Ka Nupepa Kuokoa, Volume LXI, Number 18, 4 May 1922 — E Hoomahuahuaia ae Ana ke Kumuwaiwai [ARTICLE]

E Hoomahuahuaia ae Ana ke Kumuwaiwai

Ma ka halawai a ka papa alakai o ka Hui'Kaa Uuwila o Honolulu o ka noho ana ma ke kakahiaka o ka Poakahi nei i hooholo ai ia papa e hoomahuahua ae i ke kumuwaiwai o ka hui i $1,000,000, a o ka hapa o ia huina o ia hoi, $500,000, na ka lehulehu e lawe ma na mahele. He halawai na ka poe paa kuleana o ia hui ka i kaheaia ae e ka papa alakai no ka noho ana ma ka la 19 o Mei no ka houmana ana i keia hana. O ke kumuwaiwai hou i makemakeia e hoomahuahua ae e hoohanaia aku ana ia no na hana hou a ka hui, no ka hoomoe ana i mau alanui palua no ke alanui Moi mai ke alanui mai o Kalihi ahiki i ka apana aina Makale ma Pawaa, a no na hana e ae a ka hui e lawelawe ai, e laa ka hoomoe ana i mau alanui kaa hou ma kekahi mau wahi no ka pono o ka lehulehu. O na kaa uwila ma nei mua aku hookahi wale no-alahele e holo ai, aole hoi palua ana, elike me ia i nei nianawa, maluna o ke alanui Papu. O na kaa uwila e holo ana mai Manoa mai o ka palena o na kaa uwila ma ke alanui Nuuanu mauka loa ka pahuhopu a hoi hou mai, e holo ana na kaa o Manoa mai ke alānui Punahou mai ma ke alanui Waila ahiki i ke alanui Keeaumoku. He laina hou ke hoomoeia ana ma ke alanui Keeaumoku ahiki i ke alanui Beritania, a ma ke alanui Victoria mai ke alanui Beritania mai a i ke alanui Moi. O na kaa mai Manoa inai e hoomau ana'ka holo ana ma ke alanui Moi ahiki i ke alahui Nuuanu alaila holo iyka ahiki i ka pau ana o ia laina ma ke Awawa o Nuuanu. No na kaa 'mai Punahou mai, e liolo mai ana a loaa ke alanui Alakea holo i kai ahiki i ke alanui Moi, alaila holo malailā, ahiki i ke alanui Liliha holo iuka. No na kaa mai Kaimuki mai e holo mai ana ma ke alanui Beritania ahiki i ka palena a hoi hou aku ma ke alanui Moi. Ona kaa ma ke alanui Emma e hoomau loa ana ka holo i kai ma ke alanui Alakea ahiki i ke alanui Alena a malaila a i ka hale hana hao % Honolulu, a i ka hoi ana mai e holo ana ahiki i ke alanui Papu holo iuka ahiki i ke alanui Beritania, a malaila aku a i ke alanui Emma holo iuka ahiki i ka palena oka laina. O ke alanui Moi aku ana ke kikowaena o kahi holo mau ia e na kaa uwila a o ke alanui nui hoi o na kaa a e pa* luaia aku' ana kona laina alahao.