Ka Nupepa Kuokoa, Volume LIV, Number 43, 27 October 1916 — MAHUKA HE ELUA MAU HAOLE PAAHAO. [ARTICLE]

MAHUKA HE ELUA MAU HAOLE PAAHAO.

Ma ka po o ka Poakolu o ka pule aku nei i hala i mahuka aku ai he elua mau haole paahao, mai kahi lioopaa o na lawehala ma Puowaina ae nei, a ko hakilo pono loa mai nei na kanaka o ko aupuni, no ka hopu ana ia laua a hoihoi ae maloko o ka halepaahao. He mau haole kela i hoopa'iia no ka hewa aihue me ka wawahi hale, me ka 1 noho maloko o ka halepaahao no elua i makahiki, aole nae i pjfu ka manawa o ko laua hoopa'i, hoomaka e iho la e mahuka. Wahi o na hoakaka a ka Makai Kiekie Jarrett, he manaolana kona aole e loihi ka manawa e hele lanakila ai o kel& mau haole, e paa hou no laua i ka hopuia, a i ole, e haawipio okoa mai ana ia laua iho, ma ka huli hoi pololei ana ae no ka halepaahao, elike me kekahi poe paahao i holo mahuka, a hoi hou ae mamuli o ko lakou mnnao ponoi. Ua hoike hou ae no hoi o Mr. Jarrctt i kona kaumaha, no ka mahuka ana o kela mau haole, mahope iho o ka hana ' maikai ia aku; a ina nae no ko laua paa hou i ka hopuia, e kauia aku ana ka hoopa'i kupono loa maluna o laun ma ke ano he mau paahao mahuka.