Ka Nupepa Kuokoa, Volume XLIII, Number 46, 13 November 1908 — OKIIA KA PUU O KEKAHI WAHINE KEPANI Paa nae ke Kane i ka Hopuia ma ke Ano Hoohuoi Nana i Hana i ke Karaima. [ARTICLE]

OKIIA KA PUU O KEKAHI WAHINE KEPANI

Paa nae ke Kane i ka Hopuia ma ke Ano Hoohuoi Nana i Hana i ke Karaima.

0 kekahi o na hiona ku i ka manaonao i halawai mai me Mr. ame Mrs. Sanford, ia laua i huli hoi aku no ko laua home ma ke ahiahi o ka Poaliahi nei ma ke alanui Quarry e kokoke la i Lunalilo Home, oia no ka waiho ana mai o ka laua wahine Kepani kauwa 'iloko o ka hale auau me ka moku o kona puu, ua okiia i ka palii. Ma ke kakahiaka o ka Poakahi nei i haalele aku ai laua i ko laua home, a aole laua i huli hoi aku no kauhale a hiki i ke ahiahi ana. Ia laua i hele mai ai, ua haalele aku no laua i kela wahine* Kepani i ka hale, aka i kela manawa a laua i hoi aku ai a loaa ke kino make o ka laua Kepani kauwa, ine he mea la he mau hora kona waiho ana malaila, oiai ua hele kona kino a laau» E huli ana no ke alo o ua wahme nei iluna, a e moe ana hoi kona poo iluna o kekahi papa, a o kekahi lima ke kau ana iluna o kona umauma a e waiho mai ana he pahi umiumi ma kahi kokoke iaia. Ma na mea e hoopuni ana i kela wahine Kepani, aole i ikeia he wahi hiona o kona pepehiia ana kekahi mea okoa aku, koe wale no kona lawe maoli ana ae i kona ola me kona mau lima ponoi. Ua hoikeia ae ka lohe ia Koronelo Jarrett, a nana i koho ae i kekahi poe ma ke ano i mau kiure ninaninau o pili ana i ke kumu make o ua wahine Kepani la, aka hookahi no mea maopopo loa, ua lawe maoli iie no oia i kona ola iho. He wahine kela i noho hana malalo o kona mau haku no kekahi manawa loihi ae nei i hala, a ua piha iaia na makahiki he 34 a hiki wale i kona make ana aleu la. Ma ia noho ana nae a ke koronelo .nieniele kumu make, a hoolohe i kahi mau hoike i laweia ae imua o lakou, ua loaa aku la ka ike, aole ka i oki maoli kela wahine i kona puu me ka pahi, aka nā kekahi mea mai i hana i kela karaima, a ma ia ano, i hopuia ae ai ke kane mare, a ua wahine Kepani la, nona ka inoa o Nakamoto. He elua mau hoike i ike i ke komo ana o kekahi Kepani no ka pa o Mr. Sand£ord, oia no o Kapena Spillner ame_ leana kaikamahine ma ka hora pwalu o ke kakahiaka o ka Poakahl nei. Ua ike aku o Kapena Spillner i ua Kepani la iaia e haalele aku ana no kona home, a he elima a eono paha 'm'inuke hrvj( ia hope mai, ua ike /hou aku la no kana kaikamahine i ua Kepani la i ka holo ana aku mai ka hale

iaku, ua hele nae a pihoihoi loa, a fkoe! aku nae kona hoomaopopo ana i ke kumu o ia pihoihoi i loaa i kela Kepani. Aole he mau hoohuoi i ulu mai iloko 0 kela haole ame kana kaikamahine no ka hana a kela Kepani a hiki i ka huli hoi ana aku o Sandford ma no ka hale a loaa aku la ke kino make o ka :laua kauwa wahine, akahi no laua a Tiau]*u no ke Kepani a laua o 'ka ike ana ma ia kakahiaka. Wahi hoi a Nakamoto, ua haalele likē aku no oia me kana wahine i ko laua wahi e noho nei ma ke Alanui Moi e kokoke la i ke alanui Alapai, ma ka hapalua o ka hora eono o ia kakahiaka, a aole oia i ike hou aku i ua 'wahine nei ana ma ia hope mai. E hele ana ka oia no kahi o kana hana, oiai hoi kana wahine e hele ana no kahi o Sandford. 0 kahi o ka hana a kela Kepani e like me kana i hoike ae ai, aia no ia me W. J. Dyer e hananei me ka hale hana hao Honolulu, n he pulumipa no ua haole nei ma kc alanui Lunalilo. I mea nae e hiki ai ke hooiaioia aku ka ike a Kapena Spillner ame kana kaikamahine no ke Kepani a laua o ka ike ana ma ke kakahiaka o ka la 1 make ai kela wahine Kepani, ua ni»auia aku laua ■ e kuhikuhi mai i ka mea a laua i ike ai, maiwaena ae o kekahi-heluna Kepani e noho ana iloko o ke keena Koronelo, a ua kuhikuhi aku la laua ia Nakamoto, ke kane mar& a ka wahine i make, a ma ia ano ua' hopuia oia no ka ninaninauia ana ina oia io ka mea pepehikanaka. Ma ka nana ana hoi a ke kauka i ke kino make, ua hoike oia, aia he eha mau eha ma ke kania-i o ka wahine make, a aole no hoi oia i make koke ma kela manawa o ka hookauia ana aku o na ehaeha maluna ona, aka mamuli o ke kahe "nui ana aku o ke koko, a ua hala paha na minuke he umi a paha ma ia hope mai o kona make no ia. I. ka noonoo ana o ke kiure koronelo i ka lakou olelo hooholo, ua lioopuka mai la lakou e olelo ana, ua make kela wahine mamuli o na eha i loaa aku iaia mai ka pahi umiumi aku o ka lima o kekahi mea i maopopo ole i ke kiure. Ma kela olelo hooholo, ua kaa aku ke koikoi i ka oihana makai o ka hooholo maoli ana, e like me na mea e ninaninauia aku ana, no ka pili o Naka}noto i Ka. hewa ame ka ole, a ma ia manawa no hoi e maopopo ae ai ke ano o kona make ana, i oki maoliia no palia e ia kona puu i ka pahi a i ole na Nakamoio paha.