Ka Nupepa Kuokoa, Volume LVI, Number 39, 27 September 1918 — KUU KEIKI ALOHA, S. K. KAAI, UA HALA. [ARTICLE]

KUU KEIKI ALOHA, S. K. KAAI, UA HALA.

I ke K6pena ahonui o ke Kilohana Pookela o ka Lahui Hawaii, anoai oe: Me ka naau i mokumokuahua i ke aloha keiki, aohe eu i ka hana a ke anu, ua oni wale i ke oho o ke kupukupu, i na hoa paa kaunoa i ka la e; ka la 0 ke aloha i hiki mai ai, ke lu nei i ka ukana a ka lihilihi, i waimaka aloha no kuu keiki. Auwe kuu keiki hele loa e! Honoulimaloo, Molokai, ma ko maua home noho i pauaho mai ai ka maua keiki i keia ola ana a hele aku la i ke ala mau o ko ka honua apau, i ka la 12 o Sepatemaba, 1918, a waiho iho la ia 'u kona makua, me kona mama hou me kona mau kaikuaana, na kaikuahine me kona pokii, e noho u aku ma keia ao. Ua hanauia kuu keiki aloha ma ka uka iu ano o Papiohuli, Moakea, Molokai, mai ka puhaka mai o kona maina i hala mua! ma o, Mrs. E. Kaaneehale Kaai, me kona papa, E. H. Kaai, Sr., e ola nei, i Bept. 9, 1900. Ma ke kakahiaka Poakolu iho la makou i hoohuiia ai, Sept. 11, 1918, he mau hora wale no a hala aku la, oiai oia ma ka haukipila,' he manawa loihi no o ekolu mahina, ahiki i ka maopopo ana, kiiia e huki mai, e ke anaina kumakena o kuu mea aloha he keiki. Ke haawi aku nei au i ko'u hoomaikai i ka ohana i akoakoa pu mai me kona papa, D. Kaai, ko'u kaina, nāna 1 malania, a i hoomaikai i kana huaka'i hele loa. Nou e Mr. Lunahoojponopono ahonui ka'u hoomaikai hope, ame na limahana o kou papapa'i. 0 maua no iloko o ke kanikaniaula waha, ka ope'ope nui a ke aloha kei'ki me ka waimaka helele'i. E. H. KAAI, BR., MRS. KAAI.