Ka Nupepa Kuokoa, Volume LXII, Number 29, 19 July 1923 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Kau o 1923
(Mai Ka Aoao Elima Mai)
paa mau, iloko o ka makahiki 1924, ia hapa o ia hookahi haneri tausani dala ($100,000.00) i oleloia elika me ia i hookaawaleia ma keia kanawai (aka aole e emi iho malalo o kanalima tausani dala, elika me ka mea e manaoia ana he kupono no ka uku ana aku i kekahi huina malalo o ia aelike i oleloia no ke kukulu ana, hana ana, hoomoe ana ame ka malama ana i no pono sua o Waikiki i oleloia, a, i ka hoomaka ana o ka makahiki 1925, e hookaawale ae i ke koena o ia mau dala he hookahi haneri tausani dala ($100,000.00) aole i hookaawale mua ia, no ka uku ana aku i kekahi huina i aieia malalo o ka aelike i oleloia.
Pauku 3. E mana no keia Kanawai mai a mahope aku o ka la o kona aponoia ana.
Apoina i keia la 2 o Mei, A. D. 1923.
W. R. Farrington,
Kiaaina o ke Teritore o Hawaii.
KANAWAI 194.
[B. H. HELU 402.]
HE KANAWAI
E Pili Ana I Ka Hooloihi, Hooakea, Ame Ka Hana Hou Ana i Kekahi Mau Alanui Maloko o Honolulu, Kulanakauhale Ame Kalana o Honolulu.
E Hooholoia e ka Ahaolelo o ke Teritore of Hawaii:
Pauku 1. O ka puuku o ke Kulanakauhale ame Kalana o Honolulu elike me ke kuhikuhi a ka papa o na lunakiai o ke Kualanakauhale ame Kalana o Honolulu, ma keia ke hoomanaia aku nei a ke hookulenaia aku nei e hoopuka, mai kekahi manawa a i kekahi manawa, i mau bona no ke Kulanakauhale ame Kalana o Honolulu, me na apana pepa ukupanee i hoopilipuia, no kekahi huina aole e oi aku mamua o ehiku haneri kanalima tausani dala ($750,000.00) no ka uku ana i ke Kulanakauhale ame Kalana i oleloia ma ke ano o kona hapaia no ka hooloihi, hooakea, uhaupohaku. a i ole o na hana hou e ae i ka holookoa a i ole o kekahi hapa a i ole mau hapa o ke Alanui Moiwahine Komohana mai ka huina o na Alanui Moi ame Liliha ahiki i ke Alanui Middle, a o ke Alanui Moi mai ke Alahaka maluna o ke Kahawai Nuuanu ahiki i ka palena o Moanalua-Kahauiki ma Fort Shafter, a o ia hana e hanaia, elike me ka ka papa e manao ai he kupono e hana pela. e hahai ana elike me ka helu papaia ana aku nei. O ka waiwaikumu ame ka ukupanee o ia mau bona i oleloia e ukuia no ma ke dala gula o Amerika Huipuia, a i ole o kona mea like, ma o kona ana ame kona kaumaha a maemae, elike, a ma ke kahua ame na hana i hoikeia o keia Kanawai, a i paku'i aku no na h@akaka a keia Pauku, ua hiki e hoomaluia ka hoopukaia ana o ia mea ma o na hoakaka a kekahi Kanawai i aponoia e ka Ahaolelo Nui i Aperila 30, 1900, i kapaia "He Kanawai e hoomaopopo ana i Aupuni no ke Teritore o Hawaii," ame kekahi mau hoololi i hanaia aku i lilo i mea mana i ka manawa o ia mau bona e hhoopukaia ahiki i kona apono nua ia ana e ka Peresidena o Amerika Huipuia. Oia apono ana ma ka aoao o ka Peresidena o Amerika Huipuia e lilo i hooia piha ana a na koi apau o ke kanawai ua hooko ponoia a o na @@@a i oleloia ma na ano apau ua ku i ke kanawai a ua hiki ole e kuueia.
Pauku 2. O na bona apau i hoopukaia malalo o ka mana o keia Kanawai e hookuuia no mai na auhau apau o na ano apau a o ka ukuia ana o ke kumuwaiwai ame ka ukupanee o ia mau ame Kalana o Honolulu.
mea e lilo no i auhau maluna o na loaa hui o ke Kulanakauhale
Pauku 3. O ia mau bona i oleloia e ohi ukupanee no, e ukuia i kela ame keia hapa makahiki. ma kekahi ana aole e oi aku mamua o eono pakeneka o ka makahiki hookahi, a e ukuia a e hoopauia a e ukuia aole e oi aku mamua o umi makahiki mai ka la aku o ka hoopukaia ana o ia mau mea.
Pauku 4. O na loaa apau o na bona i hoopukaia pela e hool@@@ia apau no na hana i hoopukaia ai elike me ka hoike maloko nei.
Pauku 5. Ua hiki i ka puuku o ke Kulanakauhale ame Kalana o Honolulu. me ke apono o ka papa o na lunakiai o ke Kulanakauhale ame Kalana i oleloia, hooholo i ka nunui o ia bona e hoopukaia aku ana malalo o ka mana o keia Kanawai, i kahi iloko olaila ke kumuwaiwai ame ka ukupanee o ia mau bona a i ole o kekahi o lakou e ukuia ai ame ke ano o ko lakou hoopauia ana. Ua hiki i ka puuku i oleloia i na hooponopono apau e manaoia ana he kupono no ke kuai ana o ka holookoa a i ole o kekahi hapa paha o na bona i hoomanaia ma keia Kanawai. O ia mau hoolala ana e hoomaopopo no no ke kuaiia ana o ia mau bona e ke kulanakauhale ame kalana ponoi, ma o kekahi hoolaha no ke koho ana no ia kuai ana no kekahi mau la aole e emi iho malalo o umi maloko o kekahi nupepa hololaula, i pa'iia maloko o Honolulu, aka aole kekahi bona e kuaiia no kekahi kumukuai i emi iho malalo o elua pakeneka malalo o ka waiwaikumu kupono. Mamua o ke kuaiia ana o ia mau bona. e loaa mua i ka puuku ke aponoia o ia kuai ana mai ka papa o na lunakiai mai. Na ka puuku, me ka hoolaha akea ole ia no ke kohoia mai, in a nae o ia hoko ana elike ana a i ole e oi ae ana o ka huahelu o ke kuai hope ana elike me ka hoolaha no ke kohoia ana mai.
Pauku 6. O na bona apau i hoopukaia malalo o na hoakaka o keia Kanawai e pa'ihakahakaia a i ole e pa'iia maluna o na pa'i kila, a e kakauinoaia e ka puuku ame ka meia o ke Kulanakauhale ame kalana o Honolulu, a e silaia me ke sila o ke kulanakauhale ame kalana i oleloia. O na pepa ukupanee e kau no ke pa'ihakahaka a i ole e kakau ia maluna o ke kila i like ke ano me ka pulima o ka puuku o ke kulanakauhale ame kalana i oleloia.
Pauku 7. Ina ma kahi e loaa ole ka ukuia ana mai o ke kumuwaiwai o kekahi bona i hoopukaia malalo o ka mana o keia Kanawai a i ole o kekahi ukupanee maluna o ia mau mea, ua hiki e koiia kona ohiia ana ma na ano i hoakakaia ma na Pauku 2190 ahiki i 2196 huiia, o na Kanawai i Hooponopono Houia o Hawaii. 1915.
Pauku 8. O ka papa o na lunakiai ame ka puuku o ke Kulanakauhale ame Kalana o Honolulu ma keia ke kuhikuhiia aku nei e waiho ma kekahi wahi i kela ame keia makahiki mai ka waihona hana hou paamau i na dala kupono no ka uku ana i ka ukupanee maluna o ia mau bona a e hoomaopopo i kekahi waihona hoahu no ka uku ana i ka waiwai kumu o ia mau bona.
Pauku 9. E mana no keia Kanawai mai a mahope aku o ka lo o kona aponoia ana.
Aponoia i keia la 2 o Mei, A .D. 1923.
W. R. FARRINGTON,
Kiaaina o ke Teritore o Hawaii.
KANAWAI 195.
[B. H. HELU 417.]
HE KANAWAI
E Hoomaopopo Ana I ke Ano o ka Helu Ana I na Auhau o na Waiwai Hooilina e Pili Ana i na Waiwai o na Hooilina e Noho Ole Ana Maanei, e Hoololi Ana i ka Mokuna 96 o na Kanawai i Hooponopono Houia o Hawaii, 1915.
E hoohloia e ka Ahaolelo o ke Teritore o Hawaii:
"Pauku 1. O ka Mokuna 96 o na Kanawai i Hooponopono Houia o Hawaii, 1915, eia ma keia ke hoololiia nei ma o ka paku'i ana aku i pauku hou e ikeia ma ke ano o ka Pauku 1333A a e heluhelu ana penei :
"Pauku 1333A. Na waiwai i loaa ole na kahu malama o na hooilina e noho ole ana maanei nei.
(1) I ka manawa e loaa ole ai kekahi kahu malama waiwai no ka waiwai o kekahi hooilina e noho ole ana maanei nei iloko o keia teritore, e lilo no i mea ku i ke kanawai no ka aha kaapuni e noho ana moloko o ke keena maloko o kekahi mahele kaapuni maloko o keia teritore iloko olaila kekahi waiwai, ina paha he waiwai paa a i ole waiwai lewa paha, e noho ona ia ana e na hooilina e waiho ana, e hoopaa a e hoomaopopo i ka auhau hooilina, ina he mea kekahi, i aieia i ke teritore, a i ole ma o kekahi hope kupono oia poe hooilina in a paha ma ke kino a i ole ma o kekahi ahahui iloko olaila he mau mahele kekahi i onaia e ka mea make.
(2) Ina e hele mai ana kekahi palapala noi o ia ano me kekahi hoike o na mea ike apau e pili ana ia waiwai i aelikeia mawaena o ka mea noi ame ka puuku o ke teritore, ua hiki e hooloheia ka palapala noi a e hoomaopopoia e ka aha maluna o ia mau ike i aelikeia ; a i ole ia o ia palapala noi aole e waihoia aku ana maluna o ia hoike o ka aelike o na ike a ua hanaia mai e kekahi mea mawaho ae o ka puuku o ke teritore ua hiki no e hooleheia mahope o kekahi hoolaha i kakauia o ia mea i waihoia aku i ka puukuo ke teritore iloko o na la aole e emi iho malalo o umi mamua o ka la o ka hooleheia ana ; a i ole in a ua hanaia mai ia palapala noi e ka puuku me ka loaa ole o kekahi aelike no na ike ua hiki no e hooloheia mahope o ka hoolaha i haawiia ia poe a i ole iloko o ia ano elika me ka ka aha e hoomaopopo aku ai. Ma na mea apau ua hiki i ka aha ma kona noonoo ana ua kupono e koi aku i ka ike e laweia a oi aku mamua o na mea i aelikeia a i ole i loaa i na aoao i komo mai iloko o ia mea a i ole o ka mea e manaoia ana ua lilo i mea ano nui no ka hihia.
(3) O na lilo o kekahu palapala noi malalo o keia pauku e heluia aku no e ka aha a e ukuia mailoko ae o (a i ole ma o kekahi mea i ku hope no ia mea) ka waiwai.
(4) Aole kekahi mea maloko o keia pauku e laweia ma ke ano e hooloihi aku a i ole e hoomana ana i ka hoomaopopoia ana o na pono ma ke kanawai o kekahi mea maloko a i ole i ka waiwai o ia mea make, ma ke ano on a, mea aie a i ole ano e ae paha ,a i ole e hoomana ana i kekahi mahele ana o ka waiwai oia mea make.
Pauku 2. E mana no keia Kanawai i kona aponoia ana, Aponoia i keia la 2 o Mei, A. D. 1923
W. R. FARRINGTON
Kiaaina o ke Teritore o Hawaii.
KANAWAI 196.
[B. H. HELU 424.]
HE KANAWAI
E Hooholoia e ka Ahaolelo o ke Teritore o Hawaii:
E Hoololi Ana i ka Mokuna 178 o na Kanawai i Hooponopono Houia o Hawaii, 1915, Elike me Ia i Hooliloia, e Pili Ana i ka Hoopaa Ana o ka Aina.
Pauku 1. O ka Pauku 3176 o ka Mokuna 178 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
"Pauku 3176. Pani ana, hookahi palapala hooia no ka lehulehu, a lehulehu no hookahi. O ka on a i hoopaaia e paa ana hookahi kope o ka palapala hoohikiia no kekahi mau apana lehulehu ka aha, a e loaa aku na palapala hooia no kekahi hapa o ia mea. i maopopo o na aina ua hiki e hoihoi mai ia mea, me ke apono o O ka ona i hoopaaia e paa ana i kekahi kope kaokoa o na palapala hooia no elua a i ole oi aku na pana aina i maopopo lea, i pili mai, a i ole ua pili loa mai (oiai nae ua kaawale ma o kekahi alanui a i ole alahele a i ole apana aina okoa aku) e lilo ai i hookahi apana aina no na hana i manaoia, ua hiki e hoihoi aku ia palapala hooia, a, me ke apono likeia ana a mamuli o kekahi olelo hooholo a ka aha, e loaa mai he hookahi palapala kumu ame kope o ka hooia no ka mea holookoa, a i ole kekahi palapala hooia kaokoa no na hapa mahele o ia mea, i hoopukaia ma kahi o na palapala hooia i hoihoiia mai ;aka nea, in a o kekahi mea a i ole mau mea mawaho ae o ka ona i hoopaaia e ikeia ana ua loaa kekahi kuleana iloko o kekahi hapa o ka aina i manaoia e hoohuiia, a i ole i kekahi alanui e holo ana mawaena, kahawai a i ole apana aina elike me ia i oleloia ae nei, aole ka aha e hoolohe ia palapala noi no ka hoohui ana koe wale no oia mea okoa a i ole mau mea paha e hui mai ana me ka on a maloko o ia palapala noi, e kakauinoa ana a e hooia ana ia mea elike me na mea i hoakakaia no na palapala noi kumu ,a i ole in a o ia mea, a i ole mau mea ina aole i hui maloko o ia palapala noi e haawimua ia aku kekahi hoolaha o ia mea a e loaa he manawa kupono no ka hooloheia elike me ia e kauohaia aku ana e ka aha. O kekahi mea e noi mai ana e hui i elua a i ole oi aku na apana aina, a i ole e mahele i kekahi aina i hoopaaia, e waiho aku me ka aha aina i kekahi palapala noi no ia mea, i huipuia me kekahi palapala aina a i ole kii e hoike ana i na hoohui ana i manaoia a i ole hapa mahele paha ame na kaha maluna o ia mea i na palena apau, na alanui, no alaliilii ame na mea e ae i pili ia mea, a na ka aha, mamua o ke apono ana ia mea, a e hoomana ana i ka hoopukaia ana o kekahi palapala hooia a i ole mau palapala hooia no ia mea, a kauoha aku no e hooia ia e ke anaaina o ke teritore a e lawa ka ike ana o ia mea ua pololei ka hoikeiaana mai."
Pauku 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 197.
[B. S. HELU 32.]
HE KANAWAI
No ke Kukulu Ana i Kekahi Alanui Home Hookuonoono Maloko Aku o na Apana Home Hookuonoono Mauka o Waiohuli ame Keokea, Apana o Makawao, Kalana o Maui, ma ke Ano he Haawi Mua Mailoko Ae o na Loaa Laula o ke Teritore Hawaii Mua Mailoko Ae o na Loaa Laula o Ke Teritore o Hawaii, a o Ia Mea e Hoihoi Houia Aku Mailoko Ae o na Loaa o ke Kuaiia Ana Aku o na Aina Aupuni o Maui.
E hoohloia e ka Ahaolelo o ke Teritore o Hawaii:
Pauku 1. O ka huina o eiwa kaukani dala ($9,000.00) a i ole elike ka nui o ia mea elike me ka mea e makemakeia ana ma keia ke hookaawaleia nei mailoko ae o na dala maloko o ka Waihona Puuku o ke Teritore o Hawaii aole i hookaawale mua ia, e hooliloia ma ke ano he haawi mua no ke kukulu ame ka hana ana o na alalnui o na apana aina home hookuonoono o Keokea mauka ame Waiohuli, Apana o Makawao, Kalana o Maui.
Pauku 2. O ka huina i oleloia o eiwa tausani dala ($9,000.00) a i ole o kekahi mea i manaoia ua lawa, i hookaawaleia ma keia, o hooliloia aku no maluna o na kikoo dala i hoopukaia e ka lunahooia i hookahuaia maluna o na kikoo aie i aponoia e ke komisina o na aina aupuni nana e kukulu i keia mau alanui i oleloia, ma o kekahi aelike me ke Kalana o Maui elike me ia i hoakakaia e ke kanawai ; a o ka huina i hooliloia e manaoia he haawi mua mailoko ae o na loaa laula a e hoihoi houia iloko o na loaa laula mailoko ae o na loaa o ke kuaiia ana o na aina apuuni, o Maui, ke loaa mai ma keia hope ku.
Pauku 3. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 198.
[B. S. HELU 58.]
HE KANAWAI
E Hookaawale Ana i Iwakalu Tausani Dala ($20.000.00) no ku Kukulu Ana i Alanui Maloko Aku o na Home Hookuonoono o Kaapahu ame Paauilo, Maloko o ka Apana o Hamakua, Kalana o Hawaii.
E Hoohloia e ka Ahaolelo o ke Teritore o Hawaii:
Pauku 1. O ka huina o iwakalua tausani dala ($20,000.00) eia ma keia ke hookaawaleia nei no ka ukuia ana mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ana i alanui maloko aku o na home hookuonoono o Kaapahu ame Paauilo, maloko o ka Apana o Hamakua, Kalana o Hawaii.
Pauku 2. O ka huina i oleloia o iwakalua tausani dala ($20,000.00) i hookaawaleia ma keia e hooliloia aku no maluna o na hihoo dala i hoopukaia e ka lunahooia i hookahuaia maluna o na kikoo aie i aponoia e ke komisina o na aina aupuni elike me ka hoakaka a ke kanawai no ke kukuluia ana o na alanui home hookuonoono. Na ke komisina o na aina aupuni e hana aelike no ke kukulu ana i ke alanui i oleloia, aka ma na ano apau e hana aelike no kekahi huina i oi aku maluna o ka huina o iwakalua tausani dala ($20,000.00).
Pauku 3. O ka huina i hookaawaleia malalo o keia Kanawai e loaa aku no a e hoomaka ke kukuluia ana o ke alanui i oleloia elike ka hikiwawe me ka hanaia ana o ka aelike i hoakakaia maloko nei.
Pauku 4. O ka huina i hookaawaleia maloko nei e uku hou ia aku no i ka waihona puuku o ke Teritore o Hawaii mai na loaa ae o ke kuaiia ana o na aina aupuni maluna o ka Mokupuni o Hawaii.
Pauku 5. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 199.
[B. S. HELU 129.]
HE KANAWAI
E Hana Ana i Haawina no ke Kukulu 'Ana i na Alanui Maloko Aku o na Apana Aina Kukulu Home o Kekaha, ma Kekaha, Apana o Waimea, Kalana o Kauai.
E Hooholoia e ka Ahaolelo o ke Teritore o Hawaii:
Pauku 1. O ka huina o umi tausani dala ($10,000.00) ma keia ke hookaawaleia nei mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ana i mau alanui maloko aku o na Apana Aina Kukulu Home o Kekaha i haawiia mai malalo o na pono hoolilo maloko o ka Apana o Waimea, Kalana o Kauai.
Pauku 2. O ka huina i oleloia o umi tausani dala ($10,000.00) i hookaawaleia ma keia e hooliloia aku no maluna o na palapala kikoo dala i kakauia e ka lunahooia i hookahuaia maluna o na kikoo aie i aponoia e ke komisina o na aina aupuni iaia ka hoomalu ana o na hana kukulu o na alanui i oleloia ; aka nae, na ke komisina o na aina aupuni e hana aelike no ke kukulu ana i na alanui i oleloia, aka ma na ano apau aole e hana aelike aku no kekahi i huina i oi aku maluna o ka huina o umi tausani dala ($10,000.00).
Pauku 3. O ka huina i hookaawaleia ma keia malalo o keia kanawai e loaa ana a e hoomaka ke kukulu ana o na alanui i oleloia elike ka hikiwawe me ka hanaia ana o ka aelike i hoakakaia maloko nei.
Pauku 4. O ka huina i hookaawaleia ma keia e hoihoi houia aku no iloko o ka waihona puuku o ke Teritore o Hawaii nei na loaa mai o ke kuaiia ana aku o na aina aupuni maluna o ka Mokupuni o Kauai.
Pauku 5. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 200.
[B. S. HELU 136.]
HE KANAWAI
E Hookaawale Ana ma ke Ano Uku Mua i ka Huina o Kanalima Tausani Dala no ke Kukulu Ana i na Alanui Iloko o na Hapa Mahele Apana Aina Hale Hou o Waiakea, Hilo, Hawaii.
E Hooloia e ka Ahaolelo o ke Teritore o Hawaii:
Pauku 1. O ka huina o kanalima tausani dala ($50,000.00) ma keia ke hookaawaleia nei mailoko ae o na dala maloko o ka waihona puuku o ke Teritore, aole i hookaawale e ia, no ke kukulu ana i na alanui iloko o na hapa mahele o na Apana Aina Home Hou o Waiakea, e waiho la mauka o ke Alanui Kilauea, mawaena o ka Pa Kula o Piopio ame na hapa mahele Apana Aina Home Hookuonoono o Waiakea, Hilo, Hawaii.
Pauku 2. O ka huina i hookaawaleia ma keia o hooliloia aku no maluna o na kikoo dala i hoopukaia e ka luna hooia, i hookahuaia maluna o na kikoo aie iaponoia e ke komisina o na aina aupuni, iaia ka hoomalu o ke kukuluia ana o na alanui i oleloia.
Pauku 3. O ka huina i oleloia o kanalima tausani dala ($50,000.00) a i ole o kekahi huina e lawa kupono ai ke hooliloia, e hoihoi hou ia iloko o ka waihona laula o ka waihona puuku o ke Teritore mai na loaa ae o ka hooliloia ana o na apana aina iloko o ka apana i hoikeia ae nei.
Pauku 4. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 201.
[B. H. HELU 198.]
HE KANAWAI
E Hana Ana i Haawina no ke Kukulu Ana i na Hana Lawe Wai no na Apana Aina Pili Kahakai o Waiohule-Keokea, Kalana o Maui, e Haawi Ana Ia Mea ma ke Ano Haawi Mua Mai na Loaa Laula Ae o ke Teritore.
E Hooholoia e ka Ahaolelo o ke Teritore o Hawaii:
Pauku 1. O ka huina eono tausani dal a($6,000.00) ma keia ke hookaawaleia nei a e ukuia aku mailoko ae o na dala maloko o ka waihona puuku o ke Teritore o Hawaii, aole i hookaawale mua ia no na pono lawe wai no na Apana Aina Pili Kahakai o Waiohule-Keokea, Kalana o Maui, Teritore o Hawaii.
Pauku 2. O ka huina i oleloia o eono tausani dala ($6,000.00) i hookaawaleia ma keia e hooliloia aku no maluna o na kikoo dala i hoopukaia e ka lunahooia i hookahuaia maluna o na kikoo aie i aponoia e ke komisina o na aina aupuni elike me ka hoakaka a ke kanawai no ke kukulu ana o na alanui home hookuonoono.
Pauku 3. Na ke komisina o na aina aupuni e hana aelike no keia hana ma kekahi huina aole e oi aku mamua o eono tausani dala ($6,000.00). O keia huina i hookaawaleia maloko nei e loaa koke no i ke kakauinoaia ana o ka aelike. O ka huina i hookaawaleia a i ole o kekahi huina o ia e hooliloia ana e hoiho ihouia aku iloko o ka waihona puuku o ke Teritore o Hawaii mai na loaa ae o ke kuai ia ana o na aina aupuni maloko o ke Kalana o Maui.
Pauku 4. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 202.
[B. H. HELU 260.]
HE KANAWAI
E Hana Ana i Haawina ma ke Ano Haawi Mua Mailoko Ae o na Loaa Laula o ke Teritore o Hawaii no ke Kukulu Ana i Kekahi Alanui Maloko Aku o na Home Hookuonoono o Kaluapuhi-Waikalua, Koolaupoko, Oahu.
E Hooholoia e ka Ahaolelo o ke Teritore o Hawaii:
Pauku 1. O ka huina o elima tausani dala ($5,000.00) ma keia ke hookaawaleia nei, e ukuia mailoko ae o na dala maloko o ka waihona puuku o ke Teritore o Hawaii aole i hookaawale mua ia, no ke kukulu ana ame (a i ole) uhaupohaku ana no kekahi alanui mai ke Alaloa Kamehameha aku a e holo ana maloko, elike me ka hiki i na dala ka hoohana, Pauku "C" o na home hookuonoono o Kaluapuhi-Waikalua, Apana o Koolaupoko, Kulanakauhale ame Kalana o Honolulu.
Pauku 2. O ka huina i oleloia o elima tausani dala ($5,000.00) e hooliloia aku no maluna o na kikoo dala i hoopukaia e ka luni hooia, i hookahuaia maluna o na kikoo aie i aponoia e ke komisina o na aina aupuni, iaia ka hoomalu o ke kukuluia ana o ke alanui i oleloia ; aka nae, ua hiki i ke komisina o na aina aupuni ke hana aelike me ka papa lunakiai o ke Kulanakauhale ame Kalana o Honolulu no ke kukuluia ana o ke alnaui i oleloia, ma kona lilo, elike me na hoakaka a ke Kanawai 6, o na Kanawai o ke Kau Kuikawa o 1918.
Pauku 3. O ka huina i hookaawaleia ma keia malalo o keia Kanawai e loaa no, a e hoomaka ke kukuluia ana o ke alanui i oleloia elike ka hikiwawe me ka hookoia ana o na hoakaka maloko nei.
Pauku 4. O ka huina i oleloia o elima tausani dala ($5,000.00) i hookaawaleia maloko nei a i ole o kekahi huina nui kupono e hooliloia ana, e hoihoiia aku no iloko o ka waihona laula o ka waihona puuku o ke Teritore mai na loaa ae o ke kuaiia ana o na aina aupuni maluna o ka Mokupuni o Oahu.
Pauku 5. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 203.
[B. H. HELU 233.]
HE KANAWAI
E Hana Ana i Haawina o Umi-kumamalima Tausani Dala ($15,000.00) ma ke Ano Haawi Mua Mai na Loaa Laula Ae o ke Teritore no ke Kukulu Ana i na Alanui Iloko o na Home Hookuonoono o Lualualei, Apana o Waianae, Kulanakauhale ame Kalana o Honolulu, a o Ia Mea e Hoihoi Hou Ia Aku Mai na Loaa o ke Kuaiia Ana o na Aina Aupuni Maluna o ka Mokupuni o Oahu.
E Hooholoia e ka Ahaolelo o ke Teritore o Hawaii:
Pauku 1. O ka huina o umi-kumamalima tausani dala ($15,000.00) ma keia ke hookaawaleia nei e ukuia aku mailoko ae o na dala maloko oka waihona puuku o ke Teritore o Hawaii, aole i hookaawale mua ia, no ke kukulu ana i na alanui maloko o na Home Hookuonoono o Lualualei, Apana o Waianae, Kulanakauhale ame Kalana o Honolulu.
Pauku 2. O ka huina i oleloia o umi-kumamalima tausani dala ($15,000.00) i hookaawaleia ma keia e hooliloia aku no maluna o na kikoo dala i hoopukaia e ka lunahooia i hookahuaia maluna o na kikoo aie i aponoia e ke komisina o na aina aupuni elike me ka hoomaopopo a ke kanawai no ke kukulu ana i na alanui home hookuonoono. Na ke komisina o na aina aupuni e hana aelike no ke kukulu ana i na alanui i oleloia, ana ma na ano apau aole no kekahi huina i oi aku mamua o ka huina o umi-kumamalima tausani dala ($15,000.00).
Pauku 3. O ka huina i hookaawaleia ma keia malalo o keia Kanawai e loaa no a e hoomaka ke kukuluia ana o na alanui i oleloia elike ka hikiwawe me ka hookoia ana i ka aelike i hoakakaia maloko nei.
Pauku 4. O ka huina i hookaawaleia maloko nei e hoihoi houia aku no iloko o ka waihona puuku o ke Teritore o Hawaii mai na loaa mai o ke kuaiia ana o na aina aupuni maluna o ka
Pauku 5. E mana no keia Kanawai i kona aponoia ana. Mokupuni o Oahu.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 204.
[B. H. HELU 383.]
HE KANAWAI
E Uku Aku Ana Ia J. B. Agassiz no na Pono i Loaa Iaia Mamuli o ka Hooko Ana i na Koi a Kekahi Aelike i Hanaia e Ia me ka Papa Komisina o ke Awa o ke Teritore o Hawaii no ke Kukulu Ana i Kekahi Uwapo ma Hana, Kalana o Maui.
E Hooholoia e ka Ahaolelo o ke Teritore o Hawaii:
Pauku 1. O ka Puuku o ke Teritore o Hawaii ma keia ke hoomanaia aku nei a ke kuhikuhiia aku nei e uku, maluna o kekahi kikoo dala i hoopukaia e ka lunahooia o ke Teritore i ka huina o eono tausani ewalu haneri me kanahiku-kumamaiwa me 20-100 dala ($6,879.20) ia J. B. Agassiz no ka uku ana aku ia J. B. Agassiz i oleloia no na poho i loaa iaia mamuli o kona hooko ana i na koi o kela aelike i hanaia e ia me ka papa komisina awa o ke Teritore o Hawaii, i Mei 7, 1919, no ke kukulu ana i kekahi uwapo konokilika i kokuaia e na hao ma Hana, Kalana o Maui, Teritore o Hawaii, o ka huina i oleloia o eono tausani ewalu haneri me kanahiku-kumamaiwa me 20-100 dala ($6,879.20) o ia no ka paku'i i ka huina i hookaawale muaia ma ke Kanawai 166 o na Kanawai o ke Kau 1921.
Pauku 2. I ka loaa ana mai o ia uku ana ma o ke Teritore o Hawaii, o J. B. Agassiz i oleloia e koiia aku oia e hookuu mai i oleloia.
Pauku 3. E mana no keia Kanawai mai ka la aku o kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.