Ka Nupepa Kuokoa, Volume XLII, Number 28, 12 July 1907 — KA HOKU NANI O KE KAKAHIAKA. [ARTICLE]

KA HOKU NANI O KE KAKAHIAKA.

Hanohano ka Hoku o Hakawai, Ka onohi daimana kau i ka iu. Nou keia la nui Hanohano, E Molokai a Hina ulu wehi, Wehiwehi nei la Holo pa-u, A ka lehulehu a e hiaai nei. Makamaka i ke oho a o kamaile, Ua pii pono i ka helu ekahi Akahi a ike maka i ka nani, I ka welo a ka pa-u melemele. Kohu manu o-o ke ike aku, I ka welo haaheo mai i ka makani. E o nei Hui i kou inoa, Ka hoku Nani o ke Kakahiaka. O ke anuenue pi'o i ke kula, O ka punohu ula ko ka moana. Olapa ka uwila ku'i ka Hekili. Nei e ke ola'i 'i ko kapulani, A he lani nei Hui holo pa-u, Ua hui mai me na Ailana. Lokahi mai pupukanioe, Haaheo ka hana ia Ualapu'e. O ke ku kilakila a ka Luaaha, Kiekie Mapulehu i ka iu. Kau mai o kauluulu i ka lai, Pili mai Pukoo me ka nahenahe. Hoohie Kainaiu i ka ehu kai, Ei aku e ka la'i o Waialua. Ua nani Napili i ka iuiu, Na hono kaulana a Piilani. A o na lani kiekie ko luna, Ka Hoku Alakai o Hakawai. E ola nei Hui holo pa-u, A kau i ke ao malamalama. Haina la mai ana ka puana, Ka Hoku Nani o He Kakahiaka.

KIKAKO, lulai 2.—He uml tausani poe kanaka hana maluna o na kaa ma na alanui i haawiia ka lakou mau noi e hoomahuahua hou ia ae ko lakou uku hana. . . .2. .