Ka Nupepa Kuokoa, Volume LXI, Number 14, 7 April 1922 — HE HOALOHALOHA NO MRS. ROSE HOOLIKELIKE [ARTICLE]

HE HOALOHALOHA NO MRS. ROSE HOOLIKELIKE

Mr. Lunahoponopono, Aloha T<aua: Eoluolu e hookomo ilio ka kahi kaawale o ka kaua hiwahiwa, i ike mai ka ohana n.ui o maua, ua haalole mai kuu kaikūaana ia'u ame ke kane a maua e noho aku me ke kauI maha ame ka luuluu nona, pela me na keiki a maua i-hooneleia i ka makuahine. Ua haalele mai kuu kaikuaana i keia ola honua ana i ka la 26 o • Maraki, i ka hora 11:30 p. m., imua jo'u, ke kane, na keiki ame ke kaij kunane o maua, Dan Kaleiki, ko j kane makua ame ke kane opio. 0 makou ka ohana ma ka aoao o kona moe i kona manawa i haalele mai ai i keia ola ana. Ua loihi no ka hoomailo ana a ka ma'i maluna o ke kino o kuu kaikuaana, a na ka nui loa o ka ma'i i hoi ai oia i ak haukapila Moiwahine, ua hoi oia i ka Poalima, la 17, a ua piha hoi iaia hookahi pule me hookahi la iloko o ka haukapila, a hoihoi hou ia oia i ka hale, a ma kona homo no oia a hala aku la ma ka Auld lane. Oiai na la o kuu kaikuaana iloko 0 ka haukapila ua hele aku makou ka ohana e ike iaia, i na la apau, a oiai na la apau a makou e hele aku ana e ike iaia, e olelo mau mai ana oia i ka nui loa o kona eha ame kona makemake e hoi i ka hale. 1 ka piha ana o ka pule iaia iloko o ka haukapila, i koi ai oia e hoi hou iwaho, a i kekahi la mai oia ka la 25 i.hookoia ai k.na makemake e kana keiki aloha Mr. Lanakila Pa. 1 kona manawa i hoihoiia mai ai, m'alaila no kana kane, keiki, kona kaikunano Dan Kaleiki ame kana kaikamahine Mrs. Maggie Apoi, a no'u ua hoi e mai la me ka īnanao ole e hoihoiia ana i ka hale, aka i ke kakahiaka nui o ka Lapule, i kahea ae ai ke keiki a maua ma ke kelepona, e hele mai oe e aunty eia o mama i ka hale nei e hele koke mai oe. I ka pau ana o ko maua walaau ana ma ke kelepona, o ka makaukau iho la no ia e helo i ka home o kuu kaikuaana, i ka hoea ana aku, hoike mai la no kona ano he wahi manawa liilii wale no koe a hala aku. Na ka Ahahui Aloha Niihau i hooponopono i ka hoolewa o kuu kaikuaana, a o ka ahahui o makou ohana Niihau wale no, a i kukuluia hoi e ko maua kaikunane Mr. Dan Kaleiki, peresidena o ka ahahui, ua hoomoo ia aku oia ma ka pa ilina ohana ina Makiki. He ohana nui no makou, o 22 ka nui, mailoko mai o ko makou m«au makua, a owau no ka muli loa, ua lawe aku ka po i ka nui apau, a hookoe iho la ia makou ekolu, owau kona pokii, mo ke kaikuaana o maua ame ke kaikunane o inaua e noho mai Ia i Niihau. Ke haawi aku nei au i kuu mahalo a nui i na hoaloha o kuu kaikuaana ame ka ohana apau i hoouna makana mai i na boke pua, a i komo pū mai me a'u, me ke kane, na keiki, iloko o na hora o ka luuluu ame ke kaumaha no ke kino wailua o .kuu kaikunane aloha. Aloha no au i ka hooneleia i ke kaiuaana. Aloha no ke kane i ka hooneleia i ka wahine, ka hoapili, a o ka makua hoi o ka home, pela me na keiki i nele i ka makuahine i keia wa, ua pau ka lohe hou ana i kona leo, ua nalo no ka manawa mau loa. Ke nonoi nei au i ka Makua lani e lawo aku i ko makou mau kaumaha ame na luuluu apau. Owau no me ke kaumaha ame ka luuluu, kona kaikaina aloha, t MRS. MARY KU'I.