Ka Nupepa Kuokoa, Volume XLII, Number 23, 7 June 1907 — E HOALA AUANEI PAHA NA KEPANI I HUI UNIONA. [ARTICLE]

E HOALA AUANEI PAHA NA KEPANI I HUI UNIONA.

Eia iloko o ke kulanakauhale o Honolulu nei kekahi mau eleie Kepani 1 hoounaia mai na mokupuni lehulehu mai no ka hui pu ana e noonoo maluna o ka ninpu e pili ana i ka hana. I mea e pono ai o keia manao o lakou, ua hoolimalima ae lakou i kekahi 0 na loio o keia kulanakauhale i mea nana. e waiho aku i ko lakou mana® imua o na limahana Pukiki ame ke Paniolo e holo nui mai nei no keia Teritori. No kekahi manawa i hala ae nel 1 hoomaopopoia ai e ala mal ana na Kepani a kukulu i hui uniona apuni na mahlko o keia Teritori, no ke kupale ana aku 1 ka mea a lakou e olelo nei, n<j ko lakou mau pono. O kekahi o kela pono a lakou e olelo nei ,oia no ke koi ana aku e loaa mai ia lakou ka ukuhana like e loaa nei 1 na limahana e ae e hookomoia mai nei iloko nei o ka aina. Ua olelo ae ka poe 1 kamaaina i ke ano o na Kepani, aole he hoihoi o keia poe hana i na lahui ili keokeo e hana like me lakou ma na mahiko, oiai he haahaa loa ko lakou uku a he pli ko keia poe ili keokeo a e oi loa aku ana hoi ko lakou makemake ole l keia poe hou ke hoea mai, oiai aole o lakou maa i ka hana ana ma na hana o ka mahiko iloko o na la mua. Mamuli o keia hui ana ae la o keia mau elele, ke upuia aku nei e hoea mal ana kekahi mea ano nui ma ka lakou halawai a hooholo ana.