Ka Nupepa Kuokoa, Volume XLII, Number 20, 17 May 1907 — MAI HOPU HEWAIA KA ONA MILIONA O NU IOKA. [ARTICLE]

MAI HOPU HEWAIA KA ONA MILIONA O NU IOKA.

Mainuli o na kauoha i loaa mai i na Luna Aupuni Federala ma Hawaii nei no ka hopu ana ia Ross W. Douglas no ka aihue ana i ka waiwai o ke Aupuni i haawiia aku malalo o kana malama ana, ma kona ano he Mea Ukudala no ka Oihana Civila ma Manila, nolaila ua hele aku la o Ilamuku Hendry ame ka Loio Amerika Breckons, no !ia uwapo no ke kali ana o ka ike aku i ke kanaka a laua e kakali nei, a ia manawa i iho mai ai kekalii haole ma ka inoa o J. McAnerney ame kana wahine ma ke alanui pii o ka moku a oia no hoi ka manawa A kekahi o n?,luna Aupuni Fedcrala i hoike aku ai iaia, via makema>ceia oia, a ua lilo hoi ia i mea hookahaha aku i ka manao o ka malihini. Mahope o ka hoikeia ana aku iaia, ua maKemakeia oia mamuli o ke kauoha i loaa mai no ka hopu ana iaia, no ka aihue i ka waiwai i haawiia aku e malama, ua hoole koke mai la ka malihini, mc ka hoike pu ana mai aole loa oia i ike i kekahi mea e pili ana no ke Aupuni o Manila, a no ka mea mai Nu loka mai oia, a eia hoi oia ke liele nei ma kana huakai makaikai me kana wahine o ka mare koke ana mai no, a ina no ke kanalua o na luna aupuni no kana mau olelo, ua hoike pu mai la no hoi ka malihini, ua makaukau mau na ohua e ae oluna o k* :n« ku e hooia mai i kana mau olelo. Ua kulike loa na ano o keia malihini me na ano o ka haole i makemakeia ai no ka hopu ana, a o kahi like ole wale no aia ma ko laua mau maka. Aole i hoolohe aku na luna aupuni ina olelo aka malihini, aka i ka nana ana aku i kona mau maka i kulike ai mc «a hoakaka i loaa mai maanei e pili ana no ke kanaka i makemakeia, ua ike koke iho la laua i ko laua kuhihewa, oia hoi he ulaula ko ia nei mau maka, a he eleele ko ka mea a laua e hakilo nei no ka hopu ana. O keia kekahi o na kanaka waiwai loa o Nu loka, a ke ku mai nei no hoi kana wahine e nana i kana kane iloko o keia mau hana a na luna aupuni me kona mau nanaina pihoihoi no keia hana ana e ike nei.