Ka Nupepa Kuokoa, Volume LXI, Number 18, 4 May 1922 — HE HOALOHALOHA NO KE KULA SABATI ME EKALESIA O MAKUA. [ARTICLE]

HE HOALOHALOHA NO KE KULA SABATI ME EKALESIA O MAKUA.

Mr Sol. Hanohano; Aloha kaua:— E oluolu hoi oe, e hookomo iho i keia hoalohaloha no na makuahine 0 ka ekaleaia o Makua, ma kahi kaawale o ka kaua hiwahiwa, no Mrs. Kuhi Palau ame Mrs. Kela Kaukini. O makou o na hoahanau ame na lala o ke Kula Sabati o ka Ekaleaia o Makua, oiai ua oluolu i ka Lani, i ka lawo ana aku.i ka hanu ola o ko makou mau makuahine aloha a mau hoapaahana pu iloko o na hana'O ko lesu a he mau makuahine hoomanawanui ,i na hana apau o ko laua ckalesia ame ke Kula Sabati. Ua haalele mai o Mrs. Kuhi Palau, i keia ola ana, i ka la 30 o Maraki 1922, ma Waianae, ma ka home o Mr. Harry G. Poi; he makuahine hoopono ma na ano apau iloko o na hana o kona ekaleaia ame kona Kula Sabati; a he puuku oia no ke Kula Sabati o Makua, iloko o na makahiki he 11, o kona paa ana i keia kulana, aka mamuli' o ka nawaliwali ma ke kino, ua waiho mai oia i kela hana;; me ka minamina nui i ka makuahine i haalele mai. Ma ka la 26 o Mar. 1922, i pauaho n>ai ai o Mrs. Kela Kaukini i keia ola ana. Hanauia oia i Dec. 27, 1832. Nolaila ua piha iaia na makahiki he 90 a oi; a he kupa oia no keia aina; a he makuahine hooikaika i ka inū ana i na mea e holomua ai 0 Kona ekalesia, a he puuku oia no ko makou ekaleaia, a ua paa oia ia kulana iloko o na makahiki loihi, a na ka palupalu, ua waiho mai oia ia kulana me ka maikai, Aka aole i poina na hana o kona ekalesia aloha ana i hoomanawanui ai, a pela pu me na hana o ke Knla Sabati, aole loa oia i poina ahiki 1 kona haalele ana mai. He makuahine oluolu, a he makuahine hoopono e hookipa ana i ka poe kiekio amie ka poe haahaa. Nolaila me ka minamina nui ame ke aloha no ko makou mau makuahine i liaalele mai i keia ola ana, ke komo pu aku nei makou mo ke kaikamahine i hooneleia i ka makuahine ame ke kane i honele ia i ka wahine, a na ke Akua no e hoomama mai i na kaumaha ame na luuluu. Ma 0 ko makou mau komite la. Komite 0 ke Kula S>bati — PETER ANDREWS, O-EO. W. KAIMIOLA, Komito o ka Ekalesla— JOS. KIA, JAMES HELENIHI.