Ka Nupepa Kuokoa, Volume XLIII, Number 41, 13 October 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, OKATOBA 13, 1905     3

NA WARENA

---OPIO---

ILOKO O KA ENAENA O KA

LUKUWALE.

He Moolelo o ka Lukuwale Ana ia o na Pele-

kane ma Inia.

MOKUNA XVI.

"A UWE IO NO OE IA OE E HAUPU AI UA MAKE WAU?"

"O Dike Warena la," wahi a Mrs. Hagariwa i hooho leo nui ae ai.  O oo ia anei ia?  Ke hoomaikai nui nei wau i ke Akua no keia hoohui hou ana.  A o kou kaikuaana?"

"Oia no kahi i pakele," wahi a Dike.

Me ka olioli nui  o Mrs. Hagariwa i apo mai ai i ka Opio Dike a honi iho la ma ka papalina me he keiki ponoi la a hu ae la kona aloha i ka make o kana kane Mr. Hagariwa, ame na popilikia i maalo ae a lakou pu i hoomanawanui ai i ka wa hoi i pauaho ole ai na kokua mau ana o na mau opio la.  Ua hai pu mai no hoi na kaikamahine o Nele ame Eda iloko o keia hui aloha ana me ka paa ole o na waimaka e hiiolo ana maluna o na papalina lahilahi, a noho hamau iho la lakou apau no kekahi manawa.

"Makemake ole au ia oe e Dike," wahi a Nele i pane ae ai iaia i holoi ae ai i na waimaka ma kona mau papalina me na minoaka pu "no ka manaoio hoopuiwa a pilihua i loaa ia makou no kou make, oiai nae no oe e ola ana no, me ke ola maikai.  Aka, no'u iho aole loa wau i manaoio i kou make.  He olelo mau wau a he pinepine no hoi na manawa a'u i olelo ai aole oe i make; aole anei pela e mama?  oiai nae o na keko apau he pakele mau lakou mai na kuai a mai na pilikia e ae no hoi apau."

A minoaka wale iho la no ka makuahine, me ka pane pu ana mai:

"Aole au i manao pela ke ala pololei e pane ai, e Nele, aka, ma kekahi ano, e kau like no ia mawaena ou ame kou uwe mau ana i na wa ou e hoopuka mau ai aole laua i make."  "Ano e kuu keiki maikai." wahi a Mrs. Hagariwa i pane ae ia Dike, "e hoike mai oe i na anoai a olua i alo ai ame na hana mana i pakele ai olua mai ka make mai."

Alaila noho malie iho la lakou apau no ka hoolohe ana i ka moolelo walohia o na Warena Opio, a hiki no hoi i ka panina ua nui loa ka mahalo o na wahine, me ka hoomaopopo nui i ka wiwoole o laua me ka loaa o na noonoohoohana i na hana e pakele ai iloko o ka wa o ka popilikia i maopopo e kau mai ana ame ka malu no hoi na noonoo a hui mai la ko Eda aloha no Nede Warena a na ka waimaka no e helelei, a no ka hiki ole iaia ke uumi ua ku koke ae la oia iluna a hoi aku la iloko o ka rumimoe a ukali pu aku la ka makuahine hagariwa mahope ona.

"Pehea, e Nele, ua nuio na mea a'u i ike ai mai ka manawa a'u i hui ai me oe, aole anei pela?" wahi a Dike i pane aku ai i ka wahine opio mahope iho o ka hala ana aku o Eda ame ka makuahine o laua.

"Ae, a he keiki wiwoole pu no oe e Dike," wahi a ke kaikamahine

"A he keko pu no hoi wau, ei?" i hoomakeaka aku ai o Dike.

"A uwe io no oe ia oe e haupu ai na make wau?" wahi a Dike i pane hawanawana hou aku ai me ka leo nahenahe.

"Ae," wahi a ke kaikamahine me ka ulupuni ana ae o kona helehelena i k aula o ka u'i nohea; "he uwe maju no wau i ka wa e nalowale ai ka'u mau hanaiahuhu.  Aia he wahi ilio-bebe na'u a'u i---"

"A owai kau keko o keia manawa?" wahi a Dike i kahamaha ae ai me na minoaka maluna o kona helehelena.

"Owau no ke keko," wahi a Nele i pane ae ai me na olelo oluolu, "ua ike no oe e Dike i ka hiki ole ia'u ke alo ae i ke kolohe hoomakeaka mau ana ia oe."

"Mai  kanalua oe no ia mea o Nele," wahi a Dike, "o ko'u makemake pu no ia.  Makemake mau wau e paani mau ia mai e oe iloko o ko'u ola ana."

"Hikki no, a ae no wau," wahi a Nele i pane aku ai mahope o ka hamau iki ana me ka pii pu ana ae o ka ula o kona papalina, "ina e hoomau no oe i ke ano o kou ola ana e like no me keia au e noho nei, keia ano kolohe a hoomakeaka mau no ou.  Aka aole anei ou hoomaopopo e Dike wiwoole, aia he manawa e loli ai ke ola ana o ke kanaka a pela no hoi oe e loli ai i ka wa e hiki mai ana a malia ia manawa he kanaka ano nui loa oe iloko o ka oihana kaua moana."

"Aka oia no ko'u manao e Nele o ka olioli nui i ke kolohe  a paani mau ia mai e oe aole no ka wa hookahi aka no ka mau loa," wahi a Dike i hawanawana hou aku ai.  Eia nae, e-----"

Ma keia manawa ua pahupu ae la ka olelo a ka opio kane oiai ua komo koke hou mai la o Mrs. Hagariwa a ia wa hookahi no i ku ae ai o Dike a me ka pane pu ana ae i ka hala loa o kona manawa a he mea pono iaia e hoi aku.  "He manawa kupono keia no'u e hoi ai i hiki ai au i ka wa kupono."

"Aloha nui e Dike," wahi a Nele i pane ae ai, "me ka lululima pu ana, "aka, olioli nui no wau e ike ia oe ina he manawa kou e hele mai ai i ka la apopo."

A ia manawa no hoi i komo mai ai o Eda a hookahi ke aloha pu ana i ke kanaka opio me ka makuahine pu a hulihoi aku la no hoi ka Lukanela Dike.

MOKUNA XVII.

KAAWALE ME NA WAMAKA.

Ma ka lanakila ana o na Pelekane ua hoohala @le iho ia o generala Nui Kolina i kana hana a o ka mea ana i hooholo ai oia no ka hookaawale ana i nawahine ame na kamalii ame ka poe kaua ole mai ke kahua a lakou i noho ai iloko o ka piliaiku a e hoi aku lakou no enelani ina he mea hiki ke hana pela.  Aole nae oia i hoike ae i ka wa mua oiai wahi a o kona noonoo e pono e lohe ole na Inia no keia hana,m a e hoolei poka aku no na Pelekane i mea no lakou e noonoo ai aole he hana o ia ano e lawelaweia ana a ia manawa hookahi no i hoonee ai i na ohana Pelekane.

Ma ka hoi ana aku o Dike mai kana huakai ike makamaka ana mai ia Mrs. Hagariwa ma, ua lohe iho la oia i keia nuhou oiai ua hoikeia ae la iwaena wale no o lakou aliikoa i loaa like aku ai na ike i na koa pu i ole ai lakou e hoohewahewa ma ka hooka hana nua me ka paa o na manao aole e hoolahaia.  A ua lilo no hoi ia mea hou  i mea ano nui a ua nui ka olioli no ka mea oia ka pakela ana o ia poe o lakou a hookahi wale no mea e koe iho iwaena o na koa oia no ka hooikaika e haulehia ma hana kimopo a e pio hoi na lukuwale ana o na Inia.

Alaila pii hou aku la o Dike i o Mrs. Hagariwa ma no ka hoomaopopo ana i ka nuhou oiai nae ua lohe no kakou a o kekahi no hoi aole i loaa he manawa ia Dike no ka ike hou ana ia lakou mamua iho no ka nui loa o na hana.

"Ua kaumaha loa wau i ka hiki oel ana ia'u ke pii mai i ka pule i hala," wahi ana i hoomaopopo aku ai ia Mrs. Hagariwa, "a no ka paa loa i na hana hoomakaukau pela i paa ai na aliikoa apau no ka hooko ana ma na wahi o lakou i kauohaia aku ai e hana.  Aka ua loaa iki keia manawa no'u pela wau i ike hou mai la ia oukou."

"Aole anei makou e loaa ole mai i na poka o na enemi ia makou e nee ai?" wahi a Nele ia Dike.

"Aole no he pilikia o na wahi e ae aka aia he elua wahi maopopo loa e hele okoa ai na poka a o ia mau wahi kahi e makaala ai a ke hala ia mau wahi o ka palekana no ia."

O ka Dike mau wehewehe ana ia me ka hoike pu ana aku no ka haawi ana iaia i kokua no lakou ina ua makemake nui ia i kokua a me ia mau olelo i hoi hou mai ai oia no ke kahua hoomoana o na koa.

Ma ka la mamua iho nae ua hoohikihiki malieia ae la ka poe ma'i a nawaliwali a i Dilokusa a i ka pau ana o ia ua hoohikihiki pu ia aku na waiwai o lakou--o na dala ma kahi o ka hapaha miliona a huiia no hoi me na waiwai e ae ua laulima pu ae la na koa a pau i ka hoonee maikaiia, alaila hoomaka ae la ka hoonee ana i na wahine ame na keiki.

Ma kekahi mau wahi ano kupono i ka lele mai o na poka o na Inia e like me ka Dike i hooaiai ai i na wahine malaila i hoonohoia aku ai kekahi wahi puali uuku o na manuwa a malalo no hoi o ke alakai ana a Lukanela Dike Warena no ka hooikaika ana e pale ae i ka poino o na poka maluna o ka poe e hooneeia ana oi loa aku i na wahine.

A i ka manawa e hoea mai ai kekahi puulu wahine me na keiki ua a'o ia aku lakou e momoe ka holo ana a pela iho la i pakele ai a ia ke kaa ana ma kahi aoao o ka palekana no hoi ia a no Dike hoi aia kona mau maka ke kau nui loa la maluna o na Hagariwa.  A i ka hoea ana mai o lakou ua miki e aku la o Dike e hui mua me lakou a e like no me ke ano mau o na opio ua hui mua ae la no ua lukanela nei me ka wahine opio Nele.  A ma ka makaukau ana ua hoomaka aku la na wahine e holo--o Mrs. Hagariwa ka mua a ukali aku la no hoi o Eda mahope aka no Nele ua ku iki iho l aoia a hopu mai la o Dike i kona lima a hookahi ka holo like ana, e hoihoi ana hoi i ka wahine opio ma kona poli a hoihoi iaia (Dike) ma ka aoao o na poka e lele mai ana.

"Kulou ilaila," wahi a Dike i leo nui ae ai ia lakou e holo ana ia lakou i hiki aku ai i kahi hamama pono o kahi o na poka e lele pono mai ai a ia lakou no hoi i kaa pono ai iwaena ua kani koke mai la kekahi pukuniahi nui o na enemi a ia manawa koke no i apo aku ai o Dike ia Nele a kula'i iho la--a oia ame ka wahine opio momoe like iho la laua iluna o ka honua ia Dike nae e kau pono ana maluna iho o ka wahine opio no ke pale a haukawewe ana ka poka nui o ka pukuniahi me ka hu ikaika o ka makani a hala ae la ia puumake a na pakele pu aku la no hoi ka makuahine Hagariwa ame Eda oiai ua kaa e aku la laua ma kahi aoao.  A emoole no hoi ua ku koke ae la na opio a elua a holo aku la no hoi ma ka aoao palekana.

"Gudibai," wahi a Dike i aloha aku ai, "ua hala ae la no ka puumake a he maikai wale aku no ia wahi aku," me ka lululima pakahi ana me an wahine.

"Gudibai," wahi a Mrs. Hagariwa ma, "na ke Akua e hoopakele ia oe e kuu keiki."

A i ka lululima ana o Dike me ka wahine opio Nele ua puliki loa mai la ka wahine opio i ka lima o ke kanaka opio me ka lululima pumehana ana, me ka pane pu ana aku:  Ua hoopakele mai oe i kuu ole, e Dike."

"Aohe pela," wahi a Dike i hoomaanea aku ai.

"Ae, na hoopakele oe ia'u! aole anei pela e mama," iaia i ui ae ai i kona makuahine.  "O, naaupo maoli no oe e Dike, i hooho hou ae ai o Nele me ka haku'i ana iho o kona wawae liilii iluna o ka honua, "aole anei ou makemake e honi mai ia'u?"

"Ae, he makemake no wau," wahi a Dike me na minoaka ma kona mau papalina.

"A heaha na kumu o ke ao holookoa nei e paap mai ana ia oe no ia mea?"  Alaila lele aku la o Dike a muki malie iho la i ka ihu o ka wahine opio ana i aloha opiopio ai.  "Aia," wahi hou a ka wahine opio, "ua lawa kela a he hewa ia la.  E hoomaikai a malama mai ke Akua ia oe," a holo aku la o Nele no ka loaa a hui aku me kona mau hoaholo a hoi mai la no hoi o Dike i kahi o kana hana kahi o kona mau koa 2 ku kiai ana.

A i Sicanadaba i hoolulu iho ai ka poe apau i manaoia no ka hookaawale ana mai ka poino aku me ka ike ole a haupu ole o na Inia oiai aia no na ki pu ana o na aoao a elua, ek kumu i hoohuoi ole ai na enemi eia na Pelekane ke nee nei, a ia ka pau pono ana mai o na mea apau a akoakoa i kahi hookahi ua hoomaka iho la ka huakai nui e nee malalo o ke alakai a hoomalu ana o kekahi pualikoa Pelekane nui no ka lawe ana a hiki i Dilokusa--o kekahi poe maluna o na kaa a o kekahi poe ma ka helewawae a o na Hagariwa kekahi ma ka wawae.

Ma ka noonoo o na Hagariwa he oi aku ka maikai o ka helewawae ana oiai he akea ke kulana o ia ano a ua hiki ke hana i na mea e pakele ai a oi loa aku no hoi ka maikai o ka hele ana iloko o ke ea mamua o ka noho ikiiki iloko o kahi paa.  He mau wahi no kekahi i hoomaha ai o ka huakai mamuli no upu aku i ka hoea mai o na enemi a komo kaua mai e poino ai na ola makamae, aka aole he ano o ia ano a hiki wale ka huakai nui i kahi i makemakeia ma ke aunoe o ia po iho, a aole no hoi i liuliu mahope iho ua hoea aku la ka hapanui o na puali koa o na Pelekane ma ka ma-ki kulana oihana koa ana mai ma ka haalele ana i ko lakou mau kahua o Lukanao i ku ai a i ka po no hoi k ahanaia ana o ia huaka'i me ka loaa ole o na hoohuoi i na enemi.  Ua noonoo wale ae no paha na enemi i ka hamau a ki pu ole o na Pelekane ia po mamuli ia o ka manao e hoomaha oiai he wa hamau no ka po a aole nae i ka nele loa i na kaui pu ana, aka ma keia po o ka nee ana o na Pelekane ua hoomau ia ke ki ana a hiki wale i ka wa i nee ai ka huakai o na koa, a manao iho la paha na lula ua hoomaha, aka i ke ano ao ana ae ua hoopuiwa nui loa ia lakou i ka hoomaopopo ana ua pakele aku na enemi kaua ole--na wahine ame na kamalii a lakou i iini nui ai e nalinali aku, a haka-nu loa iho la ua poe Inia nei no ko lakou hoopuhiliia i ka olioli nui hoi o na Pelekane i hoopiliaikuia i ka hanu ana i na ea huihu o ke kuokoa.

Ma keia hoomaha ana na ai lanamanao ae la na mea apau me ka pihoihoi ole o ka loaa mai i na pole a na lawe mai la no hoi o Dike opio i kona makuakane ke Konela Warena e hoolauna me Hagariwa ma ke ano he mau hoaloha o ka noho like ana iloko o ka poino o ke kaua, a lilo iho la ia auwina la he wa olioli loa no lakou o ka hui like ana.

He mau la ka noho hoomaha ana o na Pelekane ma keia wahi a ma ka la 27 i lohe nui ia ai na ki pu ikaika ana o Kanapoa oiai he moakaka loa ka loheia aku a hooholo iho la o Generala Nui Kolina e hoouna mua ia kekahi mau puali no ka malama ana i ka maluhia o ka uwapo kahi o na waapa o ka muliwai ganegisa a ke kaa ia iloko o ka malu o lakou alaila oia ka pakele ana o ka poe kaua oel no ke kaawale loa ana mai kahi o ke kaua aku.

(Aole i pau.)

KULIANA

Ka Weli o Damaseko.

KA HOOKO MOEUHANAE A KA U'I ULINA.

MOKUNA I.

KA U'I ULINA.

Ua komo aku la o Ulina iloko o ka rumi me na kaina wawae mama.  He nani kona i hiki ole ke lawa ka hoike ana ae ma na huaolelo, a oia ua kau iho no ka haawina akahele maluna ona, eia nae, aia no ka nani ke puapuai mai la mai kona mau kiionohi mai.  He mea oiaio aole e hiki i kekahi mea ke hoole ae aloe oia e aloha io aha no i a u'i Ulina i ka ike mua ana no o na maka oiai ua lawa an alu apau o na kaikamahine la a Aboula Casema e hooluna aku i ka naau o kekahi mea i manao mua aole loa he mea nana e hoopepe iho i kona kupaa.  Mawaho ae o kona nani @a@l he mau mea a ke ka, aka e ike koke iho ai, iloko o kela nanai ame kela nohenohea o na papalina o ua Ulina la, ke nohoalii mai la ka oiaio, he oiaio hoi e kipa ole ai ka iini ame ka makemake mawaho ae--he oiaio hoi e hiki ole ai ke piha ke kiaha o ka hauoli ina i huna nalo loa ia aku na u'i nei mai na maka aku.

Ua manao iho la ua Horama nei aole loa i halawai ka ike a kona mau maka mamua aku me kekahi u'i i like aku me ko keia.  Ua puapuai mai la na ouli hauoli mai kona mau papalinan o pa mai a ku ae la oia iluna me ka ikaika o kona mau wawae, he ikaika hoi i ike oel ia mamua aku.  Haawi aku la oia i kona aloha i ka u'i Ulina, a nonoi aku la iaia e noho iho ilalo.

Panai aku la o Ulina i ke aloha o ka moi me ka malie, a e like hoi me kona hoike ana i kona manao maikai imua o kona makuakane, pela hoi oia i hoike aku ai ia mea i ka moi.

"E ka opio u'i." i pane aku ai o Horama, mahope o ka hala ana ae o kekahi manawa ma ke kamailio ana ma kekahi mau kumuhana e ae, "ua hoike mai kou makuakane i kau moeuhane kamahao.  E oluolu ana anei oe e hoike mai i ua moeuhane la?"

"Ke hoolohe aku nei wau i kau me ka hauoli," i pane aku ai o Ulina.  Ua haalulu ae la oia i konan manawa i hoomau aku ai, a hoholo ae la hoi he waihooluu hou maluna o kona mau papalina.  "Ua moeuhane iho wau ua lilo wau i wahine na kekahi moi a ua hanau mai la wau he keikikane nana.  Ia manawa aole wau i noonoo ia mea; aka nae he elima la mahope mai ua loaa hou iho la ia'u ua moeuhane ia.  He mea  kamahao ka hoea palua ana mai o kela moeuhane.  Eia nae aole ia o ka pau.  I ka hala hou ana ae o na la oli ma, ua hoea hou mai la ua moeuhane la no ke kolu o ka manawa, i oi ae hoi kona moakaka mamua o na moe mua ana a'u, a ua hawana wanaia mai ia'u aia iloko o ua moeuhane la a'u ko'u hopena.  Mahope o keia ua hoike aku la wau i na moe la i ko'u makuakane."

"E Ulina," wahi a ka moi i pane aku ai me ka hoihoi, "ke manaoio nei wau ua hoike oiaio mai na uhane; a ina aole oe i hilinai aku i ka leo kamahao i pa-e mai ia oe, ina aole e hoikeia ae ka'u moeuhane.  Ina oe e ae ana e lilo mai i wahien na'u-- a o oe hookahi wale no hoi iloko o ko'u puuwai--a aole hoi he mea @ aku e moe iho maluan o ko'u mau lima.  E lilo no @ i haku o ko'u @ a e noho like hoi kaua maluna o ko'u nohoalii.  Heaha kau hoina?"

"E hooko ia no e like me kau i makemake ai," i pane @ke aku ai o Ulina.  "Aole a'u hanohano e koi aku ana ia @ aka @a aole wau e hoole aku ana i kou lima.  He wahi kaikei wale iho no wau, a o ka'u wale no e huli nei oia ka hooko ana aku i ka'u hana."

"Nani kela haina au, e Ulina nani e," i hoomau mai ai o Horama, me kona nee ana mai a kokoke, a lalau mai la i na lima o na nohea la, "ua haawi aku wau ia oe i keia hanahano malalo o kekahi kumu kupono loa.  Aole wau e koi aku ana ia oe a oi aku mamua o ka mea e hiki ana ia'u ke haawi aku.  Ke haawi aku nei wau ia oe i ak mea a'u i haawi aku ai i kekahi mea oloa.  He mau makahiki loihi i kaahope ae nei, ke manawa no hoi o ikaika aua na lala, na haawi aku wau i kuu puuwai ame ko'u lima i kekahi wahine mare-----"

Haalulu ae la ko Horama leo, a kahikahi ae la i k@ luna ma kona mau ku'eku'emaka.

"Auwe," i hoomau hou aku ai oia, me ke ano kaumaha @a aloha wau i kela wahine, ua aloha hoi wau iaia a aneane no wau e make.  O Helina kona inoa.  Ua hoolilo ae wau iaia i moi@ @o'u, a aole hoi wau i law ae i wahine hou.  Ua manaolaua lo@ wau a loaa mai ana he hooilina no ko'u nohoalii mai iaia ma@   Aka nae aole o ia ka mea i loaa mai.  Ua hoopunipuni mai oia a'u'  I ku hora a'u i manaolana ai ua piha ke kia@ o ko'u hauoli na kailiia aku ka wai ona mai ia'u aku, a loaa ihola i@'u ke kiaha awa ame ke kaumaha.  O kuu Helina--kuu moiwahine--ua hoopunipuni mai oia ia'u, a na ale aku ka wai o ka muliwai o Papa iaia."

Ua lohe mua no o Ulina i kela moolelo mai kona makuahine mai; aka nae ua haalulu ae la oia i kona manawa i lohe @ @ mea mai ka waha ponoi aku o ka moi.  Ua hoopihaia kona puuwai i ke kaumaha no ka moi, a ua komo pu mai no hoi he wahi aloha iloko ona no ka moiwahine i hoopilikiaia a i kiolaial iloko o ka Pap@.  Ma lia paha na kuhihewa no keia manao ana , a ua ninau iho oia iaia iho ina paha na pololei keia.  Eia nae ma na ano apau aoel loa e hiki iaia ke hookaawale ae iaia.

"Heaha kau pane, e Ulina?"  i ninau ae ai o Horama.  "E lilo ana anei oe i wahine na'u?"

"Ae, e kuu haku."

He mea e ka hauoli o ka moi.  Ua ku hou ae la oia iluna a holo loa aku la a honi iho la i ka opio nohea, alaila huli ae la a haawi aku la i na hoomaikai ana he nui ia Aboula Casema.  Ua hoonohonohoia ae e malamala no ka mare ke pau ka pule hookahi.

"E hoi aku ana wau i ko'u halealii," wahi a Horama, "a hookaawale aku i ka'u poe wahineapau.  e hoolakoia aku no ka'u mai wahine apau e liek me ko lakou mau kulana pakahi.  E haawi aku no wau i mau home pakahi no lakou i pilikia ole ai lakou  e haawpu no hoi wau i mau kauwa na lakoou e lawelawe aku ai no lakou a o ko lakou poe e make make e mare hou aku ua hiki no ke ha@ aku pela.  A i ka pau ana o ka pule, e makaukau no auanei na mei apau no ka hookipa ana ia Ulina."

Ua pono iho la keia mau mea apau ia Aboula Csema, oiai u aloha oia i ka moi, a ua hiipoi iho oia i ka manaolana ana e lilo ana kana kaikamahine i makuahine no ka moi hou o Damaseko.

I ke ahiahi, ua noho iho la o Ulina iloko o kona rumi moe, hoohala ana hoi i kona manawa ma ka hana ana i kekahi mau pu iluna o kekahi lole silika akala.  Iaia e hana ana imua o ke alo kekahi pahu e hamama ana imu a o kona alo, a e kau ana no he kahi malamalama hope loa o ka la, aia hoi komo ana kekahi mea manaolana mua ole ia.