Ka Nupepa Kuokoa, Volume XLIII, Number 45, 6 November 1908 — KA LA HANAU O KA EMEPERA O IAPANA. [ARTICLE]

KA LA HANAU O KA EMEPERA O IAPANA.

Ma ka Poalua nei i malama ae ai ko Honolulu nei mau Kepani i ka la hanau o ka Emepera o lapana, a ua hookuu ake&ia ia la holookoa no na keiki o na haleleula Kepani e 'hauoli ai, me na lealea o kela ame keia ano. Ua hoohiwahiwaia ae na hale lawelawe oihana me na hae o ke Aupuni o lapana, a pela no hoi me kekahi mau horūc. Mai ka hora ewalu mai o ke kakahiaka a hilei i ka hora umi, ua hookaawaleia ia mau hora, he manawa no na Kepani 'e hele ai e ike i ko lakou Kanikela, a mahope iho o ia manawa a hiki i ka aina awakea no na lahui like ole hoi ia manawa e ike ai iaia, a haawi aku i na hoomaikai ana no ka Emepera o lapana. O keia kekahi o na la kulaia i hooliloia e na halekula i la no lakou e hauoli ai, ua hele aku kekahi mau kula mawaho o Kapiolani Paka, ma Kakaako kekahi poe, a ma ke kahua paan'i xekahi o na Keikikane mauka o Kauluwela. , Ma ka Paka Atkinson, ua kukuluia he mau hale-lole nunui, a mai na hora kaka'hiaka mai lea malamaia ana o na lealea a hiki wale no i ka po ana. O na makua o na keiki kekahi i hoea ae e nana i na paani ana a ka lakou mau keiki, a i ka nana aku, ua hauoli maoli ka poe apau i ike i na lealea a kela mau kamalii.