Ka Nupepa Kuokoa, Volume XLVIII, Number 1, 5 January 1912 — HE MOOLELO NO KE KI KULA A I OLE Ka Waiwai Hooilina a ke Aloha. [ARTICLE]

HE MOOLELO NO KE KI KULA A I OLE Ka Waiwai Hooilina a ke Aloha.

MOKUNA XVII. KA HOPENA POINO. Ke nalu nui la oia iloko ona iho me ka ninau ana: He mea oiaio anei aole au na Mr. Buruka? He wahi kaikamahine uuku anēi au i hanauia iho e 'ko'u makuakane a haaleleia iho a lawe hanaiia e kekahi poe ?" Huki mai la oia i kahi pahu uuku e waiho ana maiuna o ke pakaukau a nana hou iho la i kahi lole bepe a pela hoi me kahi ki gula e kau ana kekahi pohaku (iaimana uuku. "Heaha la ka mea a keia wahi ki e wehe ai, oia ka'u e makemake nei e ike? A i ole he wahi mea hoonani wale iho no paha? Ina pela, he wahi mea kupanaha maoli ha ka keia o ka hanaia ana, a no ka mea he ki maopopo maoli no keia e wehe ae ai i kekahi mea. Hopu hou aku la oia i ka leka ana i koho wale iho ai ua ka'kauia e kona makuahine ponoi a heluhelu iho la, a mahope o ka pau ana oia leka iaia i ka heluhelu, wehe ae la i ka leka i kakauia e Mrs. Buruka a heluhelu pu iho- la. "O, kuu mama aloha! Nui maoli a'ku la no hoi ke kaumaha o kona 'naau me ka paanaau o kela mea huna iloko o kona noonoo! Aka nae', ua like no ko papa aloha ia'u me ko mama, me he mea la he kaikamahine ponoi loa au na laua." Ua loihi ka manawa i hala iaia maloko o kela rumi me ka noonoo nui ame ka hoao ana e hooholo i kana mea e hana aku ai no ke kaili ana mai i kana waiwai hooilina mai ka umii alunu mai a Habada ame kona mau hoa oia auna, e like me ia ana e noonoo ana ia manawa. "Aohe a'u dala, koe wale no na wahi dala uuku i koe i hoolilo oleia e a'u, a ke hopohopo nei au aole ana paha e lawa ia mau dala no ka uku o ka loio a'u e hoolimalima aku ai. O kekahi mea nui a'u e hopohopo nei, ina paha no ka laweia aku o keia hana imua o ka aha e hu'e ia ae ana ka moolelo kahiko o papa o na la i hala a e lilo ana ia moolelo i mea kamailio nuiia e ka lehulehu. "Ina he oiaio ka modlelo a keia wahine e hele mai nei e koi i kona kuleana he wahine mare mua oia na Mr. Buruka a aole laua i okiia, alaila, aole o mama he wahine mare na papa malalo o ke kanawai, ina no ua manao o papa ua 'kaawale loa oia mamuli o kona lohe ana ua make kana wahine mua i kona wa i mare ai ia mama. "Ua oi aku ko papa aloha ia mama mamua o ka poe e ae, a ina no kona ola, aole e nele ana kona ehaeha no ka ikeia ae o ka oiaio he wahine mare mua no kana, a no ia kumu aole o'u makemake e mai i kekahi hana e hoinoia ai ko laua mau inoa maikai." He kulana hana hoao nui loa keia iaia a ua hoehaeha loaia kona naau me ka hoopohihihi puia nu kana hana pono e hana aku ai. Ma kekahi aoao hoi, i kana nana iho, ina hoi aole oia e hooikaika ana e paa mau me ia ka waiwai a kona makuakane i hooili mai ai iaia, alaila e lilo loa ana oia i mea haahaa loa; ma kekahi aoao hoi, ke nana aku, e lilo ana kana hoopii e manao nei e hoonee aku imua, i mea no kona mau makua e kamailio ia ai. Mahope o kona noonoo ana no keia mau mea apau, hoihoi hou aku la oia i kahi lole bepe ilioko o kahi pahu uuku ana o ka wehe hou ana ae, a kau iho la i na leka maluna iho o ua wahi lole bepe la, la'ka aku la i kahi pahu a paa a hookomo iho la i ke ki iloko o kana wahi ekeda!a, alaila hoi aku la me ka maluhiluhi loa noluna o kona rumi moe. Ma kekahi ka'kahiaka nui ae aole oia i iho e ai i kona aina kakahiaka ahiki i ka hala ana aku o Habada no kana huakai mua no Nu loka. Mamuli oia kumu i noho hookahi iho ai oia maluna o ke pakaukau e ai hookahi, a oiai oia e ai ana, hopu aku la oia i ka nupepa kakahiaka o ka laweia ana mai ma ia kakahiaka a Habada o ka waiho ana iho ma ka aoao o kana pa, a hoomaka iho la e kaholo i ka nana ana ma na kolamu mea hou. Aole i liuliu loa ia nana ana iho ana, hooho ae la oia i kekahi leo hauoli i kona ike ana iho i kekahi mea hou ma kekahi kolamu a penei na olelo i kakauia: "Ua loaa mai ia makou kekahi lono mai kekahi mea 'kakau nupepa mai o Bokekona, ua hoi mai ke kanaka kahakii kaulana, Mr. Mannine;. mai kana huakai loihi aku nei i Roma, 'kahi ana o ka liolo ana aku nei no ka hoomahuahua ana i kona akamai kahakii, malalo 0 kekahi mau hoonaauao hou loa, a ua hoolilo ia Bokekona i home nona me kona ohana ma keia mua aku, 'kahi o kekahi hana ano koikoi i kauia aku maluna ona—o kekahi oia mau hana akamai ana e hana aku ana, oia ke ,kinohinohi ana i ke kaupaku oloko o 'ka holo hulahula nui ma o ke pena ana i kekahi mau kii nani loa, he hokele nani i kukulu kokeia iho nei malo'ko o keia kulanakauhale. Ma ka hoomaopopo aku nae i kona manao, me he mea la, i ka wa e pau ai o kana hana, e hoi aku ana oia no Nu loka, kahi ana e hookipa houia aku ai me ka ohaoha e na poai o ka poe koi'koi, mahope o ko laua nalowale ana no kekahi manawa loihi. Aia laua maloko o ka Vendome kahi i noho ai i keia manawa." "He lono hauoli maoli ka hoi keia i ka wa kupono loa. O Kale ka mea kupono loa e kokua mai ia'u ma keia pilikia, a ua maopopo no ia'u e lawe aku ana no o Ane ia'u malalo o kona malu hale ahiki 1 kuu kaawale ana mai ka mana hoomalu mai o llabada." No kekahi manawa loihi kona noonoo nui ana, alaila me ka naau i hoomamaia puana hou ae la. "Manao au he mea maikai loa no'u ko'u holo koke ana aku i Bokekona, me ka hoike ole' aku ia hele ana i kekahi mea, a e haawi aku ia'u iho malalo o ka laua malama ana. O, kohu mea hou loa mai la ka hoi au akahi no a hanauia 'ka piha loa i ka hauoli; akahi no au a ike iho la he makamaka no ka kekahi o'u aia ma kahi kokoke loa mai ia'u nana e hoomaopopo a e malama mai ia'u." Akahi no a ono mai la kana ai e like me ko na la mamua aku, mamuli o kona ike ana iho la ia rrtanawa e hiki mai ana i ka la e hoopauia ae ai kona p'ilikia, a mahope o kona ai hoonuu ana i na meaai 0110 e waiho ana iluna o ke pakaukau, ua piha loa oia i ka hauoli me ka hoi hou mai o 'ka ula ohelohelo jna kona mau papalina, me ka lamalama o kona mau maka, a holo awiwi aku la no kona rumi moe no ka hoomakaukau ana iaia iho no ka holo ana aku no Bokekona. N'oonoo iho la ia he hana lokoino loa paha hoi nana ka haalele ana iho i ka hale me ka hoakaka ole aku i kona hele ia Mrs. Habada, oiai he oluolu loa oia iaia me he mea la he kaikamahine ponoi loa oia nana: nolaila, hooholo iho la oia e hai aku iaia mahope no kona manao hele no Nu loka, a aole paha oia e hoi mai ana a hala ia la. He haawi ana keia iaia i manawa nona e kaawale loa aku ai ma kona alahele no Bokekotia me ka makau ole no kona 'kaohiia e ka mana o kona kahu hanai. Ua maopopo iaia e nui ana kona haohaoia i ka wa e ikeia ae ai kona nalowale honua ana aole nae i lilo ia i hana hookaumaha iaia, a no ka mea. Jce kaawale a'ku ka hoi oia la no hookahi manawa, e I>alekana loa ana oia malalo o ka malu o ke kane a kona hoahanau ATr. Afanina, oiai ua paa kona manao e hoopii aku imua o kekahi aha hookolokolo e hoopau i ka noho kahu ana o Mr. Habada nona a e hookolmia ae o Mr. Manina ma kona ha'kahaka. Opiopi iho la oia i kona mau aahu ame kona mau mea gula a pau

[a hookomo iho la iloko o ka paiki kaahele, me-kona manao ua hiki loa iaia ke kauoha mai e hoounaia aku kona pahulole ma kahi ana e noho paa aku ai mahqpe aku. Ua maleaala loa oia i ka lawe pu i kahi pahu uuku e waiho ana o na palapala e olelo ana aole oia he kaikamahine ponoi na Mr. Buruka, na hooiaio hoi i manaoia oia na hoike pololei loa e ikeia ai aohe ona pili i ke koko o Mr. ame Mrs. Buruka, no ka mea, oiai na ia mau palapala i hooia mai i na mea hookaumaha i kona naau, aka e lilo ana nae i mea ano nui nana e kokua mai iaia ma ia hope aku. laia nae e opiopi ana i 'kona mau aahu a e hookomo ana i kona mau mea gula me kahi pahu uuku iloko o kona pahulole, ulu kupanaha wale ae la no kekahi manao iloko ona; wehe hou ae la oia i kahi pahu iwaho a wehe ae la a hemo ke pani, lawe ae la i kahi ki gula uuku, ka mea nana i hoopiha i ke pihoihoi i ka wa mua loa ana i nana ai i ua 'ki la. "E lei mau aku ana au i keia wahi ki ma keia hope aku. E hoike aku ana au he makana keia i haawiia mai ia'u, ke ninauia mai, a malia o haawi mai keia ki ia'u i kekahi ulia laki ma nei hope aku, o ka loaa no ia o ko'u pomaikai," wahi ana iaia iho, me kahi aka hoomahie ma kona mau maka. He lei gula kekahi ona mawaena o kana mau mea gula a pau, a mahope o kona hoopaa ana iho i ua wahi ki la i ka lei, hoopaa ae la ma kona a-i a huna iho la malalo o kona lole i ole ai e ikeia mai e kekahi poe. Alaila, mahope o kona hookomo ana iho i kona mau pono a pau me ka awiwi, hookani aku la i ka bele hele ana mai o kekahi 'kauwa, a ia hoea ana mai, kauoha aku la e kahea aku i ke kahukaa e holo ae a ma kekahi aoao o k'a hale, mahope o kona kahiko ana iho iaia me ka aahu eleele kaahele, a ia paa ana, iho aku la e ike ia Mrs. Habada no ka hoike ana aku e holo ana oia 110 Nu loka ma ia la a e hala ana paha he la okoa iaia malaila. Aole i lilo keia hoi'ke ana aku ana ia Mrs. Habada i mea nona e kaumaha a e pihoihoi iho ai ia wa, a no ka mea, o ka mua loa o ka Alisona huakai i Nu loka, he pinepine no kana mau manawa o ka holo ana mamua aku no ke kuai ana i kana mau mea e makemake ai ilo'ko o na halekuai oia hookahi wale 110, a i ole hele paha e nana i ka hanaia ana o kona mau lole i ka hale kela lole. I ka wa nae keia a Alisona o ka lele ana aku e honi iaia a helelei iho la ko Alisona mau waimaka maluna o ka papalina o ua lede aoo la, akahi 110 oia a ike iho i kona ano e me ka haohao nui no ko Alisona mau waimaka nunui o ka helelei ana iho, i ka wa a Alisona i haawi iho ai i ke aloha, me ke apo ana iho la iaia, e like me ke ano o ka poe hele loa, alaila holo awiwi aku la no kahi o ke kaa e ku mai ana. "Ilaohao aku la ka hoi au i ke kumu o ka helelei honua wale ana iho la no o na waimaka o kuu keiki, heaha la hoi keia kumu nui, oiai e holo wale aku ana no hoi oia no Nu loka ae nei no a hoi mai no i I keia la, a i ole i ka la apopo paha?" wahi a ka luahine Habada o ka j nalu ana iho, iaia i holoi ae ai i ka waimaka o Alisona e kau ana ma kona papalina. ] '"Manao au aohe paha he hoihoi o kela kaikamahine i ka nuho mehameha i keia wahi, oiai o makou ekolu wale no ia e noho nei. kamailio aku ana au ia Mr. Habada e noi aku i kekahi poe kaika» mahine opio e hele mai ianei i loaa kona mau hoa e kamailio a e hauoli pu ai." Aka nae. aole i ike hou keia luahine puuwai piha aloha a lokomaikai i ka helehelena o ke kaikamahine u'i. a no 'ka mea, elua mahina ma ia hope mai, moe aku la oia i ka moe kau a moe hooilo me kona mau makua i hala e manuia aku ona. He mea ku pu no hoi i ke aloha, no ka mea, ina oia i ola mai a loihi na la ma ia hope mai, aole no e nele ana ka naha o kona puuwai 'ke lolie oia i ka hana a kana keiki mahope iho, oiai aole no e nele ana kona haiia aku no ia hana lapuwale a kana keiki. ' Ma ia manawa mai mahope, aia o Alisona ke laweia la e ka lio ahi me ka mama loa no Nu loka ka pahuhopu, a ua hiki aku no hoi oia ilaila i ka wa kupono loa e kuai ai i tiki'ki ukukaa hou nona me ke kau hou ana i ka maka maluna o kona paiki lole, a kau aku la maluna o kekahi kaaahi holo mama loa no Bokekona. Ile la wela leHi 'kela a ua aneane maoli no e maul^*o Alisona mamuli o ka nui o ka luuluu o kona naau ame na manao pihoihoi o na hora he iwakalua kumamaha i hala, a me ka leo kaniuhu no ka maha i loaa iaia, i noho iho ai oia o kona noho me'ka maopopo loa iaia e loaa ana iaia he hiamoe loihi e loaa loa ae ai iaia ka oluolu maikai o ke kino ame k*i naau. I ke 'ku ana aku o ke kaaahi ma Nu Ilewena, lele aku la iloko o ka haleaina no ka paina liilii ana ma kekahi mau meaai mama no kona aina awakea. a ia pau ana, hoi hou ae la noluna o ke kaaahi, a mahope o ka hele ana mai o ke kanaka ohi tikiki, haule iho la oia iluna 0 kona noho a hoaikane a'ku la ma Niolopua. Aole oia i puoho iki no hookalii manawa ahiki i ke ku ana aku o ke kaaahi i \Vorcester, a i hakalia no a pau kona tikiki i ka nanaia e ke 'kanaka ohi tikiki o ke kaaahi, o kona hoonipo hou aku la no ia me Niolopua a ke holoholo walle la ka hoi kona uhane i ka moeuhane aina o Noda. He hiamoe pomaikai nui k»eia nona, a no ka mea, ma ia ano na pakele loa oia mai na manao pihoihoi mai no ka poino ana e halawai aku ana. Ke holo la ke kaaahi me ka mama loa ma kahi o ke 30 mile a oi i ka fiora—he kaaahi keia i kaupalenaia kona manawa liolo | —ua like nk ululaau, na inuliwai ame na kulanakauhak e maalo ae ana mahope me na liihio ana e ike aku ai ma ka aina moeuhane a |nalowale aku la, a hiki i ka hu ana o ke kaaahi ma kekahi kuiki i hana hemahemaia ka bcw>huiia ana, a o na kaa apau ua paila aku la kekahi maluna o 'kekahi a pau i ka nahaha, a o ke kaa lioi a Alis«ofia e kau ana, ua henio mai la ke kaulahao i hoopaaia ai a liaule akn la 1 kekahi owawa a nahaha. Ua piha keia kaa i pa ohua o na lahui like ole, he mui o lakou e holo ana no kahi hoonaaha ma na kapakai o Nu Enelauni, a i ole mauka o na kuahiwi. Ua nui ka poē i loaa i na palapu like ole, ua nui pu ka poe i pau i ka make ia manawa koke no, he eono poe i lawe ia ae mailoko ae o ke kaa ua pau i ka make, a e loheia ama na leo komakena mai o a o o na kaa. O Alisona kekahi iwaena o 'keia poe— he puka maluna o kona poo ke hoike maopopo loa ana ua halawai oia me kekahi mea oolea a hookui ilaila i loaa ai iaia kela pilikia; o keia iho la ka hopena i loaa i ke 'kaikamahine kaahele e hele hookahi nei. Na kekahi elemakule keonimana i huki mai i kona kino mailoko mai o ke kaa poino; o keia ke keonimana aoo e noho pu ana ilo'ko o ke kaa hookahi me Alisona, a o kona noho o ka noho ana maloko oia kaa, ma kekahi aoao mai no ia o ka Alisona wahi o ka noho ana. Oiai 'keia keonimana e noho ana iluna o ke kaa a e nana mau mai ana ia Alisona, aia iloko ona ke aloha no Alisona no ka ike mai aohe mea hele pu me ia oia hookahi wale no, me ka hele o ka helehelena -> Alisona a kaumaha i kana nana mai. He eha hora kona kiai ana ia Alisona me ka minamina i ka ui o keia kaikamahine, nani no hoi kona aahu, milolii kona wahi kino, ehuehu kohu wai gula kona oho, poniponi kona mau maka, a hiehie no hoi kona kulana. I kanva i poino ai ke kaa, o kana mea mua loa ia i noonoo ae ai o ka hoopakele ae i ke ola o 'ke kaikamahine, oiai nae, oia pu kekahi i loaa na palapu, aole nae i ke kukonukonu loa e hiki ole ai iaia ke lawelawe aku no ka mea poino i oi aku i kona, a i kana noonoo ana iho nona, mamuli wale no o kekahi mana mailuna mai i pa'kele ae ai kona ola. Kii aku la oia i ke kino o Alisona e waiho 1010 ana a huki mai la, oiai e waiho ana malalo o ka noho, he noho i wala mai kona wahi mai i ku ai a kau maluna o Alisona, a o ke kumu hoi o ko Alisona pakele ana mai opapuia. Hapai malie ae la me ke a'kahele e like me ka hiki iaia, a ike mao-

[popo loa iho la iaia i nana iho ai i ka helehelena o ke kaikamahine i hele a haikea, ua hikiwawe loa kela halawai ana o ka poino me ia [oiai aole i ala pono loa ae kona hiamoe. "He opiopio īoa oia me krf u'i e kupono ole ai e make oia e like me keia; minamina maoli ka hoi;" wahi ana iaia iho, me ka ha'uha'u uwe ana iho iaia i hookuu iho ai i kana puolo waimaka nui iluna o ka mauu, a hoomoe pono iho la me ka hohola pono ana aku i na wawae a hookau ae la i na lima maluna o ka umanma e hanu ole ae ai, a uhi iho la i ka helehelena i hele a keokeo pu me kona hainaka keokeo ponoi. Alaila hoomanao ae la oia he eke paalima ka kela kaikāmahine ana o ka ike ana maluna o ka noho ana i noho ai ,a hele koke aku la i ke kaa a laua i kau pu mai ai a i pau ai hoi i ka nahaha i keia manawa no ka huli ana ia eke. Ua loihi no ka manawa i pau iaia ma ka huli ana aku nae iahi mamua loa o ke kaa i huki houia aku i hope he mau roda ka mamao mamuli o kela hookui ana nana i hoopoino i na ola mamua o ka haalele ana o*ke kaa i ke alahao. Ohi mai la i na mea a pau e hiki ana iaia ke loaa aku—he wahi ekedala, he 'mau wahi hainaka liilii keokeo i owiliia i ka pepa, he pine gula me kekahi kahi ea. Ia pau pono ana mai oia mau mea iaia i ka loaa, hoi hou aku la a noho ma ka aoao o ke kaikamahine e moe 1010 ana, a wehe ae la i ke ekedala me kona manao e loaa iho ana la hoi kekahi pepa i hoopaaia ai ka inoa ame kahi rtoho i hiki ai iaia ke ike v ka inoa o ka mea i make. He owili pepa dala ka mea o ka loaa ana iho iaia i hiki aku ka huina i kekahi mau haneri, he mau wahi apana dala keokeo, he ki, he pihi gula mikinilima, me ka pepa inoa o kona paiki, aohe nae he wahi pepa hookahi oloko e haawi mai ai iaia i ka ike no ka inoa o ke kaikamahine poino. "Malia paha e loaa ana kekahi ike ke nana iho i ka pepa o kona paiki," wahi ana iaia iho, a me ia manao iloko ona, hele koke aku la iloko o ke kaa ukana kahi e waihoia ai na paiki o na ohua, a malaila i loaa aku ai iaia ka paiki lole o Alisona aohe nae he inoa e kau ana, a ua lilo iho la hoi ia mea i mea kahaha loa i kona noonoo. I ka wa i hookaawaleia ae ai na kaa nahaha mai ke alahao ae, ua hoihoi houia ae la na kaa poino noluna o 'ke alahao, a hoopaaia aku i kekahi kaaahi okoa o ka holo ana mai a e holo ana no ke kulanakauhale kokoke mai, me ka malama maikaiia o ka poe a pau i loohia i ka poino, o ka poe nae a pau i make ai ua waihoia lakou maloko o ke kaa waiha»ukana o na ohua. Ua laweia aku na mea a pau i pau ai i ka make, koe o Alisona; o ke keonimana i hoolilo ai iaia iho i kahu malama no ke kino make o ke kaikamahine e oni ole ae ana, ua hoole loa aku oia i ka" hele ana mai o kekahi mea e hoopapa a e lawe aku iaia. Hapai ae la oia ia Alisona iloko o kona mau lima a hoihoi aku la iloko o ka rumi o na ohua papa ekahi a hoomoe iho la iaia iluna 0 ke koki a noho iho la ma ka aoao e 'kiai i kona kino ahiki i ko lakou hoea ana aku i ke kulanakauhale, a ia manawa oia e haawi aku ai i ke kino i na luna aupuni kupono na lakou e hoomaophpo iho i ke kino no ka paa ana a hi'ki i ka maopopo ana o ka mea kuleana i ke kino. E like me ka ka poe heluhelu i maopopo mua ae nei, aole i hoike mua aku o Alisona i kekahi mea no kona manao e holo aku no Bokekona no ka Inawi ana aku iaia iho malalo o ka malama a;:a a Mr. Manina, ke kane a ka hoahanau. O kana wale no o ka hai ana aku ia Mrs. llahada e ho!o ana oia no Nu loka a hoi mai nole nae ma ia la. A oiai he maa mau no hoi o Alisona i ka holo a moe me kekahi o kona mau hoaloha i ke kulana'kauhale o Nu loka, aole i lilo i mea haohao na Keoni Habada ka nalowale ana o Alisona ma ia ahiahi. O kana mea i hoomaopopo ua piha loa o Alisona i ka luihu iaia no ka laua mau olelo o ke papalēo ana ma ka la mamua iho, a nolaila, aole e lilo ana i mea nona e puiwa ai oiai ua makemake loa o Alisona e kaawale aku mai kona alo aku no kekahi manawa no ka hoonana ana i kona inaina, pela kona manao koho wale iho. Ma kona noonoo iho, ine he mea la ua holo o Alisona i Nu loka no ke kukakuka ana me kekahi loio no ka lawelawe ana i kana hana, e like me kana o ka hoike ana mai iaia, a iaia nae e noonoo ana no ia mea, minoaka iho la oia ma ke ano hoohenehene, a no ka mea, ua manao maoli iho no oia ua akamai loa kana hana ana e kiki ole ai i na uhane mana ke hoohiolo i ka mea ana i hana ai a maopopo ka pono. Aka nae, i ka hala ana o ka lua o ka la, aohe hoi mai o kana lianai, he oia mau ka nalowale mai kona alo aku; akahi no a ulu mai ka manao hopohopo pono ole loa iloko ona, hia-a mai la kona noonoo me ke kukia la no keia hele naaupo loa ana me ka pohihihi o ke kunni o ka hele ana, a no ka mea, he ukiuki mau oia i na mea pohihihi a pau. Aole oia i ike iki i kekahi nupepa mai Bokekona mai i kela la, a maloko hoi o kekahi o na nupepa o Nu loka, he pokole wale no ka moolelo i hoopukaia e pili ana i kela ulia poino o ke kaaahi laweleka 1 kaupalenaia, me ka hoike oleia o na inoa o ka poe i poino. Aka nae, ma ke kolu o na kakahiaka mahope o ka nalowale honua ana o Alisona, ua hoohakuiia kona naau me ke kaumaha loa, maho]>e o kona heluhelu ana i ka moolelo pilia o kela ulia kaa\hi, mamuli o kona ike ana i ka inoa o Miss Buruka iloko o ka papainoa o ka poe i lik) i moepum na kela kaaahi. O, ua like kela mea hou iaia me he olapa uwila la i lele maii ap» rrra kona umauma a hoomaka iho la e helelei kona mau waimaka. r MOKUNA XVIII. { Noho iho la o Habada e like me kekahi mea i hookukuleia mamuli o kona hoomaopopo ana no kela mea hou ana o ka heluhelu ana ihono k <> Alīsona poino, a ike koke iho la no nae oia i ke kumu nui o« kela holo loa ana o Alisona i Bokekona, no ka makemake no ia e hui aku me Mr. Manina. Ua lohe oia i ka hoi ana mai o Mr. Manina me kona ohana mai Roma mai, a, mamuli o kona ike i ka makemake loa o Alisona e hoi me laua, aole kanalua iloko ona i holo aku o Alisona ia laua i loaa ka mea nana oia e malama a e kokua mai i ka hoopii ana i manao ai. Aole nae i liuliu loa ia kaumaha ana iho ana, ua ukali kokeia mai la ia e kekahi manao hauoli loa. "O ka holopono loa ana keia o na mea apau a'u i hoolala ai," wahi ana i namunamu liilii iho ai iaia iho. "I keia manawa aohe a'u hopohopo hou ana aku no kona paio ana mai i ka Mrs. Buruka koi i ka waiwai, mamuli oke kumu ua hanaia kekahi palapala kauoha ma . kona inoa, a malia paha ma ia ano e loaa mai ai ka mahele o ka wiawai. "E pau loa aku ana na waiwai pau i hooiliia ai inaluna ona i keia mau mea elua e koi mai nei, a ma keia hope aku, e pau loa mai ana ka waiwai o Mr. Buruka ia'u. E mare aku ana au i kela kaikamahine ia Ana Buruka, a ma ia ano e kulike ai kona waiwai me ko'u, a mahope o ka mare ana, alaila lawe a'ku iaia e hoomakaikai i na aina e no elua a oi paha makahiki noi ka hoohauoli ana i kona noon°o, alaila hoi hou mai au no ka lawe ana ae i ko'u kulana i like aku me na ona miliona e ae o ke kulanakauhale. "Ia wa aohe au huli hou ana aku i ka waiwai, e Keoni; o kou mau la ma keia mua aku he mau la ia o ka hauoli ame ka holopono; mai ,a manawa aku e hoomaha ana oe maluna o kau mau hoe me ka hoohauoli ia oe iho ma na mea a pau a kou naau e hauoli ae ai," wahi ana oka hooki ana iho me ka naau hauoli. Oia wala no ia e kamailionei iaia iho. 1 (Aole f pau.)