Ka Nupepa Kuokoa, Volume LV, Number 10, 9 March 1917 — HAHANA NA PAIO ANA MALOKO O KA HALE. [ARTICLE]

HAHANA NA PAIO ANA MALOKO O KA HALE.

Ma ka manawa i laweia mai ai ka bila Helu 147, no ka noonooia ana maloko o ka hale o na lunamakaainana, ma ka Poalua nei, ua ike maoli ia ka haha. na o na hoa o kela hale, ma ka paio ana, ma ka aoao apono ,a ma ka aoao e ku-e ana i ka hooholoia o ua bila nei. He bila keia e liookapu loa ana i ka loio kuhina, kona mau hope ame na 1010 kalana, aole e lawelawe i na hihia mawaho ae o na hihia a ke aupuoi. No ke kupale ana i ka pono o na loio kalana, ua hooikaika ka Lunamakaaianan Lyman e kapaeia ae na loio kalana ame ko lakou mau hope, mai ka hookomoia aku maloko o kela bila; ia wa i koke mai ai ka Lunamakaainana Silva, a noi mai la e waihoia ka paku'i ma ka papa, a e ku no ka bila elike me ia i waihoia ae ai; a ua lokahi ko ka Lunamakaainana Andrews manao me ko Silva, o ia hoi, ina aole i lawa ka uku o na loio kalana, e loaa nei ia lakou, alaila e hoomahuahua ae i ko lakou uku, a e kauoha pu hoi ia lakou e lawelawe i na hana i hoolimalimaia aku ai lakou, aole hoi i na hana mawaho ae. Ua nui na hoa i hoakaka i ko lakou mau manao no na mea e pili ana i na loio kalana, no ka pono a pono ole o ko lakou papaia e ke kanawai, aole e lawelawe i na hihia mawaho ae o na hihia a ke aupuni, a i ka wa i waihoia ae ai o ka ninau, no ke kapae ana ae i ka loio kuhina ame na loio kalana mai kela bila mai, ua haule, a mamuli o ke noi a ka Lunamakaainana Lyman, ua hoopaneeia ka heluhelu ekolu ana i kela bila a ka la apopo. i