Ka Nupepa Kuokoa, Volume XLVI, Number 8, 19 February 1909 — HAAWI MAKANAIA KA MAKAI KIEKIE O KE TERITORE. [ARTICLE]

HAAWI MAKANAIA KA MAKAI KIEKIE O KE TERITORE.

Ua haawi- makanaia aku i ka Makai Kiekie o ke Teritore, William Henry, j kekahi pa dala me na kiaha me ka hoolei puia aku i ka, lei a hiki ole e pau' iluna o kona a-i a paa okoa i ka lima no ka nui loa, ka mea i ikeia maloko 0 ka halepaahao ma ke kakahiaka poniponi o ka Poaha aku nei o ka pule 1 hala, oiai o ka piha ana ia iaia o ka lubile ma keia ola honua ana. Ua lilo i'mea ha'oha'o a hoohikilele i ka inaniio o ka Makai Kiekie WilHam Henry kona hoala kokeia ana aku ma ke kakahiaka Poaha i oleloia; ua kuhihewa maoli kona manao ua tilu mai he hoohaunaele iwaena o na paahao, no ka mea, he mea kamahao loa keia iaia o kona kii kokeia aku e hoala. Ua ala ae la oia a hopu koke aku -la i ka lole e ana iaia a iho ino mai la ilalo a i kona hiki ana mai i ka rumi, e kuku aku ana na makai ame na lunapaahao me ka makana ame na lei e kau ana iluna o ko lakou a-i no ka haawi makana ana aku iaia. I kona komo ana mai iloko o ka rumi, ua haawi koke aku la o Billy Wood, kekahi o na wiliki o ka halepaahao i kekahi mau kahoahoa ana imua ona no ka loaa ana iaia o ka lubile kekahi la kamahao loa iloko o kona ola ana a penei kana mau olelo: "I keia la, e Mr. Henry, he la lteia i hiki aku ai kou mau la o ke ola ana i ka elua iwakalua makahiki ame umi a o ka lubile hoi o ka piha ana o ke kanalima o kou mau la hanau. Ma ka aoao o kou inau liinahana ke lawe mai nei au i keia hana me ka hauoli ma ka haawi ana aku ia oe i kekahi lioailona o ko makou hoomaikai me ka mahalo nui nou. E lilo keia makana i mea hoomanao nau i na makahiki e hiki mai ana no ke kupaa ame ke aloha oiaio o kou mau limahana, ka poe e makemake nei e loaa ia oe na la loihi o ke ola ana, ka hauoli ame ka holomna iloko 6 na la apau o kou ola ana.'' Mahope o na kahoalioa ana ua liaawiia aku la ke pa dala ame na kiaha me ka hoolei puia aku o Mr. Henry me na lei a hiki ole i kona a-i ke lei a paa okoa i ka lima He mau huaolelō pokole kana i haawi mai ai i kona mau limahana e haawi mai aiia i kona hoomaikai ia lakou apau me, ke a'o pu mai e lioomanawanui a e malama pono i ka hana me ka hoopono. He hanā keia i hana maluia me kona lohe mua ole a ma ia ano i lilo ai i mea hoohikilele iaia i kona manp.wa i kiiia aku ai e hoala, a i kona ike ana i ka hopena, akahi no oia a hoomaopopo oia ka kona kumu i kii koko ia aku ai e hoala, 0 ka Poaha i hala, ka la 11 o Feberuari, oia ko William Henry la hanauj ka piha ana ia o kona kanalima makahiki. He kanaka oia i lehauia e na oihana aupuni like ole mai ke au hooponopono aupuni Moi mai a hiki loa mai no i keia la.' He kanaka oia i mahalo nuiia e kona mau limahana ame ka poe apau i kamaaina iaia, no ka oluolu o na kuka ana, aole ia lakou wale; me he mea la o na paahao ka oi aku o ka mahalo, wahi a lakou he kohu inakua maoli no kana malama. ame kana hoomalu ana ia lakou. Ma ke ahiahi iho, ua haawiia kekahi papa ahaaina nui no na limahana ame na paahaō. Ua kaluaia he mau puaa, me ka hoolakoia o na meaai like ole; a o ka panina hope loa o na hana o ia la,*ua haawiia mai he mau leo | himeni mai ka papa himeni mai o na j paahao, a hookuuia na hana me ka' piha liauoli. j