Ka Nupepa Kuokoa, Volume XLVI, Number 41, 8 October 1909 — I NAHUIA KE KUMU I MAKE AI. [ARTICLE]

I NAHUIA KE KUMU I MAKE AI.

Ma ka noho ana o ke kiure koronelo e ninaninau pono i na kumu i make ai o kekahi kanaka ma &aui, ua hoike ae la lakou ma o ka lakou olelo hooholo la, ua make ka kela kanaka mamuli o ke koko ino, i ulu mai m'amuli o ke nahuia ana e kekahi wahine. Ua loaa mai kela olelo hooholo e pili ana i ka make ana o kela kanaka ia Mr. Hemanway, ka Loio Kuhina, a ua hoihoi houia aku eia i ke koronelo, no kona manao, he hana pono loa na na kiure ka noii pono % ana aku i ke ano o ke nahu ana a kela wahine. No ka manao o ka Loio Kuhina, e ala mai ana kekahi hihia koikoi mamuli o kela olelo hooholo, i hoihoi koke aku ai oia i ka olelo hooholo i waihoia mai imua ona, eia nae ua poma ka oia i ka inoa o ke kanaka i mako ai, ii pela hoi me ka wahine nana i nahu iaia.