Ka Nupepa Kuokoa, Volume XLVI, Number 41, 8 October 1909 — KA AOAO REPUBALIKA AME KA ELELE KUHIO. [ARTICLE]

KA AOAO REPUBALIKA AME KA ELELE KUHIO.

He hookahi makahiki okoa keiā mamua o ka hoea ana mai o ka manawa e uleleia ai na hakoko kalaiaina, aka iloko nae o kela mau la, eia ke loheia nei na hamumu ame na hauwawa no ka hoala ana ae i ka aoao kalaiaina Repubalika ame ke kulana Elele Lahui ma lee kulana wikani e hiki ole ai ke hoonaueueia iloko o ka hakoko e hoea mai ana. Aole no nae o na Repubalika wale no ia e hoomakuakau e'mai nei, aka o na Demokarata no ia e hakilo pono mai nei i na hemahema ano nui ma kekahi aoao, no ke kaa o ka lanakila ma ko lakou aoao iloko o ia hooili kaua kalaiaina. Oiai nae he nui na hauwawa iloko o kekahi manawa ae nei i hala, no ka manao ana o ka Elele Kalanianaole e waiho i holo elele ana i keia kau ae, aka o na koikoi iloko o keia mau la iaia e holo hou no ka Ahaolelo Lahui, ka hikimua o ka liuliu hoomakaukau ma ka aoao Repubalika no ke kau koho baloka. Ke manao nei ke Kuokoa, e hiki ana ia Kalanianaole ke kaupaona, a ke kaana i ka mea pono ana e hana mai ai, no ka pono o kona aoao, ame na hana ana o ka hooikaika ana iloko o ka Ahaolelo Lahui, a oiai hoi, aole he hookahi iwaena o na: Solona Kaukanawai o Amerika i hoea mai nei ia nei nei, mai na Repubalika a na Demokarata i nele ko lakou hooia ana mai no ke kupono loa o ka Elel Q Kalanianao'le e hoouna houia aku iloko o ka Ahaolelo Lahui, nolaila ke manaolana nei ke Kuokoa, e ala mai ana oia a hoike i kona iini, ka makemake ame ke apono ana e lawe aku i ka hanohano a kona' aoao e hooili aku ana maluna o kona mau poohiwi. Me ke kanalua ole no hoi ke nana aku ma kekahi aoao o ke ku okoa ana mai o iluna, a lioike ae i kona manao e apo aku i kona waeia mai no ia kulana, i puupuu ikaika nana e palukuluku aku i ka moho elele a na Demokarata, ka mea a lakou e makaala mai nei, o ka holo hou ana o Kalanianaole e alualu i kela hanohano, poho ia no ka lanakila e loaa ana i ka lakou elele. E nana aku i na hana a Kalanianaole iloko o ka Ahaolelo Lahui, na liooiaio i laweia mai i Hawaii nei e na kanaka kaukanawai o k Ahaolelo Lahui o ka hoi ana aku nei no Amerika, ua lawa ia no % ke kukulu ana iaia ma ke poo o ka aoao Repubalika. O ka loaa o ke kenerala ma ke poo o ka aoao Repubalika, me na alii koa makaukau ame na koa wiwoole 'no keia hoouka kaua kalaiaina ae e hoea mai ana, e kau auanei ka weli i ka aoao e aa mai ana e hoohiolo i ka ikaika o kona enemi.