Ka Nupepa Kuokoa, Volume LVI, Number 49, 6 December 1918 — POULI KA LA NO KA LUA O KA MANAWA I KEIA MAKAHIKI [ARTICLE]

POULI KA LA NO KA LUA O KA MANAWA I KEIA MAKAHIKI

O ka lua o ka manawa o ka pouli ana o ka la i keia makahiki ma ka Poalua iho nei ia, Dekemaba 3, eia nae aole i ikeia ma Hawaii nei, aka, e ikeia ana ma ka hapa hema o Amerika Hema, ma k.a latitu aneane kulike me ko Buenos Ayres, a e i'ke pu ia ana ma ka hapa hema loa o Amerika Hema, ka hapa hema o Aferika ame ka Moana Atelanika Hema. O ka, manawa mua i ikeia ai ka pouli ana o ka la ua ikeia ma Hawaii nei ma ka" la 8 o lune o; keia makahiki koe wale no 'ka paa ana i ke ao, aka ua ike maopopoia ho nae ma kekalii mau manawa. Aohe manawa e ae iloko o ka makahiki i ikeia ai ka oi aku o ka nui o ua hoku malamalama ma ka hikina mamua o keia mau ahiahi o Dekemaba, He nani ia mau hoku ke naua aku, me he mau pualikoa la o na hoku nunui a nani e hoouani ana i ke aouli ma ka Hikina. W. 8. 8.