Ka Nupepa Kuokoa, Volume XLIII, Number 45, 6 November 1908 — KA LA HANAU KA EMEPERA O IAPANA. [ARTICLE]

KA LA HANAU KA EMEPERA O IAPANA.

Ma ka Poalua nei i malama ae ai na Kepani apau o Honolulu nei ame ka Paeaina Hawaii holookoa ma ke ano laula i ka hanohano o ka la hanau o ka Moi o lapana, ka Einepera nana e rula mai nei kela paeinoku nui. 0 ka mahele o keia kulanakauhale i noho nui ia e na Kepani anie na wahi e ae ua hoohiwaliiwaia na hale me na hae ame ha launahele e like me ka mea maa mau ia lakou i' k& hana i na la i kaahope aku. Ua hookipa ae ke Kanikela lapaiia i na makaainana 0 ka Emepera a hiki i ka hora 10 o ia kakahiaka maloko o ka rumi Kanikela ma ke kihi o na alanui Papu ame Beritania, a m.āi ka hora 10 a hiki i ka hora 12, o na luna aupuni o na aina e ka i komo aku e ike' i ke Kanikela. Maloko o ke kolu o na hale i hookipa ia aku ai na Kepani apau a ma ka papahele elua i hookipaia aku ai na luna aupuni o na aina e, a ma ke ahiahi i malamaia ai he anaina hoolaulea no na Kepani maloko o ka rumi Kanikela i hoohiwaliiwaia. He mau hae nunui ka i kauia ae inaloko o lea runū,. a oia mau hae ua laweia mai lapana mai i mea lioohiwahiwa no ka manawa wale no e like iho la me ia. Ua laweia ae na keiki kula ma na paka e hoohauoli ai ia lakou ma na liana hooikaika kino 0 na ano like ole. Ua laweia ae na keiki kokoke ma Kakaako ma ka Paka Atkinson, a o na keiki kula ma ke alanui Nuuanu maloko lakou o ka Boy's Field ma Kauluwela. 0 ke kanaka akamai ma ka manawa ia e ka'i ai i kona wawae; kukulu oia 1 kekahi wawae a paa mamua o ke ka'i liou ana aku i kekalii wawae.— Sanserit. 1