Ka Nupepa Kuokoa, Volume XLIII, Number 48, 27 November 1908 — HE MAU HOOLOLILOLI PAHA ILO KOOKA OIHANA MAKAI. [ARTICLE]

HE MAU HOOLOLILOLI PAHA ILO KOOKA OIHANA MAKAI.

Oiai ke hookokoke loa mai nei na la e hoi mai ai ka Makai Nui hou o ko Kalana o Oahu nei a o-i pono ma kona kulana a ka lehulehu i hookau aku ai maluna ona, ma kona kohoia ana ma ke kau iho la i hala, me he mea la i ka nana aku e hoololiia ae ana ke ano o ka hooponopono ana i ke ano o ka •lawelaweia ana o ka oihana makai i kaokoa loa ae mai ko laukea au e noho nei i keia manawa. I ke au e noho Makai Nui ana o Baraunu maloko o kela keena, ua hoonohoia kela ame keia uwaki o na makai ku huina malalo o na kapena, na 1 lukanela aku a o na kakiana aku malalo loa, a o na makai ku huina no h^». I ko laukea au nae, ua hoopauia ke kulana kapena iloko o na uwaki, a ua kaa ka malama ame ka makaala ana i kela ame keia uwaki i ka lukanela o ke kakiana aku malalo ona. No ka oihana Makaikiu nae, ua kapaia i keia manawa, ke poo nui o ka oihana makaikiu, ame kona kokua aku, aka ine he mea la e hoololiia ae ana ma ke kapa ana aku i ka mea e noho poo ana ma kela kulana i Kapena ame jkokua Kapena" o ka oihana Makaikiu e like me ko Amerika. Oiai he mana ko ka Makai Nui hou e hana ai i na hoololiloli e like me kana i ike he mea e pono ai kana hana, nolaila he mau Ia kakaikahi wale no koe e kakali aku ai, alaila ike i hoololiloli i manaoia no ia keena ma he mau mea kekahi o ia ano e hoea mai ana."