Ka Nupepa Kuokoa, Volume LXII, Number 46, 15 November 1923 — LOAA PONO KA PIKO PAUIOLE. [ARTICLE]

LOAA PONO KA PIKO PAUIOLE.

Elike no ka hoi me ka olelo "o ka ilio ipaoa ka waha i ka ai huamon." aohe wa e pau ai, pela ke ano i ikeia no kekahi paahao, i hookuuia mai nona ka inoa o Antone Pinto, no ka mea ma ka hapalua o ka hora eono o ke ahiahi o ka Poakal.i iho nei, i loaa pono aku ai oia e ku-ekaa ana ialoko o ka rumi o W. G. Pilner ame Jack Rosamond maloko o ka hokele Colonial, a paaia e kela mau kanaka, ahiki i ka lioea ana aku 0 ka Makai Carreira. He paahao o Pinto, i hookuuia mailoko mai o ka halepaahao, me ka pau ole o kona mau makahiki hoopaahao, no ka hewa aihue, o ko kumu wale no o kela hookuuia ana mai, mamuli 'o kona malama maikai 1 na rula o ka halepaahao, me ka lawelawe hou ole nae i kekahi liana karaima; a iaia i aihue hou ai, e konoia ana oia e hana aku i kona hoopa'i, o elima makahiki ka haahaa, a ho iwakalua makahiki ke kiekie. * I ka wa i hoi aku ai o na kannka elua no laua ka rumi hoolimalima maloko o ka hokeie, ua loaa pono aku la ia laua o Pinto, e huli ana ialoko o ka pahuume, ia wa i paa koke aku ai oia i ka honuin. ua noke ke kolohe i ke kupaka, i wahi e hemo ai oia, aole nae he hemo iki, ua lilo oia i pio na kela m&u kanaka, a hoounaia mai la ke kauoha i ka halawai, no ka lioouna ana aku i kekahk makai. O ka Makai Carreira ka i hoounaia aku, no ka hoihoi ana mai i ka lawehala no ka halewai. He kaa otomobile ko Pinto o ka hele ana e lawelawe i kana hana aihue ma kela po, me ka lawe pu ana i kana keikiVino o ehiku makahiki, a hoonoho i 'ke keiki iluna o ke kaa ma ke alanui Kukui me Papu. Ua hoihoi mua ka makai i ke keiki uuku a noho ma kona home, alaila hoihoi loa ae la i ka lawehala no ka halewai. He ewalu makahiki ae nei i bala, ua hopuia o Pinto, a ahewaia no ka aihue, me kona ae okoa ana i kona aihue ana ma na wahi like ole o keia kulanakauhale, a o ka nui j o kana mau waiwai i aihue ai, o ia na lole o na wahine.