Ka Nupepa Kuokoa, Volume LIV, Number 3, 21 January 1916 — HOIKE HUI O NA KULA SABATI O MAUI HIKINA [ARTICLE]

HOIKE HUI O NA KULA SABATI O MAUI HIKINA

Ua malamaia he hoike hui 0 na Kula Sabati 0 Maui Ilikina maloko o ka Luakini o Wananalua, Hana, ma ka la 19 o Dekemaba, 1915. Eia na Kula Sabati i hiki mai: Kaupo, Kaloa ame Honomanu i huiia, Keanae, Nahiku aine Wananalua, ame Kaeleku. Ua like me eono kula i hiki mai. O ka hana mua ma keia hui ?na 0 na kula, 0 ia no ka wehe ahamele ma ke ahiahi Poaono, la 18; ua piha loa ka luakini i ka poe makaikai, a ua loaa na dala he $28.25 ma ia po. Ma ke kakahiaka Sabati ae, la 19, ua akoakoa ae na Kula Sabati apau ina kahi 0 D. K. Wailehua, ka lunakanawai apana o Ilana, oiai he mau wahi pakaua liilii e helelei ana, a ua hala loa ka manawa e ka'i ai 0 na Kula Sabati, aka i ka wehe ana ae o na ao e hoopoluluhi ana, a kalae maikai ae la na lani, ua hoomakaukau koke ,ka huakai e hoonee aku no ka luakini, aka inamua o ka nee ana o ka huaka'i, ua puai mai la kekahi mapuna leo huihui, lie haiololo lioeueu i na Kula Sabati e kupohal ana, a he nui na olelo momona a ke Kahu J. PNlnaina i luai mai ai, a 0 ka poe i hoomaopopo aku i ke ano nui 0 keia mau olelo hoeueu ua waiwai loa, aka, ina aole i hoomaopopoia, alaila, ua nele no. Apau ia, ua nee aku la ka huakai niaJalo 0 ka hooponopono ana a ke Kahu L. M. Mitchell, a komo aku la iloko o ka pa o ka luakini, a hookuene like ae la, e ku poai poepoe ana, a i keia wa i lohe ia aku ai ka leo o ka Mea Ilanohano W. P. Ilaia e olelo ana, 0 keia ka 'i huakai a kakou no ka honua keia, ke hauoli nei, no keia ka 'i ana mai nei 0 kakou ahiki mai nei kakou maanei, ua lawa ia, aka 0 ka 'u e kauoha nei ia oukou e na Kula Sabati apau i akoakoa mai nei e ka'i kakou me ko kakou naau apau, a e pili aloha aku i ko kakou haku aloha, a he nui ak'u no, aka 0 ka mea keia i hoomaopopo ia aku. Ia wa i kani mai ai ka leo 0 ka hinieni i hele a paanaau loa i na liaum.ina Kula Sabati, oia hoi: Ma ke ao e naue nei, a nee aku la ka huakai noloko 0 ka luakini, a noho iho la ifla kahi i hookaawale ia 110 kela kula ame keia kula, a hoomaka na hana me na. olelo hoolauna mai ke Kahu Kula Sabati Nui D. W. Napihaa.mai, a he mau olelo hoolauna mai ke kahu haole mai ame kekahi himehi i alakaiia inai e ka Mea Ilanohano D. K. Wailehua, a o ka hele /10 ia o na hiina imua ina ke alakai ia ana e ka Lunakanawai D K Waiīehua e hoomaka ana ma ke kula o Kaupo, Wananalua, Kaeleku, Naliikū,' 'Keanae ame Kaloa i hiiiia. . ' Ma ka nana ana i ke kūiana o na kula apau i ku mai a hoi|ce i ka lakou mau haawina, ua like lo'ii, aohe he oi 0 kekahi mamua'o kekahi, oiai na haawina apau 0 na kula apau ma Ka Hoaloha wale 110. Ile niaikai ka paanaau ana, aole he kuku, aole no he palale, aole 110 he pokole nia ka wawae, o ka mea i ikeia he pakika a he pahee na haawina. Pela pu no me na hiineni, he maikai ke hoolohe akn, he nanea hoi kau 0 ka pepeiao i ka hoolohe aku. Ua malamaia ka lulu dala ame na manao paipai mai ke komite hoeueu mai 0 na Kula Sabati, ke kahu haole ame ke Kahu Kula Sabati Nui a Apana 0 Maui Hikina. O ka nui 0 na haumana K.ula Sabati 1 komo ae i keia hoike he 71, 0 ka nui 0 na dala he $91.50; a hookuu na hana, oiai ke huhu mai nei kahi haole, oia 0 Hanale, a hookuu ha hana me ka himeni ame ka pule a ka makua haole, a koino aku la i ka rumi i hoomakaukau ia ai na kohi kelekele a ka puu e momoni ai. Ua ai a ua lawa loā i' ka lokomaikai 0 ka haku hale, he mau mea nui aku no paha koe, aka, e kala mai nae ia 'u, 0 ka mea keia i loaa ia'u. Ke hooki nei au maanei; ke kaliea mai nei ka wai o Waikani ia'u. Owau no o kekahi haumana Kula Sabati 0 Keanae. SAM KALAMA. •Keanae, lanuari 4, 1916.