Ka Nupepa Kuokoa, Volume XLIV, Number 13, 30 March 1906 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

KE KILOHANA POOKELA NO KA LAHUI HAWAII.

 

Ko ka Ahahui Euanelio Mau Mea Hou.

 

Ua ap@@@ aku ka Aha ia Mrs. Abe Baker @makua@@@@ @ex A.S. Baker e noho a@@@a nei @o na kahunapule ma @a K@@@ e @a@ai la l laikini haiolelo @o@e no akahi makahiki e ha’i aku i ka @ua@@@@@ na kihapai o kela Aha@ a ua komo pu ma kela aponola ana o J.W. Moanauli.  J.S. Akahi ame N. Puoanui.

 

NA KEIKI A KA AHA.

 

Ua pono aku ka Aha ia Pilipo Haae ame A. Aberahama Kaleikoa l mau keiki nana malia o hoomau laua i ko laua manaolo no ka hana a hiki mai ia kau hou aku (kau o Sepatemaba). alalia e ike aku ana no ka Aha la laua no ka haawi laikini ana.

O ka mea hoomanawanui a hiki ia aku, loaa no la lei (laikini) ia olua.

“Mai ku a huli i hope.

Imua no a lanakila.”

 

NA PALAPALA NOI AME NA NOI WAHA

 

Eha mau palapala oi i komo mai iloko o ka Aha. Akahi—Palapala noi mai Hamakua Hikina mai, e noi mai ana, e ae ia aku lakou e komo mai iloko o na Ekalesia o keia Aha, no ka huina o $250.00.  A ua apono aku ka Aha i ke noi, me keia manao pu no nae:  e imi mua lakou i ka lakou mau dala be elua hanell me kanalima apau i ka loaa, alaila, komo mai ke komite i aponoia e ka Aha i na Ekalesia o kela Aha.  He dala keia no ko lakou halehalawai.

Elua—Palapala noi dala mai Kohala Akau mai, no ka hoopaa ana i ko lakou hale kahu, he $200.00.  Ua aponoia.

Ekolu—Palapala noi kahea kahu o Pukaana.  Kaohe ame Milolii ia Rev. John Keala i kahu no lakou, no ka $20.00 o ka mahina a keia mau Ekalesia e haawi hooluolu aku ai.  Ua ae aku ka mea i kahea ia.

Eha—Palapala noi mai S. Kohala ame Waimea mai, e noi mai ana e ae aku keia Aha e haawi i laikini haiolelo no J.S.Akahi ha’i mua ia maluna.  A ua ae aku ka Aha.

Ma ke noi waha a O. H. Gulick, e haawiia i laikini haiolelo euanelio no Mrs. Abe Baker i ha’i mua ia maluna, ua hooholo aku la ka Aha.  Ma keia ano no, ua hoonohoia o K Hughi (Kepani) i kahu Kepani ma kekahi wahi o Hilo, a ua hookoia ma ke Sabati, la 4 o Maraki.  Eia nae, aole i ike kou mea kakau i na mea i hanaia ma ke Sabati, la 4, oiai, eia no makou i Puna nei kahi i malama ai i ke koena o na hana, o ke komite na lakou ia hana ame kekahi poe e ae, o lakou ka i pau e aku i ka hoi no Hilo, ma ka Poaono, la 3.

 

NA KOKUA I KA PAPA AMERIKA AME KA PAPA HAWAII.

 

Ua nui na leo paipai mai ke Kakau Leta mai, O. H. Gulick mai, E.S. Timoteo ame na hoa o ka Aha, e haawi ana i na kauoha i na kahu, na komite ame na elele e hoi aku a hapai i keia mau haawina iwaena o na ekalesia, a ke loaa no hoi, e hoouna aku i ka Puuku o ka Papa Hawaii mamua ae o ka la 15 o Mei.

 

KO KA AHAHUI KULA SABATI.

 

Mawaho ae o na hana maa mau o keia Aha, eia wale no ka mea ano nui i hoea mai:

O J. W. Moanauli ka inoa a keia Aha e waiho aku ai imua o ka Ahahui Paeaina i Kahukula Sabati Nui no Hawaii Akau, ma kahi o Thos. S. K. Nakanelua.

Minamina no hoi ia makamaka maikai.

 

HOIKE KULA SABATI.

 

Malaki 4, hora 8:30 a.m. malamaia na hana Hoike Kula Sabati o Kalapana wale no, i alakai ia e J. M. Kauila, a i noho hoomaluia e Rev. J. Keala. ka peresidena o ka Ahahui Kula Sabati.

Hookahi no keia Kula Sabati i maheleia i eha mahele.

Maikai na hana Hoike Kula Sabati, a i ka hapalua o na hana, pi-o-o ae la na hoa e manao ana e hoi ia awakea maluna o na kaa lio, a lilo iho la ia manawa, i manawa haawi aloha a i ka hala ana o ka poe hoi, hapai hou ia ka hoonee ana aku i ke koena o na hana, a pau me ka hauoli o ka puuwai i na mea maikai.

 

HOOKOMOIA I KA HOAHANAU.

 

Malaki 6, hora 3 p.m., he 18 mau hoahanau hou i hookomoia i ka Ekalesia e Rev. E. S Timoteo ame Rev. J. N. Kamoku, a hookahi i bapetizoia, a o keia poe apau no Kalapana ame Kaimu.

Ma Pahoa, i Malaki 7, hora 2 p.m., ua bapetizoia ma ka home noho o ka makua kahu kanawai.  Wm. Kamau. Esq., o Miss Kuualoha Kamau ame Miss Kuualoha Makuakane, a na Rev. E. S. Timoteo ame Rev. J. N. Kamoku.

O keia iho la na mea hou ano nui.

Me ke aloha.

D.A.

Waiohinu, Kau, Hawaii, Malaki 17, 1906.

 

HOALOHALOHA.

 

“Aole home paa mau maanei,

Ma o ma Edena maluna,

Eia na hoa, ke holo ae nei,

Ia Home mau, home mau.

Ma ka moana huhu e kaa e,

Ia home mau, home mau:

Pii mai na ale, a o oloku,

Luli ka moku i o a i o,

Paa i ka luna. a holo ae no

Ia home mau, home mau.”

 

Mamuli o ko ka Makua Mana Loa kii koke ana mai ia Hon. J. W. Keliikoa, e hoi e aku ma ke ala i hoea mai ai na mea apau i hanaia mai ai e Kona Mana, e kali ana no ka pu hope loa o ke ‘Lii anela lanakila.  e hoala mai ai mai ka palaho a i ka palaho ole, a e pii eheu aku auanei Kona poe kanaka i wae ia, a e noho ma ka lima akau o Kona Makua.

A mamuli o keia kahea koke ia ana mai o Hon. J. W. Keliikoa, e neo a e haalele iho i keia ao inea a i ka maha ma o:

Noiaila, o makou o na laia o ka Ahahui Kaialaina Democarata ame Kuokoa Home Rula i Hulia o ka Mahele 2.  Apana 2. ma kekahi halawai i malamaia ma Kailua, ua hooholo ae ia halawai e haawi aku i Hoalohaloha no Hon. J. W. Kelii koa. kekahi lala a hoa paahana pu o keia mau ahahui kalalaina i huila, a ua haawila keia hana ma ka lima o ke komite.  Nolaila—

Hooholoia:  1.  O makou o na lala o na Ahahui Kalalaina Democarata ame Kuokoa Home Rula l Huiia o ka Mahele @.  Apana @. a ma o ko makou komite la. ke komo a ke huipu aku nei makou me oe e Mrs. Kaaimahui Keliikoa, e kanikau a kumakena pu m@ ka wa@ohia no Hon. J. W. Keliikoa, kau kane aloha i hala e aku la ma o. ma ka aina e maha mau loa ana, ma ke alahele hoi o na mea apau, a haalele mai la ia oe ame na keiki makua ole ame ka ohana no apau e uwe paiauma aku ma keia home paa ole.

A no ka mea, o kau kane i hala aku la. he lala ikaika oia a he lima kokua no ka hooholo mua ana i na hana o na ahahui kalaiaina i huiia , a ma ia kahua oia i ku ai a hiki iho la i kona la i haalele mai la.

Hooholola:  2.  Ke waiho nei makou i ka makou mau noi ana imua o ka Mea Mana Loa, e haawi mai Ola i ka naau maha, a e lu ae i na ehaeha ame n kaumaha mai kou puuwai ae, a pela pu me na keiki makua ole ame ka ohana no apau loa o kau kane a makua aloha i haia aku la.

Hooholo@a:  3.  E hoounaia i hookahi kope o keia Hoalohaloha i ka wahine kanemake, na keiki ame ka ohana o ka mea i make, a i hookahi i ka nupepa Kuokoa, “Ke Kilohana Pookela a ka Lahui Hawaii;” a i hookahi i ka nupepa Ke Aloha Aina, “ka milimill a ka lahui;” a i hookahi i ka nupepa Kuokoa Home Rula, “ka wahaolelo a ka lehulehu.”

O makou iho no me ka walohia i ka hoa paahana.

SWEET H. KAUILAOKALANI,

W. P. KAHALE,

JNO. N. KAPAHU,

J. K. LAIOHA,

S. K. KUPIHEA,

Komite.

Kailua, Kona Akau, H. T., Malaki 17, 1906.

 

HOALOHALOHA.

 

“Aole o kakou home paa mau maanei, aia ma o ka home e mau loa ana.”

Mrs. Kaaimahui Keliikoa.  Walohia wale!  Mamuli o ka lawe ia ana’ku o ka uhane o kau mea aloha, he kane. ka Hon. Joseph William Keliikoa, mai ka home noho aku o James Hanuwela Waipuilani. Esq., ma Kailua,.  Kona Akau.  Hawaii. i ka hora 9:30 a. m. o ka la 11 o Malaki , A. D 1906, ua ili iho maluna o makou o kona mau hoa Lahainaluna, he haawina luuluu me ka walohia, i ko makou hoa luhi o ka imi naauao, kahi a makou i hoomanawanui ai i ka inea.  “Ka ipukukui pio ole i ka makani Kauaula, ka Hokuhele o ka Pakipika.”

I alo ia ai e makou na la makaponiuniu oia mau la imi naauao, aia hoi ua hala aku la oia ma o; a no kona hala ana aku la ma kahi e hui hou ole ai na mea kino, nolaila, ua ulu mai na hoomanao aloha ana iloko o makou no Hon. Joseph William Keliikoa, kekahi o ko makou hoa uhaiaholo pu o ka imi naauao ana, a na ke aloha poina ole i kono mai i ko makou mau puuwai pakahi a pau a hooholo iho la penei:

1          Hooholoia:  O makou a na hoa Lahainaluna apau, e noho ana ma ka Apana o Kau nei, mokupuni a Kalana o Hawaii ua eha ia makou me ka welenia o ka puuwai.  N@la@@. ke komo pu aku nei makou e kanikau a kumakena pume oe e ka wahine kane make i h@@neleia mai la i ka makua ole. ke kokoolua o ka home, a o ke poo @@i o kao hana@ nana e hoomalu ana i ko k@ hale a pau me ka puuwai aloha.  Ke @@amo pu nei makou. e like me ka ehaeha i kau iho maluna ou. @ia haawina ka makou e lawe nei.

2.         Hooholoia:  Ke komo pu aku nei makou, e kaumaha ae luuluu pu me na keiki i hooneleia mai la i ka makua ole: oiai. ua kii mai la ka Makua Lani i ko oukou makua ma ke kino. a ua nele pu kakou i ka makua ole.  O ko oukou ehaeha ana.  ua ili mai la maluna o makou o kona mau hoa o ka Malu Kukui o Kaukaweli.

3.         Hooholoia:  Ke hui pu nei makou. me ka puuwai Lahainaluna o@alo apau:  a noi aku i ka Makualani e haawi mai Oia i ka manao kupono a aloha kanaha’i iki ana mai iloko o ka ohana i hookaumahaia:  a ma kahi o ke kaumaha e hoomohala ia ae na u kanikau ana a e hoonalo ia aku, a e noho alii iho ka hauoli o ke aloha makua, me he mea ‘la aole oia i kaawale mai o kakou aku. a o ke aloha o ka kakou Haku Lani ka hoolana nana e hoohauoli mai ia kakou.

4.         Hooholoia:  Ke apono nei makou me ka puuwai lokahi e hoouna ia i hookahi kope o keia hoalohaloha i ka ohana o ka mea i make, i hookahi i ka nupepa “Kuokoa,” a i hookahi i “Ke Aloha Aina.”

A na ka Haku no e hoolana mai i ko kakou mau kaumaha a pau.

O makou iho no, o kona mau hoa imi naauao, me ka ehaeha o ka puuwai.

JAS. H. WAIPUILANI,

J. K. KEKAULA,

DAVID ALAWA.

Waiohinu, Kau, Hawaii, Malaki 16, 1906.

 

HE HOOMAIKAI.

 

E na hoahanau aloha iloko o Kristo Iesu, S. M. Kanakanui ame S. K. Kamaiopili.  ame ko olua mau hoa iloko o ke apo o ke aloha:  Me ke aloha nui loa:  Oiai, ua loaa mai i keia ekalesia ka oukou makana o ekolu mau huihui kukui no ka hoomalamalama ana i ko makou luakini. he hoike hoi no ko oukou manao aloha.  a kokua i ke aupuni o ko kakou Haku aloha:

Nolaila, e hooholoia:

Akahi.  O makou pakahi a huila, ka Ekalesia o Wainee, Lahaina, Maui, ma o ko makou komite ‘la, ke haawi nui aku nei i ko makou hoomaikai nui loa ia olua, ame na poe i awaiaulu pu ne olua iloko o ke aloha, ma o na makana i hoike ia maluna ae.

Elua.  Ke pule nei makou i ka Makua aloha, e hoopomaikai nui mai oia ia oukou pakahi apau, ame oukou hoi Kona malu i na wa apau, a hiki i ka hopena.

O makou iho no ma o ko makou komite la.

S. KAPU,

D. W. K. WHITE,

D. KAHAULELIO,

A. MAKEKAU,

J. M. IHIHI,

PILIPO PALI,

CHAS. K. HOOPII,

G. W. KAUWENAOLE,

G. K. PAAOAO,

MRS. L. KAUWENAOLE,

MRS. KUALAU.

Hanaia ma Wainee, Lahaina, Maui, Maraki 4, 1906.

 

KA HOIKE HAPAHA O NA KULA SABATI O KAWAIAHAO.

 

Ma ke Sabati iho nei.  Malaki 25, 1906. ua malamaia ka hoike hapaha o na Kula Sabati o Kawaiahao elike me ka mea maa mau.  He mea hoi na kou mea kakau e hauoli @i i ka hoike ana ae o ka piha mau o ke anaina Kula Sabati ame ka hoonee ia ana o na hana imua mamuli o ke alakai ia ana e Mrs. Mary Wilcox. ke Kahu Kula Sabati. he hoike ana mai ia i ka nee mua ana o na hana Karistiano o ke Aupuni Malamalama o Karisto.

Ma ka hora 10 a. m. ponoi i hoomakaia ai na hana hoike elike me ka papa kuhikuhi hana ma ke mele ana i ka Himeni Hui ma ka aoao 190. Hoku Ao Nani. ame ka pule ana a ka Hope Kahu Kula Sabati.  E. K. Lilikalani, e like me ka papa kuhikuhi:

Himeni Hui—H. A. N., 196.

Pule Wehe—E. K. Lilikalani.

Hoike—Kula Sabati o Kawaiahao.

Hoike—Kula Sabati o Pauoa.

Hoike—Kula Sabati o Palolo.

Heluhelu Kike—Halelu 121.

Na Olelo Hoolaha—Rev. H. H. Parker.

Ua ku mai ke Kahu. Rev. H. H. Parker, he mau olelo hoolaha o ka Ekalesia, a ma ka hope, ua heluhelu mai la oia i kekahi leta imua o ke anaina Kula Sabati mai ia Lunakanawai S. Hookano, o Ewa. e hoike mai ana i ke aloha i ke Kahu. na hoahanau ame na haumana Kula Sabati. mamuli hoi o ka oluolu ana o ka Mea Mana Loa, ka lawe ana aku i ka hanu hope o ka laua keiki a ke Akua i hoopomaikai mai ai. aka, ua kii mai ia no nae ke Akua i Kana mea i aloha ai a lawe aku la no i ka wa pono.  He kumukula Sabati oia no na opio wahine o Kawaiahao a he mea hoi i aloha nui ia.  Ua ili iho la ia manawa he haawina kaumaha i ke Kahu.  na hoahanau, ke Kahu Kula Sabati ame kona hope, na kumu. ame na haumana o ke Kula Sabati o Kawaiahao, i ka nalo ana aku o kekahi hoa paahana o ke Kula Sabati. A na ke Kahu no i hoolaha mai, ina @e mau hoaloha kekahi ona (ka mea i hala) ame na makua. he mea pono ke ike aku i kona kino lepo e malamaia ana ma ka hora 3 p. m. o keia la.  Walohia wale.

I ka pau ana o ka ke Kahu mau manao hoolaha. ua kahea ia ke Kula Sabati o Manoa, a ma ko lakou ku ana ae, i ike ia aku ai o J. N. Hipa kekahi, a nana hoi ke alakai ana i na himeni. a mamuli o ke kulana ame ke ano o ke alakai ia ana mai. i hoomanao ae ai au i ko H. R. Hitchcock alakai ana i na haumana o ke Kula Nui o Lahainaluna i kona wa e noho kumu poo ana no ua kula la.

Mahope aku o keia ka hapa aku i koe o ka papa kuhikuhi:

HoikenKula Sabati o Manoa.

Hoike—Kula Sabati o Waikiki-kai.

Hoike—Kula Sabati o Kamoiliili.

Hoike—Papa o na Opio Wahine.

Himeni Hui—H. A. N., 12.

Lulu Dala.

Hoike—Papa o na Makuakane.

Hoike—Papa o na Makuahine.

Hoike—Kula Sabati o Puaikalani.

Na Olelo Paipai—Kahukula Sabati.

Hoike a ke Kakauolelo.

Himeni Hookuu—Himeni Hawaii, ao-ao 603.

Pule Hookuu.

O keia kekahi o na hoike ana o na Kula Sabati o Kawaiahao i oi ae ka maikai ame ka holo o na hana i hanaia mamua o na hoike ana i hala, ua pau na hana a ua koe nui ka manawa no na manao paipai.  A mai na olelo paipai mai a Kailimai, Kanealii ame Kahoa, hookahi wale no mea ano nui o ka paipai ana i na pokii. na opio ame na makua e hoomau i keia hana. a e hooi aku i ko ka hapaha e hiki mai ana i ko keia hapaha i pau iho ia. a he nui aku no ka lakou mau olelo waiwai.

Mamua o ko’u hoopau ana ae i keia. ke haawi aku nei au i ko’u mahalo ame kuu hauoli no na hana i hanaia elike me ka’u i ike ai. a o ka oi loa aku. i ka Haku Iesu, ka Mea Nona mai ko kakou ola ame na pomaikai.  He mea oiaio, o ka noho ana me ka lokahi. he mea ia e lanakila ai. a e holopono ai na hana—pela hoi. o ka lokahi ana o ke Kahu Kula Sabati me kona hope. na kumu hoi me na haumana. oia iho la no ka mea e lanakila ai a e holopono ai no hoi. Ina e nana aku ina hoku o ka lani, @e nui lakou. a @e mau malamalama o kekahi i kekahi. aka, hookahi wale no mea nui. o ko lakou hoolele like ana mai i ko lakou malamalama i ka honua nei. i ike aku ka poe e nana aku ana ia lakou. Pela no hoi au e olelo ae nei ia kakaou. ua like kakou me na hoku: he mau malamalama ko kakou. aole nae he like aka. hookahi wale no mea nui. o ko kakou hana like no. a o kou ike iho he pono kela hana iho. pela auanei e loaa ai ia kakou ka malamalama i oi ae. ola o Karisto.

Me ka hauoli e hooi ia aku na hana o ka hapaha e hiki mai ana.

JAS. H. S. KALEO.

Auwaiolimu. Honolulu, Malaki 26, 1906.

 

KU MAI ELUA MAU MOKUKAUA.

 

He elua mau mokukaua holomama o Pelekane, o ka papa elua. i ku like mai ma Honolulu nei i ke Sabati iho nei: eia nae he okoa na wahi a laua i holo mai ai. O kekahi mai Kina mai. a o kekahi mai Nu Kilani mai. a o Hawaii nei ko laua wahi e hui ai. O ka mea hilu loa o nae hoi, o ia ka holo ana mai o keia mau mokukaua mai na wahi like ole mai a hui ma Honolulu nei i ka la hookahi a i ka hora hookahi. a he hoike ana keia i ko na Pelekane ana ana i ka manawa ame ko lakou noeau hooholo moku.

O Cambrian ka inoa o kekahi moku. a o Flora hoi kekahi. a he hookahi no o laua kii i hanala ai. nolaila, ma kekahi olelo ana’e. he kaikuahine kekahi no kekahi. He 4360 tona ke kaumaha o ka moku hookahi, a he 9000 lio ka ikaika hoonee o ka mahu. Ke lawe pakahi nei laua he 315 mau ola uhane.

O ka mokukaua Cambrian, oia kekahi o na mokukaua o ke kahua hooolulu mokukaua Pelekane ma Amerika Hema. a i ka hoopauia ana oia kahua hoolulu. ua hoihoiia ae la keia moku no Aukekelalia, iloko o ka malama o Dekemaba, 1905.

O ka mokukaua Flora hoi, ma na Kai o Kina oia i kukuluia ai, a ma ka la 11 o Malaki@nei, haalele aku la oia ia Iokohama a holo mai no Honolulu. nolaila, ua holoia mai e keia moku na la he umi-kumamalima a ku i o kakou nei.

 

PAU KA PILIKIA AILA-MAHU.

 

Ma ke ku ana mai o ka moku kalepa R. P. Rithet ma ka la Sabati iho nei, ua hoopauia a’e ka pilikia ailamahu o ke kulanakauhale nei, nana i hoano-e a’e i na noonoo o kekahi poe.

O ke kumukuai haahaa o ke tini aila hookahi he $1.10 a he $2.00 o ka pahu. Ma ka pule i hala ua pii a’e ke kumukuai a i ka $1.65 o ke tini a he $3.25 o ka pahu. a iloko no o ke kau o keia mau kumukuai he uuku loa no ka mea i loaa mai.

 

HANA PU ME NA MEA A KE AKUA I HANAI.

 

O ka laau e loaa ana ke ola ame ka holomua. o ia no ka laau e hana pu ana me na meaa ke Akua i hana’i.

O ka laau kunu a Kamaiena oia wale no ka laau o @ ano.  E lawe oe i kou wa e loaa ai i ke anu a o ka oiuoiu no i o ke@ unu. hoomama ae i ke ake mama. kokua i na mea a ke Akua i hana mai ai i mau mea e kokua ana i ke ola o ke kanaka a @e pale hoi kana i ka loaa ana mai o ka numonia. Ke kuaiia nei e BENSON, SMITH & CO., LTD., na Agena ma Hawaii nei.

 

HOOPAU HUI I HOOHUIIA.

 

TERITORI O HAWAII.

 

KEENA PUUKU. HONOLULU, OAHU.

 

Iloko o ka Hoopau ana o ka Hawaiian Chinese Kona Coffee Planatation, Limited.

Oiai, o ka Hawaiian Chinese Kona Coffee Plantation, Limited, he hui @ kukuluia a e ola ana malalo a ma ka pono o na kanawai o ka Teritori o Hawaii. ua waiho mai iloko o keia keena, mamuli o ke kanawai i hanaia a i hoolakoia no na hana o ia ano, @e paiapala noi no ka hoopau ana i ka hui i oleloia. pau pu me ka palapala hooia i hoopili pu ia aku e like me ka makemake o ke kanawai.

A nolaila, ma keia ke haawiia aku nei ka hoolaha i ka mea a mau mea he kuleana kona a o lakou mai mua mai a i keia manawa ma na ano apau. iloko o ka hui i olelola. oia hoi, o na hoohalahala apau no ka ae ana aku i ka palapala noi i olelola e pono e waihoia ae iloko o keia keena ma a mamua o ka hora 12 awakea o ka la 30 o Malaki, 1906, a o ka mea a mau mea e makemake ana e hooloheia oia a o lakou paha he mea pono e hiki kino ae ma ke keena o ka mea nona ka inoa malalo iho nei, ma ka Hale Aupuni Manahooko, Honolulu, ma ka hora 12 awakea, o ka la i oleloia, no ka hoike ae i ke kumu, ina he mea kahi o ia ano, no keaha ia e ae ole ia ai ka palapala noi i oleloia.

A.J. CAMPBELL.

Puuku, o ka Teritori o Hawaii.

Honolulu, Ianuari 23, 1906.

3104—Jan. 26, Feb. 2, 9, 16, 23, Mch.2, 9, 16, 23.

 

KA LAAU KAMAHAO O INIA.

 

O na mea apau i loohia i na ma’i ame na eha palaho, o na ano ike ole. ua loaa no ke ola loa. i ka laau Kamahao o Inia. Pela no hoi me na ma’i kane, haukeuke, a he nui wale.  Pela no hoi me ka poe i loaa i ka uha hemo. Ua ola lakou apau loa @a’u.

E hele mai oukou e ike la’u me ka’u auhau ole no ka nana ana ame ke kuka ana. Manawa hana ma ke keena: Poakahi. Poalua ame Poaha, hora 8:30 p. m. Ma Maunakiekie, Helu 1416 alanui Kinau.

J. LOR WALLACH.

Mea Kawili Laau o na Laau Inia.

Pahu Leka (P. O.) 577.

 

HOOLAHA HOOKAPU.

 

Ke hoike ia aku nei ka lohe i na mea apau, e hele nei ka auau kai. a lawaia paha ma ke kai o Hamohamo, ma Waikiki-kai, Honolulu, Oahu. ke hookapu nei ka Moiwahine Liliuokalani aole e kii i ka Limu Pakaeleawaa, me ka Limu Huluuluwaena, Opihi, Pupualealea, I-na. Haueue ame ka Pipipi, ma ke alo ponoi iho o ka Pa Alii. Na kona mau lima alii ponoi no i kanu a hookawowo i keia mau mea apau i hoike ia ae la maluna, a o ka mea e kii ana i keia mau mea e hoopai ia e ke kanawai. O kela mau mea apau i kanu ia e ka Moiwahine mai Hilo i lawe ia mai ai kekahi. no Lahaina kekahi, no Molokai kekahi, no Kauai kekahi, no Waialua, Oahu nei. kekahi.

E hoolohe i keia hookapu.

J. O. CARTER.

Agena.

Honolulu, T. H., Malaki 1, 1906.

3091—Mar. 2, 9, 16, 23, 30

 

HOOLAHA HUI.

 

Ma keia ke haawiia aku nei ka hoolaha o William R. Chilton, Joseph Carlo ame Frank Levy, no Honolulu lakou apau, o ka Teritori or Hawaii, ma ka la 12 o Malaki, 1906, ua kukulu ae i hui malalo o ka inoa hui o ka The J. Carlo Pawnbroking Co. (Hui Hoaie a J. Carlo) no ka lawelawe ana i na hana hoie. kuai ana mai ame ke kuai hoolilo ana aku.

THE J. CARLO PAWNBROKING CO.,

Ma o Frank Levy.

3112—Mch. 23, 30

 

Ke Maikai Ole ke Koko ua Pilikia Iho Ia ke Kino.

 

E hoomaemae i ke koko a e kipakuia aku no na ano ma’i apau. Aole @@ laau i loaa ae no ka hoomaemae ana i oi aku mamua o ka.

 

AYER’S SARSAPARILLA—

 

ka mea hoi nana e hookaawale aku i n@ kumu o ka ma’i ma ka hoola hoowaiwai ana i ke koko a ma ia ano ua hooikaika ia ke kukulu ana i ke kino; a o ka hopena hikiwawe loa oia ka hoi ana mai o ke olakino maikai. Aia he kaukani o na kanaka i hiki ke hoike ae i na kuia na ehaeha a lakou i noho kaumana ai mamuii o ke kokokoino, a i kela manawa ela lakou e makaukau mau nei e hapai pookela ae i ka Ayer’s Sarsaparilla.

Hoomakaukauia e Dr. J. C. Ayer & Co., Lowell, Mass., U. S. A.

 

Ke Kii Mahele Koho Hou o’ka Apana Eha a Lunahoomalu Robikana.

NA MAHELE KOHO HOU NO KA APANA EHA.

(Drawing of Districts?)

 

O ke kii e kau ae la maluna oia ke kil e hoike ana i na mahelekoho hou o ka Apana Eha elike me ia i haawiia e Lunahoomalu Robikana o ke Komike Kuwaena o ka Aoao Repubalika.  Ua ikeia aole he mea kupono e loaa iloko o kela ame keia mahelekoho na poe koho i oi aku maluna o ka ekolu haneli, no ka mea, o ka oi aku maluna olaila, oia ka mea nana e hoonui loa aku i ka hana i ka wa e helu ai i na balota, eia nae, o ua mahelekoho e ku nei i keia manawa ke apo nei lakou i ka poe koho i oi loa aku maluna o ka heluna i hoikeia ae nei.

O ka mahelehele hou ana i na mahelekoho oia ka mea i noonoo nui ia e Lunahoomalu Robikana ame ke Komike Kuwaena no hoi o ka Teritori ma kekahi mau manawa i hala ae nei a o ka hua o ka lakou hooikaika ana oia keiia kii mahelekoho balota.  A no ka Apana Eha no hoi ia.  Ua manaoia o na mahelekhoho hou i loaa iho la iloko o keia palapala –kii oia ka hoopalanaiki ana mai i ka nui o ka poe koho balota e emi iho ai a ka huina i makemakeia.

“O ke Kiaaina,” wahi a Lunahoomalu Robikana. ma kona hoike manao o ka Poaha o ka hebedoma i hala; “ua hoouna mai oia @e olelo i ke komike e hoike ana he mea pono e hoonuiia na mahelekoho balota a e kaomi i ka 300 poe koho ka palena no kela ame keia mahelekoho. i mea e hoomaalahi ai i ka lawelawe ana e pili ana i na balota no ka moho Elele, na moho Lunamakaainana ame na moho Senatoa ame na moho luna aupuni Kalana.

“A i ka ike ana o ke Komike Kuwaena o ka Aoao Repubalika i keia mau hoolala a ke Kiaaina ua lokahi ae la ke Komike ma ia mea. Ua koho koke ia iho la he komike liilii no ka noonoo ana malua o ka mahelehele ana i ka Apana Eha. O ka Apana Elima aole ona pilikia loa aka o kela ame keia mahelekoho o ka Apana Eha mawaho balota i hala. ua ikeia, aia ka poe koho balota o kela ame keia mahelekoho maluna o ekolu haneli.

“Aia he 3476 poe koho balota i hoopaa ae i ko lakou poe inoa iloko o ka Apana Eha, he averika @oi o 386 o ka mahelekoho hookahi.  A ma ka mahele ana i na mahelekoho o ka Apana Eha iloko o 12 mahelekoho aole hoi i ka eiwa. e loaa ana ka averika i ke 289 poe koho o ka mahele hookahi.

“Ua waiho aku wau i keia kii mamuli o ka hooaiai o ke komike liilii. he kii hoi i hanaia no 12 mahelekoho o ka Apana Eha a’u hoi e manao nei e maikai ana no ka poe koho ame na lunanana a no na hana no apau.

“He mau hoolala wale no keia na ke komike me ke pani ole ana i ka ipuka no na manao e waihola mai ana no keia kumuhana. a ua olioli nui ke komike i ka hui ana me kekahi mea i manao he mau hoololi a he mau hoolala kekahi ana.”