, 17, 24.