Ka Nupepa Kuokoa, Volume LXI, Number 18, 4 May 1922 — HOIKE KULA SABATI HUI. [ARTICLE]

HOIKE KULA SABATI HUI.

Ma ka noho ana o ka Halawai a ke Komite a ka Aha Mokupuni, a na Aha ekolu i Aperila 24, ma ke keena o ka Papa Hawaii, e noonoo i na mahele hana e loaa ai ke dala no ka pilikia i loaa i ka ekalcsia o Makua, no ka luakini hou a eia kekahi mahele hana a ke komite i hooholo ai, elike me ia i hoikeia malalo iho: E malamaia i hoiko hui «o na Kula Sabati o ka Mokupuni o Ohau nolaila, ma ko'u kulaiia he lala no ke Komite, a he Kahu Kula Sabati Nui hoi, no ka Mokupuni o Oahu, ua kono aloha ia mai au e hoi'ke aku, a e kono aloha aku i na Kula Sabati apau ame ria haipule apau 0 ke Akua, e komo pu mai ma keia hoike Kula Sabati nui, elike me ia 1 hooholoia. * E malamaia ana kela hoike hui ma ke Sabati Ekolu o Mei 21, ma ka Hall o Kalihi-Moanalua, e hoomakaia na hana i ka hora 9. a. m. O na'loaa apau o kela hoike Kula Sabati hui, e hoio aku no ia no ka luakini hou o Makua, me ka manaolana, a ku i ke aloha e laulima pu mai ana kakou ma keia hana, me ka Uhane hookahi, a na ke Akua, e hoopomaikai mai i kona poe kanaka apau, e hana i Kona makemake. Owau iho no me ka haahaa, ka oukop kauwa, SAMUEL KAUKA, K. K. S. N. o Oahu