Ka Nupepa Kuokoa, Volume LVII, Number 17, 25 April 1919 — He Moolelo Pohihihi a ka MAKAIKIU WAHINE RUTA REVENA I Huli Ai Mahope o ka Meheu o na Rose a Loaa Pono ka Mea Pepehikanaka. [ARTICLE]

He Moolelo Pohihihi a ka MAKAIKIU WAHINE RUTA REVENA I Huli Ai Mahope o ka Meheu o na Rose a Loaa Pono ka Mea Pepehikanaka.

1 loi liou mai la oia a noho iho la iluna o ka noho, a palulu 1a i kona mau maka me kona mau lima, ahiila hooluliluli ilio la iaia iho imua a ihope o ka noho, me ke kuwo okoa ana ac me ka ehaeha loa no kēkahi manawa. "0, e kuu Akua. e huikala mai oe ia'u! Aole au i ike—aole au i ike !"

<l E Mr. lasepa, e hoomama i kou kaumaha/' i pane aku ai o Ruta me ka hoao aku e hoonana i ka naau o ua o Mr. lase|>a. "Ei ae o Rose ke hele* mai nei i keia manawa me kekahi mau meaai nau. E pono oe e ai aku i kekahi mau meaai i piha aku kou houpo, no ka mea, ua pololi loa oe i ka'u ike aku. E pono ia oe e hoomau ae i kou ikaika, aole pono kou hoopololi ia oe iho, no ka mea, he hopena poino ko ia hana, ua ike oe ia mea." Ua komo mai la o Rose iloko o ka rumi ma keia mana\va, a kau iho la i na meaai iluna o ke pakaukau ma ha'i ona. nolaila, aole i kali iho oia no ke kenaia aku no hookahi manawa i koe, o kona hoopiha iho la no ia i kona opu i hele a hakahaka ia manawa mamuli o ka hala loa ana o kekahi manawa loihi iaia me ke komo wahi meaai ole. I ka pau ana o kana ai ana, huli mai la oia e nana ia Ruta a i mai la: "Me ka mahalo a nui i kou lokomaikai, e Miss I evena. "Me ke kanalua ole ua loaa ia oe ka ha'oha'o no ke kumu o ko'u hoea ana mai la ianei i keia manawa o ka po, oia paha, ea?" "Pela no, Ua hoopahaohao nui ia ko'u noonoo, aka, e ninau aku ana au ia oe, e oluolu mai ana anei oe e hoike mai ia'u i ke kumu?" "E ae aku ana au ia noi au, a eia no, i hoea mai la au ianei no ka ninau ana aku ia oe i kekahi mea e pili ana no i eidete—oia hoi o Miss Faure. Ua nalowale honua oia, :oh e mea hookahi maloko o kela hale keaka i maopopo i kona wahi o ka hele ana, pela mai nei ko'u lohe." "Ae. he mea oiaio ia, pela ka'u i ike ai maloko o ka nupepa." "Aohe ka oe i lohe mai i kekahi mea e pili ana nona? }>.anao anei oe ua make oia, a i ole ua kailiia paha me ka ike ole ia?" i ninau mai ai o lasepa. "He ninau paakiki loa kena au e ui mai nei ia'u—eia ka'u e olelo ae. e manaolana aku kaua aole oia i make, aka ke ola mai nei no, eia nae, ma ko'u manao ua hoololi oia i.,ia iho. He hoaloha nae paha o Miss Faure nou?" No keia ninau a Ruta pahola ae la ka ula ma na papalina 0 ua o lasepa ame ka leo uu oia o ka pane ana mai i ka i ana: "A-e, he hoaloha i'o oia no'u." "He hoaloha pilipaa loa?" i ninau koke aku ai o Ruta. "Aohe i pili loa, elike me ka'u i makemake ai. Ua makeniake hoi au iaia e mare me a'u, eia nae, aohe i haawi mai 1 kona ae ahiki i keia la." "Uhu!" i noonoo iho £ii o Ruta. Ke makemākē aei'au e ike ina o oe ka—" Alaila kamailio aku la o Ruta a nui ka leo e lohe mai ai ua o lasepa: "He hoaloha no nae paha o ,Mr. Delema nou?" No keia puka ana aku la o ka inoa o Mr. Delema, nana ].ono mai la ua o lasepa ia. Ruta 110 kekahi manawa, alaila j>ane mai la: "Ae, ua kamaaina au iaia a oia ia'u." "Ahe, ke ike aku la au. No ka nana ana mai o Miss l aure ia'oe a ua kupono ole i kona makemake i kane oe nana a i wahine hoi oia nau, no ia kumu i noi aku ai oe ia Mr. Delema e kokua mai ia oe ma kona noi ana aku ia Miss l r aure i wahine nau, oia pāha. ea?" '"Owai ka mea nana oe i kamailio mai, ua noi aku au ia Mr. Delema, nana e noi aku ia Miss Faure i wahine na'u?" "Ha, ha!" i akaaka ae ai o Ruta a nui ka leo. "Ke ike nei au ua pololei ka'u mea i kamailio aku la ia oe," wahi a kuta oka pane ana aku. "No kau ninau no ke kumu oka loaa ana o ka ik« ia'u no ia mea, a no kau hana hoi me Miss Faure, aole au i manao e loaa aku ana ka haina ia oe i kulike me kou makemake, o keia wale ae la no. "Ua maoilopo ia oe he makaikiu wahine au a ua kamaaina i ka huli ana aku i jia mea apau e pili ana i na hihia 0 kela ame keia ano. I ko manawa i noi aku ai ia Mr. Delema e noi aku ia Miss Faure i wahine nau, pehea kona manao ?" "Aohe oia i apono mai ia noi a'u. Wahi ana o ka olelo ana mai, aohe ona makemake i na wahine hana keaka o kekahi o lakou ka'i? wahine e makemake aku ai i wahine, a ua hoao māi oia € hoopohala ia'u i 'ka manawa mua, akā, 1 kona manawa i ike ai ua paa loa ko'u manao o Miss Faure kj>'u wahine, akahi no oia a haawi mai i kona ae, me ke ano hakanu no nae, e kokua ia'u." "Uhu! Aole au i maopopo mua he mau hoaloha pilipaa l< a olua me Mr. Delema. Nui akii la no hoi kou hilinai iaia ke ha'i aku la oe i kau mea huna iaia, lie .mea huna hiki ole i kekahi poe ke hilinai aku ia ha'i, a ia la nae hoi ?iia aku ka mea huna iloko o kou puuwai, a nana e hooko aku i kou makemake. Pehea iho la kela hana ? pono anei?" "Aole hik iia'u ke hoike aku ia oe." "No keaha iho la hoi? Ia Mr. Delema aku la ka hoi lioike oe i kau mea huna i hiipoi wale ai. a ia ? u hoi, ka mea nana e hana aku i kekahi pono nou, paa iiiai la hoi kou waha. "Eia ka'u mea e hoike aku ia oe i nei manaWa, he mau la aku nei i hala, ua kipa aku la au i ka halēhana o Mr. Helenla, ma ke alanui* Kalonaelaika, no ka ilinau āna aku iaia no ka mea e pili ana i ka leka a Miss Faure i kakau mai ai iaia," i hoakaka aku ai o Ruta. "Ua ninau aku au iaia i ka inōa o'ke' kanaka nōna ka manao a Miss Faure o ka hoakaka āna o kela leka «•ī.a o ke kakau ana mai ia Mr. Delerrta, ēia nae, aole oia i hoike mai ia'u i ka inoa o ia kanaka, wāhi ana, aole hiki iaia ke hoike mai ia'u, mamuli o kēkahi olelo hoopaa i hanaia me kekahi kanaka i make. Ua maopopo anei ia oe k«>na manao ma kela kaohi ana ana aolē e hoike mai ia'u ?" "Pela ko'u manao, ke ole nae hoi au e kōho hewa, eia nae, aole no' au e hoike āku ana i ka inoa o ia kanaka ia i-e, elike 110 me ka Mr. DelemSi hoole ana mai !a ia oe, 110 ka mea. owau pu kekahi i hoopaa ia'u iho e malama me ka l'una loa i ka hoohiki a ka mea i make." "Ina pela, aole au e koikoi wale aku ana ia oe, nau no ia e malama nou iho, eia nāe, i ha'i aku au ia oe i keia manawā. e liiki mai ana ka manawa e huaiia ae ai keua lio'a huna au a ahuwale imua o ke ao. Ke ike ōle nei au i 'kekāhi kumu kupono ame ka waiwai hoi o ka hanaia ana o nei l ana pohihihi: he ano huikau maoli keia hana i ko'ii noonoo. a ke manao pu nei 110 hoi au aole oe, a i ole o Mr. Delema hana ma ka mea pololei mamuli o ko olua hunakele loa ana i kekahi mea me ka hoike ole mai."

"No'u iho. e Miss Revena, ke kaumaha nei au no ka hiki ole ia'u ke hoike aku i keia mea ia oe, aka, aole hiki ia'u ke alo ae. O ka hoohiki i hoopaaia nie ka mea i make he mea laahia loa ia e hiki ole ai ke hoike wale ia ae i ke ākea, he pono e malama loa ia me ka ma-lu loa, ua ike oe ie. mea." "He mea oiaio, he mea laahia i'o no ka hoohiki ana me ka me<a i make no kekahi mea huna. ina he hoohiki ia i hanaia aku me ka mea ola ame ka mea make paha, aka, ke ike ole nei au i ka waiwai o ia haua e loaa mai ai kekahi hopena pomaikai ia oe, a i ole ia Mr. Delema," i pane aku ai o Ruta me kona ano uluhua loa iho la. "Aka nae, he mau hihia no kekahi i ike ia i hiki ole ai i ua olelo hoohiki ke malama a ke hunakele loa ia, i ka wa e lilo ai ia mau olel6 hoohiki i mea ke'ake'a i ka mana o ke kanawai a i ka hana hoi a ka aha hookolokolo. "Aohe'o'u manao e kamailio hou maluna o keia kumuhana i nei manawa e Miss ReVena. E huikala mai oe ia'u ina ua hana ole aku au i kekahi mea ku i ka hanohano ma ko'u aoao, no ka mea he makemake oiaio eia iloko o'u e haawi aku i na kokua ana ia oe ma keia hihia. "O ka olelo hoohiki a'u i hoakaka aku nei ia oe aohe pili o ia mea i keia hihia, a aole *o'u- manao e lilo ana ia i mea kokua aku ia oe ma kekahi ano ina no ko'u hoike aku ic. mea ia oI." "A pehea, aole ana no oe la e hoike iki mai ana ia'u i ka inoa o kela mea au i hoohuoi ai oia ka mea nana i pepehi ia Mr. Kama?" • "Aole, no ka mea, he maka'u au." "Ea, aole no i kana mai a kou aua* Ua ike no nae paha au ia kanaka au e hunakele loa mai nei i kona inoa? Ua halawai iki no anei au me ia?" Hoohakalia iki iho la o lasepa i kana pane ana mai no kekahi manawa jX)kole no ka noonoo ana, alaila i mai la: "Manao au aole oe i hui iki me ia." O kona ku koke ae la no ia iluna ia manawa. "Ke ike rei au ua hoopau manawa wale au ia oe, no ka mea o na mea a'u i ha'i aku hei ia oe, o ka mea hiki wale 110 ia ia'u ke hoike aku, aole ma o aku o ia. "I hele mai nei au e ninau aku ia oe no kuu nianao ua maopopo iki la ia oe kekahi mea e pili ana ia Miss. Faure, eia ka, aole. O kou lohe maopopo aku keia mai a'u aku. ua nui kuu aloha a ua makemake au e mare me ia. ' E oiuolu ana anei oē e kokua mai ia'ii ma ka huli ana aku iaia no'u?" "Ke foaa ia'u kekahi ike e pili ana nona, alaila hoike 'aku au ia oe, ina nae no kou loaa aku ia'u. Ihea oe e hele aku ai la? A mahea oe e loaa aku ai ia'u? "E loaa no au ia oe maloko o ke kulanakauhale o Nuaka, kahi a'u o ka pepe ana mai nei, aole nae e hiki ia'u ke hoike ku ia oe i ke alanui, ka helu o ke alanui, ame ka hale kahi a'u e pee ana, no ka mea he poino maopopo ia no'u. Aohe o'u makemake e maopopo i kekahi mea ko'u wahi e pee ana. "Eia ka'u noi hope ia oe, mai noho hoi oe a noike wale •aku i ko'u wahi e pee ana ame kahi a'u o ka hele ana aku, e nalo loa hoi ia mea ia oe." • īa pau ana no o ia kamailio ana, aole oia i kali iho i hookahi minuke no- ka haina. o kona wehe koke aku la no ia i ka puka a oili aku la hele. "E hoea hou mai ana au e ike ia oe iloko o kekahi mau la kakaikahi māi kela po aku no ko'u makemake e lohe mai a oe mai, ina ua loaa ia oe kekahi ike e pili ana no Miss Faure. Oke aloha po no kou. Iloko oka manawa pokole loa ua nalowale aku la oia.

. MOKUNA, XIII. - "He k?eu aku keia a ka hihia hoopohihihi loa i ka noonoo. Aohe au i ike i ka'u mea e noonoo ai. Ua hele a huikau leo'u noonoo no ka hana holookoa me ka maopopo ole. E aho paha ko'u hele e holoholo maluna o ke kaa, nialia. ma ia ano € loaa ae ai kekahi mea kupono na ka nōonoo e hana ai," o keia ka Ruta o ke kamailio wale ana iho no iaia iho mahope o kona ala ana ma kekahi kakahiaka ae. Me ka nana ole ae i ka hele o ka lewa a hakumakuma ke ao e hoike mai ana me ka hoohewahewa ole iaia lie ino mai ka hope, he kuaua koikoi ke haule mai ana, ua kau aku la no oia maluna o kona kaa otomobile a hoomaka aku la ka holo ana. O ke alanui Elima ke alanui punahele loa iaia, 110 kā mea e moe pololei ana ia alanui a hoea i ka paka a 'malaila e holo aku ai a hoea i ke kulanakauhale. He hana maa r.iatt nana ka holokaa ,ana i ria kakahiaka nui apau, aka nae, iioko o na la kakaikahi i hala aku, mamuli o kona hele ana r.b ka hale keaka Geite e hoomakakiu ai, Ua haule iaia kekahi mau kakahiaka. Aia ma ke alanui 142 Komohana kahi o kekahi hale e ku ana i lilo i mea kaunui loa na ko Ruta noonoo mamuli o koila hoohuoi no kekahi manawa he hana o ke ano kolohe ke maiama mau ia ana e ka poe no lakou ia hale. Aohe mea ano hou # i hanaia ma ia hale e hoololiia ae ai koua kulana ame na mea e hanaia |na malaila e lilo āi i mea hooala ae i ka manao hoohuoi iloko ona no kekahi mea e hanaia ana malaila, aka nae, uā nana aku oia no ka manawa loihi maluna o ia hale me ka hakilo lo.a. He hale nui ia i kukuluia me ka pohaku unihihapā a he ekolu ona papahele ke kiekie, a oiai he ano kuaaina no kahi o ia hale i ku ai, pela no ke ano kuaaina o ka hanaia ana o ia hale. a pela me ka nanaina o na wahi e hoopuni ana ma kona mau aoao apau. Ma na aoao apau o ia hale, he mau haneri paha kapuai ke kaawale mai ka hale mai, ua kanuia me ka mauu, a ma kela ame keia aoao e ulupo ana na kumulaau huaai o na ano like ole a kā mea malihini no e hoohauoliia ai ka noonoo ke ike aku. O na olepelepe o na puka aniani apau ua paniia a paa loa a kekahi mea no e manao*aku ai aohe paha he noho ia o ia hale. eia nae. he poe no ko loko e noho ana ia manavra, a ia Ruta i kaalo .ae ai mamua o ua hale la, ua ike aku la t>ia i ka helehelena o kekahi wahine e kiei mai ana iwahō ma kekahi o na puka aniani me ka helehelena hOiihoi, me he mea ia e kono okoa mai ana no iaia e komo aku, me ka peahi pu mai o kona lima maloko mai. Ia m;anawa ua hiki ole ia Ruta ke ike ia manawa no kana mea e hani akii ai. : T ; "Heaha la hoi ka manao o ltē!a wahine e kahea mai la ia'u? He pilikia anei kekahi i hanaia maloko o kela hale?" wahi ana o ka ninau ana iho iaia.'a hoopaa iho la i ka holo o kana kaa, me ka hoohuoi loa i ka manao o kela wahine o ke v kahea ana mai la iaia. "Aohe o'u nana, no ka mea, eia no iloko o ka'u eke paalima nei ka'u pu panapana. e hele ae au e nana i maopopo hoi ka hana a kela wahine e kahea mai la. Ua maopopo wale ka hoi au iaia'la/' Holo iki aku la oia a kokoke i kahi o ka pukapa a kukulu tho la i kana kaa, alaila lele ku la ilalo me ka paa pu ana aku i kana eke paalima, a ke paila la hoi ka holo ana a ke koko iloko o kona mau aakoko ia wa mamuli o kona pihoihoi loa. laia i komo aku ai maloko o ka pukapa hele aku la oia me ka awiwi loa a pii aku U i ke alanuipii mamua o ka hale a hookani aku la i ka bele. Aohe i liuliu loa ia kani ana aku o kana bele, lohe koke akli la no oia i ka hālulu mai o nā kaina )yawae maloko mai o ka liale ,a hemo koke mai la no ka puka. O ke alanuipii maloko aku ana e nana aku ana he ano pouliuli, a he kino wahine kana e ike aku ana, a no ke ano pouliuli aohe ona ike pono aku i kona helehelena. "Heaha keia pilikia maanei?" i ninau aku ai o Ruta, me

ka hoka wale ana iho no okona mau manamanalima i kana eke paalima rne ka piha loa i ka manao hoohuoi iloko ona. "Komo mai iloko nei alaila hoike aku au ia oe i ke kumu o kou kaheaia ana aku nei," wahi a ka wahine o ka pane ana ma ime kahi leo nawali, ke ano o ka mea i hele*wale a luuluu loa ka noonoo no kekahi pilikia koikoi loa. "O oe anei ka makaikiu wahine' Ruta Revena? Ina pela 0 oe ka'u i makemake loa ai e ike." '*Ae, owau o Ruta Revena au i kamailio mai la," i pane aku ai o Ruta, me ka hele pu ana aku ona iloko ia manawa. laia no a komo le'a aku iloko o ke pani kokeia mai 1 a no ia o ke pani puka me ka ikaika, a paa koke mai la no oia 1 ka hopula ia manawa e kekahi mau lima pepeekue mahope mai o ke panipuka, ua hooikaika ae la oia ia manawa e hemo mai ua mau lima mai la, aohe aae he hiki, 110 ka mea, ua oi. aku ka ikaika o ka mea nana oia i hopu mai mamua o kona wahi ikaika. 0 kona liokua i manaolana ai maitiua aku a ma ia mapu hoi e palekana ai oia mai ka poino mai a ka mea e hoao mai ana e hoopoino iaia, oia kana wahi pu panapana, ua kailiia aku la mai iaia aku kahi eke paalima ana, kahi e waiho ana o kana pu, a ku iho la oia i kahi o ka hoaa me ka hoka, alaila ike iho la oia i kona pilikia, a ia manawa hookahi he leo kane kana o ka lohe ana ae i ka hawanawana ana iho ma kona pepeiao: "Mai oni oe o eha ka ili, o oe ka'u i akenui ai ē paa i na nianawa i hala aku nei a akahi no a paa i keia manawa, e kena wahi wahine debolo. Ua kau ko makou weli ia oe i na la i hala aku me ko makou manao o ka po aku la i.hala kou po e make ai, eia nae, ua pakele aku oe a o ka mea i manao oleia e hoopoino oia ka mea/i make. E make oe e pono ai i holopono ka makou mau liana." Aohe ana pane, ua like oia i keia manawa me kekahi hipa e laweia aku ana no kona wahi e akoia mai ai kona hulu, a i ole, elike paha me ka bipi e laweia aku ana no kona w:ihi e pepehiia ai.' Kaualakoia aku la oia maluna o ka papahele me he wahi puolo opala la no kekahi mau kapuai ka mamiao ahiki i kahi o kekahi puka hamama o ka weheia ana mai e kekahi waliine, ka wahine hookahi no hoi nana i hoowalewale mai ai iaia a komo ana i ka upena o ka pilikia. lie malamalama o ke kukui ailaea ke lele m'ai ana ia manawa mai kekahi pjuka mai a pa pono maluna o ka helehelena o ka wahine, a niamuli o ia malamalama i hiki pono ai ia Ruta ke ike aku i kona helehelena aole oia he wahine e aku, aka o Ana Wiliama 110, ka hakuwahine o ka hale kahi o kekahi Geogeti Levere i make ai, a o ka wahine no hoi i kamailio pu ai me Ruta ma kekahi mau la mamua aku. 'Naaupo maoli no au," i 11001100 iho ai o Ruta, "na keia waliine pepehikanaka hupo ka hoi au e hoopuhili mai." la manawa ua oi aku kona ehaeha no kona naaupo mailiua o kona maka'u, no ka mea e hauaia mai ana maluna ona, oiai oia e hapaiia aku ana a komo ana iloko o kekahi rumi paa loa, aole ma ke ano maikai, aka, me ke kauo huluhuluia aku iluna o ka papahele e kona mea nana e huki ana i ike ole ae ai i kona helehelena, no ka mea ua paluluia kona mau maka a paa. laia i komo aku ai iloko o ka rumi hookuuia ae la oia a papaniia mai la ka puka a paa a noho hookahi iho ta oia e auwe i kona pilikia, ua lohe maopopo loa mai la oia ia manawa i ka lakaia ana mai o ka puka ma(vaho mai. 1 kona huli ana mai nae e nana eia ka o Mrs. Ana Wiliama kekahi e ku aku ana ma kahi o ka puka, a e nana pono aku ana iaia me ka helehelena o ka mea i piha loa i ka hoowahawaha ame ka piha inaina pu i hiki ole iaia ke hoohewaliewa iho ia manawa.

"Paa oe la iloko o ka umii kahi e hiki ole ia oe ke puka pa-ke hou aku, e kena wahi makaikiu wahine, me ka helehelena kohu 'anela hoopunipuni a i kau nui ia hoi ka weli ma na wahi apau o ke kulanakauhale nei o Nu loka," wahi a Mrs. Ana Wiliama o ka pane ana mai ma ke ano hoonaukiuki a hoopahenehene pu, oiai oia e ku mai ana me na lima e pupuu ana mamua o ka umauma. "E pono oe e make e kena wahi wahine ino, ina*he o nui maanei, me ia o nui oe e houhouia aku ai ahiki i kou make ana, o ka'u e makemake loa nei i keia manawa o ka hoea koke mai o na diabolo me kona mau anela luku a lawe koke ae i kou ola, aole ma ke ano maikai, aka, ma ke ano e hooinainoinoia ai kou kino." "Akahi no au a ike iho nei i ko'y naaupo maoli mamuli o ko'u puni ana mai nei i kau kahea; ua kuhihewa loa au ia oe he lede, eia ka, o kekahi o na poe hehena o na lua kukakapu, ua hoike ae oe i kou ano he lede ma kau olelo a ma kou ano mawaho ke nanaia aku, eia nae, ua piha oloko ou me na mea ino i emi ole iho me ko kekahi lua i piha i na mea pilau .a ka maka e hiki ole ai ke nana aku," i pane aku ai o Ruta, me he mea la aole oia he pio ia manawa. "E kahi wahine hookiekie, e po nooe e humuhumu i ou mau lehelehe a mai kamailio hou mai elike me kena mau olelo hoonaukiuki au o ke kamailio. ana mai la," wahi a Mrs. Ana Wiliama o ka pane ana aku. "Ka, o oe ka'u e kamailio aku pela, e pono oe e hamau ina aole ou makemake i ka makai nni ame kona puali makai holookoa. e ho'ea mai i keia hale maloko o na minuke elim'a mai keia manawa aku," i pane aku ai o Ruta. Huli mai la kona kna i ka wahine a hoomaka aku la oia e nana ma o a maanei o ka rumi no kekahi wahi nona e pakele aku ai. Ua hanaia i.a rumi i ruminloe, pela kana hoomaopopo iho, ma ke ano i rumimoe no ka poe haahaa loa, hookahi no wahi moehao e ku ana u.a hele 110 hoi ka uhimoe a lepo, a pela me kahi pale uluna. "E haalele ana au ia oe e nana i ko rumi moe, a-ke maliaolana nei au e loaa ana 110 ia oe ka hiamoe oluolu ana maloko o keia rumi no keia po. Nani wale ka hoi kou lokomaiikai o keia kip.a ana mai la ou ianei—he kipa kamahao lōa nau i hoopiha loa ia iho la ko*u naau me'ka hauoli." "Uhu!" wahi a Ruta. 'Ku iki iho la oia ma ka puka a huli hou naai la iloko e nana ia Ruta a i hou mai la: "O ka manawa liea okeka - kahiaka nui kou wa auau kakahiaka, a e ninau hou aku ana au ia oe, e oluolu no-hoi oe e ha'i mai, he makemake anei oe i waiu; a i ole, i kilima paha no kou kope —e kala mai oe ia'u i ka ninau pinepine aku, he makemalee 110 nae paha oe i ke kikoko?" , "E hana mai oe i ki elike me ka waihooluu o kou helea eia hou, mai hoouluhua oe ia oe i ka hana mai i waiauau no'u, hana- iho no oe nou iho, ke haawi aku nei au i ko'u mahalo ia oe no kou noonoo ana mai la ia mau mea." Upa ino ia hiai la ke pini puka, a ia haalele hookahi ia ana iho la o Ruta, alaila hoomaka aku la oia e nana pono' m'a kela ame keia kuono o kona rumi paahao. Hookahi wale no puka aniani o ia wahi rumi tfa hunaia ae a paa loa me ka uhi ; puka aniani manoanoa omaomo. laia i hapai ae ai ia uhi ike aku ia oia ua paa mai owaho o ka pukaaniaiii i kekahi mau paukuhao e hiki ole ai e loaa he manaolana iaia no kona lele aku a' pakele mailoko aku o ia rumi. He ea polopolona wale no oloko oka rumi, me he mea la i kana hoomaopopo iho aohe hoomaemaeia no kekahi manawa loihi loa, e ahu ana no ka opala. alaila hapai ae la oia i ke aniani iluna i komo mai ke ea iloko. I kana nana aku ia waho ma ka puka aniani aohe wahi kokua.ana e manao aku ai e loaa ana iaia mawaho mai; āole liiki iaiā ke uwa ae a ha kona leo i mea nona e loheia māi ai e kekahi poe, me kona lohe oleia mai e kona mau haku paaihao, a i kona ike ana he mea makehewa* wale no ka hoao ana e uwa ae, hooholo iho la oia aole e hana pela, malia he hana ia e hoonuiia aku ai ka inaina iloko o na haku no laua ka hale, a hanaia mai kekahi mea e hoonui loaia mai ai kona pilikia.

E ku ana oia ma kahi o ka puka aniani a c nana-'aku ana iwaho ma ka manawa i wehe houia :nai ai ka puka a komo ana 110 o Mrs. W'iliama. E paa ana iloko o kona mau lima kekahi poke pua rose nui a ka nani lua ole a Ruta i ike ole ai mamua aku, a i ka waiho ana iho i ka ipu pua me na pua rose iluna o ke pakaukau. i mai la ia Ruta: "E ka lede, ka Makaikiu Ruta Revena, he kakaikahi loa ka poe loaa mua o ko lakou mau pua hoohiwahiwa mamua o ko lakou make ana. aole anei pela ?" me ka akaaka hoohenehene ana iho o ua wahine la. "Mai keia manawa aku ahiki i ka la apopo e manaoio mai oe i ka'u, ua like kou paa me kekahi kui i kakiaia aku a paa i ka laau e hiki (Me ai ke hemo*aku, o ka make kou hopena, nolaila i lawe mai la au i keia mau pua i mea hoohiwahiwa mua ia oe mamua o kou make ana. Na ke Akua e hoomaha mai i ko uhano lapuwale, Amene." Me keia mau huaolelo hope, hehe ae la kana akaaka, a huli aku la hele, me ka u-pa ino ana mai i ke pani puka mahope ona. Oiai kela wahine iloko o ka rumi ua hiki loa ia Ruta k< % lanakila maluna ona ina nei no ko Ruta lele aku e hakaka me ia, a ma ia ano e loaa ana iaia ka lanakila mailoko aku o kela runii, aka ua maopopo no nae iaia hc liana hua ole no ia ana, no ka mea, ina no e lanakila ana oia maluua o ka wahine, ei aku no ia mea ona e paa mai ai o kela kanaka nana oi.a i kauo mai ai a komo iloko o ka rumi. He hana naaupo loa ia i kona uoonoo ana iho, no ka mea, me ke kanalua ole e lohe mai ana uo ke kanaka mawaho aku o ka rumi i ka Mrs. AViliama kahea a e komo koke mai ana oia e kokua, a o kona hana ana aku ia e poino koke ai. Ia hala aija aku o Mrs. Wiliama. ku iho la o Ruta a nana aku la i na pua rose, a ke hookani la knoa naau i ka na'i o ia mau pua, me kona ninau iaia iho i ke kumu o ka laweia na mai o ia mau pua iloko o ia rumi a waihoia malaila. Ma kana noonoo akahele loa ana, ua maopopo he manao ano nui aia iloko o ka wahine a oia ke kumu o kiina lawe ana mai ia mau pua kumukuai nui iloko o ia rumi. heaha nae la ia kumu aole hiki iaia ke hooholo ia manawa, he hoohuoi wale no ka iloko ona. Hele aku la oia a ma kahi o ka moehao e ku mai ana a noho iho la iluna olaila, a ke -ike la oia i ka oni .wale 110 o na aahuki o kona kino, me ka piha i na manao pihoihoi. Alaila, hooholo iho *a oia e kakali malie no ka hopena. Oiai oia e noho ana a e nana mai ana'no hoi ika nani o na pua a ke hookani w§lc 110 hoi i ke ala, ia 1110 he mea !a i hoouna maoli ia mai kona kokua mai ka lani mai, komo mai ana kekahi wahi meli liana momona ma ka puka aniani a lele loa ae la no kahi o na pua e waiho ana iluna o ke pakaukau, Ua komo mai kela wahi meli hana momona iloko o k«a rumi mamuli o ka honi ana niai i ke ala o na pua, aole i lele ae ia wahi meli ma kahi okoa, aka, pololei no ka lele ana ae a kau iluna o na pua, a 110 ke sekona paha kona kau ana maluna olaila, haule iho la mai lea pua iho a waiho ana iluna o ke pakaukau, make loa. I ka hala ana o kekahi mau minuke ma ia liope iho komo hou mai la no he meli hana momona hou. a lele ae la no a kau iluna o na pua, a aole i liuliu loa ia kau ana, o ka haule iho la no ia make loa, elike no me ka make ana o ka meli hana momona mua. Alua keia mau meli hana momona i make iho la i ka maliawa pokole loa me ka ftiea ole nana i pepehi aku ia laua, nolaila, ua loaa koke ka ike ia Ruta he laaumake ka i hanaia maluna o kela mau pua i make ai keia mau meli, a ia manawa mihi loa iho la oia no kona pakele ana, ina nei no kona pulale i ka ike a ka maka ame ka hookaha a ka naau, he wahine make maopopo loa oia ia manawa. Elike me ka anapu ana a ka uwila pela ka ike i lele mai iloko o kona noonoo no na pepehikanaka i hanaia mamua aku ame ka mea e hanaia mai ana maluna ona ia manawa— ua āhuwale imua ona na mea pohihihi e hoopuni _aya i na pepehikanaka, ua ahuwale hapa, aole i ka pau loa. Ua maopopo iaia me ka hoohewahewa ole ia manawa ua hanaia he laaumake maluna o na pua rose e kau ana inalun.i o ke pakaukau ia inanawa, elike me ko na pua i loaa aku ai maluna o na moe o na kaikamahine himen elua i loaa aku ai ua make, a pela hoi me Mr. Kama ame Kite Leimomi. "Na ka mea nana i pepehi i kela poe mamua a make i waiho i ka pua rose iloko oka lima o ka mea i make ma kekahi ano i maopopo ole iaia ia manawa, me ka manao i ka wa e ala ae ai o ka mea i manaoia e make, a ike i ka pua, e hopu koke iljo ana oia a honi ae me ka manao ole he mea ia nona e make ai, a i ka wa e honi ai o kona manawa no ia e mke ai. "Pela ke ano o ka make i manaoia no'u," wahi a Ruta i noonoo iho ai, iaia e nank pono aku ana i na pua rosc hoowalewale. Ma keia manawa ua nui ka liana a kona noonoo e hana ana, 110 ka hoao ana e hoopuhili aku i ka manao o kona enemi. •

No kekalii manawa kona nolio nialie ana ni;ihina o ka moehao noonoo, a ua ma'u no ia noho ana iho ana, lienio hou mai ana ka puka me ka malie loa o ia weheia ana mai, a komo hou ana no o Mrs. Wiliama iloko o ka rumi. He helehelena o ka mea i hoohoka loaia ka noonoo kona np ka, ike ana niai ia Ruta e noho aku ana no me ke ola; a no ia ike ana mai ana ua hoohokaia kona nianao hoolalau mai la kana olelo ana i ka i ana mai: "Manao mai nei au ua pololiia paha oe, pela au i liele mai la e ninau aku ia oe ina he makemake oe i kekahi meaai." "Makemake au i kekahi meaai? 'Pela i'o ka hoi! Manao oe ina ua pololi au e haawii'o mai atia oe i meaai na'u r M i ninau aku ai o Ryta me ka leo malie loa. "Eia liou. ina no 110 ko'u pololi i'o, ao]e loa 110 au e aa ana e ai i kekahi lihi o ia mau meaai au e haawi mai ai. no ko'u maka'u in«i no aole i hanaia e oe me ka laaumake me Jca maopo])o loa aole no ia he mau meaai i hanaia a maemae e kupono ai ka ai ans aku." Ma keia manawa ua laoa ia Ruta ka manao koa loa e paio akli me ka wahine me kona nana ole aku i ka hopena e hanaia mai ana maluna ona, no ka mea, ua piha mai la oia i ka wela ia manawa e waiho ole ai kana mau olelo mahope oke kua. Eia hou, aole ona makemake e hoopeepee i kar& kamailio aiia. No keia mau olelo ana, no kekahi mau manawa lehulehu ko Mrs. Wiliama nana ana mai iaia nje na maka hoohuoi, a i mai la me na wahi olelo hookanaaho: "Aole ānei keia he mau pua rose nani i kau nana mai?" "O, ua oi aku mamua o ka nani," wahi a Ruta o ka pane ana mai, me kona eu pu ana mai a ku iluna mai ka moe mai. a hele mai la elua a tikolu paha kaina wawae a kokoke loa ma kahi o ke pakaukau e kau ana o ka i])U pua. Papajii aku la o Mrs. Wiliama i ka puka a paa ia manawa, alaila hookokoke mai la ma kahi o ke pakaukuu. "Nau ponoi no i kanu nei mau pua?" i ninau mai ai o Ruta, me kona hoike ole mai i kekahi manao ia Mrs. Wiliama ua hoohuoi oia nana no i pepehi a make i ka poe no lakou na inoa i hoikeia mamua ae nei. "Ae." Alaila, kul'ou mai la ua wahine'la imua no ka liooJxmopono ana ae i na pua iloko o ka ipu. Ia manawa ike iho l'a o Ruta o kona manawa kupono loa ia e liana aku ai i'kel<ahi hana no kona pono, o kona lele koke mai la no ia mahope o ka wahine a kula'i aku la iaia imua, a mamua o ka ike .ana o Mrs. Wiliama no ka mea e hanaia aku ana nona, ua hina aku la oia imua a pili loa kona ihu i na pua i haaaia e kona mau lima ponoi me ka laaumake. No ke sekona wale no kona kupaka ana ae no kona ola, a ia manawa hoomaka iho la kona kino e hehee a haule pa-hu ilio la iluna o ka papahele, me he hipi nui la i o ia iho ma ka hono a make a haule ino iho 1a iluna o ka lepo. (Aole i pau.) .