Ka Nupepa Kuokoa, Volume LXIV, Number 36, 3 September 1925 — KA HOIKEIKE FEA TERITORE. [ARTICLE]

KA HOIKEIKE FEA TERITORE.

Ua hoea hou mai nei kakou, i ka malamaia ana o ka hoikeike fea o ke teritore mawaho ae nei o ke kahua hoikeike fca 0 ke aupuni ma ke alanui Kapahulu, no ka elua o ka makahiki ma ka Poakahi aku la; a e malama mau ia ana na hana hoikeike ahiki i ka la eiwa o keia mahina. Me he mea la, i ka nana aku i ke kulana o ka hoikeike fea 1 keia makahiki, ua pii ae kona kulana ma na ano lehulehu, i ko ka makahiki aku nei i hala; a ina pela mau iho la ka malamaia o ka hoikeike fea i kela ame keia makahiki ma keia mua aku, he mea maopopo loa, e pii mau ae ana, na anuu iluna, aole ma ka nui o na mea hoikeike, aka o ka nani pu kekahi. O ka poe i ike, a i kamaaina, i na hoikeike fea i malama mau ia ma Amerika ma ka lakou olelo, oiai ua oi aku ka nui o na hoikeike ma kekahi mau wahi e ae, i ko Hawaii nei hoikeike, eia nae, aole no i kaokoa ae na mea i hoikeikeia ma ia mau wahi, mamua o koonei nei, a ua haaheo no o Hawaii nei, no ka hiki ana iaia, ke kukulu mai imua o ke akea, i na mahele lehulehu, Q na mea e hanaia nei maanei, a e loaa ai 'no ma Hawaii nei. O ka manao nui, o ka malama ana i ka hoikeike fea, no ka hoakoakoa ana mai ia i na mehele like ole o kela ame keia waiwai i hoouluia, a i hanaia paha iloko nei o ka aina, ā ma ko kakou ike ana aku ia mau waiwai, e hoohoihoiia mai ai ko kakou mau manao, e komo aku iloko o kekahi mau oihana imi pomaikai, a iloko no hoi o ia manawa hookahi, e hoolahaia ae ana, na oihana a ka poe mua, i komo kino iloko o na oihana lehulehu, ka mea i loaa mua ole ka ike, i ka lehulehu no ia mau oihana mamua aku nei. Nolaila e ike mai kakou, aia he mau alahele lehulehu, i hoopomaikaiia mai ai na makaainana, ma ka hana hoikeike fea; ina ia aole i holo pololei aku i kekahi mea ma ke ano pili kahi, aka ua pahola like aku ia ma ke ano laula maluna o ka lehulehu o ka poe e noho ana ma Hawaii nei. O ka poe he mau hana hoikeike ka lakou, he mau hana imi pomaikai palia, maloko o ke kahua hoikeike, o lakou ka poe maopopo loa o ka ohi i kekahi mau pomaikai mamuli o keia hana, eia nae aole no i hooneleia aku ka lehulehu o na makaainana i \ekahi mau pomaikai, no ka mea ua hoohauoliia no ko lakou manao, ma na mea a ko lakou mau maka i ike ai, iloko o keia niau la.