Ka Nupepa Kuokoa, Volume LIX, Number 16, 22 April 1921 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, APERILA 22, 1921.
MA KE KAUOHA
Na Kanawai Ahaolelo Kau
o 1921.
(Mai ka aoao 7 mai.)
dala mai e loaa ana ma o ke kuai ia ana o ia mau aina i kaa malalo o ke kuai a ka poe kuleana noho mua.
PAUKU 10. E mana keia Kanawai i kona manawa e aponoia ai.
Aponoia i keia la 21 o Maraki, M. H. 1921.
C. J. McCARTHY,
Kiaaina o ke Teritore o Hawaii.
KANAWAI 21.
[B. H. Helu 142.]
HE KANAWAI
E HOOLOLI ANA I KA PAUKU 1274 O NA KANAWAI I HOOPONOPONO HOUIA O HAWAII, 1915, E PILI ANA I KA UKU O NA LALA O KA AHA HOOPII AUHAU.
E Hooholoia @ ka Ahaolelo o ke Teritore o Hawaii:
PAUKU 1. O ka Pauku 1274 o na kanawai i hooponopono hou ia o Hawaii, 1915, ma keia ke hoololi ia nei a i heluhelu ai penei:
"Pauku 1274. Uku. E loaa no i ua mau lala la o ua mau aha nei i oleloia, a e uku ia lakou mai ka waihona mai, i uku no ko lakou hana ana nona ka huina o umi dala ($10.00) o ka la hookahi no kela ame keia la i hana maoli ia ai o ka hana, ame ko lakou mau lilo kaahele maoli."
PAUKU 2. E mana keia Kanawai mai kona aponoia ana.
Aponoia i keia la 21 o Maraki, M. H. 1921.
C. J. McCARTHY,
Kiaaina o ke Teritore o Hawaii.
KANAWAI 22.
[B. S. Helu 49.]
HE KANAWAI
E HOOLOLI ANA I KA PAUKU 3304 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA AI E KE KANAWAI 104 O NA KANAWAI O KE KAU O 1915, E PILI ANA I NA HOIKE MAKAHIKI O NA AHAHUI I HOOHUIIA.
E hooholoia @ ka Ahaolelo o ke Teritore o Hawaii:
PAUKU 1. O na hoopuna manao mua elua o ka Pauku 3304, o na Kanawai i Hooponopono Houia o Hawaii, 1915, elike me ia i hoololiia e ke Kanawai 104 o na Kanawai o ke Kau o 1915, ma keia ke hoololiia nei i heluhelu ai penei:
"Pauku 3304. Hoike Makahiki. O kela ame keia ahahui i hoohuiia aole he mea pili i na hana manawalea, hoomana, kakau, hoonaauao, a i ole, e hooholomua ana i na mea pili hooikaika kino lawe dala ole wale no, e waiho mai i hoike piha a pololei o ke kulana o kona mau lawelawe ana i ka pauku, no ka la kanakolu kumamakahi o Dekemaba no kela ame keia makahiki. Oia hoike e komo no na mea hoomaikeike a e hana ia elike kona ano me ka ka puuku, me ke apono a ke kiaaina, e koi mai ai, a e waihoia mai iloko o kanaono la mahope o ka la, a i ole, manawa hou aku e ae ia mai ana e ka puuku, aka nae ole e oi ku ia hooloihiia ana o ka manawa mamua o kanakolu la, koe na ahahui Hawaii i hoohuiia e hoohana ana i ka lakou mau hana mawaho aku o ke Teritore, alaila oia manawa i hooloihiia ae ia, aole e oi aku mamua o kanaiwa la, me ka lawa pono i ka manao o k puuku, a e hoikeia mai ma o ka palapala hooia i hoohikiia e ka peresidena, puuku, a i ole, kakauolelo paha oia ahahui i hoohuiia, a e manaoia ua kupono ia mau mea i mea e loaa ai ka hooloihi hou ia ana aku o ka manawa no ka hoomakaukau ana ia hoike."
PAUKU 2. E mana keia Kanawai i kona aponoia ana.
Aponoia i keia la 23 o Maraki, A. D. 1921.
C. J. MCCARTHY,
Kiaaina o ke Teritore o Hawaii.
KANAWAI 23.
[B. H. Helu 83.]
HE KANAWAI
E HOOLOLI ANA I KA PAUKU 628 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA AI E KE KANAWAI 87 O NA KANAWAI O KE KAU O 1915, KANAWAI 14 O NA KANAWAI O KE KAU O 1917, KANAWAI 4 O NA KANAWAI O KE KAU KUIKAWA O 1918 AME KANAWAI 84 O NA KANAWAI O KE KAU O 1919, E PILI ANA I KA LUKU WALE ANA I NA I'A AI.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 628 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 87 o na Kanawai o ke Kau o 1915, Kanawai 14 o na Kanawai o ke Kau o 1917, Kanawai 4 o na Kanawai o ke Kau Kuikawa o 1918, ame Kanawai 84 o ke Kau o 1919, ma keia ke hoololiia nei i hiki ai i ke poo manao hope oia pauku i oleloia e heluheluia penei:
"Aole nae kekahi mea maloko o keia pauku, e manaoia e papa ana i ka hoohanaia ana o na hinai uwea i hiki e hooneeia, a i ole, pa paha, i kukuluia elike me ke kauoha a ke poo manao mua o keia pauku, no ka hopu ana i na ano like ole i hoikeia na inoa maloko o ke poo manao mua hope maluna ae, a e hui ana i na i'a ai e ae i komo hewa a paa maloko o na mea i hanaia oia ano."
PAUKU 2. E mana no keia Kanawai mai ka la aku o kona aponoia ana.
Aponoia i keia la 23 o Maraki, A. D. 1921.
C. J. MCCARTHY,
Kiaaina o ke Teritore o Hawaii.
KANAWAI 24.
[B. H. Helu 110.]
HE KANAWAI
E HOOLOLI ANA I KA PAUKU 134 O NA KANAWAI I HOOPONOPONO HOUIA O HAWAII, 1915, E PILI ANA I KE KOHO BALOKA, AUHAU, HOONAAUAO AME NA APANA HOOKOLOKOLO.
E Hooholoia e ka Ahaolelo o ke Teritore o Hawaii:
PAUKU 1. O na laina kanahiku-kumamakahi (71) ahiki i ke kanahiku-kumamaha (74) i huiia, o ka hapa Pauku 4 o ka Pauku 134 o na Kanawai i Hooponopono Houia o Hawaii, 1915, eia ma keia ke hoololiia nei i heluhelu ai penei:
"3. Mai a e hui pu ana ia Kipu ahiki i ke kapa akau o ka mana akau ame ka muliwai ponoi o Wailua, e kapaia ka Apana o Lihue;
"4. Mai ke kapa akau o ka mana akau ame ka muliwai ponoi o Wailua ahiki i Kealaakaiole, e kapaia o ka Apana o Kawaihau."
PAUKU 2. E mana keia Kanawai i kona aponoia ana.
Aponoia i keia la 23 o Maraki, A. D. 1921.
C. J. .MCCARTHY,
Kiaaina o ke Teritore o Hawaii
KANAWAI 25.
[B. S. Helu 17.]
HE KANAWAI
E HOOKAAWALE ANA I HAAWINA MAI NA WAIHONA KUMAU MAI O KE TERITORE NO KA HOIHOI HOU ANA AKU I KE KIAAINA O HAWAII I NA DALA @ HOOLILO IA E IA NO KA UKU ANA I KA UKU HOOLIMALIMA O KONA WAHI NOHONA OIHANA.
OIAI, o ka manao o ka ahaolelo o Hawaii, e like me ia i hoike ia ma ke Kanawai 229 o na Kanawai o ke Kau o 1919, e hookaawaleia a e hoolakoia ke Kiaaina o Hawaii me kekahi hale nohona oihana nona, a e hoomama ae hoi iaia mai ke ko'iko'i o ka uku ana i ka uku hoolimalima o kona hale nohona oihana, a
OIAI, a hiki mai la i keia manawa ano, ua hiki ole i ke Teritore ke loaa ke kuleana maoli ia Hale Wakinekona e like me ia i hoomaopopo ia ma ua kanawai nei i oleleoia ae la, a me ka hoakaka pu ana a ke Kanawai 35 o ke Kau Kuikawa o 1920, a
OIAI, ma ia manawa pu ua hookikina ia aku ke Kiaaina o Hawaii e hoolilo i ka huina o hookahi @ausani ewalu haneri ame kanahiku dala ($1870.00) no ka uku ana aku i ka uku hoolimalima o kona wahi nohona oihana no ka manawa e hoomaka ana ma ka la 1 o Mei, 1919, ahiki aku a komo pu ka la 28 o Feberuari, 1921, a e hookikina mau ia aku no ma ia hope aku e hoolilo mau i ka huina o kanawalu-kumamalima dala ($85.00) o ka mahina hookahi no ia mea hookahi no ahiki i ka manawa a ke Teritore e loaa ai o ke kuleana ia Hale Wakinekona, nolaila, ano,
E Hooholoio e ka Ahaolelo o ke Teritore o Hawaii:
PAUKU 1. O ka huina o hookahi kaukani ewalu haneri ame kanahiku dala ($1870.00) ma keia ke hookaawaleia nei ia mai na loaa kumau mai o ke Teritore no ka hoihoi hou ana i ke Kiaaina o Hawaii i na huina dala i hoolilo ia e ia no ka uku ana i ka uku hoolimalima o kona wahi nohona oihana, elike me ia i hoikeia ma na olelo hoakaka a keia kanawai.
PAUKU 2. Ma keia ke hookaawaleeia nei ka huina o kanawalu-kumamalima dala ($85.00) no ka mahina hookahi mai loko mai o na loaa kumau o ke Teritore no ka uku pani ana aku i ke Kiaaina o Hawaii i hoihoi aku ai i na dala e uku ia ana e ia no ka uku hoolimalima o kona wahi nohona oihana ; e hoomaka ana keia uku ana no a mai ka mahina aku o Maraki, 1921, a e hoomau ia aku no ia uku ana ahiki i ka manawa a ke Teritore e loaa ai ke kuleana maoli maluna o ka wahi i oleloia o Hale Wakinekona, a i ole ia ahiki aku i ka manawa e pau ai o ka noho ia ana o ua Hale Wakinekona nei ma ke ano he wahi nohona oihana no ke Kiaaina o Hawaii.
PAUKU 3. O na dala apau e hookaawaleia nei ma keia, e uku ia aku no mamuli o na palapala kikoo dala i hoopuka ia e ka luna hooia maluna o na bila i hoaponoia e ke Kiaaina o Hawaii.
PAUKU 4. E mana keia Kanawai i kona manawa e aponoia ai.
TERITORE O HAWAII.
Ma keia ke hooia nei au o ka bila kanawai i hoike ia ae la mamua ae nei, mahope iho o ka waiho ia ana ae i ke Kiaaina no kona apono ana ame kona kakauinoa ana, a aole iho la i kakauinoa ia, a aole no hoi i vito ia iloko o ka manawa i kaupalenaia e ke Kanawai Okana o Hawaii, ua lilo ia i kanawai me ke kakauinoa ole ana o ke Kiaaina i keia la 25 o Maraki, 1921.
CURTIS P. IAUKEA,
Kakauolelo o ke Teritore o Hawaii.
HE PANE POLOLEI IA HAWAII MOKU O KEAWE--PAU KA HOI ELUA I KE IPO HOOKAHI.
Mr. Solomon Hanohoano, Aloha kaua a nui:--E oluolu mai kou ahonui e hookomo iho ma kahi kaawale o ka kaua Nupepa Kuokoa, i keia wahi poomanao o kau ae la maluna, a nau hoi ia e hookau aku maluna o Makanikeoe, i puehu liilii hou aku ka opala a Peter Kamano, i haawi ae la na Hawaii Moku o Keawe e pulumi mai, a imi epa ae la ua hana ino ka au i ka hae; he hae i'o anei! Me ko ike iho no he hookahi no hae, o ka hae hea ka'u i kiola ai@ Pane mai?
Hupo maoli no oe, ua ike no paha aole i lawa i ka hoolaha, heaha ka mea noho malie ole; hoonahoa mai la oe i ke kaikamahine a Tom Nakanelua, moopuna hoi a Wahikapuniu, ua ku iho la o Peter Kamano ame Amalu i kahi o ka hoka, no ka mea, aole hiki ia laua ke pane mai, na ha'i ka e hoolaha ae, o ka hupo iho la no hoi paha ia la, he 18 makahiki akahi no a loaa kahi hae. Iawai i loaa ai? Ia John Makahi laua o Fred Nihoa, ame ko hoike ana ae la i ke akea he haumana ka o Robins na Amalu, aole oia ke kumu a Robins o James M. Keanu, ke poo o ka halekukui o Kalaupapa, a nana i a'o mai i kuu keiki a lehia ma ka hana kukui, aole na Sam Amalu!
Aole o'u hoahewa ana, ina eia ko E. Robins kokua ke noho nei, alaila ua hemahema a ua molowa i'o elike me kau pane, aole, o Robins hookahi keia e noho nei. He ekolu makahiki ka paa ana o ka hae i keia halekukui, akahi no a lilo.
E nana mai e ka lehulehu, he hookahi kino, he elua lima, no Kilauea hoi, he ekolu kino a he eono lima, ma kahi o ka hae i haawiia aku la ia Kilauea, ua pani hou iho la ka haku haole he mau a la nunui, e huki mau ana o Robins i na mahina apau, he makana hoi no kona noho hookahi, a o ka ehiku mahina keia, oia hookahi wale no, a o kona kokua, o na mana lani kiekie, hoomamaia ae ai kana mau hana; e hoe ana ka hoi ka waapa o kuu keiki i ka ale nui ame ka ale iki, e au ana ka hoi i ke kaiuli me ke kaikea, e alo ana ka hoi i ka ua me ka makani, mea ole ke anu me ke ko'eko'e, hookahi mea nui o ka opu o ka wahine ame na keiki.
O ko pane ana mai nei i ko'u hoolaha ole i ka wa i loaa mai ai o ka hae, ea. aole au he wahine hupo, na Peter Kamano e hoolaha na ke kanaka hupo, me ko ike iho no aia i ka haole ka mana, ina oia e haawi i kekahi halekukui okoa aku, o ia iho la no, aole hiki ia Sam Amalu ke paa iho.
Pane hou no oe, aole ka o Peter Kamano i ohi'uhi'u mai i kekahi puhikukui okoa aku, eia ka'u ninau ia oe, e Hawaii Moku o Keawe: Heaha ka manao nui o kela hoolaha o ka la 18 o Maraki? E lawe mai ana au maluna o na mano nui penei:
Wela ka hao, puehu liilii ka lehu o kapuahi. Pau elua i ka haukeke i ke keiki o ka halekukui o Kilauea: ke kiina iho la no ia o ka laki, ke 'ele la a ku i ka piko, a hoomanao ae la keia kanaenae.
Aohe no kau he hana e Amalu,
He iniinisi wela maoli no,
Ke kiina iho la uo ia o ka pono,
Ke hele la a ku i ka ii.
Na Sam Amalu i a'o aku i kekahi poe e noho nei i ka oihana kukui, a pehea keia?
Ua pono anei ke hoouhiuhi laumamane mai nei oe!
E wehewehe mai oe i ka manao o keia hoolaha, maikai paha, aole paha: a ke noi pu aku nei keia makapeni i na mokupuni apau o Hawaii nei e wehewehe mai i ke kaona o keia hoolaha, o ka mea e loaa ana ke kaona, a e komo mai iloko o ekolu pule i ka Nupepa Kuokoa, e loaa no iaia ka makana o ekolu makahiki e heluhelu wale ai i ka Nupepa Kuokoa.
E wehewehe aku au i ka manao nui, a na oukou ia e pane mai penei:
He hao i'o anei? He lehu i'o anei? He kapuahi i'o anei? He haukeke i'o anei? He piko i'o anei? He iniinisi wela maoli anei? Pane mai! No kuu ike hoi i ke kaona, pela au i pane aku nei, o ia ka nupepa o ka la 25 o Maraki; eia nae, aole hiki ke kii mai i ke kaona o kuu hoolaha, o ka hana hiki i kamalii, o ia keia wahi mele:
Kaulana mai nei ka Mauana Loa,
Hoopiha lauhulu o na Kona.
Pane hou no oe ua huhewa na pua a kuu poe keiki, aole paha, ua pololei aku la ka lele ana o ka pua a ku ma ka lima o Peter Kamano, ke uwe la paha i ka eha, o ia ka mea i haawi ae la nau e hoolaha, a pane hou no oe o ka lohe ke ola, o ka paakiki ka eha, e pekapeka ana anei oukou i ka haole?
Manao paha o Peter Kamano ame oe e Hawaii Moku o Keawe i ka lena ana o na niho o olua, o ia ka mea e maka'u aku ai ka moopuna a Wahikapuniu, aole loa; hoomanao ae la i keia ma@ hua mele:
O ka lae keia o Mamala,
Haawi ke aloha nou e Kukui,
Ua kohu kekake no Makahuena,
I ka nuha i ka hope o Kinau moku.
Eia ka'u pane ia olua mai hoolaha hou ae i ke akea, na kekahi poe ia a'o mai ia olua, a o ia kahi manao e hoolaha ae ai: lahilahi olua i ka'u ike, ke pili ole mai oe owau se hoa.
Aloha e kunane ma ea, ame na keiki hoonohonoho papa konane a na 'lii ko'u aloha.
MOOPUNA A WAHIKAPNIU.
HE MANAO HOOMAIKAI.
Iloko o ke kaumaha ame ka luuluu no ka maua kaikamahine aloha, Miss Madgie Kaohelani Kakani, i haalele mai i keia ola no ke ola maluna ae, ma ke Sabati, Aperila 3, 1921, hora 7 p.m.
Me ka hoomaikai nui maua e haawi aku nei i na manao mahalo, no na kokua aloha o kela ame keia, a na makamaka ame na hoaloha i haawi mai ai iloko o na hora o ka ehaeha, a o ka oi aku, elike me ka Kristo: "I ka oukou hana ana pela i kekahi mea liilii loa o keia poe hoahanau O'u, ua hana mai oukou pela Ia'u." Mat. 35:40.
MRS. PHOEBE KAKANI.
L. K. KAKANI,
Kukuihaele, Hawaii, Apr. 5, 1921.
HOOMAKAUKAU NO MUA AKU NEI
E Hoao e Hoomakaulii Ano---E Malama i ke Dala e wehe i Buke Banako Heahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
ao ka Hoolimalima Ana i ka Hoahu Moi me Nuuanu
LUAU No PA, NOHO, PAKAUKAU ame na HALELOLE no ka Hoolimalima.
PEOPLE'S HARDWARE STORE.
453 Alanui Moi Akau, Kokoke i Palama Settlement.
KELEPONA 2670.
6348--8 wks.
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka WAIPAHU MERCANTILE COMPANY, LIMITED.
OIAI, o ka WAIPAHU MERCANTILE COMPANY LIMITED,, he hui ia i kukuluia a e ku ana malalo a ma ka @na o na kanawai o ke Teritore o Hawaii, i kulike ai me ke kanawai i hoomakaukauia ma na hana o kela ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 2 o Mei, 1921, a o kela ame keia mea e makemake ana e hooioheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke ke kumu @ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Feberuari 18, 1921.
6440--Feb. 25; Mar. 4, 11, 18, 26; Apr. 1, 8, 15, 22, 29.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAIIAN JEWELRY & NOVELTY COMPANY, LIMITED.
OIAI, o ka HAWAIIAN JEWELRY & NOVELTY COMPANY, LMTED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi na ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawa..
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 2 o Mei, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Feberuari 18, 1921.
6440--Feb. 25; Mar. 4, 11, 18, 26; Apr. 1, 8, 15, 22, 29.
HOOLAHA A KA LUNAHOOPONOPONO O KA WAIWAI O WILLIAM PUKO MAUWALE
E ike ananei na mea apau, ma ka la 31 o Maraki, 1921. na hookohuia mai ka mea noua ka inoa malalo iho nei, e ka Mea Hanohano Jas. J. Banks, Lunahi, i Lunahooponopono no ka Waiwai o hi, i Lunahooponopono n ka Waiwai o William Puko Mauwale i make kauoha ole, o Honolulu, Mokupuni o Oahu. Nolaila, o ka poe apau a ka mea i make i aie ai, e waiho mai i ka lakou mau koi ame na hooiaio iloko o na mahina ekolu, mai ka puka mua ana ma ka Nupepa Kuokoa; a ina aole pela, alaila, aole e aeia, a o ka poe he mau aie ko lakou i ka mea i make, e uku mai i ka mea nona ka inoa malalo iho; o na koi ana apau, ame na hookaa ana, e hoouna ia'u ma ko'u wahi noho ma ka Helu 1233 Baele Lane, Honolulu.
MRS. HANNAH THORNTON,
Lunahooponopono o ka Waiwai o William Puko Mauwale i make.
6446--Apr. 8, 15, 22, 29.
E HELE MAI E KUAI I KEKAHI O NA APANA AINA EMI LOA O PAU KOKE AUANEI.
E hoike aku ana au i ko'u kumu hoolaha ole iho nei iloko o ke "Kuokoa," no ka pau koke no o ka'u mau apana aina i ka lilo i kela ame keia poe like ole.
A no ka loaa hou ana iho nei o kekahi mau apana aina maikai loa ia'u ma Kalihi, ma Alanui Kapahulu, kokoke i ke kaa uwila; Palolo, Kaimuki, Kapiolani Paka, Pauoa, Puunui ame Lanakila, nolaila au e hoolaha nei.
Hoholo loa ka lilo o keia mau apana aina ,a e hele koke mai e koho i apana aina no oukou, mamua o ka pau ana.
PAULO KALAUKA
(P. E. R. STRAUCH)
Helu 74 Alanui Moi.
KakelameKuke
(KAUPAALE@AIA.)
Poe Kalepa ma
ke Komisina
--A HE--
Poe Agena no na Mahiko
Lehulehu
HOOLAHA.
E malamaia ana e ke Komisina o na Hana Kivila o Honolulu he hoike hookuku laula a i hoonohonoho papa ia ma ka Halekula Kiekie McKinley, kihi o na alanui Beritania ame Victoria, Honolulu, ma ka Poakolu, Mei 4, 1921, ma ka hora 7:30 p. m., no na makaainana Amerika e makemake ana i mau kulana oihana maloko o ke Keena Kinaiahi o Honolulu ame ke Keena o ka Oihana Makai o ke Aupuni Kulanakauhale a Kalana o Honolulu, o ia hoike i oleloia ae la o malamaia no ia malolo o na rula ame na hooponopono ana a ke Komisina i oleloia, no na kulana oihana malalo nei:
OIHANA KINAIAHI
Hoike laula no na mea apau.
OIHANA MAKAI
Makai Kaulio, Makai Kuhuina, Makai Motokaikala, Makai Kaa, Makaikiu, Kakauolelo, Kiai Halepaahao, Makai no na Kuaaina ame na Wahine Hooponopono.
Ua hiki no e loaa na pepa pa'ihakahaka no na palapala noi ma ke keena oihana o ke Kakauolelo o ke Kulanakauhale a Kalana ma ka Hale Kapiolani, Honolulu, a e pono e waihoia ae ia palapala noi maloko o ke keena i oleloia ae la, aole e lohi aku mahope o ka hora 12 awakea o ka Poaono, Aperila 23, 1921.
O ka mea noi, he mea oia e noho ana maloko o ke Kulanakauhale a Kalana o Honolulu no ka manawa i emi ole iho malalo o hookahi makahiki mamua ae o ka la o ka hoike ana, a ua piha iaia na makahiki he iwakalua (20).
O ka mea e noi ana no ke kulana makai kuhuina, a i ole, makai nana kaa paha, e pono e loaa iaia ke kiekie o elima kapuai ame eiwa iniha, a he kaumaha kona i emi ole iho malalo o ka 150 paona, a no ke kanaka kinaiahi hoi he kaumaha kona i emi ole iho malalo o ka 145 paona.
O ka poe noi no na kulana oihana apau mawaho ae o na kakauolelo ame na wahine hooponopono no ka Oihana Makai, ame na kakauolelo, na wiliki ame na mekanika no ka Oihana Kinaiahi, e pono e hele ae e hoike ma ke Keena Hooikaika Kino o Peter Baron, Halepohaku o C. Q. Yee Hop Co., puka komo ma Alanui Maunakea, Helu 944, ma ka Poaono, Aperila 30, 1921, e hoomaka ana mai ka hora 12 awakea aku, no ka hoao ana i ko lakou mau aahuki ame ko lakou mau ola kino.
Ma ke kauoha a ka
HONOLULU CIVIL SERVICE COMMISSION.
D. KALAUOKALANI,
Kakauolelo.
G446--Apr. 8, 15, 22.
Kela Laau Kaulana
B.B.C.
He laau i hoohuiia o na launaah@le, laau e hana pu ana me ka hana a ke Akua, he hooma@ a hooikaika ae i na mea paahana holoohoa o ke ki@, e kipaku ana i ka ma'i kino ame na @'i ili wale mai, e haawi ana i ke kino i ka ikaika, ke ola ame ka mana i na aalolo.
E hoopiha ana ka B. B. C. i ke kino me ka ikaika hao o ke ola a me ka ikaika o @l@ @pia. Ua hoolaia na poe nawaliwali ma na manawa lehulehu mahope o ka ipu ana he mau pule wale no. Ua aponoia e na kauka kaulana he nui ame @ ka@ka iloko o ke ola lahui ana. O ka B. B. C. ka laau kam@hao loa ma ke ao.
KUAHA MA NA WAHI APAU.
Keena Kuai Laau B. B. C., 161 Alanui Mai,
Honolulu, Hawaii.
NUPEPA KUOKOA
No ka makahiki (one year)……$2.00
No eono mahina (six months)…. 1.00
O na Dala ame na Hoolaha Apau @ hoouna pololei mai i ka ADVERTISER PUBLISHING COMPANY, LTD., wale no P. O. Box 208, Honolulu, T. H.
217 Alanui Moi, ma ke keena @ ka Nupepa Advertiser.
Entered at the Post Office at Honolulu, T. H., as Second Class Matter.
CHARLES S. CRANE LUNA NUI