Ka Nupepa Kuokoa, Volume LXI, Number 40, 5 October 1922 — KA'U LEKA HAMAMA I NA MAKAAINANA KOHO O KALAUPAPA AME KALAWAO. [ARTICLE]

KA'U LEKA HAMAMA I NA MAKAAINANA KOHO O KALAUPAPA AME KALAWAO.

Kuu Bolomon Hanohano; Kapena o ka Nupe pa Kuokoa; Aloha nui oe:—Oluolu hou mai i kekahi wdhi rumi o ke Kilohana a kaua, no ka'u leta hamama maluna ae. , Me ka minamina nui au e hoike aku nei, ia oe e. Kalaupapa ame Kalawao, no kuu hiki ole ana aku imua o oukou, ma ka huakai aku nei a ko'u mauJioa moho o ka la 21 i hala iho la, no ke kumu ua pilikia ia au .i na mea pili i ka'u ohana, nolaila e oluolu no hoi oukou e kala mai ia'u, a eia iho nae ma na koramu o ka Nupepa Kuokoa na mea a'u i hoomakaukau ai « pili ana no oukou. Ma na mea i hoike ia mai ia'u, na oukou ponoi no e uku i na hoolilo o ka hele ana mai a me ka hoi ana aku, me ka hooipkō ana i na mea e pono ai na keiki a oukou, i ka noho ana malaila. oiaio anei keia? A ina he oiaio, alaila

ke hoopaa nei i&'u iho, ke. lanakila au, e hele aku ma ka ahaolelo a hookomo . aku i bila, no ka hookaawale ana ae o ka ahaolelo i haawina kupono no ka uku ana aku i keia mau hoolilo, mailoko ae o na kala a ka lehulehu. Ua hoike pu ia mai ia'u ua oleltv ae kekahi o oukou i keia mau olelo "Ua poho loa ka ke aupuni i ka malama ana i keia mau keiki a na ma'i ma Kalihi," ma ko'u manao no keia mau olelo, h« mau olelo keia i oili ae mailoko mai o ka noonoo haiki. 0 ke aha la ka ke poho ole 0 ,ke aupuni. O ka hoolei ka paha 1 keia mau keiki, aohe ia noonoo pono ole, i ka olelo a kona waha e olelo ai. Eia hou keia: Ma ka ike ana ? na ma'i e hookuu ia mai nei, ua nele maoli lakou i ua home, e noho kuokoa ai, no ka mea, ua pau no na wahi pono i ke kuai ia, oiai lakou e laweia ana no ka Panalaau. Ma ia ano iho la i noho hoopilimeaai wale aku ai, a i noho aku ai kekahi o lakou ma na' rumi hoolimalima i kupono ole i ke ola kino maikai, aole o lakou wale, he lehulehu o ka lahui ma ia mau rumi kupono ole. Ma ia ano iho la i oili mai ai ke alii' puuwai aloha. a kakou i moe e kakoo ana i ke"Kanawai i hookomo īa e John H. Wise ma Hale o na Senate o ke Teritore o Hawaii, a i laweia e ke Alii a me John H. Wise, ame kekahi mau komite e ae, a ka ahaolelo kuloko i koho ai i ka ahaoVelo lahui, a e ikeia nei' ma Kalamaula, Molokai, i keia mau la ka aina Hoopulapula o na Hawaii.

Nolaila e kuu Kalaupapa, e Kalawao hoi, ua ula ae iloko o ko'u noonoo, (ke lanakila nae au). Ka manao ana, he mea pono ia 'u, e hookomo aku i bila kanawai i ko kakou ahaolelo kuloko, no ka mahelehele ana i n& aina o Kalaupapa, Kalawao ame Waikolu i mau aina Hoopulapula no na ma'i. O ka manao o keia o na aina e waiho wale ana, no oukou no kela mau aina a malaila no' oukou e noho ai a moe. He mea pono nae e komo aku keia ninau Hoopulapula ma ua mau aina la i ike oukou i ike makou* i ka pomaikai nui oia mea he hoopulapula, Eia hou. Ma keia mau la e njße nei, ua lilo ka holo makaikai ana a na malihini a me na kamaaina pu i na mokupuni i ninau ano nui no ka manawa, no ke kumu ua hoopihaia aku ka puuwai o 'na malihini ame na kemaaina i ka hauoli no ka nani o na mokupuni a ina pela aolp anei e hooi loa ia a« ka hauoli i ka puuwai o na ma'i ke iko aku lakou i ko lakou mau mokupuni pakahi, a nana aku hoi na maka i ko lakou mau wahi i hanau al? nei ia'.u, e hana me ka ikaika apau, e loaa ona haawina mailoko mai o na dala a ka lehulehu no ka uku ana i na lilo no ka hoomakaikai ana i na ma'i ma .na mokupuni pakahi o kakou. Me J»eia mau mea ae la ke manao nei au ua lawa loa oukou i ke ola hou. 0 na mea e ku nei-o keia wa, ua

lawa oukou, elike no me ka oukou hoike ana mai ia 'u, a ina e loaa keia mau ola hou, a ke hui ia, alaila, oa lani iluna, ua honua ilalo, o ka pau no ia o ka luhi ana. Me ka maJjalo i ke Kapena opio o ke Kilohana. Ka anoi pau ole me na keiki o ka papapa'i. C. K. MAKEKAU, Moho Lqpamakaainana Lahaina, Maui, Sept. 22, 1922.