Ka Nupepa Kuokoa, Volume LXII, Number 36, 6 September 1923 — Nuhou Kuwaho [ARTICLE]

Nuhou Kuwaho

SHONGHAI, Aug. 30.—Ua kiia a make o W. A. Whiteside ame F. J. Watt, he mau mikanele Pelekane e na Pake powa ma ka la 14 o Augate, oiai laua e kaahele ana maloko o ka okana aina o Szechwan, i kulike me ka hoakaka a kekahi leka o ka loaa ana mai ianei i keia la mai Mienehow mai. DU.ESSELDORF, Aug. 30.—Ua haoia me ka limaikaika e na koa Palani e noho nei maanei i keia la 1,300,000,000,000 Marks mailoko mai 0 ka halepa'i nupepa maanei. O keia ka huina nui loa i lawe limanui ia mai ka manawa mai o na koa Palani i komo mai ai a noho maanei. OTTAWA, Aug. 30.—Ua kauoha mai nei ke aupuni o Kina ia Dr. Chi Lien-tsu, ke Kanikela-kenerala 1 Kanada nei, e hoi aku, ma ke ano he hoohalahala no ke aponoia ana o ke kanawai e k;u-e ana i ka hookomo hou ana mai i na Pake ianei, elike me ka moolelo i paiia maloko o ka nupepa Ottawa Journal o kein la. LADANA, Aug. 30.—Ua hanaia a paa e kekahi hui a ka poe hana pu kekahi pukaa hou loa, ma ke ano 0 ke kaa e lawe ana i ka pu (t^nk) 1 hiki ke huki i kekahi mau kaa e kau ana o na pu kuniahi i ka wa kaua a he pukaa no hoi i hiki ke hoohana iaia iho i ka manawa kaua. Ua hookauia he mau pu kuniahi iluna o ia kaa, he papu kona me kekahi wahi i hookaawaieia a maloko olaila he mau pu i hiki ke kiia a oi aku ka mamao loa o kahi o ka poka e lele ai mamua o na pu i hooikau ia maluna o na kaa i hanaia I ai namua.