Ka Nupepa Kuokoa, Volume LV, Number 11, 16 March 1917 — NA LONO LIKE OLE E PILI ANA I KE KAUA MA EUROPA [ARTICLE]

NA LONO LIKE OLE E PILI ANA I KE KAUA MA EUROPA

Kc Kuikahi Maluhia a Kelemania HAVIIE, Franct», Mar. 8. —Aneane loa o Kelemania e ln.olaha ae i kana mau kumu aelike maluhia, elike me kekalii mnu lono laulahea i nanaia aku ma ke ano he oiaio i loaa mai i na luna aupuni Belegiana maanei, ka home kuikawa o ke aupuni Belegiuina. I kulike me na hoakaka a keia mau leno ua ae ka o Kelemania e hoohiki e 1-pawi mai i ke kuokoa i kahi aupuni uuku o Belegiuma a na pualikoa nui hewahewa a ke Kaiser i komo mai ai e kaua a e luku wale, malalo nae o kekahi mau lioohaiki ana. O ka mea oi aku o keia mau kumu, oia hoi, e hoonohoia ae no na pualikoa Kelemania maloko o JAege ame Namur, ka puka e komo mai ai iloko o Belegiuma ame ka hapa akau 0 Farani mai ka hikina mai, a eia liou e kaa aku no malalo o ke Kaiser ka hoomalu mau ana i alanui kaaahi apau o Belegiuma ame na awakumoku. O Belegium ,e aeia no oia e malama 1 mau pualikoa kiai kakaikahi, aole nae i mau pualikoa nui nona ponoi iho, Kakaikahi na Moku i Lukuia LONDON, Mar, B.—No ka pule e pau ana ma ka la 4 o Maraki ua emi loa mai ka liana luku wale ana a na mokuluu Kelemani i na moku i kulike ai me ka hoike a ke kuhina kaua i hot>lahaia ae e ke aupuni Pelekane ma kd po i hala. Iloko o ia manawa he iwakaluakumamaono mau moku i hoopiholoia a he umi-kumamalua i holopono ole ka liana hoopiholo a na mokuluu. lloko o ia manawa like he 2528 mau moku o na ano apau i hdea mai iloko o na awakumoku like 010 o Pelekane, a he 2477 i holo aku, he huina nui i oi aku maihua o ka umi kaukani e holo ana no ka pule, nolaila o ka pakeneka o ka poino i hanaia ua emi loa iho malalo o ka akahi hapaha o hookahi pakeneka. Hookokoke na Pelekane ia Bagdad liONDON, Mar. 8. —O ke kikowaena o kahi noonoo nui a na kapitala o na aupuni kaua upau aia maloko o Mesopotamia, ua aneane e meha loa ke kaua ma ka hapanui o na kahua kaua ma ka hapa leomohana, no ka mea, "maloko o Mesopotamia aia na Pelekane ke hoo,mau mai la i ka hahai ame ka hoauhee ana i na pualikoa Tureke holookoa mamua o lakou. Aohe mea i like me kela

auhee o na Tureke e hahaiia mai la mamua aku, he hapa iho ke auhee ana a na jßukini mamua o na pualikoa a ke Kenerala von Hindenburg ma ka apana o Dunajex. L r a oi aku mamua o ka 150 mile i liala i na Pelekane mahope o lakou, ma ka hoomau ana i ke kaua i na la i hala, a ua ka'i loa aku lakou imua ma ka laina pololei no hookahi haneri a oi mile mai kahi mai a lakou i kaua mai ai i na ko& Tureke e paa ana i na laina ma kahi kokoke i Kut-el-Amara, a nahaha liilii ai, a hoauhee mai la ia lakou ihope no na laina pale ma Bagdad. Ua kau ka weli i kela kulanakauhale kaliiko i nei manawa nona na moolelo kaulana, mamuli o ke ka'i mau aku o na pualikoa Pelekane lanakila imua. I keia manawa aia na Pelekane ma kalii aneane 9 mile mai kela kulanakauhale mai o Bagdad. O na koa Rukini pu kekahi i lioikeia mai aia ke hookokoke loa mai la i ke kulanakauhale o Bagdad mai ko lakou mau kahua mai ma na palena aina o Peresia, a aia na Tureke ke auhee mat la me ko.lakou hoohaiki loa ia mawaena o na puhlikoa nui elua. Ma ka lono i loaa mai ua lilo aku i na koa Pelekane a i na Eukini kekalii heluna nui o na waiwai pio mai na Tureke aku, komo pu me kekahi lieluna nui o na pu kuniahi nunui i hoounaia aku ai e Kelemania ame Auseturia no ke kokua aku i ko laua mau hoahui. Hookolokoloia no ka Hewa Ohumu LONDON, Mar. 9.—He nuhou kamahao loa ka i ikeia ma ka manawa o Tta weheia ana o ka aha hookolokolo no ka hoolohe ana i !:a hihia o Mrs. Aliee Wheeldon, i, hopuia ai me ekolu poe e ae a i hoopiiia ae ai no ka hewa ohumu e pepehi a make i ke Kuhina Nui Llo) r d George ame Arthur Henderson, he kuhina ma ka aoao kalaiaina o na limahana. Ma keia la i hookolokolo ia ai o Mrs. Wheeldon. O keia wahine, he mea kuai lole alua, ma kona manawa i ninaninau ia ai ua hoike okoa ae oia i kona hoakaka ana ae i kona manao no kekahi mau manawa lehulehu i kona manaolana e make koke na kuhina elua. Eia nae, ua hoole oia i kona' komo pu ana iloko o ka hana hoohalua e hoopoino ia laua, e ku-e ana i na lioakaka ma ka aoao hoopii no ka hookahua ana i ka hoopii maluna o ka manao hoohuoi ma

ka inea oiaio nae he moa liilii hiki ole ke liooiaioia, Ka Maluhia ame ke Kaua Aia ia Wilson LXXNDON, Mar. 10 —E kaua ana paha mawaena o Kelemania amo Amenka Huipuin a aole palia, aia ke kauka'i holookoa ana ia hopena maluna o ka Peresidena \Vilson, wahi a ke kakauolelo* Kelemania a kuhina hoi o na aina e, iloko o ka manuwa o kona launaia ana aku i keia pule, o ka manao nui o kana olelo ua hoea mai ianei. Ina makemake ka Peresidena \Vilson e kaua, e kaua an'a; a ina makemake oia e mau aku ka maluhia, e loaa ana he hoomauia aku o ka maluhia. Aole o Kelemania e lioololi iki ana i kona manao, ina e hooweliweli mai ana o Amerika e kaua. Aohe maopopo iaia leo Amerika manao kaua me Kelemania ame ka ole. Mai ka manawa mai o ka lioopauia ana o ka noho mawaena o Kelemania ame Amerika aohe lono i loaa aku iaia mai Amerika aku e ihiki ai iaia ke liooholo i kona manao o ka maluliia a i ole o ke kaua paha ka Wakinekona mea i manao ai, kalii kupono nana ia kumuhana e noonoo. Koikoi ka Poino o na Perusia E hoakaka ana kekahi mau lono i loaa mai ma ke alahele mai o Amsterdam i ka hahana loa o na hoopaapaa ana maloko o ka ahaolelo Perusia maIuna o ka ninau e pili ana i ka ai, mahope iho o ke a'o ana mai a ka luna nana e hookele ana i ka ai Michaelis ; o lei palaoa i hoahuia ua emi awiwi loa mai a e koiia ka lahui e pakiko mai i ka ai ana i na lako ai i lioaliuia ahiki i ke oo ana mai o na meaulu iloko o ke kupulau ame ka ohiia ana o na oo ai hou. Iloko o ka manawa e paioia una i oili ae ai ka nui o na make mawaena o na kanaka elemakule maloko o Perusia me ka nui o na make o na ano lehulehu like ole, mamuii o ka puka ana ae o na ma'i ahulau like ole, ma "ka hookoloia ana aku o ke kumu ua ulu mai mamuli o ka lawa ole o ka ai, a ke mnu la ia haawina pela ,a ke pahola la ma o a maanei. Lilo i na Pelekane ke Kulanakauhale o Bagdad LADANA, March 13.—Ualilopio mai i na pualikoa Pelekane ke kulanakauhale o Baiīdad mamuli o ke auhee ana aku o

na koa Tureke, rae ka luku nuiia o lakou e na pukuniahi a ua Pelekane, a ua haalele ia iho ia kulanakauhale e na koa Pelekane niahope, a ke hahai loloa ia la na Tureke me ke auhee ana ma o a maanei, a lilo hou mai la he kulanakauhale okoa aku elima mile aku mai ke kulanakauhale aku o Bagdad. Ua lilo pio mai i na Pelekane ma keia k\xlanakauhale he nui launa ole o na mea ai, na pu kuniahi, na pu mikini ame na lako kaua o kela ame keia ano, me ka paa pio ana he mau kaukani o na koa Tureke. Ua kokua nui ia na koa Pelekane ma keia» kaua ana e na mokukaua Pelekane ma ka Muliwai Tigris, mamuli 0 ke kipoka pahu ia ana o na papu a na Tureke a nohaha, a loaa hoi he manawa niaikai 110 na koa helewawae e liahai loloa ai mahope o na leoa Tureke. Kokoke e Haule ke Kul&nakauhale o Bapaume NEW YORK, Mar. 14.—0 Bapaume, ke kulanakauhale a na Koa Pelekane 9 hooikaika nei'e lilo mai ia lakou, ua kkoke mai ia. Ma ka hakaka ana ma k„ la i nehinei, ua hoaulieeia aku na koa Kelemania e pee mai ana iloko o na lua a lakou i eli ai i walii no lakou e pee ai, me ka nui o ka make. Ua ki ia aku lakou me na pu kunialii nunui a nahaha na papu paa loa a lakou i hana ai mamua loa mai o ko lakou laina, a ua hoauheeia aku lakou o na koa Pelekane 1 ko lakou majiawa i nee aku ai me ka lilo pio ana mai o kekahi mau >haneri koa i na Pelekane. Ua auhee aku na Kelemania mai ko lakou wahi aku a holo aku no ko lakou pakele; a ke hookokoke loa aku la na koa Pelekane ia ktllanakauhale; a ma ka olelo ia, e lilo pio ana ia wahi ia lakou ma keia nee ana aku a'lakou. Ma ka hema ae o Bapaume, malaila i ikeia ai ka hahana loa o ke kaua ana ame ka nui 110 hoi o na poe i make. Ma keia wahi he ekolu mile a oi ka loa i hanaia ai he mau laina uwea kuku e na Kelemania ame na laina pu mikini elua e makaukau mai ana e alapoho i na koa Pelekane i ko lakou wa e nee aku ai imua, aka nae iloko no o ia hanaia ana me ka ikaika loa, he mea ole wale no ia i na pu kuniahi a na Pelekane e kiloi ana i na poka pahu me he ua la, a lilo ia wahi i mea ole, a oia ka wa a na koa' helewawe i nee aku ai imua me ka maalahi loa a auhee aku la na koa Kelemania a komo loa aku la na Pelekane iloko he mile a oi mai keia wahi aku, a ma na lono hope loa i loaa mai, aia "no na Kelemania ke nee la ihope, me ka lilo pio ana he mau haneri o lakou i na Pelekane.