Ka Nupepa Kuokoa, Volume XLII, Number 14, 5 April 1907 — HE HOOMANA HOU. [ARTICLE]

HE HOOMANA HOU.

Aia ma ke alanui Nuuanu he hoomana hou a i ike ia ma ka inoa "Ka Hoomana Olokaa." He hoomana hou keia i hoea mai nei mai ka aina makua mai, a ua olelo ia he mau kaukani I komo iloko o keia Ekalesia hou. Ma na ahiahi apau o kela ame keia pule, mawaena o ka hora 8 ame ka hora 10 o ka po e malama ai keia hoomana i ka lakou mau hana e pili ana i ko lakou Ekalesia a iwaena o kekahi o ka. lakou mau hana i ikemakaia, oia no ka walaau ana o na poe apau, ka uwauwa ana, ka himeni ana, ka olokaa ana ilalo o ka papaheie, na kane. ame na wahine, na olelo e, a pela wale aku, a he ku maoli no i ka hoohilahila ke nana aku i ka lakou mau hana. Ua ikeia keia hoomana ma ka inoa he "Hoomana Olokaa."