Ka Nupepa Kuokoa, Volume XLVI, Number 22, 28 May 1909 — Nuhou Kuwaho [ARTICLE]

Nuhou Kuwaho

ST. JOHN'S, Ne\vfoundland, May 20. —Ua paa i ka hau mawaho aku o keia awa ka mokuahi Mongolian me elima haneri ohua iluna o kona oneki. KAPALAKIKO, May 21.—Ua hookipaia mai ka Adimarala Uriu me ka pumehana, me ke ohaoha nuiia ma keia kulanakauhale i keia la. AUGUSTA, Ga~, May 24.—Ua hookunanaia ka hana o na alahao o Georgia waena mamuli o ka hoohaunaeie kui ukuhana kiekie a na limahana. Ua noi ae na lunanui i ka pualikoa e malama i ka maluhia. WAKINEKONA, Ma y 16.—M a ka la i nehinei i hoomaka ai ke Senate e noonoo no ka ninau e pili ana i ke kopaa. Ma ka ha'iolelo a ke Senatoa McEnery o Louisiana ua nui kona ku-e ikaika i ka hookomoia mai o ke kopaa me ke dute oie. LONDON, May 25.—Ma ka hookuku kuikui puupuu a Sam Lrangford, he Paele no Bosetona ihe Jan Hague, he kanalea Pelekane ua kaa ke eo i ka inoa mua iloko o eha puni, oiai nae he iwakalua punl ka mea i makemakeia, imua o ka Naiional Sporting Clūb ma ka do i ihala. CHICAGO, May 27. —Ma na lono kelekalapa i loaa mai i keia kulan&kauhale ua ikeia kekahi mau hoonaue ola'i ikaika, i ike mua oieia ma Amerika nei, maloko o na Mokuaina o lowa, Wisconsin, Michigan ame Missouri ma keia kakahiaka; nahaha na pa āme na pola, hi-o na kapuahi a hoomaka e a ke ahi ma kekahi mau eauhale. Ua pio kok6 no nae ke ahi i ke kinaiia. Ma Dubuque pau na kanaka 1 ka hoholo iwaho o ke alanui.'