Ka Nupepa Kuokoa, Volume XLIV, Number 7, 16 February 1906 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

HOOPUKALA I NA KAKAHIAKA POALIMA APAU

BUKE XLIV HELU 7           HONOLULU T.H. POALIMA, FEBERUARI 16, 1906     NA HELU APAU 3107

 

Ke Kaahele Ana ma ka Lewa.

NA HOAKAKA

FRONT GUIDE - ALAKAI

GAS HOLDER - IPUEA

RUDDER HO@

@-KAA (HOLOWAA)

WINGS - NA EHEU

O KE KU MALALO MA KA AOAO AKAU O@A KA POLOPEKA F.M. MAHAN KA HAOLE NANA KEIA HIKINI HOU

 

            "Ke mantolana nei au e lele mai Kikako a Wasinetona ma ka la 23 o Aperiia hiki mai ana ka piha ana hoi ia o na makahiki he kinawalu ia'u. E hoomaka ana au e lele i ka hora 6  ke kakahiaka a mamua o ka poeleele ana o ia la e waiho'aku no wau iloko o ko Presidena Rusewela lima i ka palapala mai ia Meia Edward F. Dunne."

            O keia ka papahana a F.M. Mahan kekahi o na haole mekanika o ke kulanakauhale o Kikako, i hoomakaukau ai nona iho. Ua manao keia haole aole loa he wahi kanalua no ka hiki iaia ke hooko aku peia. Iaia e noho ana iloko o kona keena oihana ma ka helu 793 alanui Lake i ka auwina la o kekahi la ua hoikeike ae a oia i kana hana e hiki ai iaia ke kaahele iluna o ka lewa no ka leihi o 900 mile iloko o na @ora e 12 a emi mai no paha.

            Ua huli aku wau iwaena o na manu o ka lewa i loaa mai ai ia'u ka meahuna no ka lele ana." wahi a au haole la. "O ke kanaka e hoopili ole ana iaia iho me na haawina o na mea mau e pili ana i ke kaahele ana iluna o ka lewa he ma maopopo e haule wale ana kona hoao ana. Heaha la na ma i loaa mai ia'u ma ka nana ana i na nao oia ka mea mua e pono e loaa mai i holopano ai ka lele ana, o ia no ke kehihewa ole i ka hookaulike ana e ole e kahulihuli. Mawaho aku o keia o ia ka loaa ana o ka mana e hiki ai ke oli ame ka hoonee ana aku imua ame na makaukau e ae no na wa e loaa mai ai na uila a ke loaa keia mau mea apau o ka loaa ae la no ia o nei meahuna. Ke manao loa nei au o keia huakai hele a'u e manao nei e lele no Wasinetona o ka lawa ana no la o na mea apau i makemakeia.

            "Ma ka'u mea lele e loaa no ka hookaulike ana i ole e kahulihuli ma ke ano o ka hanaia ana o ka ipu-ea. O ka mana ume honua e hoi ana apau Iwaenakonu, a e kaapono ana hoi malalo e na eheu lele. Ma keia iho ia ua hiki au ke hoolilo aku i ko'u manawa ma ka hoopololei ana, ko hoonee ana imua ame na mea e ae.

            "He mea olalo, o ka poe e lele ana i ka lewa ua imi no lakou e hoolako ia lakou iho me na mea pale uila i ole e haule iialo a make. Me ka'u hoi e hana ana au i ipu-ea e hiki ke lanakila maluna o 95 pa-keneta o ka mana ume honua, a e hiki pu ai i ka'u mikini lele ke lawe pu i na mea kaumaha e ae. O kekahi 5 oa-kenta nene eheu o ka mikini ia a ehana i ka wa e lele ai. Ina e loau mai kekahi uila i ka mikini nana e hoohana ana i na eheu, o keia 95 pa-keneta ikaika pale i ka mana ume honua iloko o ka ipu-ea ka mea

 

KA AAHU HOU O NA KEIKI PUHI OHE

            I keia mau la iho nei i hui ae ai o Lunakiai Mua ame Joe Cohen a noonoo no na mea e pili ana i ka aahu hou o na keiki pulohe o ka Bana Hawaii a ma ia hui ana au hooholo iho laua i keokeo ka loie no ke ahiahi a i ole no ka wa e wehe ahamele ai a o ka lole komo mau i maku'e ano like no me ka lole e ikeia nei lakou i keia wa. O na papalekapu e like ana me ko na aliikoa i ano like aku no paha me ko ke au i hala. Ma ke alo o ka papale e au ana na huaolelo "Royal Hawaiian Band" (Bana Alii O Hawaii) i hanaia me ka wai gula. O keia mau hoolala ana mamuli no ia o ka hooholo ia ana e holo ka bana i Amerika.

            Ua waihola aku na Harry Roth, o Honolulu nei e imi aku i ka lole i makemake ma Kapalakiko a lawe mai i Honolulu ni no e hana ia ai nana e hoemi liilii i ka mikini ilalo me ka malie e loaa ole ai na pilikia i ka noea e lele ana. Ma kekahi ano hoi ina e loaa mai na pilikia, ua hiki ke hoo@ na eheu i mau mamalu, a ma ia ano ua hiki ke paleia ae ka ikaika o ka haule ana ilalo. Ina hoi e halawai ka mikini ame ka ipu-ea me na uila poino alaila, e loaa mai no auanei he poino nui, aka nae, aole ia he mea mea mau."

            "Heaha la ka mea ano nui o na mea hookaumaha ka hoonee ana ame ka hoopololei ana?" i ninaula aku ai oia.

            "Mawaho a o k ea e ano like loa ana keia me ka nene ahiu a'u i ike ai e lele ana ma na kula o Missouri i ko'u wa kamalii a puu iho ma na kula huita. No kekahi mau makahiki ua huli aku au i ke ano o ka lele ana o na manu.

            "O ka'u mikini he manu ia. O ka ipu-ea a i ole o ke kino maoli o ka mikini e hanaia no i ole e nui ka akeakea ana mai o ka makani. O na eheu e hiki ana ke hoohanala mamuli o kekahi mikini aila gaseline e hookauia ana maluna o ke kaa (holowaa kahi e kau ai ke kanaka) a mai nei aku e holo ai na kaulahao nana e hookakaa ana i na hulia o na eheu a he mau pukapuka liilii kekahi e hiki ai ke hamama a upoi ae elike no me na hulu o ka manu nene. No ka'u lele e manao nei e lele no Wasinetona, e hana ana au i ipu-ea o 70 kapuai ka loa 18 kapuai ke akea a he 22 kapuai ke kiekie a e hipuu ana hei ia mua ame hope no ke anawaena o 18 iniha. Mamua malaila ke alakai a mahope no hoi ka hoe i kulike aku me ke poo ame ka puapua o ke manu. Me kela mau mea mamua a mahipe, e hiki ana ia'u ke pii a ke iho elike me ko'u makemake. Ma ke kaahele ana iluna o ka lewa aole loa i loaa keia mau mea ma kekahi mau mikini e hanaia nei, a ke manao nei no hoi au aole loa e hiki ke hanaia kekahi mikini me ka nele i keia mau mea oiaio.

            "O ke mikini e hoohanaia ana ma keia lele ana mai Kikako no Wasinetona he eono lio kona ikaika, a aole hoi e oi aku mamua o kanakolu paona. O ke koena iho o ka mikini elike ana no ke kaumaha me ia i hoikeia ae nei. Ma ka holowaa malaila ka mikini owau no hoi ame kekahi kanaka okoa ae.

            "Ua loaa mai na hoopaa ana ia'u me na dala kupono e hiki ai ia'u ke hana i ka'u mikini. E hii ana paha na lilo i ka $2,500 a i keia manawa aole e hiki ia'u ke hopu iho ia huina a hoolilo aku. Ke manaolana nei au e hoomaka ka'u hana i keia mikini ma ka hapahope o Ianuari a e makaukau ana no ka lele aku ma ka la 23 o Aperlia."

 

MAKE MAMULI O KA ULIA KAAAHI O KAKAAKO

            O Oliva, ke paoahi o ke kaaahi lawe leopa o Kakaako i huli ai ma ka auwina la Poalima i hala a loaa na palapu maluna ona ua make ma ka Hamema'i Moiwahine ma ka hora 7:45 o ke ahiahi Poaono nei, 3 hoiholia aku kona kina waiua no kona home ma alanui Miller ame Kinau.

            Ma ka huli ana o ke kauka au loaa aku la he eha iwi-aoao o ka aoao hema i pau i ka pepee ua pilikia kekahi mau mea paahana oloko, moku ma ke kua, a ua poholehole ma na poohiwi ame na lima.

            Eia ke hulila nei ke kumu i loaa mai ai o kela ulia a ma ka manao wale ia, he wahi ulia keia i loaa mai mamuli o ka manoino ia mai.

            Iloko o ka papa kuhikuhi nui o na lealea o ka la hanau o Wakinekona, Feberuari 22, oia keia Paha ae, us komo mai he kanakolu kaa otomobile ina ka hooikaika ana a Mr. McCandless, ka peresidena o ka Hui Otomobile o Honolulu, a iloko no hoi o ua papa kuhikuhi nui la i komo mai ai ma kahi o kanahiku-kumamalima poe hololio pa-u e ukaliia ai e na keiki paniolo.

            Ma ka auwina-la o ka Poalua iho nei i noho ae ai ke komike nui o keia hana i noho hoomaluia e A. Gartley. A iloko o keia halawai o ke komke i hoike ae ai o McCandless i ka holomua o na mea e pili ana i na kaa otomobile, a oia no hoi kana mahele hana, a malaila no hoi i hoike pu ae ai o Mr. Andrade i ka holomua o ka hana e pili ana i ka hololio pa-u.

            He nui ka poe i makemake loa e komo i ka hololio pa-u a ma ka hololio o na kane, aka, o ka pilikia nana i hoolaiki mai i ke komo nui ana mai, oia no ke nele i na lio. Eia nae, ua hooikaika ae no ka mea iala ia hana a loaa he mau lio hou mai na kula lio mai o na kuaaina aku nei.

            No keia hololio pa=u ua nui loa kona ohohia loa ia a no ka ikaika o la anoi ana ua oleloia ae e hapa ana ko loaa nui ana o na lei no ka ohu o ka poe hololio ina nei e nui loa mai ana na komo ana iloko o ka huakai. A o na wahine no hoi i komo mua eia lakou ke liuliu nei i ko lakou mau kahiko ololio. A i ka auwina-la o ka Poalua iho nei i ikeia ae ai kekahi mau wahine hololio pa-u maluna o na lio, a he ku i ka makahehi i ka nana ana.

            Ma ka la e hiki mai ai keia mau lealea, ka la hanau o Wakinekona, ka peresidena mua loa o Amerika Huipuia, e hoomaka ana ka hana ma Kamaki Kuea ma ka hoa eiwa o ia kakahiaka. A i ka makaukau ana o ka huaka'i, e ka'i mai ai iloko o ke kulanakauhale, ma na alanui ano nui nae e ka'ihele ai a e kamoe loa aku ai no Kapiolani Paka, kahi hoi e hookukuia ai i loaa ai na i no ka haawai makana ana a ilaila no hoie e pa'iku ai.

            A no ke kaawale aku o Kiaaina-wahine Carter ma ka haalele ana iho i ka aina a kau aku ma ka mokuahi Manchuria, e loli ai ka mea nana e haawi i na kamaka, a me he la, ke holopono na hoopinopoo ana, e lilo ae ana la hanohano i ka Moiwahne Liliuokalani.

            Ua loaa pu ae na hooulu noonoo ana e komo aku na haumana o na kula loko o ka huaka'i, aka, aole e nele ka Bana Hawaii i ke komo ana i keia hana, ma ka po iho ma ka Hokele Ha-

 

HE KINIPOPO KEKAHI O KEIA POAHA A'E

 

            He elua hookuku kinipopo e malamaia ana ma ka la kulaia o Wasinetona, Feberuari 22, ma ka pa kinipopo o Kamoi@ a'e nei. E olali hou ana na keiki o ka Hui Kinipopo Honululu me ko Punahou, aole na'e hoi e ikeia ana keia keiki limahema o ua hui kaulana nei e oniu ana i ka popo, aka o Hampton ke ku a'e ana ma ia kulana, a e aumeume ana keia haole me Ed Desha, ko Punahou keiki nou popo, i na mea o laua i oi ma ka nou popo ana. O Hampton ka haole nou popo o ka Hui Kinipopo Elks ma keia kau aku nei, a la kau ua nu no ka puhili o kekahi mau keiki laeula o Honolulu nei ma ia ano paani. Malia paha me keia hookuu ana e puhili ai kona ike i na keiki Haaii, nolaila, ma poina i ka nauea ana a'o malaila.

            O ka lua o na hana hookuku ala makaena o ke hui Damana Hili, he poe keiki Hawaii no, ame ka hui Lusitana he hui o na keiki Pukiki. Ua hoik a'e ka poe na lakou e hoolala nei i keia mau hookuku kinipopo, e komo wale ana na poe hololio pa-u i komo loko o ka huakai hookahakaha, e ika i keia mau hookuku kinipopo, a o na poe no hoi e makemake ana e ikamaka, e pono no e hele pua a'e me na pelehu (dala) i ole e haaleleia iwaho i ke anu.

 

E HOLOHAU ANA KO HONOLULU NEI POE.

 

            Eia ke hoomaka mai nei ka hahau papahele ana i ka hale ukana o ka Hui Union Feed ma alanui Moiwahine ae nei, e hoomakaukau ana hoi no ka wehe ana ae i hale holohau malaila.

            He manawa loihi i hala ae nei ka hoolalaia ana o keia mea, a akahi no a hooiaio loa ia i keia mau la. Ua kukuluia keia hui a kapaia ka Hui Holohau o Honolulu, malalo hoi o ka lawelawe ana a Clifford Kimball.

            E auhaula paha makahiki i hala ae nei, ua hanaia  no ka holuhau ma Ainahou ae  nei ame Manamana, a ua ikeia ia manawa he mau keiki Hawaii kekahi i lilo i mau polopeka holohau. Ke manao ia nei e hoala hou is ana ka lini o na poe i holohau mamua aku nei, ame ka hanauna hou e pii ae nei, a e lilo ana keia wahi i punana e hoohala ai kekahi poe i ko lakou namawa o ka la wawaii, ko ke kokua ana i ka hulahula o ia po.

            A iloko no hoi o ka papa kuhikuhi nui a oia no hoi ka huaka'i hookahakaha e komo pu ae ana ke kaa otomobile ma ka aoao o ke Komike Hoeueu o Hawaii, aole no nae no ke komo ana iloko o ka haawina makana. No na kaa e ae ia.

            E nui ana ke ohohia ia o na lealea o ia la.

            Ma ka noho ana hoi o ke komike iaia ka hoonohono ana i na hana o keia la, ma ka auwina la Poakolu nei, us hooholo iho ke komike i na wahi e hele ai keia huakai, a penei no ia:

            E hoomaka ana ke ka'i ana o ka huakai mai ke alanui Vitoria (Kamaki Kuea), a nee mai noloko o ke kulanakauhale nei ma alanui Moi a hiko i kealanui Binopa (mamua ih o ka Hoteia Lana), alaila pii mauka a hiki i ke ala@ Hotele, huli Waikiki a hiki i ke alanui Rikeke, alila huli mauka no alanui Beriania a hiki hou i alanui Vitoria, huli i kai a hiki i ke alanui Moi, huli no Waikiki a hiki i ke alanui Kalakaua (alanui Waikiki) a holo a hiki i Kapiolani Paka.

            E kaa ana keia huakai malalo o ke alakai ana a Lunamakai A.M. Brown, oia ka ilamuku o ka la, a o Waiter Dillingham kona kokua.

            No na kaa otomobile ua maheleia iloko o ekolu papa, o ia hoi na kaa nunui, na kaa liilii, ame na kaa hololealea a e kaa ana keia mau papa malalo o ke alakai pakahi ana a keia mau keonimana. Messrs. W. H. Baird, F. E. Richardson ame George Denison.

            Ua hoolala no hoi ke komike e komo pu kekahi mau kaakinaiahi ame na kaa-ili, pela pu no hoi me ke kaalawema'i ame lawehala, a e hoohiwahiwa ana keia mau oihana i hoike ia a'e ia i ko laua mau kaa a alualu aku i ka makana i hookawaleia.

            Ua hooholo hoi na hotele nunui o ke kulanakauhale nei e komo pu iloko o keia huakai, a e puka ana na kaa loloa me ko lakou mau hoohiwahiwa, me na malihini hoi e kau ana ilune o kalou.

            Ke hoohiu a'e i keia mau mea apau, he mea pono e loaa i keia ame keia mea pakahi ke liini e hele a'e e ike i keia hana nui e hoolalaia nei, no ka mea, ina i kauhale no e noho ai, e hala ana ka ike i keia mea maikai, a he mihi ka hopena e loaa mai ana. Nolaila, e hoomanao, i ke kakahiaka nui pau ka paina ana, komo na lole, a no kahi a keia huakai e nee a'e ai ka pahuhopu.

 

NA KEPANI AME KA PONO MAKAAINANA HAWAII

 

            I kulike ai me ke kanawai a ka Ahaolelo i hala i hooholo ai e pili ana i ka waiho ana ae ma ke Keena o ke Kakauolelo Teritori i na palapala hooiaio o na keiki a na makua o na ahui e i hanau ma ka lepo o Hawaii nei, pela i loaa mai nei a ia keena he mau palapala hooiaio mai Hilo mai, no kekahi mau keiki Kpani i hanau ma Hawaii nei.

            O na palapala hooiaio hanau i loaa mai nei, ua hanaia e Frank J. Sakamako, ma ka aoao o kana mau keikikani elua no laua na inoa o Fukuo Sakamaki ame George Sakamaki. He eono makahiko o kekahi, a he ekolu o kekahi, a he mau keki kino maikai a ohaha no hoi ko laua mau helehelena, pela ka hoomaopopo ana iho ma ko laua mau kii i hoouna pu ia mai me na palapala hooialo hanau.

            Ma ka aoao o ke Keena o ke Kakauolelo, ua kauohaia e ua kanawai la, e hoopuka aku ke Kakauolelo i na palapala hooiaio, e hoike ana ua pololei na hoike hanau i waihoia ae, me ka waiho pu ana mai hoi o ka mea nana i waiho ae i ka oike i na dala ehiku me hapalua no keia ame keia palapala hoike hooiaio hanau.

            I ka wa i holo ai  o keia kanawai ua nui na palapala hooiaio hanau i waihola ae iloko o ke Keena o ke Kakauolelo, mai na Pake mai, a o ka manao nui o na Pake ma ia hana ana peia, o ia ka hiki ana ia lakou e alo a mai kanawai hookapu lahui Asia a ke Aupuni o Amerika; eia nae aole peia ka manao o ka Ahaolelo i hooholo ai i keia kanawai, a e ikeia no ka ike ole o na manao ma keia mau mamala olelo o ua kanawai la:

            "O kekahi palapala hooiaio o ka hanau ana ma Hawaii nei i hoopukala i kulike ai me na hoakaka ana, e manaoia a e paa ia no ma ke ano he mau hoike oiaio loa o na mea i hoikeia malojo nei, imua o kekahi wahi kakauinoa no ke koho balota ana, a i ole imua o kekahi papa koho balota, iloko o na aha apau o keia Teritori."

            Eia ke ninau me keia: Ua loaa anei he ike ia Sakamaki, o na manao o ke kanawai a ka Ahaolelo i hala i hooholo ai, haawi ana ia i kana mau keiki i ka pono koho balota iloko o keia Teritori aole paha? Ina e loaa ana keia ike, a ua loaa paha iala, alaila, aole anei o keia ka hioni mua o ko na Kepani makemake e komo ma na hana koho balota o keia Teritori?

            E like me ke kauoka a Kauka Judd ia Kiaaina Carter e holo hoomaha oia mawaho aku o Hawaii nei, nolaila, ua kau aku oia ame kana wahine maluna o ka mokuhi Manchuria i ka Poaha nei a holo aku no Kapalakiko. O ka papahana a ke Kiaaina no kona wa e hoomaha ana aole no i maopopo loa, aka, hookahi mea i maopopo loa, e hoohala ana oia i kona wa hoomaha ma Kaleponi lalo, a hiki i ka wa e loaa ai iaia ke olakino maikai e hiki ai ke lawelawe i kana oihana.

            M ka Poalua nei, ua kipa aku la o Kokua Kiaaina Atkinon ma ko Kiaaina Carter home, a malaila laua i kukakuka ai maluna o na ninau ano nui i kupono e hana ia i ka wa e kaawale ana o Carter; oia mau mea nae aole loa i

 

HOOPUNIIA NA KOA PELEKANE

            LADANA, Feb. 11 - Ua hokeia ae o na koa Pelekane i waihoia aku ma Thibet ua hoopuniia ae e na ohana hoala haunaele. He mea pono e hoounaia aku na kokua.

            Ia Rusia ame Iapana e kaua ana, ua hoike aku ka Haku Curzon, ko Inia Kiaaina, i ka manao he mea pono e hoopuipui ia aku ko Pelekane ikaika ma na palena o Inia ma ka laweia ana'e i ka aina ma Thibet, kahi hoi a na Rukini i hoeueu mau ai no kekahi manawa loihi. Noiaila, ua hoounaia aku la he pualikoa malaio o Konela F. E. Younghusband.

            O Thibet, oia ke kikowaena o ka hoomana Budha a ua kaa hoi malalo o ko Kina hoomalu ana e ku ana no nae ma ke ano aupuni kuokoa no. O keia kahi a Rusia e makemake nei e puka mamalo nei o ka moana o Inia a pela no hoi me Pelekane e makemake ana no hoi oia e paa i kona panalaau me ka hoonuo ana aku a mamua no nae o ka hoounaia ana aku o keia pualikoa, ua loaa ae ka manao he hoonee kaili aina keia. Aole i hiki ia Kina ke akeakea aku ia Pelekane aka no na kamaaina o Thibet us akeakea nui mai lakou a hiki wale i ka wai i komo aku ai keia pualikoa ma na pukapa o Lhasa, ke kuianakauhale Hemolele a Dalai Lama.

            Ma keia nee ana o na koa Pelekane imua, ua nui na poe i make iloko o ka hakoko ana a mai ko lakou manawa i komo ai a hiki i kela manawa ua hoomau aku o Pelekane i ka malama ana i na koa malaila. Me he mea la o kea ala ana mai la o na kamaaina he hoike ana ia i ke ku-e ana i na mana o Europa, a ke manao ia nei ua hoalaia mai kela manao iloko loa aku o ka aina, a maila na Kina no e hoeueu nei.

 

LIULIU NO O FARANI.

            TOULON. Feb. 11 - Ua kauohaia aku nei ka mokukaua holomama Duchailla e makaukau mau no ka holo ana aku no Venezuela.

            Ma keia iho la e loaa ana he eha mokukauea Farani ma @ kai o Venezuela. Ma keia iho la, me he mea la akahi no maopopo i kela manawa, a na keia mua iho e hoike ae.

            Ua pii malie ae ka maikai o ko ke Kiaaaina ola, aole nae he ikaika o ke kino. O ka @ i loaa iho nei iaia ka mea nana i hoonawaliwali loa i koua kino.

            No kona mau hoaloha, ua manao loa lakou ina i hooholo ke Kiaaina e holo no ka hema aku nei, no Nu Kilani paha, ina ua pono loa, a a o keia no hoi ka manao o Kauka Judd mamua aku nei, eia nae aole peia ko ke Kiaaina manao.

            Nolaila i ke Kiaaina e kaawale ana, aia ke koikoi o na hana o na Keena Kiaaina ame Kakauolelo maluna o Atkinson, a ua kamaaina no oia i ka lawelawe ana ia mau hana o Farani a ike moakaka lea e hele loa ana ko loaa like ole me Venezuela a lilo i mea nui, a i keia manawa ke liuliu nei e lawelawe limanui maole.

 

HOONAUE OLAI HOU IA

            ROMA. Feb. 12 - Na kekahi hoonauea olai i hoopoino nui ae i na waiwai ma Calabria.

            He mau mahina pokole i hala ae nei, ua loaa mai no na lono o ka hoonauela ana o keia wahi me ka nui o na ola i make ame ke poho o na waiwai.

 

E HAULE WALE ANA KA NINAU O MOROKO

            LADANA. Feb. 12. - Me he mea ia aole e loaa ana ka olelo hooholo a ka Ahakuka ma ka ninau pili no Moroko, eia nae aole i manao ia e ala mai ana ke kaua ma keia haule ana.

 

HAUNAELE ILOKO O KA HALEPULE

            KIKAKO. Feb. 12 - Ma ka haunaele i ala ae iloko o kekahi luakini Polani maanei, he hookahi kanaka i kila i ka pu a he nui na poe i eha.

 

WEHE HOU I KO IAPANA KEENA KANIKELA MA RUSIA.

            SANA PETEROBORO, Feb. 13 - Eia ka hoomakaukaula nei no ka wehe hou ana i ko Iapana Keena Kanikela maanei

            a ka ia 8 o Aperila, 1905 ua kauohaia aku o Kanikela Kurino, o Iapana, e kona aupuni, e haalele aku ia Sana Peteroboro. Mai ia manawa mai, aole he mau hana i lawelawela no ke kukulu ana'e i ua keena ia, oiai no nae ua pau ke kaua mamuli o ke kono ana a Peresidena Rusewela i na mana elua e hooponopono i ko laua like ole ma Portsmouth. Nu Hamesia. Me keia lono i maopopo ai, ua hoomaka na aupuni elua e nee aku elike me ka wa i ala ole mai ai ke kaua.

(E nana ma ka aoao @.)