Ka Nupepa Kuokoa, Volume LXII, Number 10, 8 March 1923 — I ANA MAOPOPO NO NA UKU HOOMAU [ARTICLE]

I ANA MAOPOPO NO NA UKU HOOMAU

Iloko o keia mau la e nolio mai nei ka ahaolelo kuloko o kakou, he k'eu aku ka nui o na hila i hookomoia aku, no ke noi ana i mau uku hoomau, no kekahi mau limahana o ke aupuni; aole no nae keia he hana malihini. no ka mea ua weheia ae ka ipuka a hamama. ma o ka loaa ana o na uku hoomau i kekahi poe e noho mai nei i keia la. I wahi nae e kaulike ai ke ana o na uku hoomau, he mea pono no e kauia kekahi ana kupono, elike me ka bila i hookomoia ae e Senatoa Jarrett, e kau ana i ka nui o na makahiki o kekahi mea e nolio hana ai malalo o ke aupuni, mamua o ka loaa ana iaia o ka uku hoomau; me ka hoakaka maopopo ana i ka pakeneka o kona uku, oiai oia e noho hana ana, o ia ke ukuia mai iaia ! i uku hoomau nona. Ma ka manao o keia pepa, o ka hila a Senatoa Jarreta, maluna o ke ana o na uku hoomau, o kekahi ia o na bila i apoia ai kekahi mau mahele lehulehu i pili i na limahana ame ko lakou mau ohana, e pono ai e hooholoia.