Ka Nupepa Kuokoa, Volume LV, Number 4, 26 January 1917 — HE PAPA AHAAINA HOOMANAO NO KA PIHA ANA 10 MAKAHIKI. [ARTICLE]

HE PAPA AHAAINA HOOMANAO NO KA PIHA ANA 10 MAKAHIKI.

Ma ka Poalua o keia pule ae, lanuari ; 30, 1917, e pilia ai na makahiki he umi o ke ku ana o ka Ahahui Oiwi a na Wahine Hawaii, a ma ia la e haawi ana» lakou i papa ahaaina hoomanao no ka lakou mau hana o ka lawelawe ana me ka hoomanawanui ame ka holopono iloko o na makahiki he umi. Maloko o ka halepule kahiko o Kapalama e malamaia ai na hana hoomanao o ia la a malaila pu kekahi mau papa ahaaina e weheia ana, a ma ka lono i hoikeia mai he mau papa ahaaina ka ia e luluu ana i na kuhfkuhinia like ole. Ua hoopukaia na kono i na ahahui e ae, a maloko o na palapala kono e hoomaka ana ka ai ana mai ka hora elua aku apau ma ka hora eono o ka auwina la.

Ua kukuluia keia ahahui e kekahi mau wahine Hawaii kakaikahi i ka mahina o lanuari, 1907, a he makahiki a oi hope mai ua pii ae na lala ahiki i ka ekolu 'hanen a oi, a mai ia manawa mai, ua make aku kekahi, ua haalele mai kekahi a i keia la ua koe mai na lala kulana maikai he haneri a oi. He ahahui lala kekahi o keia ahahui e ku nei oia ka aliahui lala o Waianae, a nona na lala he iwakalua a oi. Ua lehulehu na hana maikai i hanaia e na ahahui, a eia nae, me ia ikeia no o ka maikai ua lehulehu na lala i haalele mai i ka ahahui. He maikai ka ahahui ke malama pono ia na rula ame ke "kuhikuhi a ke kanawai, a he mea hooiioka aku ke malama ole ia. He waihona nui ko keia ahahui i keia la e hopohopo ole ia ai kona ku ana no ka manawa loihi ma nei hope aku. ( ...