Ka Nupepa Kuokoa, Volume LXI, Number 32, 10 August 1922 — Haalele o Mary H. Atcherley i ka Aoao Kalaiaina Demokarata Pili Oia me ka Aoao Repubalika Mamuli o Kona Manaoio o ka Aoao Wale No Ia e Namala Mai Ai ke Kaulike Ma Na Ano Apau [ARTICLE]

Haalele o Mary H. Atcherley i ka Aoao Kalaiaina Demokarata

Pili Oia me ka Aoao Repubalika Mamuli o Kona Manaoio o ka Aoao Wale No Ia e Namala Mai Ai ke Kaulike Ma Na Ano Apau

O Mrs. Mary Haaheo Actherley i ikeia ai na manawa aku nei i hala oia kekahi o na pou ha-na a o kekahi hoi o na paahana ikaika loa iloko o ka aoao kalaiaina Demokarata ua haalele aku oia i ke aloha ipua ana, lie aloha hou kana i keia la, ua hooholo oia i kona manao me ka naauao a ua hoololi ae iaia i Bcpubalika oiaio i nei manawa, he puupuu ikaika loa keia i kuiia aku i na Demokaruta. Ma ke kau koho baloka kuikawa no ke kulana elele lahui i ka ahaolelo ma Wakinekona o Mrs. Atclierley ka mua loa mawaena o na wahine Hawaii i alualu no ke kulana elele ma ka aoao Demokarata no kona w.aeia, ma ka mahina o Maraki aku noi i hala, ma ka Poalima aku la i hala kona kelepona ana ae ia Charles M. Hite, kekahi o na alakai pukonakona o ka aoao Demokarata, e hoike ae ana iaia ua pau, ua hemo kana pili ana me ka aoao Demokarata, no kekahi kumu maikai a kupono ana i manao ai, a ua lilo ae oia ma ka noao Eepubalika, ka aoao a ka Peresidena Aberaliama Linekona i l\ookahua paa ai no ka laliui Amerika. "Auwe, heaha iho la hoi kela loli hikiwawe ana ae la ouf" wahi ka a Mr. Hite o ka ninau,' s ana aku. "O, aohe; he Repubalika au i nei manawa," walii a Mrs. Atcherley o ka pane ana ae. No keia lono e pili ana i kona liuli ana ae i ka aoao liepubalika ua ninauia aku o Mrs. Atcherley e ka AdvertiBer, i na he mea oiaio ia, a ua hooiaio mai oia ma kana

pane me ka hooia mai akahi no ka oia a ike i ka malamalama. "Ua heluhelu au i ka moolelo o Aberahama Linekona, a nolaila ua manao au o ka aoao kalaiaina ana o ko kukulu ana, he aoao kalaiaina e ku mau loa aku ana a i ka hopena 0 ke ao, o ia ka aoao maikai loa no'u eku mau aku ai. No ia kumu 1 koho ai au o ka aoao Repubalika ka aoao maikai a'u e ku ai. He kumu maikai loa keia, aole anei ou manao iho pela?" >vahi o ka Mrs. Atcherley pane. "Heaha ana ka hopena o ka aoao Demokarata ma o kou haalele ana aku laf Aole ana anei e lilo ana kou haalele ana aku la i mea e nahaha liilii ai ia aoao?" "Heaha auanei; no lakou aku paha ia hoolewaia, aole no'u. He JRepubalika au i nei manawa, a i nei manawa ua makaukau au no ka hakaka ana aku no ka pono o ka aoao kalaiain kaliiko. O keia ko'u kulana i nei manawa a e pono e hoomaopopoia.'' Ua ninau pu ia aku oia ina he manao kekahi ona e holo no kekahi oihana ma keia kau koho baloka ae, a ma kana pane, aohe i maopopp iaia kana mea e kamailio mai ai i keia manawa; "ina no ko'u hooholo i ko'u manao no ka holo no keia oihana a kulana paha iloko o ke senate a i ka hale paha, o na lunamakaainana, e hoike aku ana no au ia mea i ka poe he mana koho ko lakou, aole i nei manawa. Aole au e hana ana i kekahi mea e hoohikilole a e hoopuiwaia aku ai ka noonoo o kekahi o ka poe koho baloka. Aole au he wahine e hana aku ana ma ia ane."