Ka Nupepa Kuokoa, Volume LXI, Number 18, 4 May 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA HONOLULU. T. H., POAHA, MEI 4, 1922. 1922.

 

MOOLELO O KA AHAHUI KULA SABATI AHAHUINA O NA KULA SABATI O KA AHAHUI MOKUPUNI O OAHU, KAU O APERILA, 1922.

 

La hana 1.

            Noho ka halawai hana a ka Ahahui Kula Sabati Ahahuina o ka Mokupuni o Oahu, ma ka luakini o Central Union Church, Aperila 5, 1922.

            Lunahoomalu, Mr. Oscar P. Cox @ @, a hoomakaia na hana @himeni 132, L. H., ame ka pule mai ia Rev. J. Kaaeamoku mai, ke kahu o ka Ekalesia o Waioli Huiia.

            Na ka lunahoomalu i kauoha i ke kakauolelo e kaheainoa ame ka hooponopono ana i na lala o ka aha, a hookoia, e hoomaka ana mai na lunanui mai, penei:

            Aev. H. K .Poepoe, hope peresidena o ka I‘aeaina; Mr. Oscar P. Cox, lunahoomalu o na Kula Sabat o Oahu; Wm. Kamau, hope lunahoomalu, aole i hiki mai; Jas. H. S. Kaleo, kakauolelo; Wm. K. Poai puuku; S. K. Kamaiopili, hoakuka; Paalua D. Kellett, kakauleta o na Hawaii; Rev. H. P. Judd, kakauleta o na haole; Rev. J. P. Erdman, kakauleta o na Ipana.

            Komite hoeueu, Mr. Oscar P. Cox, Mrs. Leialoha Kaleo ame Sam Kauka.

            Mr. Sam Kauka, K. K. Sabati Nui o Oahu; Sam K. Kahele ame Mr. Mahoe, na hope.

            Na Kahu Kula Sabati Apana me na elele: --Miss Ida Macdonald, K. K. S., Kawaiahao, Mrs. Martha Hailele, elele; Miss Kuualoha Akana, K.K.S., Kaumakapili, aole i hiki mai, Mrs. Helen Kamaiopili, elele; Sam Kauka K.K.S., Kalihi me Moanalua. Mrs. Lydia Kalaiwaa, elele; P. K. Kapanokalani, K.K.S., Ewa, Mrs. Kilipohe Smith, elele; Mrs. Rose Kapela, K.K.S., Waianae, Mrs. Ane Pulaa, elele; Peter Andrews, K.K.S., Makua ,Mrs. Peter Andrews, elele.. J. K. Kauwalu, hope K.K.S., Waialua Mrs. Emma Cox, elele; Moses Kaaipuaa, K.K.S., Kahuku, aole i hiki mai, Mrs. Watson, elele; Mrs. Lizzie Kahele, K.K.S., Hauula. Mr. S. K. Kahele, elele; Mrs. Mary Kalualii. hope K.K.S., Waikane. F. L. Kaleimamahu, elele; Mrs. Ako, hope K.K.S., Kaneohe, Mrs Maraea Coney, elele; Pohaialoha aole K.K.S.. aole elele: ame na lala o ka Aha Makua na lala o keia aha.

            Mamuli o ka maopopo ana o na lala, ua kauohaia mai he kakauolelo e ka lunahoomalu e hoolaha ae i na komite kumau o ka aha elike me ia malalo iho nei, penei:

            Komite hoike Kahu Kula Sabati Nui--Rev. H. K. Poepoe, Mrs. Watson ame J. K. Kauwahi.

            Komite hoike Kahu Kula Sabati Apana--M. K. Benjamin, F. L. Kaleimamahu ame Mrs. Emma Cox.

            Komite hoalohaloha--J. K. Paele, Mrs. Martha Hailele ame Mrs. Helen Kamaiopili.

            Komite hana hou--W. K. Poai, Mrs. Maraea Coney me Sam Kauka.

            Komite hoike elele--S. K. Kahele, Mrs. Lydia Kalaiwaa ame Mrs. Peter Andrews.

            Komite pa‘i--Jas. H. S. Kaleo, Paalua D; Kellett ame W. K. Poai.

            Komite o na palapala--M. K. Benjamin, J. K. Kauwalu ame J. K. Paele, a hooneeia na hana imua ma ka hoike a na Kahu Kula Sabati Apana, e hoomaka ana ma Kawaiahao.

            Na Miss Ida Macdonald i ko kawaiahao; P. K. Papanookalani i ko Ewa; Rose Kapela iko Waianae; Peter Andrews i ko Makua; J. K. Kawalu i ko Waialua; Mrs. Lizzie Kahele i ko Hauula; Mrs. Mary Kalualii i ko Waikane; Mrs. Ako i ko Kaneohe; Sam Kauka i ko Kalihi me Moanalua. Na ke kakauolelo i heluhelu i ko Kaumakapili ame Kahuku, a waihoia na hoike apau maluna ae i ke komite.

            Na Sam Kauka i kana hoike Kahu Kula Sabati Nui a waihoia i ke komite. Nana no i noi mai e kapaeia na rula, a aponoia. Nana no i waiho mai he palapala noi waiho oihana, a laweia e noonoo, a ma ke noi a M. K. Benjamin, ua waihoia ka palapala noi i ke komite. M. K. Benjamin, J. K. Kauwalu ame J. K. Paole.

            Hapaiia ka hoike a na elele. Na Mrs. Martha Hailele i ko Kawaiahao; Mrs. Helen Kamaiopili i ko Kaumakapili; Mrs. Lydia Kalaiwaa i ko Kalihi me Moanalua; Mrs. Kilipohe Smith i ko Ewa; Mrs. Ane Pulaa i ko Waianae; Mrs. Peter Andrews i ko Makua; Mrs. Emma Cox i ko Waialua; Mrs. Watson i ko Kahuku; S. K. Kahele i ko Hauula; F. L. Kaleimamahu i ko Waikane; Mrs. Maraea Coney i ko Kaneohe, a waihoia na hoiko apau maluna ae i ke komite.

            Malamaia ka lulu no ka aha, $8.46. Na ka lunahoomalu he hoomaikai i na Kahu Kula Sabati ame na elele mamuli o ko oukou hiki kino ana mai, ame ka makaala no ka hoolohe ana mai i na hoike, a he mea pono e hoomauia keia kulana maikai.

            No ka hiki ana i ka manawa, ua hoopaneeia na hana me ka himeni 2, L. H., ame ka pule a Rev. W. K. Poai, hora 3 p. m.

            Noho hou ke anaina o na Kula Sebati, hora 7:30 p. m., lunahoomalu Oscar P. Cox ma ka noho a hoomakaia na hana, no na himeni hookuku, elike me ia i hooholoia i ke kau i hala.

            Weheia na hana me ka himeni ame ka pule, a kaheaia na Kula Sabati no ka haawi ana mai i mau himeni hoeueu, mamua o ka hoomaka ana o na Kula Sabati i komo no ka hookuku ana, o ia ke Kula Sabati o Kaumakapili, Makua, Waialua, Kawaiahao ame Kalihi me Moanalua.

            Mahope iho o ka pau ana o na himeni hoolaulea, ua koho mai ka lunahoomalu e kohoia o A. F. Judd, L. K. Kupau me Mrs. Lahilahi Webb i mau lunakanawai @ on a himeni hookuku.

            Na Kaumakapili i wehe mua na hana. Makua ka helu 2, Waialua helu 3. Kawaiahao helu 4 ame Kalihi me Moanalua helu 5.

            Ka ka noonoo ana o na lunakanawai, ua haawi mai lakou i ka olelo hooholo no Kalihi ame Moanalua.

            N dala i lyuluia no nak .okua, he $130.

            Hoopaneeia na hana me ka himeni ame ka pule.

            La Hana 2, Aperila 6.

            Noho hou ka halawai hana a ka Ahahui Kula Sabati elike me ka hoopaneeia ana. hora 3. p. m. Lu@ahoomalu Oscar P. Cox ma ka no

 

ho, a hoomakaia na hana me ka himeni 27, L. H., ame ka pule a Rev. G. M. Kauaulalena.

            Ma ke noi a W. K. Poai ua ka paeia ke kaheainoa ana, a heluheluia ka moolelo o ka halawai o ka lahana 1,  a aponoia.

            Na ke kakauolelo i kana hoike makahiki a aponoia. Na ka puuku i kana hoike makahiki a aponoia.

            Na M. K. Benjamia i ka hoike papahelu a na Kahu Kula Sabati, a aponoia e@e me ia malalo iho, penei.

            He 11 hoike papahelu a na Kahu Kula Sabati; Kawaiahao, Kaumakapili, Kalihi me Moanalua, Ewa, Waianae, Makua, Waialua, Kahuku, Hauula, Waikane ame Kaneohe; he 69 lunanui, 204 makuakane, 419 makuahine, 180 opi@ kane, 267 opio wahine, 235 pokii kane, 342 pokii wahine 264 na hebedoma i kulaia, 492 averika, 23 komo ekalesia, 67 babetizoia, 84 papa kula, 84 na kumu, huina o na loaa, $11,050.67; huina o na hoolilo, $3980.58; koena ma ka waihona o na Kula Sabati, $7150.44.

            Na S. K. Kahele i ka hoike o na hoike elele Kula Sabati, a aponoia elike me ia malalo iho penei:

            He 11 hoike elele, Kawaiahao, Kaumakapili, Kalihi me Moanalua, Ewa, Waianae, Makua, Waialua, Kahuku, Hauula, Waikane ame Kaneohe. No Kawaiahao, Kaumakapili ame Kalihi me Moanalua ma ke kulana holomua, a o na Kula Sabati aku i koe iho, aia ma ke kulana maikai a nee malie, a waihoia ka hapa hope o ka hoike a ke komite ma kahi o na hanahou, e pili ana no ka leo nui mai Makua mai.

            Na W. K. Poai i waiho mai i ka hoike o na hana hou elike me ia, penei:

            Kumuhana 1. E malamaia‘i hoike Kula Sabati i ka noho ana mai o ka Aha Paeaina i ke kau o IuneIulai, 1922.

            Kumuhana 2, e koho keia Aha ia S K Kahele i komite hoeueu ma ka aoao o na Koolau.

            Kumuhana 3, e haawi keia Aha i na kokua i ke kukulu luakini hou o Makua, ma ka huina o $2,350.

            Kumuhana 4, e lawe mai na hoa Kula Sabati e ae o na lahui apau malalo o keia aha, i hoike na ia mau Kula Sabati; waihoia ka noonoo ana ma kahi o na hana hou.

            Na J. K. Kauwalu i waiho mai i ka hoike a ke komite no ka hoike a ke Kahu Kula Sabati Nui a aponoia.

            Na W. K. Benjamin i ka hoike a ke komite palapala hoopii, e pili ana i ka waiho oihana a ke Kahu Kula Sabati Nui, ua hoihoi mai ke komite na ka aha no e noonoo. Ua waihoia ka palapala ame ka hoike a ma kahi o ka hana, koho ana i na luna nui.

            Na hana i pau ole i ka hanaia, o ia no ka noonoo ana i ka huina o $10,000 no ka waihona o ka Aha Paeaina mahele o na Hawaii, ma ka noonooia ana, ua kapae loa ia ma ke noi a Sam Kauka.

            Noonooia ke kumuhana 1 a apono loa ia me ka haawiia o na hooponopono ana o ia hana i ke Kahu Kula Sabati Nui.

            Noonooia ke kumuhana 2, a waihoia i ke koho ana mai o na luna nui.

            Noonooia ke kumuhana 3, a aponoia ma ka waiho ana i ke komite e hui pu aku me ke komite o ka Aha Makua. Na komite, Oscar P. Cox, S. K. Kahele ame Sam Kauka.

            Noonooia ke kumuhana 4, a waihoia i ke komite mana hooko elike me ke noi a Rev. A. Akana.

            Kumuhana o $25,000 i waihoia no ka Papa Hawaii o na Hawaii, waiho hou ia no i ke komite o ka Aha Makua, a waiho mai i keia kau ae.

            Lulu dala no ka waihona, $5.30. Kauohaia ke kakauolelo e haawi aku i hoomaikai i ka ekalesia o Kaukeano.

            Koho ana i na luna nui.--Na Mrs. Helen Kamaiopili ia Oscar P. Cox, a paniia ka puka, aponoia, me ka huki ana o ke kakauolelo i hookahi balota.

            Na Mrs. Kamaiopili i ka inoa Wm. Kamau i hope lunahoomalu, a aponoia me ka huki ana o ke kakauolelo i hookahi balota.

            Na Mrs. Martha Hailele i ka inoa o Jas. H. S. Kaleo i kakauolelo a aponoia, me ka huki ana o ke kakauolelo i hookahi balota.

            Na Mrs. Helen Kamaiopili, i ka inoa o W. K. Poai i puuku, a aponoia me ka huki ana oke kakauolelo i hookahi balota.

            Na W. K. Poai i ka inoa o S. K. Kamaiopili i hoakuka a aponoia me ka huki ana o ke kakauolelo i hookahi balota.

            Na W. K. Poai ia, Lovell K. Kupau i lunahooia a aponoia me ka huki ana o ke kakauolelo i hookahi balota.

            Na W. K. Poai e hoomauia no na kakauleta, Paalua D. Kellett ko na Hawaii; Rev. H. P Judd koa na Haole ame Rev. J. P. Erdman ko na Iapana, a aponoia me ka huki ana o ke kakauolelo i hokahi balota. no lakou.

            Hapai hou ia ka hoike a ke komite ame ka palapala waiho oihana a ke kahu Kula Sabati nui, a ma ke noi a W. K. Poai ua kapae loa ia ka palapala waiho oihana, a waihoia mai ka inoa o S. Kauka i Kahu Kula Sabati Nui no Oahu, a aponoia me ka huki ana o ke kakauolelo i hookahi balota.

            Komite hoeueu, Oscar P. Cox, lunahoomalu; S. K. Kahele ko na Koolau ame Sam Kauka ko na Kona, a aponoia.

            Kumuhana kahi âme ka manawa e noho ai o ka aha--Na J. K. Kauwalu e noho keia aha ma kahi e noho ai o ka aha makua, a aponoia.

            Ma ke noi a Lovell K. Kupau ua hoopanee loa ka aha me ka himeni 5. L. H., ame ka pule a Rev. J. P. Erdman, hora 4:30 p. m.

            JAS. H S KALEO,

            Kakauolelo, Aha Mokupuni o Oahu.

            Honoulu, Apr. 6 1922.

LILO KA AINA LAHOLIO O NA HIKU I KE KUAIIA

            He lono ka i loaa mai i ka Advertiser ma ka pule aku la i hala e hoakaka ana no ka lilo ana aku ia P. W. Eiehinger o kela 900 eka o ka hui kanu ululaau laholio o Nahiku i kudalaia ai e ka Makai Kalana o Maui, ma ka Poaono aku mamua no $16,200.

            Ua kanuia kekahi hapa o kela aina me na ululaau laholio a no ka ike ana o ka hui kanu laau laholio o Nahiku i ka holopono ole o ia hana ma ia wahi no ia kumu keia hooliloia ana mai la ma ke kudala. Ma kekahi manawa aku nei i hala ua hoolalaia e hoolilo i kela aina i aina mahi maia eia nae ua hoololi hou ia hui mahiai i kana papahana.

            He 13,202 ka huina o ka poe koho baloka i hoopaa ae i ko lakou mau inoa ma na buke a na kakauolelo kalana ma na mokupuni o Hawaii Maui, ame Kauai, no keia huina ae la he 8382 mau kane a he 4820 mau wahine, elike me na huahelu i houluuluia a e waiho mai nei ma loko o ke keena o ke kakauolelo o ke Teritore R. C. Brown, elike me ia i keia ma ke koho baloka hope loa i hala koke aku nei.

            O na Hawaii no ka oi aku, na kane ame ua wahine, mamua o na lanui e ae. Maiuna o na mokupuni apau ekolu he 3780 mau kane Hawaii a he 2775 mau wahine Hawaii, o keia na huina o ka poe koho baioka i hoopaa ae i na inoa me na kakauolelo. No na Kepani he 60s mau kane a he 60 mau wahine, eia nae ua oi aku na Kepani mamua o na Pake, ma na kane ame na wahine. No na Pake he 261 mau kane a he 58 mau wahine i hoopaa ae i ko lakou mau inoa ma ke ano he poe i kupono i ke koho baloka maluna o na mokupuni ekolu.

            No ka papahelu o ka poe i hoopaa ae i na inoa maluna o ka mokupuni o Oahu, aole i pau pono i ka hooponopono a hoouluuiuia. O keia malalo nei ka heluna o ka poe koho baloka i hoopaa ae i ko lakou mau inoa ma na mokupuni: Hawaii Hikina

            Na Hawaii 912 mau kane, a 671 mau wahine, huina 1583; na hapa Hawaii, 244 mau kane a 185 mau wahine, huina 429; na Amerika 293 mau kane, 209 mau wahine, huina 502; na Pukiki, 648 mau kane, 203 mau wahine, huina 851; na Pake 47 mau kane, ame 9 wahine, huina 56; na Kepani, 213 mau kane, a he 23 mau wahine, huina 236; Poko Riko he 35 mau kane, ame 4 wahine, huina 39; na Pelekane, 108 mau kane, he 46 mau wahine, huina 154; na lahui e ae he 95 mau kane a he 11 mau wahine, huina 106. Huina nui 2595 kane ahe 136 mau wahine, ua like ia me 3956 ka huina nui o ka poe koho baloka i hoopaa ae i ko lakou mau inoa.

Hawaii Komohana

            Na Hawaii 859 mau kane a 586 mau wahine, huina 1454; na hapa Hawaii, 177 mau kane a 145 mau wahine, huina 322; na Amerika, he 83 mau kane, he 62 mau wahine, huina 145; na Pukiki, he 83 mau kane a he 25 mau wahine, huina 113; na Pake he 50 mau kane a he 11 mau wahine, huina 61; na Kepani, he 92 mau kane a he 10 mau wahine, huina 102; ua Poko Riko, 6 mau kane aohe mau wahine, huina 6; na Pelekane he 34 mau kane a he 6 wahine, huina 40; na lahui e ae he 20 mau kane a he 8 mau wahine, huina he 28. Huina nui; 1409 mau kane a he 862 mau wahine, ua like ia me 2371 ka huina nui o ka poe koho baloka i hoopaa ae i ko lakou mau inoa.

Mokupuni o Maui

            Na Hawaii, na kane 1437, na wahine 1062, huina 2499; na hapa Hawaii, 196 mau kane, a 149 mau wahine, huina 345; na Amerika, 268 mau kane a 207 mau wahine, huina 475; na Pelekane, he 27 mau kane a he 5 mau wahine, huina 31; na Pukiki 530 mau kane a 238 mau wahine, huina 768; na Pake, 103 mau kane, na wahine he 25, huina 128; na Kepani, he 126 mau kane a he 8 mau wahine, huina 134; na lahui e ae he 80 mau kane a he 13 mau wahine, huina 93; Huina nui, 2767 mau kane, na wahine 1594, ua like ia me 4461 poe koho baloka i hoopaa i ko lakou mau inoa.

Mokupuni o Kauai

Na Hawaii, 572 mau kane, na wahine 437, huina 1009; na hapa Hawaii, 117 mau kane, na wahine he 73 huina 190; na Amerika, 194 mau kane, na wahine 181, huina 375; na Pukiki, 333 mau kane, na wahine 131, huina 464; na Pake 61 mau kane, he 13 mau wahine, huina 74; na Kepani, 167 mau kane, na wahine he 19, huina 186; na Pelekane, (Canadian) 5 mau kane, a 4 mau wahine, huina 9; na Pelekane, he 34 mau kane, a he 11mau wahine, huina 45; na Kelemania, he 55 mau kane a he 15 mau wahine, huina he 70; kekahi mau lahui Europa he 57 mau kane, a he 14 mau wahine, huina 71; na Poko Riko, he 11 mau kane a he 4 mau wahine, huina he 15; na Pilipino, he 5 mau kane a 1 wahine, huina 6; Huina nui: 1611 mau kane a 903 mau wahine, ua like ia me 2514 poe koho i hoopaa i na inoa.

            Huina nui o ka poe koho baloka i hoopaa i na inoa he 13,203 maluna o na Mokupuni o Hawaii, Maui ame Kauai, o ia hoi he 8382 mau kane a he 4820 mau wahine, koe ko ka mokupuni o Oahu nei.

 

HE HOALOHALOHA NO MRS. KAHALEKI HAO

 

            E Mr. Solomaon Hanohano, aloha oe ame kou mau kela o ka mokulele, ka mea nana e poai hele nei na kihi eha o ka honua nei, o ia hoi ka Nupepa Kuokoa: - E oluolu hoi oe ia‘u in a he rumi kaawale kekahi ea, alaila no‘u hoi ia rumi no kela mau hua e kau ae la maluna, a nana hoi ia e aha‘i aku me ka mama ma na kihi eha o ko kaua aina aloha nei.

            Ma ka po la Sabati a ao ae Ia 17 o Aperila, 1922, i pauaho mai ai ko makou makuahine i keia ola honua ana, oiai oia he hoahanau iloko o ka Ekalesia o Iesu Kristo o ka Poe Hoano o na La Hope nei.

            Ua nui no kona mau la ma keia ola ana, mai Sepatemba 17, 1922, ua piha iaia na makahiki he 88 me na mahina 8 a moe aku la i ka moe mau loa, ahiki i ka wa e kani mai ai ka pu a ka anela, o ia auanei ka manawa e hoalaia mai ai na ilina apau.

            Nolaila, o makou o na hoahanau o ka Ekalesia o Iesu Kristo o ka Poe Hoano o na La Hope Noi, ke komo pu aku nei makou me oe e J. H. Hao, ko makou papa i aloha nui ia, i hooneleia i ka wahine, ma ko makou mau komite la, ame ka olua mau keiki Antone Kaoo, Mrs. Puahai Pine, a ko nonoi ae nei makou i ka makou leo pule i ka Makua ma ka lani, e hoomama mai i ko oukou mau kaumaha, a Nana no e kiai ia oukou me Kona uhane aloha, o ia ka makou pule ma ka inoa o Iesu Kristo, amene.

 

            WILLIE KEAHI, H. N. KANIHONUI.

Waialua, Oahu, Nov. 22, 1922.

 

HOAHU ANA I WAIHONA DALA O $25,000.

 

            Ma ka halawai a ka Aha Mokupuni o Oahu o ka noho ana ma na la 5-6 o Aperila maloko o ka halepule o Kaukeano i aponoia ai ka hoike a ke komite i kohoia ai ma ka alawai a ka Aha Mokupuni o Oahu i noho ai ma Waialua ma ke kau o Okatoba, 1921, maluna o ke kumuhana "Hoahu ana i waihona o $25,000 no na kahunapule Hawaii," me ka lokahi.

            Ma ka manawa o ka waihoia ana ae o ka hoike imua o ia aha e ka Lunahoomalu o ke komite Rev. Akaiko Akana, ua ninauia na ae ame na hoole, a ua lokahi ka manao o na hoa apau ma ke apono ana i ke kumuhana. Ma ka noonooia ana o ke alahele e hiki ai e loaa ke dala no keia waihona ua hooholoia e malama na Kula. Sabati ame na E. C., i na hoike hapaha hui ma kela ame keia apana, a e holo aku na loaa apau mahope iho o ka laweia ana ae o na hoolilo, iloko o ka "Waihona Hoahu dala no na kahunapule Hawaii."

            Na Mr. L. K. Kupau i waiho ae i keia kumuhana imua o ka Aha Mokupuni o Oahu i noho ai ma Waialua ma ke kau o Okatoba i hala, a ua waihoia ka noonoo ana i kekahi komite o elima lala i noho lunahoomalu ia e Mr. Akaiko Akana, a waiho ae i hoike no ka ia komite mea i noonoo a i hooholo ai, a ma keia kau iho la o Aperila i waiho ae ai ke komite i ka hoike a aponoia me ka lokahi.

            O ka lua o na kumuhana i waihoia ae ai e Mr. Kupau o ia ka hoahu ana i kekahi waihona dala no ke kokua ana aku i na Hawaii e hoi aku ana i ka aina hoopulapula ma olokai, a ua waihoia mai ia kumuhana i ke komite hookahi i hoikeia ae la maluna, no lakou na inoa Rev. Akaiko Akana, lunahoomalu; Wm. Kamau, L. K. Kupau, Mololani Beniamina ame J. K. Nakina na hoa; no keia kumuhana hope aohe olelo hooholo a ke komite i makaukau.

            He mau kumuhana maikai wale no keia a elua, aka nae, ma ke kumuhana hope ua loaa ka mea nana e kokua i ka poe e hoi ana i Molokai o ia ke aupuni, e makaukau ana ka poe e hoi aku ana i Molokai me na mea apau i kupono no lakou e hana aku ai ma ka hoomaka ana, aka, no na kahunapule Hawaii e pono e loaa ia lakou kekahi mau ukuhana maikai i ola ai lakou me ko lakou mau ohana, a i ikaika ai ko lakou mau wawae ame ke kino no ka hana. Ua holo ke kumuhana, o ka hana aku ka mea i koe e loaa ai ke dala no ka hoahu ana ae ia waihona.

           

HE WAIMAKA I PIHA ME KA LUULUU.

 

            E Mr. Lunahooponopono o kuu Kilohana; Aloha: - Ke noi aku nei au i kou oluolu, in a he mea hiki ia i kou ahonui ma o ka hoonee ana aku i ka moolelo o ka makou mea aloha i haalele mai la i keia ola ana, i ike mai ai hoi kuu nui ame kuu lehulehu e noho mai la, mai ke kau ae i Makanoni, a ka la moe i ka ilikai o Lehua, o ka lei moopuna a makou i hanauia i Ianuari @a 21, 1922, ua hoomaha mai la oia ma keia ola ana i keia malama o Aperila, la 21, a ua like hoi ia me ekolu wale no mahina o kona hanu ana i na ea huihui o keia ola honua ana a hala aku la ma-o.

            Ua oili mai kuu moopuna mai ka puhaka mai o ka maua kaikamahine Mrs. Nancy Kamakalohi Paalau, ma ka manawa i hoikeia maluna ae, me ka maikai no o ke ola kino, aka he elua pule mamua aku o kona haalele ana mai ia makou, ua loaa iho la oia i ka ma‘i. Ua kii koke ia ke kauka, a ma ka nana ana a ke kauka, ua hoike mai la oia ia makou, ua hiki aku ka ikaika o ka fiva i ka 102 degere.

            Aole wale no o ka fiva ka ma‘i, o ke kunu pu no kekahi, ua hoao no ke kauka e hoemi i ka fiva, ahiki i ka pau ana o ka fiva ma ke kino, a ma ka nana hou ana a ke kauka, ua hoike mai la oia, aia wale no ka fiva iloko o ka opu, eia nae e pinapinai mau mai ana no ke kunu.

            Ua hoao hou no ke kauka e hoemi mai i ka ikaika o ke kunu ame ka fiva iloko o ka opu, a i ka hoomaka ana mai o ke kunu e emi alaila hoomaka pu mai la ka nawaliwali o ke kino, a pau no hoi ka manaolana o ke kauka, no ka loaa mai o ka maha.

            Aka, ahiki mai nae i kona mau minuke hope loa, i haalele mai ai oia i ka ai ana i ka waiu, pili iho la kona mau maka, a hoi aku la ka uhane me ka Mea Nana i hana, a hoi keia kino palaho i ka lepo, a hoi ka luuluu ame ke kaumaha ia maua na kupuna.

            Ua hoomoeia aku kona kino kupapau ma ka ilina Kalolika o Kalihiwaena, me na leo pule mai ka makua uhane mai o ia ekalesia.

            Ke haawi aku nei au, a o maua pu i huiia na kupuna ponoi hoi o ka maua moopuna aloha i haalele mai la ia maua, i na hoomaikai nui oi ae nou e Mr. Kuhau Kepooku, mamuli o kou puuwai hamama, ua haawi mai la oe i na kokua aloha ana ia maua ma ka lawe ana a i na hoolilo apau,e pili ana i ke kino o ka o ka maua mea aloha.

            Aole wale malaila iho la pau na kokua ana mai ia oe mai, ua komo pu hou mai no oe me a‘u ma ka eli pu ana i ka lua, ahiki i ka nalo ana, a mawaho ae hoi o keia ninau, i pili i ke kino o ka maua mea aloha he moopuna, ua apo hou ae la no kou aloha no makou, ma ka puulupu ana aku me kou pohai ohana.

            Ua like loa make ma kou aloha ame kou lokomaikai me he mau keiki ponoi la, mai kou puhaka mai, a ma ka‘u hoomaopopo ana iho, ua hookahuaia kou kulana Kristiano maluna iho o keia mau mahele ekolu: "Ka manaoio ka manaolana ame ke "Aloha."

            Ke haawi pu ia aku nei no hoi na hoomaikai he nui, i na makamaka ame na hoaloha apau, i ku kiai pu mai me makou iloko o ko makou mau hora o ka luuluu, ame ke kaumaha. E oluolu e lawe aku i ka makou mau hoomaikai nui ana no oukou, a na ko kakou makua ma ka lani ma Kona mana la, e ninini mai i na pomaikai he nui maluna pakahi iho o oukou.

J. W. K. KAKELAMALUIKALEO, me ka Ohana.

 

I KIAHOOMANAO NO KUHIO KALANIANAOLE

            Ma ka halawai a ka Ahahui a na Hawaii o ka noho ana ma ka paina awakea o ka POalima o ka pule aku ia i hala ma kekahi wahi kokoke i ke kikowaena o ke kulanakauhale o Honolulu ma ke ano i hale halawai no na ahahui Hawaii apau, a ua hoholoia ma ia halawai ke noi ana aku i na ahahui Hawaii e ae a pau e hui pu ae me ia ahahui ma o ke alu a hui pu ana no ke kukulu aua ae ia hale, ma ke ano hoi e kuleana like ai na ahahui apau ia hale, a e lilo hoi ia hale i kiahomanao no ke Keikialii Kaianianaole ka mea nana i hookumu a i kukulu i ka ahahui Hawaiian Civic Club.

            Ekolu mau lala o ke komite i kohoia ma ia la no hui pu a waii e ae oia o John Wise, Claue Roberts ame ka Lunakanawai Deaha. O ke kahua i makemakeia no ia hale e kukuluia aku ana o ia ke kahua Alen i manaoia ai mamua aku nei, i kahua no ka hale aupuni kulanakauhale, elike me ia a Eben Low ka peresidena o ke Civic club o ka hoike ana ae ma ia la, a ua noi pu ia aku ke kemite e hui aku ma na kahuwaiwai o ka waiwai o Allen, no ka ninau ana aku i ke kumukuai. O ke kahua i makemakeia e kuai o ia kekahi hapa o 80 kapuai ma ke alanui Rikeke a e holo ana 120 a 150 kapuai ka hohonu ihope.

            O ke hale i hooialaia a e kukuluia aku ana, ke holopono, malaila na ahahui Hawaii apau e malama ai i ka lakou mau halawai; e hookauwaleia ana he rumiina a he rumi hulahula a mau hana e ae a na ahahui o manao ana e malamaia maloko o ia hale.

            Mahope iho o ke kamailioia ana no kekahi manawa o ke kumuhana e pili ana no ke kukulu ana i ka hale hou no ke kalapu ua waihoia ae e Claus Roberts, ka lunahoomalu o ka hoikeike a ke Civic Club i malama ai maloko o ka halekeaka Liberty he olelo hooholo e pili ana i ka paka ma Waikiki, he olelo hooholo  i paio hui ia no kekahi manawa a i mahae ai hoi na hoa, o ke Senotoa Wise ame Claus Roberts ma ka aoao e kakoo ana i ka olelo hooholo, a ka peresidena o ke kalapu Eben Low ame ke Senatoa C. E. King ma kekahi aoao.

            Ma ia halawai i waiho ae ai o Claus Roberts, ka lunahomalu o ka hoikeike a ke kalapu o ka haawi ana ma ke Liverty Theater ma ke kahi mau pule i hala koke aku la, i kana hoike o ka huina o na dala kuike i loaa ma kona lima ao ia

 

______________________________________________

 

Mau Apana Aina Kuai

 

CHOICE LOTS NEAR END OF KAIMUKI CAR LINE:

 

$375 - Lots 50x100, Noeau ave., nr. 15th ;

$20 down, $10 per month.

$758 - Lot 75x150, 16th ave., just above Leahi ave ;

$50 down, $20 per month

$550 - Lots 50x150 on 13th and on 16th aves., respectively ;

$25 down, $10 per month

 

KALIHI

$675 - Lot 45x138, 6245 sq. ft., Myers St. ;

$25 down, $10 per month.

$525  - Lot 45x117, 5277 sq. ft. ;

$20 down ; $10 per month

$500 - Lot 50x100, Kalihi ; 

$20 down $10 per month

 

PAULO KALAUKA

(P. E. R. STRAUCH)

Alanui Moi, Helu 74, Manaena o na Alanui Papu ame Betela.

 

______________________________________________

 

Ka Pila

GRAFONOLA COLUMBIA

            Maopopo ka Wa e Pau Ai

            Na ka mea hoopaa nona iho a makaala ia ea nou. Ua hiki ia oe ke hulahula ahiki i ka huaolelo ʻope loa.

Uku Liilii ke Makemakeia

Thayer Piano Co.,

LIMITED

148-150 Alanui Hokele

 

_______________________________________________

 

HALE UWI WAIU

-o-

MAPULEHU

 

PUKOO, MOLOKAI

 

E Hooholo Ana i ka

MOKUKUNA GESOLINA

 

LELEIONA

 

Mawaena o na Awa o Honolulu me Molokai

 

Geo. P. Cooke,

ona.

 

Poe Lawe Hau me Waiu

______________________________________________

 

hoikeike he $3357.80, a wahi ana he hoike piha pono ole ia, no ka mea, wahi ana aia mawaena o ka $400 ame ka $500 i komo ole ae i kona H@, a o ka hui o na hila i uku ole ia he 325.50, a ma kona manao e hiki aku ana i ka $3000 ka huina nui o na loaa ke pau loa ae na dala o na tikiki i kuaiia i ka loaa iaia.

           

HOOPIIIA AE NO KA LAWE OLA.

            I kulike me ka lono o ka loaa ana ae mai Hilo  mai, ma kela Poakahi aku la o ka pule i hala, ka noho ana o ka aha kiure kiekie e Hawaii Kemohana no ka noonoo a hooholo ana i kana olelo hooholo maluna o kekahi o na hihia e waihoia ae ana imua o ia kino, o kekahi o na hihia a ia aha o noonoo ana na lilo anei ka lemuhao i kuaiia aku i ke kanaka i make aia no ka waiawa iloko o ka lemuhao i hewa laweola no ka mea i hoopiiia malalo o na kanawai o ke Teritore a aole paha.

            He Korea ka mea i hoopiiia ae no ka hewa laewola. O J. E. Kaeo o Hookana ke kanaka i make mauli o kona inu ana i ka lemuhae pela ka manaoi. Elua mau kanaka Hawaii e ae i inu pu i ka lemuhao aohe nae hoi laua i poino, o Kaeo nae ka mea i make mahope koke iho o kona inu ana i ka lemuhao, a no ia make ana o Kaeo i hoopiiiia ae ai ke Korea no ka laweola e na luna aupuni o Kona.         

            E hoakaka ana ka lono mai Hilo mai o ka Loio Kalana William H. Veers ae ka akai Nui Sam Pua Beers ame ka Makai Nui Sma Pua manawa e noho ai ka halawai a ka aha kiure  kiakie tarit@

______________________________________________

 

Kopa Moi Keokeo No Ka Mikini Holoi

 

He Kopa maikai loa i hiki ke hoohanala no na ano hana apau i pili i ka home. Hiki @ holoi i na lole nahanahe loa me ka pilikia ole. O kena ei loa aku o ka maikai no na mikini holoi - No ka holoi i na pa ame holoi hala.

 

KUAI I PUOLO MAI KOU HALEKUAI MEAAI MAI

 

T. H. Davies & Co., Ltd.

 

Na Akena Wale no no ka paeaina Hawaii

 

_____________________________________________

 

E ka Poe Hokuonoono

Ke Makemake Oukou i na Lako----

            NO KA HOME A NO KA AINA MAHIAI PAHA E KIPA

            AE MA KE KEENA O NA LAKO PILI HAO O KA

AMERICAN FACTORS, LIMITED

No na mea elike me keia:

Kapuahi.                                  Meahana Mahiai.                     Uwea Pa Moa me Pa. 

Lako Mahiai.                           Meahana Kamana.                  Pena me na Palaki.

Lako Halekuai me Pa.             Pili Ho a Ano e Ae.                Aila me Vaniki.

 

_____________________________________________

 

 

O ke Kanaka Kuai i na Lako Hana Maikai ua Lanakila e no Oia i ka Hapa ka Hakaka

 

Aole hiki ia oe ke lawelawe i na hana maikai me na meahana inoino. O ke Kanaka e hoao ana e hana me na meahana ioino, e hoea mai ana i kena wa e kiola ai, a kuai i na mea kupono, in a he noonoo oia.Aka nae ua phoh wale ka manawa ame ice dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

 

LAKO MAHIAI AME NA LAKO KUKULU HALE

 

He makemake Paha Kou 1

KO'I, KIPIKUA, KOPALA, HO, HAMARE, PAHIOLO, KO'I LIILII, NA

LAKO KAMANA PIHA PONO, HOANA HOOKALA, PAKEKE

 

Papa o Kela ame Kela Ano, na Lako Hao, Pena, Aniani

 

Kakau mai a i ole kipa mai no na hoakaka. E hookola no na kauoha apau ma ka leka me ke akahule ame ka hikiwawe loa.

 

LEWERS & COOKE, LIMITED

HONOLULU

 

_____________________________________________

 

 

Na Iʻo Pipi Momona Waeia Mai na Aina Hanai Pipi Like Ole Mai o Hawaii Nei

 

            O eia iʻo pipi momona, ka papa maikai hookahi ma ka makeke, a ke kuai hoolilo nei makou, ma ke kumukuai haahaa, me ka hoopono maoli.

            Eia keia mau kumukuai mahalo loa iho o ke na makeke e ae, a hui pu iho me na kulana maemae e hoehanaia nei e makou ma ka lawelawe ame ka houho ana i na iʻo pipi, he mea pono e lilo ko makou makeke i makeke nou.

 

Pipi Ku Mokupuni…………………………………….15c    o ka lb.

Kulana Aoao e ka Pipi………………………………...15c   o ka lb.

Kuʻekuʻe Piwi………………………………………….12 1/2c        o ka lb.

Pipi Palai Iwi Hoehoe………………………………….15c o ka lb.

Pipi Palai Uha…………………………………………..15c  o ka lb.

Kulana Aoao Koala…………………………………….15 1/2c        o ka lb.

Iʻo Hipa Ku……………………………………………..10c            o ka lb.

Iʻo Umauma o ka Hipa…………………………………10c             o ka lb.

Iʻo Hoehoe Palupalu……………………………………17 1/2c       o ka lb.

 

WAIUBAKA MAILE…………………………………..50c o ka lb.

 

METROPOLITAN MEAT MARKET

 

E ninau no LUI; he oluolu na kukaʻi ana ma ka kaua olele makuahine,

Hele mai, mai hilahila!