Ka Nupepa Kuokoa, Volume XLIII, Number 4, 24 January 1908 — O PARISA KEKAHI E MANAO MAI NEI HE KI O HAWAII NEI. [ARTICLE]

O PARISA KEKAHI E MANAO MAI NEI HE KI O HAWAII NEI.

PARISA, Jan. Ma kekahi hapa o ka Nupepa Faranf e hoakaka nui ana i kd maopopo loa o ke kaua o lapana me Amerika. Maloko o ka La Presse o keia la ua hoopukaia ae kekahi hoakaka 'manao loihi o kekahi kanaka akeakamai a poropeka o ke Kula nui o Farani, a nana i hoakaka i kona manaoio maoli e ulu m?ii ana he hana mawaena o lapana ame Amerika, oial ua hu'i loa ko lapana lima me ka makemake nui loa e kaua me Amerika. Wahi a keia kanaka ua a'o aku oia ia Amerika e makaala loa. Owai ka mea i ike. o kela lele kaua ana a na Kepani maluna o na mokukaua o Ru« sia ma ehemulpo aole ia e hana pu ia mai ana maluna o na mokukaua o Amerika? Ma ka hoomau ana aku 1-kana man olelo a'o, ua hoakaka aku oia ia Beritania Nui ame Farani e uwao koke i keia manawa mamua o ka lohi loa ana a hiki ole kekahi hana ke hanaia. Maloko hoi o kekahi Nupepa The Journal de Dehats e hoike ana ka manao o ka Lunahooponopono, he mea maopopo ole loa ia ke hanaia i keia manawa, a e hoakaka llilii ana nae i kekahi mau mea e plll ana 1 ke kaua. Ina e kaua io ana ke manaoia aku nei e lele mai ana o lapana a paa ia Hawaii nei, no ka moa ua manaoia o keia ke Ki o ke Kahua o ka Paklpika.