Ka Nupepa Kuokoa, Volume XLVI, Number 6, 5 February 1909 — HOAKAKA I KONA MANAO NO KE KANAWAI WAIONA. [ARTICLE]

HOAKAKA I KONA MANAO NO KE KANAWAI WAIONA.

Ma ka Poalua i hoakaka ae ai a Seoatoa W. O. Kamika i kona manao maiuna o ke kanawai waiona e hoike ana hoi i kona apono ole i ke kaa ana aku maluna o ka poe koho baloka o kekahi mahele koho, ka hooholo ana i wahi e aeja aku ai ka hoopuka ana i na laikini waiona. Ma ke kanawai waiona e ku nei i keia manawa, aia he 'pauku e olelo ana, e waiho mai ka mea noi laikini i ka papainoa o ka hapanui o ka poe e noho ana maloko o hookahi kaukani kapuai mai kahi aku o ka laikini i nmnaoia ai, i hoohiki ponoia imua o kekahi luna aupuni i loaa iala ke kuleana hoohiki. A ina hoi o kahi o ka laikini e makemakeia ana e hoopukaia mai, aia ma kahi o kanalima kapuai ka mamao mai ka hale leka mai, alaila o ka .hapanui o ka poe ona .aina e noho ana maloko o ka palena o 250 kapuai ka i makemakeia e hooiaia aku me ke noi I wahi hoi e hooleia ai ka laikini, he mea pono e waihoia aku he ku-e no ka loaa ana mai o ka laikini i ka mea noi, e ka hapanui o ka poer"koho baloka oloko o ka mahele i nohoia e ka mea noi. Ma kekahi mahele o keia kanawai, ua ili aku ke koikoi maluna o ka poe e kakau ana i ko lakou mau inoa maluna o ka palapala noi, a e kauoha pu ana hoi i ka mea noi e kii aku e koi no ka ae ana niai o ka poe ona aina no ko lakou ae mai i ke noi. Ma kahi nae o ke ku-e ana aku i ka aeia ana e hoopukaia he laikini ua lilo i hana maalahi loa na ka hapanui o ka poe koho baloka ka waiho ana mai i ka lakou mau ku-e ana me ka nui ole o ka hana. Ina nae e hooholoia ana kekahi manao no ke kaa ana aku maluna o ka poe koho baloka ma ke koho baloka akea ana, ka hooholo no ka hoopuka ana i laikini a hoole ana paha, e hoea mai auanei ka manawa e lilo ka ninau waiona i hana kalaiaina. . I mea nae e ala ole mai ai kekahi mau hoopilikia ana, he mea pono no ka hookuu ana aku i ke kanawai e ku e like me ia e ikeia nei i keia mana-