Ka Nupepa Kuokoa, Volume LXV, Number 28, 15 July 1926 — KA AHAELELE HANA KAHUAHANA REPUBALIKA [ARTICLE]

KA AHAELELE HANA KAHUAHANA REPUBALIKA

Ma ka Poakahi iho nei, i noho ae ai ka ahaelele hana kahuahana kalaiaina a ka aoao Repubalika; ua koho hou ia na ko* mite ame na alakai, o kela aoao kalaiaina, no keia mau makahiki elua e hoea mai ana. Me na mea oiaio e ku nei i keia manawa, aole i hoohakalia iho na alakai o kela aoao, i ke kukala ana ae, ma o ke kahuahana la, i aponoia no ke kulana holomua o ka hookele aupuni ana ma Hawaii nei, malalo o Kiaaina Farrington, a pela hoi ke kulana holomua o ke aupuni o Amerika malalo o kā noho aiakai ana a ka Peresidena Calvin Coolidg*. Me na oihana mikiala iloko nei o ka aina, o' ia ka oihana kanu-ko ame ka oihana kanu halakahiki, aole he moa a ka aoao Repubalika, e hopohopo iho ai, ma ke kuhikuhi ana aku 1 ke kulana o ka aoao Repubalika maluna o keia mau oihana, pela me ka hoao ana o ka aoao Demokarata e hooholoia he mau hooponopono ahaolelo, e hoopilikia mai ana i keia mau oihana ano nui iloko nei o ka aina. O ka auhau dute ma'luna o ke kopaa o Hawaii nei, o ka mea fa i hoopakeleia ai ka oihana kopaa o kei teriatore; a no ka pono ame ka palekana o keia oihana, ame ka oihana. kanu halakahiki, e lilo i mea na na makaainana o keia teritore, e hoomaikai mau ai, no ke ku mau ana o ka aoao Repubalika, ma ka aoao e hoopakele ana i keia mau oihana. Me-na hoopakele kupono ana i keia mau oihana ano nui iloko nei o ka aina, na oihana na laua e hoowaiWai nei i ka aina, e mau aku auanei ko kakou ike ana i ke kulana holomua 0 ko kakou hookele aupuni 'ana; nolaila me na hoike oiaio a maopopo loa, no ka makee mau o ,ka aoao Repubalika i ka holomua, aia na kumu maikai apau, ma ka aoao o na mana koho, e ku aku ai mahope o keia aoao, a haawi aku i na kakoo piha ana, no na alahele apau, e mau aku ai ko kakou ike ana 1 ka holomua.