Ka Nupepa Kuokoa, Volume XLII, Number 36, 6 September 1907 — E HOIHOI I NA MA'I LEPERA I IAPANA. [ARTICLE]

E HOIHOI I NA MA'I LEPERA I IAPANA.

Eia kekahi poe Kepani o Honolulu nei ke hoolala nei i kekahi alahele e hiki ai i ko lakou lahui i loaa i ka ma'i hookaawale ke hoalo ae mai ka laweia ana aku 1 Molokai, a e hlki al hol i ka poe i laweia ilaila ke unuhiia mailaiia mai no ka hoihoi ana aku ia lakou i lapana, ke aeia mai ia manao e na luna nui o ka Papa Ola. O na Kauka Mitamura ame Mr. Ishii na mea paipai ikaika loa ma ka hoeueu ana i keia manao aloha. Ano koke wale mai no, iloko o kela mau mahina aku nei i hoomaka mai j nel ke Aupuni o lapana e hookaawale i ka noho huikau ana o ko lakou poej ina'i lepera, aka nae, he ekolu mau kahua nui i hoomakaukauia no ka malamaia o ka poe ma'i ola ano malaila. Malalo o keia mau kumu ke manao nei na Kepani o kakou nei o n?t kumu ke'ake'a i ka hoouna ana i. ko lakou poe ma'i i lapana ua hoopaula. 0 ka manao maoli o kekahi poe o lakou he oi aku ka pono e hoounaia ko lakou poe ma'i i ko lakou aina, aohe waiwai o ko lakou hoounaia i Molokai; aole a lakou hoao hou ana e huna iho ia mea, no ka mea, -ua ikela ka ma'i aia iwaena o lakou, a he mea pono ia lakou e hoike aku imua o na luna nui o ka oihana ola no ka nanaia mai mamua o ka hoohuoi wale ia no. A ua loaa pu ia lakou ka manao ina e hoihoiia ana ko lakou poe ma'i i lapana he manaolana no ko lakou e loaa ana no ke ola i kekahi poe, ke lapaauia he mau lawelawe ana hol i like ole me ia e hanaia mai nel ma Molokai. Ma ka lawe ana mai i kela kumuhana mamuli o ka Papa Ola, ua hooholo lokahi na Kepani e hoahu i waihona mahuahua I hiki ai ke ukuia na hoolilo apau no ka hoihoi ana ia lakou (ka poe ma'i) i lapana me ka hoolilo ole o ke Aupuni Teritori no ka hoihoi ana ia lakou. A ua manaoia aole ana he mau ku-e ana mai a ke Aupuni o lapana no keia kumuhana, no ka mea, ma kona ano makua e ae mai ana no oia e apo aku a e malama mai hoi i kana mau keiki i ioohia i ka pilikia a hoi aku ana i kona poll. 1 keia la, aia he ekolu mau Kepani ua hoopaaia ma ka halema'i o Kalihi ma ke ano hoohuoi ma'i lepera, a ola poe ka na Kepani nana e hapai nei i keia kumuhana e manao nei e noouna mua ia lakou i lapana, ol lahllahi ka ma'i, e like me na h«oia a na kauka o ka halema'i he ma'i lepera ko lakou i hiki ai ke hoopakeleia ae lakou mamua o ka hoomahuahua loa ana iho o ka ma'i, a he hana paakiki ka hoola ana.