Ka Nupepa Kuokoa, Volume LXI, Number 26, 29 June 1922 — KUU KANE ALOHA UA HALA [ARTICLE]

KUU KANE ALOHA UA HALA

Kuu Solomon Hanohano, aloha nni kaua:—E oluolu mai kou ahonui e hookomo iho i ka'u wahi puolo waimaka nui o ke aloha e kau ae la maluna, ma kahi kaawale o ke Kuokoa, i lawe hele aku ai hoi ma na paemoku aloha o Hawaii nei, i ike mai hoi na ohana kaikuahino, e noho mai la mawaho ae nei o Kapahulu, na keiki, kona papa, na hoaloha ame &'u pu no hoi kana wahine aloha nui ia, ana i haalele iho ai me ka ike ole i kona hora hope, oiai au ma Kona, Hawaii. Ua haalele mai oia i keia ola ana i ke awakea Poakahi, i ka la 20 o maraki i ka \hora 12. Ua kaama'i oia no na pule wale | no he elua a haalele mai la i keia ola ana, a ua haalele pu mai oia 'u kana wa»hine aloha, e kumaiena ; aku nona mahope nei. Ho mea nui loa au kana wahine iaia, ka 'o mau keiki, na moopuna ame ka ohana apau. [ He makuakane oluolu, puuwai hamama ma na ano apau, aohe mea paa i kona lima, e kaana like ana i ka ! mea nui me ka mea iki, a he luaole | no hoi kona piha hauoli. [ Auwe no hoi kuu aloha nui wale i kana mau hana maikai luaole, e loaa hou ole aku ai'ma keia noho ana aku ,oiai, ua hala aka la oi* me kana mau hana maikai apau no e hoomanao mau nei nona ame ke pu no hoi ,no kana mau hana hoalohaloha, i ke ano o ko maua noho maikai ana oiai oia e ola ana. Ua lioohuiia maua ma ka berita maemae o ka mare ma Pahoehoe, Kona, Hawaii, i ka la 12 o Augate, 1918 Aloha wale na wahi apau a maua i pili ai ke hoomanao ae, i ka noho mahiai i na uka hu'ihu'i o Honokaa a he mau mahina wale no ko maua noho ana i l£ona, hoi mai la maua i Honolulu nei e noho ai, me ka'u mau keiki'ame na moopuna, ame ka hauoli he nui iwaena o ko makou noho ana a hala wale aku la no oia ma kela aoao o ka muliwai eleele. Ua hanaia eia maluna o na moku ahi holo pili aina apau ,a maluna no hoi o mokuahi Kukui, a i ka j manawa i haalelo ai na limaliana o ka mahiko, no ka liilii o ka uku, ua hoonohoia oia i luna no na limahana wahine ma Waipahu. Ua piliia e maua ia aina kamaaina ole, o ia hoi o Waiipahu, mamuli o kekahi pilikia i kau aku maluna, o ka maua kaikamahine i hooku'i i ke kaaahi o Waipahu, oiai ke kaaahi e huli hoi mai ana me na limahana i ke aliiahi no Honolulu. . Aloha no ia aina maliMni a maua i pili ai, me ka maua kaikamahine, moopuna, ia aina makamaka ole, a he mau la helu wale no i pili pu ia ai i ke kehau anu hu'ihu'i o ia aina hoaloha ole. He makua lokomaikai piha, aohl ana mea poipoi. Ua heleia na alanui liilii an»e na alanui -kea apau o Honolulu nei eia a he nui no hoi kona mau hoaloha, mamuli mai no ia o kela ano ohaoha ona. Aole ona ku-e mai i ko'u mau manao ,ina au e olelo aku e hoi kaua i Kalihi e noho ai, me kela mau keiki a kaua, ko ia la ae mai la no ia. Aloha wale ke noonoo ae n% kuu kane helo loa, i ka hauoli pu mai me na keiki. Walohia wale ke hoomanao ae nona ,oiai au e hoomakaukau ana e holo i Kona, i ka pule mua o Maraki ,a oiai no hoi oia e hana ana iluna o ka moku holo pili aina no Kauai, me ke ola kino onawaliwali ,a iaia i hoi mai ai i ke ahiahi Poa'kahi, haawi ma la no hoi oia i ke kenikeni, a mai Ia no hoi, pehea la e lawa ana paha olua i keia kenikeni aole paha? Ia hoi ana mai ana me ka onawaliwali i aku la au iaia, e noho no paha an, a pane mai la no hoi kela, heaha hoi kou mea e noho ai? Olelo aku la no hoi au no ko'u kaumaha i ka haalele iho iaia mahope nei me na keiki, me ko 'u ike aku no i ka ona- ! waliwali o kona ola paakiki no J kela ia'u o holo no i Kona. I ke kakahiaka Poalua, kau iho la no hoi*au me ka'u moopuna maluna o Maunaloa me ko'u manao no ',aole oia e hiki ae i ka uwapo mamuli o kona paa i ka hana, aka ua hoea ae no oia i ka uwapo, me kona olelo pu mai e holo ao ana oia ma kekahi moku ae, eia ka o ko maua hui hope ana ka ia; walaau aku walaau mai no 'ka manawa hopo loa. Aloha no! I hoi no ka pilikia o ka'u kaikamahine, a ho pule wale no i Kona, loaa ae ana ka leka mo ka nuhou kaumaha, o hoike ae ana o Papa Beni Lualoa, ua haalele mai i keia ola honua ana, oiai ua kii mai la no ka anela i kana mea' makamae a lawe aku la ma kahi mau o na mea apau. Auwe no hoi kuu kane aloha e, i kou manawa hope aole iho la au malaila. Ua kaa i na keiki ka hooponopono ana iaia, a malalo. ae nei oia 0 Silva kahi i malanftia ai, a i ka auwina la Poalua i laweia aku ai kona kino wailua no ka pa ilina Maluhia. Ua nalo, ua maha kona kino no ka manawa mau loa. Ke haawi nei au 1 ko'u mahalo >jaui i ka poe apau i akoakoa ae, e ilee i kuu kane ame ka lakou mau makana pua a maluna o ka'u mau keiki ka'u mau koomaikai he nui, a nou e Solomon ka'u man mahalo nui. Owau no me ka luuluu, MRB. BEN K.