Ka Nupepa Kuokoa, Volume LXI, Number 14, 7 April 1922 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa Honolulu, T.H., Poalima, Aperila 7, 1922

 

Moanalua I Keia Au I Hala A O Moanalua I Keia Au

 

Kakauia e J. K. Mokuma'a (Hoomauia)

 

            O ka hoea ana mai o keia inoa o Moanalua, mailoko mai no ia o kekahi mau lo'i kalo elua, he pili kokoke loa no hoi ma ke alabelo i na kamahele e hele mai ai, mai na Ewa mai, a he kokoke no hoi me kela wai mapuna o Inoi.

            Nolaila i ka hiki ana o na kamahe'e ma keia mau wahi i hoikeia ae la, o ka nunui iho no hoi o ka lau o ke kalo, haha poeleele na kiai o ua mau lo'i kalo nei, a na lii, no ka mea ua hooku'i ae la ke kalo me ka oha, a o ka loaa ae la no ka ia o ka inoa e kaulana nei ahiahi i keia manawa:

            Moanalua ha'i ke au,

            I Kahauiki hemo ka umoki,

            I ke kula loa hoi o Kalihi,

            I ka Iwiula kikiipau.

            O Kapalama loi laiki,

            O Keoneula malu ke kiawe.

            E kala mai, ua pakika loa aku la i ka welowelo i ka hana apiki hoi a na kiai, a ke olelo nei hoi kekahi poe mai ka moanawai mai ka i loaa mai ai keia inoa.

            I kuu imi pono ana i loaa mai ai ka mea oiaio, mai keia mau lo'i kalo mai ka mea i puka mai ai, o ia hoi o kahi iho laia o na kamahele o hoolulu ai, a i ka oluolu kupono ana o ka la, alaila naue malie ana ua olu pono na mea paahana.

            Ua ike ka meakakau nei i keia mau lo'i aohe no he ano, aka ho ano kupanaha no ke nana iho i kahi kulana, oiai he wai mapuna no ko laua e puka mai ai, a he malamaia no paha ia mau la e na alii, a ua oleloia, he ono ko laua kalo ame ka luau ke ai aku, a no ka mea, o ia laina hookahi no o ka waiho ana o ka aina, a loaa mai kahi wai o Iemi, o ia luau ono no ia, a o na mea no apau e ulu ana, a e holo ana na i'a ulaula, opae, he @ao wale no, no ka mea he malamaia na manawa.

            I keia au nui wale i piha me ka naauao, o ka nahelehele eo, a he kula holoia e ka pipi ame ka lio oe, oiai ua hala aku na kanaka e paa ana i ke kumu o ka oo, a e kulepa ana i ka lepo, a i ka nalo ana o ko lakou mau maka, nalo pu me ia mau hiona nani, aka o ka lakou mau pua ke ola nei no, a kou meakakau i kamaaina ai, aka oiai ka nee ana o ke ola ana o ke kanaka, pela no ka loli o ke au o ka aina, a i ka nana ana i keia manawa, ua ku kakaawala na kauhale, o ka lahui e, ka hapanaui, i lawe ae i na kulana o na kamaaiana, a ke oni nei ka lakou mau pua imua me ka holomua loa.

            O ia ke kulana i keia au e nee nei, a o ia ka kou meakakau nei, i manao ai, o kela au ame keia au e nee nei, ua emi mai ka manao e hana like, a e huki like, elike me ka mea i kuluma i keia kahai hala aku, a i lilo no hoi i mea e hoomaaoia ai, a no ia ano, ke kumu i lawe mai ai kou meakakau nei, a kukulu aku i ke ano o kela au oiai eia no au ke hoomanao nei i na hana kaulana o ia mau la, a ke homanao nei no au i kekahi o ia mau mea.

            Ua hoopuka aku au i kela mau helu aku nei, e pili ana i keia puu i Kekuawailele, ua oleloia he luahine ka mea e noho ana ma keia kahawai, a e pili pu ana me keia puu, aia iwaena konu o keia puu he ana, kahi e noho ai keia wahine; ua oleloia i kekahi manawa he kino moo kona, a he ano kino papalua paha ke ano, i ka manawa e iho mai ai o kanaka, e noho ana i ka Manaiki, o ia kela oawa pali a na luawai o Waiapuka, e waiho nei, a maalo ae la ma kahi o ua luahine nei, alaila olelo mai la kela: "Ke naue ae nei oukou i kai" ae aku la no hoi lakou. "E hele ae ana hoi i kahi lawai'a limu no hoi ame kahi hee, o i noho mai nei a ono i kahi mea pili kai, o ia keia kaoo nui au e ike ae la."

            "Ae uni io no oukou," ua oleloia. aole kolohe o keia luahine, aka le mau hana mana kana, pela ia mai ana hoi e ka poe i kamaaina, oiai kaoo nui e iho ana, aia oia e noho ana iluna o kekahi pohaku loihi, iwaenakonu o ke kahawai, ua ike kou meakakau nei, oiai oia e noho ana malaila, a hala ka hukai hope o kona emi ne ia nalowale, a puka aku la i kai o ke Auau, a ua oleloia ia wahi, o ke ana pukalua.

            Aia keia wahi i ka holo ana mai o ke kaaahi mai Kuwili mai, a loaa mai la ka muliwaikai o Moanalua, a kau hou mai la ke kaaahi ma kela aoao o ka aina, a hole aku la no Puuloa.

            E hoi hou ae kaua e kuu makamaka heluhelu, i ke kau ana aku i ka aina, a o kela lae e oioi mai ana maikai iho, aia malaila he ana, a i ka puka ana ae o ua luahine nei, a okuu iluna o ua ana nei alaila o ka hoouna aku la no ia i na onohi maka on a e hele e lawei'a nana, a noho makapo iho la ua luahine nei a ke ike mai la no hoi kekahi poe i keia wahine makapo i ka noho aku, aole i manaoia, ua hele na onohi maka o ua wahine nei i ka lawai'a, no ka mea i ka hoi ana mai o ka lehulehu ua hoi mua mai la keia, a e moke ana i ka unaunahi i ka i'a a he mea ha'oha'o no hoi keia i ka manao o kekahi poe, a he nune nui ia mawaena o lakou pela aku ana ia manawa hele no a ono i ka i'a o kana hana no, o ka iho i keia wahi o ka ala ame kahi e hiki hoke ai, o ia ka mea kupaianaha nui. (Aole i pau)

 

Ke Ano O Ke Kalaiaina

 

(Kakauia e Z.P. K. Kawaikaumaiikamakaokaopua.)

(Hoomauia mai.)

            Eia kekahi mea maopop, aole i ke kanaka he hoano hou i kekahi mea ma kona manao wale no, a haua oia mamuli o ke kanawai o ka honua, alaila, hiki. Ina manao ke kanaka e hoa i ke ahi, pono iaia e malama i ke kanawai o ke ahi. Ina kii aku oia i ka pohaku, aole ia e a. Ina kii oia i ka hao, aole ia e a. Ina makani ole, aole a. Aka, in a kii aku oia i na mea elike me na kanawai o ke ahi, alila a.

            Ina manao ke kanaka e hoomau i kona aina i ka wai, aole hiki iaia ke nana ma kona manao wale no. Pono iaia e malama i na kanawai o k wai. Aole hiki iaia ke hookaho maluna o ka puu, aole hiki ke hookahi maluna o ka opala mama, a maluna o kahi aa. Aka, in a malama ke kanaka i ke kanawai o ka wai, alaila, hiki no iaia ke hoomau i kona aina.

            A in a manao ke kanaka e kanu i ka hua palaoa, pono iaia e malama i ke kanawai o ia hua. I ole oia e malama, aole loaa iaia ka palaoa. Ma ia mea, ua maopopo no, he mea nui ke ike i na kanawai o ka honua, i kela mea i keia mea. Ina aole ike ke kanaka ia mau mea, aole hiki iaia ke hoano hou i kekahi mea.

            Ina ike kakou i na kanawai apau i pili na mea o ka honua, a ike ole kakou i ke ano o ka hana ana, hiki ia kakou ke hoanohou i kekahi mea. Ua ike no kakou i na kanawai o ke ahi ame ka malu, aole nae e hiki ia kakou e hana i ke kaaahi, ame ka mokuahi. Ua ike no kakou i kanawai o ka malamalama, aole nae e hiki ke hana i ohenana. A in a ike kakou i ke ano o ka hana ana, alaila, hookahi mea hou aku i koe, o ka maa o ka lima i ka hana.

            Ua ike no kakou i ke ku'i hao, aole nae i maa ko kakou lima i kela hana, nolaila, aole hiki pono ia kakou. Ua ike no kakou i ka oihana a ke kamana, aole nae i maa ka lima ma ia hana, no laila, aole e pono kakou ke hana. A loihi ka hana ana, a maa kakou, alaila, pono Ma keia mau mea i oleloia mai nei, ua maopopo, ekolu no ano nui o ka hooikaika ana. O ka hooikaika e imi i na kanawai o na mea o ka honua. O ka hooikaika e imi ke ano o ka hana ana. O ka hooikaika ma ka hana io ana.

            1. O ka hooikaika e imi i na kanawai o na mea ka honua. Ma na aina naauao, ua nui ka poe hooikaika ma keia hana. O Nutona kekahi mea i hooikaika nui loa ma ia mea a loaa ke kanawai o na mea haule, a pomaikai ko ke ao nei iaia. O Feranekelina kekahi i hooikaika ma ia mea, a loaa iaia na kanawai o ka uwila. Hooikaika no o Humeperei Davi ma ia mea, a loaa iaia na kanawai o na mea kahuli ano. Mamua aku, i ka hooikaika ana o kekahi poe, loaa ia lakou na kanawai o ke panana.

            2. Eia ka lua o ke ano o ka hooikaika ana. O ka hooikaika e imi i ke ano o ka hana ana. Aole kakou e pomaikai nui wale i ka ike ana i na kanawai o ka honua, ke ole kakou e hooikaika hou aku a ike i ka pili ana o ia mau kanawai i ka hana. Hooikaika o Felavioda Melefi, ame Kenita, ame Semeatona, a loaa ia lakou ke ano o ka hana ana i ke panana.

            Ua ike mua ia ka huli o ka welau o ke kui hao ma ka akau, a@e nae i keia ke panana, a na lakou i hooikaika e imi. Pela no ka lupe e pii ai ke kanaka iluna. Ua ike mua ia na kanawai o ke ea, aole nae i hiki i ke kanaka ke pii. A na Farenesa Lana i imi, o lakou me Kale, ame Robereta, a loaa ka pii o ke kanaka iluna. Ua ike mua ia no na kanawai o ka malamalama a ua ikeia no hoi, ke ano o ka huinakolu, aole nae e hiki ke ana i ke kiekie o ka la, ame ka mahina, a na Hadelei i hooikaika i ka imi, a loaa iaia ka meananala, alaila hiki pono ke ana i na mea o ka lani, a pomaikai ka poe holomouna iaia.

            Ua ike mua ia na kanawai o ka mahu, i kona ikaika, ame kona pahu ana, aole nae i ikeia ka mokuahi.

            A na Robereta Fuletona i hooikaika, a loaa ke ano o ka hana ana, a nana no i kuhikuhi i ka poe paahana, a hana lakou i ka mokuahi.

            Me ia no hoi ka hana a na kumu. Ua ikeia no ke kanawai o ke Akua, aole nae e pomaikai nui wale na kanaka i ke kanawai, a na ke kahuna e kuhikuhi i ke ano o ka hana ana, alaila, ola ke kanaka. Ua ike no kakou apau, i ka hewa, ke hewa ke aupuni, a ike no hoi kakou i ka malu, ke malu ke aupuni. Aole nae e hiki ia kakou ke hooponopono, a na ke kalaiaina e kuhikuhi mai i ke ano o ka hana ana, alaila pono.

            Ua ike no hoi kakou i ka ma'i ka ma'i kakou, a ua ike no hoi kakou i ka laau lapaau. Aole nao o hiki pono ia kakou ke lapaau, a kuhikuhi mai ke kahuna lapaau i ke ano o ka lapaau ana, alaila hiki.

            3. Eia ke kolu o ke ano o ka hooikaika ana, o ka hooikaika ma ka hana io ana. O lakou ka poe i oleloia he poe hana. O lakou no ka poe hoano hou i ka waiwai a malaila no ka hoonui o na kanaka mai o a o. O lakou no ka poe mahiai, ka poe lawai'a, ka poe holomoku, ame ka poe paahana apau loa. O keia mau hana ekolu, pono i ke kanaka hookahi i kekahi manawa. A i ole e pono na hana ekolu, pono elua. Elua o keia mau hana ia Faranekelina, iaia i imi ai i na kanawai o ka uwila, no ka mea, loaa no iaia na kanawai o ka uwila, a loaa no hoi iaia ke ano o ka hana ana i ka uwila, ame ka pale aku i ka uwila.

            Elua no hana ia Nutona, iaia i imi ai i ke ano o ka malamalama. Loaa no iaia na kanawai o ka malamalama, a loaa no hoi iaia ke ano o ka hana ana i ka ohenana. Aole nae laua i hana i na mea a laua i imi ai. Na na kanaka paahana okoa ia. A o kekahi kanaka, ua imi no oia a loaa ke ano o ka hana ana, a nana iho no i hana mamuli o kona imi ana. Pela o Rikadi Arekarita. He kanaka paahana oia, a imi oia a loaa ke ano o ka huila nui e hilo ai ka lopi, a hana iho la. Pamaikai nui hoi no ko ke ao nei iaia.

            Ina he põe naauao na kanaka paahana apau loa, a in a i ike lakou i na kanawai o na mea o ka honua, in a ua nui loa na meahou e loaa ia lakou. O ia kekahi mea e pomaikai ai na aina, o ka naauao o ka poe hooikaika.

            O ka põe Negero ma Aferika, he poe akamai lakou i ka hana i na mea liilii, a he poe ikaika no hoi ma ka hana ana i kekahi mea, a ua mama lakou i ka holo ana; aole nae lakou i ike i na kanawai o na mea o ka honua; aole nae lakou i akamai i ka imi i ke ano o ka hana ana i na mea hou.

            Nolaila, aole lakou i lako i na mea maikai. Kuai no lakou ma Europa, i na mea komo, i na mea kaua i kela mea maikai keia mea maikai.

            Aole hoi i lako pono lakou i ka ai, make no i kekahi manawa i ka wi. O ia ka poino o ka poe ike ole i na kanawai o na mea o ka honua. I keia manawa ua ike nui ia na kanawai o na mea o ka honua, aole ike nui ka poe kahiko. Ua oi aku ke akamai o ko Europa mamua o ko ka honua nei apau. Ua akamai iho nei no hoi o Amelika Huipuia. Ua oi aku ka pomaikai ame ka oluolu o ka noho ana o ke kanaka kuaaina loa ma Europa mamua o ko ke alii o ka aina nui ma Aferika, a ma na mokupuni maloko o ka moana Pakipika.

            O ke kuaaina ma Europa, he hale maikai no kona, a ua lako ka hale i na mea e pono ai. He puka aniani no, kahi e komo mai ai ka malamalama, a ua maikai no kona wahi moe. He lole no kona, aole ia e komo i ka ili holoholona, ame ka ili laau. Ua lako no oia i ka ai, ame ka i'a, aole ia e pololi. Ua nui no kona mea paahana e hiki pono ai kana hana. Aole pela kekahi alii maloko o Aferika, a ma na aina naaupo. Ua loaa ke aniani i ke kuaaina ma Europa. E noonoo kakou i ke kumu i loaa ai.

            Eia ka mea mua, o ka ike i na kanawai o ke one, he hehee, i ke ahi, he paa, e puka ka malamalama ke hooheheeia. A ikeia kela mau mea, alaila, he mea nui ke ike i ke ano o ka hana ana. Ina o ke one wale no, a o ke ahi, aole hehee ke one. Nolaila, pono e ike mua i ka laau e hehee ai, ame ke ano o ke kawili ana, ame ke ano o ke kapuahi, ame ke ano o ka hana ana i ka ipu no ke one. Aole nae e hiki i ka poe hawawa ke hana i ka hale hana aniani, a akamai loa, hiki.

            No ka mea, aole pono ka hale liilii, aole hoi e pono ka hale liilii, aole hoi e pono e ku ke kia maloko. Aole o ia mau mea wale no. O ke kumuwaiwai e hoomaka ai, o ia kekahi mea nui, no ka mea, ua nui loa ka waiwai lilo i ka hoomakaukau ana. A pono i kela kanaka waiwai ke imi i poe kamana e hana i ka hale; i poe ku'i hao, e hana i na mea hao, i poe hana i ka pohaku lepo hehee ole; a i poe hana kapuahi. Pono no hoi e imi i na kanaka ike a akamai i ka malama ana i ke ahi, a i ke puhi ana i ke aniani, a i ke kahe ana, a i ke kahakaha ana, a i ka okioki ana. A pau keia mau mea i ka loaa, alaila, o ka hooikaika io i ka hana, o ia ka mea nui i koe; a pono no e hooikaika mau me ka hoomaha ole i ke ao ame ka po; alaila, loaa aniani.

            Ma keia hooikaika ana, ua lilo kela mea ino, a waiwai ole, o ke one, i mea maikai loa, i mea i makemake nui ia mai o a o. No ka naauao, a no ka ike ana i na kanawai o na mea o ka honua, a no ka ike i ke ano o ka hana ana, nolaila mai kela mea maikai. Hiki no i ka poe ike ke hoolilo i na welu kapa popo wale, a pelapela no hoi i pepa keokeo maikai, a o la no ko lakou luna hoounauna mai kela welau a keia welau o ka honua, e kii aku i ka waiwai, a e hai aku i na meahou.

            Malaila no i hoomaopopo ai ke aloha o ka naau, ame ka ehaeha maloko. Malaila no e laha aku ai ka ike ame ka naauao, ame ka moa e pomaikai ai. O ia ka waha e kamailio ai ke kanaka me kona aloha ma ka aina e. Malaila no e kuikahi ai na aupuni, a o ia hoi ka mea e maopopo ai ka manao kaua. O ia ka mea poina ole ai na mea kahiko, a he kumu ia e paa ai ka waiwai, aole lilo, aole nalowale, a o ia hoi ka mea e paa ai keia manao e hoikeia aku nei.

            O ka welau no, ka mea ino loa. No ka hooikaika keia mamuli o ka manao ame ka ike. Aole anei i maopopo, o ka ike, o ka mana no ia. Malaila mai no na mea apau e pomaikai ai. Ma ka ike ka oi ana o ke kanaka mamua o ka holoholona. Aole pono ka poe ike ole i na hana, ke manao e loaa ole ia lakou, loaa no.

            I ka makahiki o ka Haku 1700, aole lakou i hana lole ma Beritania he uuku wale no. Kii no lakou i ka lole paina ma Beregiuma, a na ko Geremania i haua i ke kalakoa, ame ka lole keokeo o kela aina e hana nei i ka lole no ko ka honua nei apau.

            I ka makahiki 1705 hookahi miliona hookahi haneri me kanahiku tausani, ewalu haneri me kanawalu paona huluhulu i hanaia ma Beritania. A i ka makahiki 1817, hookahi haneri me kanakolukumamakahi miliona, eiwa haneri me kanalimakumakahi tausani paona i hanaia. Ahiki i ka makahiki 1900, heaha ka mea e akamai ole ai na kanaka o keia paeaina elike me ko Beritania i keia wai Pomaikai na alii ame na kanaka i hele mua, a hoomaka i ka hana e pono ai.

            E aloha nui mai na moopuna ia lakou, a e mahalo nui ia, elike me kakou e mahalo nui nei ia Petero, ka nui Rusia. E oi aku no ke kaulana maikai ana o ko lakou inoa, mamua o Kaisara ame ko Bonepati.

            Nolaila ka hoomalu ana i ka poe hooikaika ma ka imi ana i na mea hou.

            1. He mea Kino ole ka ike, ame ka naauao. Aole hiki i ka lima ke hoopa aku, aole hoi ia e ili mai i ke keiki, mai ka makua mai. No laila, o ka poe hooikaika ma ka imi i na kanawai o ka honua, a i ke ano o ka hana ana i ka mea hou, a loaa ka mea a lakou e imi ai, he waiwai ano e wale no kela waiwai, aole i like me ka waiwai i paa i ka lima. He waiwai lilo ole ia i ka aihue, a he waiwai pau ole i ka haawi ame ke kuai aku.

(Aole i pau.)

 

Ua Haalele Mai Ka Mokukaua Pelekane

 

            Ma ke Sabati iho nei ka haalele ana mai o ka mokukaua holomama Pelekane Calcutta i na kaiulu o Hawaii a holo aku no ka Ipuka Gula o Kapalakiko mahope o kona hoohala ana i kekahi mau la ma na kai o Hawaii.

            He mau pule lehulehu kona ku ana ma Honolulu nei, o kona mau manawa wale no i kaawale aku ai o ia ka manawa pokole ana o ka holo ana aku no na Mokupuni Fanning, Washington, Christmas ame Palmyra, ame ka manawa pokole ana o ka holo ana i ke Kaikuono o Kealakekua ma Kona, no ka makaikai ana i ke kiahoomanao o Kapena Kuke. Ma keia huakai aku la a ka mokukaua Calcutta no Kapalakiko o ka makamua loa ia o kona hoea ana ilaila, oiai mai Bolboa kona holo pololei ana mai ahiki ia nei.

            Oiai ia mokukaua e ku ana maloko o keia awa ua lehulehu na papaaina i haawiia no na kanaka  oluna o ia moku e na kanaka Pelekane ame na Amerika pu, a ua pii aku no hoi ko uka nei poe o ka aina iluna o ia moku e makaikai ai no kekahi manawa. Ua komo pu aku na kanaka oluna o ia moku me ka poe puni lealea o keia kulanakauhale i ka manawa a ia moku e ku ana ma keia awa.

 

Teritore O Hawaii

 

            Keena o ka Puuku, Honolulu, Oahu.

            Ma ka hana e hoopau ana i ke Toyo Shokwai, Limited.

            Oiai o ke Toyo Shokwai Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena, he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea, e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi, i wahi e ae ole ia aku ai ka palapala noi i oleloia.

A. Lewis, Jr.

Puuku, Teritore o Hawaii.

Honolulu, Ianuari 31, 1921.

6489-Feb. 3, 10, 17, 24; Mar. 3,10, 17, 24, 31; Apr. 7

 

Teritore O Hawaii

 

Keena O Ka Puuku, Honolulu, Oahu

 

            Ma ka hana e hoopau ana i ka Honolulu Packing Company, Limited.

            Oiai o ka Honolulu Packing Company Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            Nolaila, ma keia ke haawiia aku nei ka holaha i kakahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 1 o Mei, 1922 a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ko kumu, in a he kumu kekahi, i wahi e ae ole ia aku ai ka palapala noi i oleloia.

A. Lewis, Jr.,

Puuku, Teritore o Hawaii.

Honolulu, Feberuari 23, 1922.

6492-Feb.24; Mar. 3, 10, 17, 24, 31; Apr. 7,14,21,28

 

Mau Apana Aina Kuai

 

Kuu Ocean View Tract, Kaimuki Avenue

$300- Na Apana 50x100, $20 ukumua, $10 o ka mahina.

$500- Na Apana 50x200, $30 ukumua, $10 o ka mahina.

$525- Na Apana 5277 sq. ft., Meyer St. Kallihi, $20 ukumua, $10 o ka mahina.

$500- Na Apana 50x100, Kalihi Road, Mauka o School St., $25 ukumua, $10 o ka mahina.

 

Paulo Kalauka

(P.E.R. Strauch)

Alanui Moi, Helu 74, Mawaena o na Alanui Papu ame Betela

 

Teritore O Hawaii

 

Keena O Ka Puuku, Honolulu, Oahu.

            Ma ka hana o hoopau ana i ka Maui Pineapple Company, Limited.

            Oiai o ka Maui Pineapple Company, Limited, he hui ia i kukuluia a e ku ana malalo a ma ka mana o na kanawai o ko Teritore o Hawaii, i kulike ai me ke kanawai i hoomakaukauia ma na hana o keia ano, ua waihola mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooialoia i hoohui pu ia me ia, elike me ia i koiia ai ma ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei pha i keia manawa, ma kekahi ano iloko o ka hui i oleloia, e pono e waiho mai na kue ana no ka aeia aku o ka palapala noi i oleloia maloko o keia keena mamua ae o ka la 8 o Mei, 1922, a o kela ame keia mea e makemake ana e hooloheia aku maluna o ia mea, he pono o hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. Lewis, Jr.

Puuku, Teritore o Hawaii.

Honolulu, Maraki 1, 1922.

6493- Mar. 3, 10, 17, 24, 31; Apr. 7, 14, 21, 28; Mei 5,1922.

 

Teritore O Hawaii

 

Keent O Ka Puuku, Honolulu, Oahu.

 

            Ma ka hana e hoopau ana i ka Hawaiian Fibre Company, Limited.

            Oiai, o ka Hawaiian Fibre Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukau ma na hana o keia an, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 1 o Mei, 1933, a o kela ame koia mea o makemake ana e hooloheia aku maluna o ia mea, he pono e hoea kino a e ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. Lewis, Jr.

Puuku, Teritore o Hawaii.

Honolulu, Feberuari 23, 1992.

6492-Feb. 24; Mar. 3, 10, 17, 24, 31; Apr.7, 14, 21, 28.

 

Teritore O Hawaii

 

Keena o ka Puuku, Honolulu, Oahu

 

            Ma ka hana e hoopau ana i ka Asahi Theater Company, Limited.

            Oiai, o ka Asahi Theater Company, Limited, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me kanawai i hoomakaukau ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala  ihooiaioia i hoohui pu ia me ia, elike me ia i koiia ai ma ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka la 16 o Mei, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. Lewis, Jr.

Puuku, Teritore o Hawaii.

Honolulu, Maraki 8, 1922.

6494- Mar. 10, 17, 24, 31; Apr. 7, 14, 21, 28; Mei 5, 12, 1922.

 

Teritore O Hawaii

 

Keena o ka Puuku, Honolulu, Oahu

 

            Ma ka hana e hoopau ana i ka American Japanese Amusement Company Limited.

            Oiai o ka American Japanese Amusement Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia a@na ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi an iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. Lewis, Jr.,

Puuku Teritore o Hawaii

Honolulu, Ianuari 30, 1922.

6489-Feb. 3, 10, 17, 24; Mar. 3,10,17,24,31; Apr. 7.

 

Luau, Luau

Na Pa, Noho, Pakaukau Ame Na Halelole no ka Hoolimalima

People's Hardward Store

453 Alanui Moi Akan, Kokoke i Palama Settlement

Kelepona 2670

 

Hoomakaukau no Mua Aku Nei

E Hoao o Hoomakaulii Ano- E Malama i ke Dala a Wehe i Buke Banako Hoahu me ke

Chinese-American Bank

Na Pahu Dala, No Ka Hoolimalima. $1.00 No Ka WBHS

Ana i ka Hoahu

Kihi o Alanui Moi Me Nuuanu

 

Teritore O Hawaii

Keena o ka Puuku Honolulu, Oahu.

 

            Ma ka hana e hoopau ana i ka Pacific Product Company, Limited.

            Oiai, o ka Pacific Product Company, Limited,; he hui ia i kukuluia a o ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            Nolaila, ma keia ko haawiia aku nei ka hoolaha i kekahi mea, a i na kanake apau, he mau kuleana mamua a e kuleana nei paha i kela manawa ma kekahi ano iloko o ka hui i oleloia, e pono o waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea, nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala nei i oleloia.

A. Lewis, Jr.

Puuku, Teritore o Hawaii

Honolulu, Ianuari 31, 1921.

6489-Feb. 3, 10, 17, 24; Mar. 3, 10, 17, 24, 31; Apr. 7.

 

Hoolaha

            Ua hiki ke loaa i keia wa na pa'i hakahaka o na palapala noi no na apana mua he 24 o ka aina ma kaha kokoke loa i ka 20 eka iliaina pakahi, e waiho la ma Kalamaula, Molokai, elike me ia i hoakakaia maloko o ke Kanawai Hoi… Hawaii, 1920, a e loaa aku no ma ka waiho ana mai i ke noi ma ke keena o Mr. Geo P. Cooke, ka Luna Oihana Hooko ame Kakauolelo, Hale Mana Hooko, Honolulu, T.H.

            E laweia mai no na palapala noi no na apana ahiki me ke komo pu o Aperila 30, 1922.

            No na hoakaka aku i koe, e kipa mai ma ke keena o ka Luna Oihana Hooko ame Kakauolelo, Hale Mana Hooko, Honolulu, T.H.

Geo. P. Cooke

Luna Oihana Hooko âme Kakauolelo

6469-Mar. 24, 30; Apr. 7, 14, 21, 28

 

Papa Na Lako Kukulu Hale

 

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

 

Allen & Robinson, LTD.

Honolulu, T.H.

 

Honolulu Planing Mill, Limited.

 

Poe Hana i na puka laau aniani, laau hale, Olepelepe, Molina, Wahi Kau

 

Alanui Papu, Esplanads

 

Ka Victrola

Ka Meakani Mele Kilikila- he meakani e pono e loaa ma kou home, Kauoha mai i na buke hoakaka o na Pahuolelo ame na Papa Leo Mele.

Na Piano Paani

Na rola Panni

Na Pepa Mele Hou

Na Pila Aha

âme na mea apau pili i na mele

 

Bergstrom Music Co.

1020 Alanui Papu Honolulu

 

Kakela & Kuku

(Kaupalenaia)

 

Poe Kalepa ma ke Komisina

A He

Poe Agena no na Mahiko Lehulehu

 

He Pahuolelo Victrola Anei Kau ma ka Home?

            Ke kuai nei makou i na ano lik ole o keia mau mikini mai ke $25 a pili aku.

            Maanei e loaa ai na Papa Leo Mele hou, na Mele Olelo ame na Pepa Leo Mele.

            Ma ke ano nui, Nou Makou Ma Na Mea Pili Mele.

 

Hawaii Sales Co., LTD

Nuuanu, kokoke i ke Alanui Moi

 

Keena Hawaii

No Na

Lako Hana Mahiko

 

Hapuku Kila Oliver Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

 

Hana i Na kino o na kaa ukana me kalaka me ka hana hou ana

 

Schuman Carriage Co., Ltd.

Na Paionia o na Hana Halihali Hawaii Nei