Ka Nupepa Kuokoa, Volume XLIII, Number 41, 13 October 1905 — He Haipule Oiaio. [ARTICLE]

He Haipule Oiaio.

(Mai ka Hoaloha mai.)

Ua hoike ae ka nupepa Rams Horn penei: "He kanaka haipule oiaio o Peresidena Rusawela, aole nae oia i haanui wale aku no ia mea ,a i ka wa kupono nae no ia hana, aole oia i kaP£va ae i ka hooko ana aku. I kekahl aulna ia Poekolu, ua hiki aku kona kaaahi ma kahi 'hoolulu o na kaa ahi o na alahao Cleveland ame Pittsburg ma Wheeloek, a hoomaha malaila, he umi mile ke kaawale oia wahi mai kekahi kauhale mai. Ua haalele iho ka Peresidena ame kona mau hoa i ke kaaahi, a komo aku ilako o ka hihipea o na laau ,a loaa kekahi wahi kupono, halii iho la i ka uhi pakaukau a hoomakaukau iho la no ko lakou paina awakea. Mamua o ka ai ana, ua hoomaikai mua ae ka Peresidena i ke Akua e like me ka mea maa mau iaia, a pau ia, aUaila, haawi ae la oia he mau leo pule no John Hay, kona Kuhina mua i make, e hoakaka ana no kona ano maikai, hoopono ame ka hiki ke hilinai ia, a ua pule aku oia i ke Akua me ke noi aku, e hoomau loa ia aku na ano maikai apau o John Hay, ma o ka hookomo ia ana aku o ia ano iloko o na kanaka opio apau o Amerika Huipuia. aole wale no i keia wa, aka. ia hanauna aku, a ia hanauna aku a pela auanei e hoomanao mau ia ai o John Hay. Ua Hlo keia puie i mea noonoo nui na kona mau hoahele, a na lakou i hoike ae keia ano haipule o ka Peresidena o Amerika Huipuia, O keia hana a ka Peresidena o Amerika Huipuia ame ke kulana hoopono o John Hay ana i pule ai e hoomau ia iloko o na opio, he mau ana kupono ia na na opio o Hawaii nei e alualu a e hahal aku ai. O ke kanaka hoopono, e hoomalkai ia no oia e na kanaka mal ke kuiana haahaa a ke kulana kiekie a e loaa no iaia ka hilinai ia, a e hapai īa no oia a kau ma na iulana kiekie a hanohano.