Ka Nupepa Kuokoa, Volume LXII, Number 26, 28 June 1923 — Loaa Pono Kekahi Hana Epa Paa ke Kolohe i ka Hopuia Hoohalua i ke Ola o Kekahi Kiakaa me ka Pu Panapana Kailiia Nae Kela Pu e ke Kanaka o ke Aupuni a Noho i ke Puhi [ARTICLE]

Loaa Pono Kekahi Hana Epa Paa ke Kolohe i ka Hopuia

Hoohalua i ke Ola o Kekahi Kiakaa me ka Pu Panapana Kailiia Nae Kela Pu e ke Kanaka o ke Aupuni a Noho i ke Puhi

Ma ka po o ka Poakolu, o &a pule aku nei i hala, i loaa aku ai he kahea ma ke kelepona ia John Emmeluth, he kiakaa otomobile hoolimalima; no kona holo ana aku no kahi i hoikeia mai maloko o ke kelepona iaia; eia nae mamuli o ka manao hoohuoi i ala ae iloko o kela kiakaa, ua kii e oia i kekahi makaikiu, a holo pu aku la me ia no ka hooko ana i ke kauoha i loaa mai iaia, a o ka hopena i ikeia, o ia no ka paa ana ae o Magellan Futardo i ka hopuia, me ke kailiia ana he pu panapana mai.iaia mai. Maloko o ke kauoha ma ke kelepona, o hoakaka mai ana ka mea nana i kelepona mai, e holo aku o John Emmeluth, maluna o kona kaa otomobile no ka hokele Pleasanton, ma ka aoao ma Punahou o ke alanui, me ke kukulu ana i ke kaa ma kahi pouliuli, alaila hookani ae i ka pu o-le hoailona no elua manawa me ka malie. Ua komo ka manao hoohuoi iloko o Emmeluth, no ke ano o kela kauoha, nolaila kii e aku lr oia i ka Makaikiu Mike Swift, a holo like

aku la laua no kahi i kauohaia mai ai. I ka hoea ana nao ma kekahi wahi mamua ae o ka hiki ana aku 1 kahi e ku ai ke kaa otomobile, ua hooleleia iho la ka makaikiu ilalo, ia wa oia i komo aku ai iloko o ka pa o ka hokele, me kona ike ana aku i kekahi mea e maauhele ana iloko o ka pouli, ua hookolo nae oia mahope o kela mea ahiki i ka loaa ana iaia, eia ka o M. Futardo, a maluna o kona kino, i loaa aku ai kekahi pu panapana i piha me na poka. Ua hopuia o Futardo ma ka mahina aku nei i hala, malalo o kekahi hoopii i hookomoia ae e Emmeluth, no ka hoea me ka powa ana iaia, a lilo mai iaia aku he $35 me kekahi komolima daimana, aole nae i hoea mgā i ka hopena o kela hihia. I ka hoea ana ma ka halewai, i hoakaka ae ai o Futardo, ua makemake ka oia, e kau maluna o ke kaa o Emmeluth, a ia laua e holo ai no kekahi wahi, o kona manawa ia e ki ae ai iaia iho me ka pu panapana; aole nae he manaoioia o kela mau hoakaka e na kanaka o ke aupuni.