Ka Nupepa Kuokoa, Volume LXIII, Number 11, 13 March 1924 — NA ANOAI O KAUALILILEHUA O PALOLO. [ARTICLE]

NA ANOAI O KAUALILILEHUA O PALOLO.

E ka Nupopa Kuokoa; Aloha oe: —E oluolu m&i kou kapena, e hookomo iha i keia mau hunahuna meahou o Kaualililehua o Palolo neij a na kou ahonui hoi ia e hii hele ae ma na kauaulu o ko kaua mau mokupuni, mai ka hiki ana a ka la, a ka welona a ka la i ka mole olu o Lehua; o ia iho keia malalo nei: Hana Kula Sabati. Eia ke nee mua nei na hana o ka pono o ko ke Akua aupuni, ma Palolo nei, malalo o ke alakai ana a ko makou makua oluolu, Mr. Mahoe, e paipai, a e hoolanalana ana i ka manao o na hoahanau, e ala, a e hopn, a auamo i ke ke'a o Kri«to, a he mea olaio, ua ala mai na hoahanau me ka lokahi, & ke ike aku nei au, ke naue ae nei na makuakane, anē na makuahine, hui pu iho hoi me na opio ame na pokii, e alakaiia ana e Mrs. King, hele loa, i ka nani na hana pono ma keia awawa. Aole keia o ka manawa mua o ka hanaia ana o na hana pono ma keia awawa; he nui no na wa i hooneeia ai imua, aka, elike no me na kokoia 0 ke au o ka manawa, aia no he mau kuia ma ke alahele, no ko ke Akua aupuni lani; aka, ma ko 'u manaoio ma keia hoonee hope ana, ua kukulaia iho ia maluna o ka pohaku paa, aole hoi maluna o ke one hehee; a e ikeia peiiei: Makua alakai Mr. Mahoe, Joseph K. Kapono, Pres. Kula Sabati, aohe hope, Mrs. Mary Kamakau, Jr., puuku; Mra. Magaret lao, kakauolelo hoopaa moolelo; Jos. lao, komite ohi dala iwaena o na hoahanau i hiki mai i ka haiawai; Mrs. Joe Kirig, alakai himeni, ma ka olelo Hawaii, Mr. Kekapa, alakai himeni ma ka olelo Beritania. O keia kekahi o na opio oluolu, a he makua maoli no na opio ame na pokii o Palolo nei, a ua haawi aleu au, a o makou no apau o keia wahi, 1 na mahalo ana iaia ma kona ano he kumukula no na opio. O ka mea nae i nani loa ai, mamuli o ka ae maikai ana mai o keia kumukula, i kekahi rumi nui oloko o ka halekula, e noho ai ka halawai a na hoahanau, pela iho la i nele loa ai i ka u'i, a oiai, mamua aku nei, iloko no o na home e malamaia ai na halawai Poaha, ame Sabati. Nolaila, eia hoi ka'u wahi kau leo ia oukou, e na haipule iloko o Kristo e hoomau i ka hana maikai imua loa no ka pomaikai lani o ko kakou mau uhane. Puanuanu Keia Mau La. He oi aku a ka puanuanu o keia mau Ja, ke hoi hou mai nei elike me na la i hala aku la, ke pa mai nei ka makani mai ke kukulu hema mai, e lawe mai ana i ka ua ame ka makani hu'ihu'i pu, e pupue ai oo iloko o ka huluhulu moe kehau a o Palolo aole no. Milolii. Ka Wili Pohaku o Palolo Nei. Eia ka wili pohaku o Palolo nei, ke hana nei i ka po a i ke ao, e nau ana, a e hoolilo ana ! ka paakiki o ka pohaku, i mea ole mamua o kona a-lahele, neia hana imi dala ame gula a ka haole, a'u e olelo ae nei ,ke hu nel ke guia nmo ke dala ma Palolo, aole mai mua mai o ko'u noho ana ma keia wahi, no iwakalua makahiki keia, a akahi wale no i keia mau la hope e nee nei. tTa lawa ae la au maanei, na pau loa ae la no na wahi anoal o ua uka iuiu nei o Palolo, Me oe e Mr. Lunahooponopono opio ko'u aloha nui, ame kou mau keiki hoonohohua kepau ko'u welina p^uole. Ko ioukou no a mau, J SAM P. KĪPANO, 10 Are Palolo, Feb. 25, 3924 -+*+-•