Ka Nupepa Kuokoa, Volume XLVI, Number 51, 17 December 1909 — WAIHO O BABBITT I KONA KULANA Haalele ka Peresidena o ka Papa Hoonaauao no ka Lawe Ana ae i Kekahi Kulana Hou. [ARTICLE]

WAIHO O BABBITT I KONA KULANA

Haalele ka Peresidena o ka Papa Hoonaauao no ka Lawe Ana ae i Kekahi Kulana Hou.

Ua hoopuiwaia ko ke kulanakauhalo nei poe, mamuli o ka waiho ana mai o ka Lunanui o ka Papa Hoonaauao Mr. Babbitt i kona noho ana no ka oihana hoonaauao ma Hawaii nei, ke hiki mai i ka la hope o keia mahina. Ua waiho aku oia i kana palapala haalele oihana i ke Kokua Kiaaina Mott-Smith ma ka Poakolu nei, a ma ka hoomaka ana o keia makahiki ae e lawn ae ai oia he kulana hou. O keia kulana hou ana e noho aku ana, lie kulana kokua no Mr. Mead o ke keena limahana o ka ahahai o ka poe kanu ko, a ua manaoia, mamuli o kona kamaaina i na hana o ke keena hoonaauao, e lilo ana oia i kanaka waiwai no keia ahahui ana e noho hana aku ai. Ua lawe ae o Mr. Babbitt i ke kulana ana o ka waiho ana aku nei oiai o Kiaaina Carter e noho ana ma ke kianoa o ka hookele aupuni Teritore ma Hawaii nei, a ma ka makahiki 1905 kona noho ana a hiki wale i keia waiho ana aku la ana i kela kulana. Mamua ae o kona hookohu'a ana aku i Lunanui no ka Papa Hoonaauao, he nui kana mau kulana ano nui i paa ai maloko o ke Kula o Punahou a maloko o ka halekuai o von Hamm-Young.