Ka Nupepa Kuokoa, Volume LIX, Number 17, 29 April 1921 — KA BILA HOOPULAPULA HOU [ARTICLE]

KA BILA HOOPULAPULA HOU

Ma ke kau ahaolelo kuloko i pau iho la i ka Poakolu nei, i hooholoia ai ka Bila Hoopulapula hou, ma kahi o ka bila hoopulapula mua i make, iloko o ke komite o ke senate o ka ahaolelo lahui. Maloko o keia bila hoopulapula hou, ua' hoemiia mai na eka aina e hoopulapula aku ai; ua kaupalenaia na makahiki, uo ka hoopulapula ana ma ke ano hoao; a ua kaupalena pu ia ka nui o na ohana e hoi aku ai no ka hoopulapula ana maluna o ka Mokupuni o Molokai, ame kekahi mau aina ma ka Mokupuni o Hawaii. Ina e ikeia ana iloko o na makahiki elima, ua holopono ka manao hoopulapula, alaila e wehe hou ia aku na aina e ae, no ka hoopulapula ana, me ke apono mai nae o ke Kakauolelo o ke Keena Kalaiaina; a ina hoi i holomua ole, alaila o ka hopena iho la ia o ka hana hoopulapula. Ma kahi o na uku hoolimalima, e loaa mai ana no na aina i hoolimalimaia, e holo aku he'kanahiku pakeneka o kela mau loaa iloko o ka waiho. na o ke Teritore, a he kanakolu pakeneka i ke komisina, no ke kokua ana aku i ka poe hookuonoono malalo o ka bila hoopulapula, me ka loaa pu o ka mana komisina e hoopuka aku i na bona aie Teritore, i loaa mai ai ke dala no ka holomua o kela hana hookuonoono. Elike no me ka bila hoopulapula kahiko, e loaa ana i ka mea hookuonoono, mai ke aupuni aku he ekolu kaukani elala no ke kokua ana iaia, i hale nona e noho ai me kona ohana, a i mau lako no kona aina hookunoono, me ka haawiia i kanakolu makahiki e hoihoi hou ai i kela mau elala i ke aupuni me ka ukupanee a e uku hoi oia i hookahi dala o ka makahiki ma ke ano hoolimalima, no na makahiki he kanaiwa-kumamaiwa. hana maikai i'o ka hoopulapula ana i keia lahui e holomoku nei ika make; e kukulu aku ia lakou maluna o ko lakou mau wawae iho, e loaa ai ka noho kuonoonoo ana malalo o ke kanawai hoopulapula, ke kanalua loa nei nae keia pepa, no ka hoea mai o ka hopena i makemakeia, mamull o na mea oiaio i ikeia, a e ku mai nei imua o ko kakou mau maka, no ka lahui Ilawaii.

Ma ke ano he lahui, aole na kanāka Hawa,ji he poe hiki ke hoomanawanui i na hana e pono ai lakou, me ke kokua ole ia aku e ha'i'; o ka holomna 0 na e nolio 'mai nei ma na aina'hookuonponp, aole ia ma ko lakou hana 'kinp ana, alea ma ke kokua ana aku a na mahiko, a ma ke kaa ana aku malalo o na aelike me na Kepani. Ua lilo na ukuhana nunui, e loaa ana ma na hanalima maloko nei o keia kulanakauhale, me na oihana aupuni, i kumu e hookololohe ai na Hawaii 1 ka noho ana ma ke kulanakauhale nei, a hoowahawaha, i ka : hoi ana aku e noho me ka hooikaika i ka hana ana ma na aiua hookuonoono, e manaoia nei ma keia bila. No ka pono nae o keia -hann hoao, a no ka onou ana aku i keia bila iniua, ke makemake nei keia pe}>a e haawiia»na mauawa maikai apaū, no ka oni ana ae o na Hawaii imua, mai ko lakou kulana e ku nei i keia wa; a ina e ikeia ana ka holomua o kā poe e aa ana ma keia hoao ana, e lawe i mau eka aina hookuonoono no lakou, alaila, e haawi piha ia na kakoo ame na liooikaika ana, ma na ano apau, i wahi e pau loa ai na Hawaii i ka hoi ma na aina hookuonoono ma keia mua aku. .