Ka Nupepa Kuokoa, Volume XLVI, Number 30, 23 July 1909 — MINAMINAIA HE ILIO PUNAHELE Loaa Nae Maloko o Kahi Hoopaa o na Ilio ma Iwilei me ka Hana Nui. [ARTICLE]

MINAMINAIA HE ILIO PUNAHELE

Loaa Nae Maloko o Kahi Hoopaa o na Ilio ma Iwilei me ka Hana Nui.

Maluna o ka moku aila Eoma o ke ku ana mai no keia awa ma ka pule aleu nei i hala, aia he ilio i punahele i na mea apau, aka ma ka Poaha aku nei nae o ia pule no ua nalowale honua iho la'' ua ilio la, ka mea nana i liookau aku i ka minamina ame ke kau-> maha pu i na aliimoku apau o kela moku aila. Ua lilo kela ilio i punahele ia lakou no ka mea ua kohu kanaka maoli ka hana a kela ilio, oiai i kona manawa e pololi. ai, e kii ana oia he pohaku me ke nahu ana me kona mau niho, a liele e kikeke maw&ho o ka puka o ka lialekuke, a no na kelepa ehiku a kela moku i hala ae nei, aole loa i ha'o ka hana o kela iJio pela me ka paa mau ana o ka pohaku iloko o kona waha i ka wa e kikelee ai. Aole wale no nae o Jkeia ka hana o kona nuiia, aka no kona ikaika kekahi i ka hakaka. I ka nalowale ana o kela ilio, ua hookomoia' ae la maloko o ka nupepa puka kakahiaka o ka Poalima o keia kulanakauhale he uku makana o elima dala i ka mea e loaa ana a hoihoi aku i ua ilio la iluna o ka moku. Ma ia kakahiaka nui wale, ua hoea aku la na kamalii kuai nupepa me na ano ilio like ole, me ka manao malia paha o kekahi o kela mau ilio a lakou ka ilio e makemakeia nei, eia nae ua noke wale ke kapena i ka nana aole ona ike aku i kana ilio punahele nona ka inoa o Violeka, . I ka hora ewalu ana ae, ua hoea aku la hoi kamalii palaki kamaa me ka lakou mau ano ilio, a ua like no ko lakou hoi nele me na kamalii kuai nupepa. Ua hele ke kapena o kela moku a kaumaha maoli no kana ilio i kela manawa, e maliu ole mai ai i ka hoomalielie aku a kona mau hoa iaia, aka nae ma ka hora eiwa ae, ua hoea aku la he kanaka Hawaii me kekahi ilio keokeo mai ka pa hoopaa mai o na ilio ma Iwilei, a he oiaio o ua ilio la ia nona ka uku makana o %lima dala i haawiia ai. O ka loaa hou ana o ka ilio ka mea

nana i hoohauoli aku i ke kapena ame na mea apau maluna o kela moku, a loaa mai la kā uku makana i ke kanaka nana i hoihoi pololei aku i kela ilio. O ke kumu o ka nalowale ana o kela ilio punahele mamuli no ia 0 ka ho: puia ana e na kanaka hopuhopu ilio, oiai e kikeke ana ua ilio la i keleahi o na haleaina me kela pohaku no i maa iaia i ke kikeke ana i ke keena ai oluna o ka moku aila, a no ka ike ana mai o ka poe hopuhopu ilio i keia 11 io mekala ole, pela i hei ai ike kaula a hoihoi ia no kahi hoopaa o na ilio ma Iwilei. *++ I T a hookuuia na hui limahana, na hui kokua aloha, na hui manawalea ame na hui hoonaauao mai ka auhau ao i kauia no na hui.